RCBಗೆ ಬೇಕು ಫಾರಿನ್ ವೆಪನ್ – ಫಸ್ಟ್ ರೌಂಡ್ ಹರಾಜಿನಲ್ಲೇ ಬಿಗ್ ಸ್ಟಾರ್ಸ್
₹16 ಕೋಟಿ ಬ್ಯಾಲೆನ್ಸ್.. ಯಾರಿಗೆಷ್ಟು?

2026ರ ಐಪಿಎಲ್​ಗೆ ಸಜ್ಜಾಗ್ತಿರೋ ಫ್ರಾಂಚೈಸಿಗಳು ಡಿಸೆಂಬರ್ 16ರಂದು ಅಬುದಾಬಿಯಲ್ಲಿ ನಡೆಯಲಿರುವ ಮಿನಿ ಆಕ್ಷನ್​​ನಲ್ಲಿ ಆಟಗಾರರನ್ನ ಖರೀದಿ ಮಾಡಲಿದ್ದಾರೆ. ಬಿಸಿಸಿಐ ಅಂತಿಮ ಪಟ್ಟಿಯ ಪ್ರಕಾರ 350 ಕ್ರಿಕೆಟಿಗರು ಮಾತ್ರ ಬಿಡ್ಡಿಂಗ್‌ಗೆ ಸಿದ್ಧರಿದ್ದಾರೆ. ಇವರಲ್ಲಿ 240 ಭಾರತೀಯ ಆಟಗಾರರು ಮತ್ತು 110 ವಿದೇಶಿ ಪ್ಲೇಯರ್ಸ್ ಇದ್ದಾರೆ. ಸದ್ಯ ಆರ್​ಸಿಬಿ ಫ್ರಾಂಚೈಸಿ 6 ಆಟಗಾರರನ್ನ ಖರೀದಿ ಮಾಡ್ಬೇಕಿದೆ.

ಇದನ್ನೂ ಓದಿ : ಜ.6ಕ್ಕೆ ಡಿಕೆ ಶಿವಕುಮಾರ್‌ ಸಿಎಂ ಆಗ್ತಾರೆ! – ಇಕ್ಬಾಲ್‌ ಹುಸೇನ್‌ ಸ್ಪೋಟಕ ಹೇಳಿಕೆ

10 ಐಪಿಎಲ್ ಫ್ರಾಂಚೈಸಿಗಳು 77 ಆಟಗಾರರನ್ನ ಖರೀದಿ ಮಾಡ್ಬೇಕಿದೆ. ಮೂರು ಬಾರಿ ಚಾಂಪಿಯನ್ ಆಗಿರುವ ಕೆಕೆಆರ್ ₹64.3 ಕೋಟಿ ಅತ್ಯಧಿಕ ಮೊತ್ತದೊಂದಿಗೆ ಹರಾಜಿಗೆ ಪ್ರವೇಶಿಸಲಿದೆ. ಹೈಯೆಸ್ಟ್ ಪರ್ಸ್ ಬ್ಯಾಲೆನ್ಸ್ ಕೆಕೆಆರ್ ಬಳಿಯೇ ಇದೆ. ಇನ್ನು ಆರು ವಿದೇಶಿ ಆಟಗಾರರು ಸೇರಿದಂತೆ 17 ಆಟಗಾರರನ್ನ ರಿಟೇನ್ ಮಾಡಿಕೊಂಡಿರೋ ಆರ್​ಸಿಬಿ 16.40 ಕೋಟಿಯೊಂದಿಗೆ ಅಖಾಡಕ್ಕಿಳಿಯಲಿದೆ. ಇಬ್ಬರು ವಿದೇಶಿ ಆಟಗಾರರು ಸೇರಿದಂತೆ ಎಂಟು ಸ್ಥಾನಗಳನ್ನ ಭರ್ತಿ ಮಾಡ್ಬೇಕಿದೆ. ಅದ್ರಲ್ಲೂ ಲಿಯಾಮ್ ಲಿವಿಂಗ್ ಸ್ಟೋನ್ ಸ್ಥಾನಕ್ಕೆ ಒಬ್ಬ ಸಮರ್ಥ ಆಟಗಾರರನ್ನ ಖರೀದಿ ಮಾಡ್ಬೇಕಿದೆ. 350 ಆಟಗಾರರಲ್ಲಿ 7 ಪ್ಲೇಯರ್ಸ್​ ಆಲ್​ರೌಂಡರ್​ಗಳ ಪಟ್ಟಿಯಲ್ಲಿ ಮೊದಲ ಸುತ್ತಿನಲ್ಲೇ ಹರಾಜು ನಡೆಯಲಿದೆ.

ಇಂಗ್ಲೆಂಡ್ ತಂಡದ ಆಲ್ ​​ರೌಂಡರ್ ಗಸ್ ಅಟ್ಕಿನ್ಸನ್

ಇಂಗ್ಲೆಂಡ್ ತಂಡದ ಆಲ್​​ರೌಂಡರ್ ಗಸ್ ಅಟ್ಕಿನ್ಸನ್ ಈ ಬಾರಿ ಎ1 ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಈ ಹಿಂದೆ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದಲ್ಲಿ ಕಾಣಿಸಿಕೊಂಡಿದ್ದ ಅಟ್ಕಿನ್ಸನ್ ಕಳೆದ ಸೀಸನ್​​ನಲ್ಲಿ ಕಣಕ್ಕಿಳಿದಿರಲಿಲ್ಲ. ಇದಾಗ್ಯೂ ಈ ಬಾರಿ 2 ಕೋಟಿ ರೂ. ಮೂಲ ಬೆಲೆಯೊಂದಿಗೆ ಮಾರ್ಕ್ಯೂ ಲಿಸ್ಟ್​​ನಲ್ಲಿದ್ದಾರೆ.

ಶ್ರೀಲಂಕಾ ತಂಡದ ಸ್ಪಿನ್ನರ್ ವನಿಂದು ಹಸರಂಗ

ಮಿನಿ ಆಕ್ಷನ್ ನಲ್ಲಿ  ಶ್ರೀಲಂಕಾ ತಂಡದ ಸ್ಪಿನ್ನರ್ ವನಿಂದು ಹಸರಂಗ ಕಳೆದ ಸೀಸನ್​​ನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ 2 ಕೋಟಿ ರೂ. ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡಿರುವ ಹಸರಂಗ   ಮೊದಲ ಸುತ್ತಿನ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.

ಸೌತ್ ಆಫ್ರಿಕಾ ತಂಡದ ಆಲ್ ​​ರೌಂಡರ್ ವಿಯಾನ್ ಮುಲ್ಡರ್

ಸೌತ್ ಆಫ್ರಿಕಾ ತಂಡದ ಆಲ್​​ರೌಂಡರ್ ವಿಯಾನ್ ಮುಲ್ಡರ್ ಕಳೆದ ಸೀಸನ್​​ನಲ್ಲಿ ಸನ್​​ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ 1 ಕೋಟಿ ರೂ. ಮೂಲ ಬೆಲೆ ಘೋಷಿಸಿರುವ ಮುಲ್ಡರ್ ಕೂಡ ಮೊದಲ ಸುತ್ತಿನ ಹರಾಜು​ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.

ನ್ಯೂಝಿಲೆಂಡ್​ ನ ಯುವ ಆಲ್ ​​ರೌಂಡರ್ ರಚಿನ್ ರವೀಂದ್ರ

ಐಪಿಎಲ್ 2025 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪರ ಆಡಿದ್ದ ನ್ಯೂಝಿಲೆಂಡ್​ನ ಯುವ ಆಲ್​​ರೌಂಡರ್ ರಚಿನ್ ರವೀಂದ್ರ ಈ ಬಾರಿ ಹರಾಜಿನಲ್ಲಿದ್ದಾರೆ. 2 ಕೋಟಿ ರೂ. ಮೂಲ ಬೆಲೆ ಘೋಷಿಸಿರುವ ಅವರು ಕೂಡ ಮಾರ್ಕ್ಯೂ ಲಿಸ್ಟ್​​ನಲ್ಲಿ ಸ್ಥಾನ ಪಡೆದಿದ್ದಾರೆ.

ಇಂಗ್ಲೆಂಡ್ ಆಲ್ ​ರೌಂಡರ್ ಲಿಯಾಮ್ ಲಿವಿಂಗ್ ​ಸ್ಟೋನ್

ಇಂಗ್ಲೆಂಡ್ ಆಲ್ ​ರೌಂಡರ್ ಲಿಯಾಮ್ ಲಿವಿಂಗ್ ​ಸ್ಟೋನ್ ಮೇಲೆ ಮತ್ತೆ ಬಿಡ್ ಮಾಡೋ ಚಾನ್ಸಸ್ ಇದೆ. ಕಳೆದ ಬಾರಿ ಬೆಂಗಳೂರು ನಿರೀಕ್ಷಿತ ಪ್ರದರ್ಶನ ಬಂದಿರಲಿಲ್ಲ. ಹೀಗಾಗಿ ಈ ಸಲವೂ ಅವ್ರ ಮೇಲೆ ಕಡಿಮೆ ಮೊತ್ತಕ್ಕೆ ಬಿಡ್ ಮಾಡಬಹುದು. ಲಿವಿಂಗ್​ಸ್ಟೋನ್ ಈ ಬಾರಿ 2 ಕೋಟಿ ರೂ. ಮೂಲ ಬೆಲೆಯೊಂದಿಗೆ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.