ನೋಡಿರಿ
RCBಗೆ ಪಂಚ ಶಕ್ತಿ.. ಸಾಲ್ಟ್ & ಸ್ಟೋನ್ ಬೆಂಕಿ ಬ್ಯಾಟಿಂಗ್ – ಬೌಲಿಂಗ್ ಅಸ್ತ್ರ ಕಪ್ ಗೆಲ್ಲಿಸುತ್ತಾ?
ಈ ಸಲ ಕಪ್ ನಮ್ದೇ ಅಂತಾ ಐಪಿಎಲ್ ಸೀಸನ್ ಆರಂಭಿಸೋ ಆರ್ ಸಿಬಿ ಫ್ಯಾನ್ಸ್ ಟೂರ್ನಿ ಆರಂಭ ಆದ್ಮೇಲೆ ಈ ಮ್ಯಾಚ್ ದೇವ್ರಿಗೆ, ಈ ಮ್ಯಾನ್ಸ್ ಫ್ಯಾನ್ಸ್ ಗೆ, ಈ ಮ್ಯಾಚ್ ಎದುರಾಳಿ ಟೀಮ್ಗೆ ದಾನ ಮಾಡಿದ್ದೀವಿ ಅಂತಾ ತಮ್ಮನ್ನ ತಾವೇ ಸಮಾಧಾನ ಮಾಡಿಕೊಳ್ತಾರೆ. ಬಟ್ ನೆಕ್ಸ್ಟ್ ಸೀಸನ್ಗೆ ಕಪ್ ನಮ್ದಾದ್ರೂ ಆಗ್ಬೋದು. ಅದ್ರಲ್ಲೂ ಈ ಐವರು ಆಟಗಾರರ ಎಂಟ್ರಿಯೇ ಅಭಿಮಾನಿಗಳ ನಂಬಿಕೆಯನ್ನ ದುಪ್ಪಟ್ಟು ಮಾಡಿದೆ. ಯಾರು ಆ ಐವರು ಪ್ಲೇಯರ್ಸ್? ಅವ್ರ ಸ್ಟ್ರೆಂಥ್ ಏನು? ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ತ್ರಿವ್ಯಾ, ತ್ರಿಮೋಕ್ಷಿ.. ಲವ್‌ ಸ್ಟೇಟಸ್‌ ಏನು? – ದೊಡ್ಮನೆಯಲ್ಲಿ ಟ್ರಯಾಂಗಲ್‌ ಲವ್‌
2025ರ ಐಪಿಎಲ್ಗೆ ಸೌದಿಯಲ್ಲಿ ನಡೆದ ಮೆಗಾ ಹರಾಜು ವೇಳೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಸ್ಟಾರ್ ಆಟಗಾರರ ಮೇಲೆ ಬಿಡ್ ಮಾಡಿಲ್ಲ ಅಂತಾ ಫ್ಯಾನ್ಸ್ ಸಿಟ್ಟಾಗಿದ್ರು. ಈ ಟೀಂ ಕಟ್ಕೊಂಡು ಮ್ಯಾಚ್ ಆಡ್ದಂಗೇ ಅಂತಾ ಗೊಣಗಾಡಿದ್ರು. ಬಟ್ ಫೈನಲ್ ಟೀಂ ಫಾರ್ಮ್ ಆದ್ಮೇಲೆ ಗುಡ್ ಅಂತಾ ಸಮಾಧಾನ ಮಾಡ್ಕೊಂಡಿದ್ದಾರೆ. ಅದ್ರಲ್ಲೂ ಈ ಐವರು ಪ್ಲೇಯರ್ಸ್ ಬಂದಿರೋದು ಮತ್ತಷ್ಟು ಪ್ಲಸ್ ಆಗಿದೆ.
ಹೊಸ ಮುಖಗಳ ಎಂಟ್ರಿ.. ಕಪ್ ಕನಸು ಈಡೇರುತ್ತಾ?
ಹರಾಜಿನಲ್ಲಿ ಬೆಂಗಳೂರು ಫ್ರಾಂಚೈಸಿ ಹೊಸ ಹಾಗೂ ಅನುಭವಿ ಮುಖಗಳಿಗೆ ಹೆಚ್ಚು ಮಣೆ ಹಾಕಿದೆ. ಇದೇ ಹೊಸ ಆಟಗಾರರರೇ ಕಪ್ ಗೆಲ್ಲಿಸಿಕೊಡ್ತಾರೆ ಅನ್ನೋ ಭರವಸೆ ಮೂಡಿಸಿದ್ದಾರೆ.
ಲಿವಿಂಗ್ ಸ್ಟೋನ್ ಮತ್ತು ಫಿಲ್ಟ್ ಸಾಲ್ಟ್ ಬೆಸ್ಟ್ ಕಾಂಬಿನೇಷನ್!
ಹರಾಜಿನಲ್ಲಿ ಆರ್ ಸಿಬಿ 19 ಆಟಗಾರರನ್ನ ಖರೀದಿ ಮಾಡಿದ್ದು, ಈ ಪೈಕಿ ಇಂಗ್ಲೆಂಡ್ ನ ಇಬ್ಬರು ಸ್ಫೋಟಕ ಬ್ಯಾಟರ್ಸ್ ಇರೋದೇ ಪ್ಲಸ್. ಟಿ20 ಕ್ರಿಕೆಟ್ನಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಗಮನ ಸೆಳೆದಿರುವ ಲಿಯಾಮ್ ಲಿವಿಂಗ್ಸ್ಟೋನ್ ಹಾಗೂ ಫಿಲ್ ಸಾಲ್ಟ್ ಆರ್ಸಿಬಿ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಹೀಗಾಗೇ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಸಿಕ್ಸ್ಗಳ ಅಬ್ಬರ ಕೇಳೋದು ಫಿಕ್ಸ್ ಎನ್ನಲಾಗ್ತಿದೆ. ಇಂಗ್ಲೆಂಡ್ ಪರ 42 ಟಿ20 ಇನಿಂಗ್ಸ್ ಆಡಿರುವ ಲಿಯಾಮ್ ಲಿವಿಂಗ್ಸ್ಟೋನ್ 151ರ ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿ 583 ಎಸೆತಗಳಲ್ಲಿ 881 ರನ್ ಕಲೆಹಾಕಿದ್ದಾರೆ. 54 ಸಿಕ್ಸ್ಗಳನ್ನ ಸಿಡಿಸಿದ್ದಾರೆ. ಇನ್ನು ಐಪಿಎಲ್ನಲ್ಲಿ 39 ಇನಿಂಗ್ಸ್ ಆಡಿರುವ ಲಿಯಾಮ್ ಲಿವಿಂಗ್ಸ್ಟೋನ್ 162ರ ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟಿಂಗ್ ಮಾಡಿದ್ದಾರೆ. 578 ಎಸೆತಗಳಲ್ಲಿ 939 ರನ್ ಕಲೆಹಾಕಿದ್ದಾರೆ. ಇದ್ರಲ್ಲಿ 66 ಸಿಕ್ಸ್ಗಳೂ ಇವೆ.
ಬೆಂಕಿ ಬಿರುಗಾಳಿಯಂತೆ ಅಬ್ಬರಿಸ್ತಾರೆ ಫಿಲ್ ಸಾಲ್ಟ್!
ಹಾಗೇ ಫಿಲ್ ಸಾಲ್ಟ್ ಕೂಡ ತಮ್ಮ ಸ್ಫೋಟಕ ಬ್ಯಾಟಿಂಗ್ನಿಂದಲೇ ಫೇಮಸ್ ಆದವ್ರು. ಇಂಗ್ಲೆಂಡ್ ಪರ 35 ಇನಿಂಗ್ಸ್ ಆಡಿರುವ ಸಾಲ್ಟ್ 165ರ ಸ್ಟ್ರೈಕ್ ರೇಟ್ನಲ್ಲಿ 1,106 ರನ್ ಕಲೆಹಾಕಿದ್ದಾರೆ. ಐಪಿಎಲ್ನಲ್ಲಿ 21 ಇನಿಂಗ್ಸ್ ಆಡಿರುವ ಫಿಲ್ ಸಾಲ್ಟ್ 175ರ ಸ್ಟ್ರೈಕ್ ರೇಟ್ನಲ್ಲಿ 653 ರನ್ ಕಲೆಹಾಕಿದ್ದಾರೆ. ಫಿಲ್ ಸಾಲ್ಟ್ ಹಾಗೂ ಲಿಯಾಮ್ ಲಿವಿಂಗ್ಸ್ಟೋನ್ ಅವರ ಸ್ಟ್ರೈಕ್ ರೇಟ್ 150 ಕ್ಕಿಂತ ಹೆಚ್ಚಿದೆ. ಅದರಲ್ಲೂ ಆಡಿರುವ ಪಂದ್ಯಕ್ಕಿಂತ ಹೆಚ್ಚು ಸಿಕ್ಸ್-ಫೋರ್ಗಳನ್ನು ಸಿಡಿಸಿದ್ದಾರೆ. ಹೀಗಾಗಿ ಆರ್ಸಿಬಿ ಪರ ಈ ಇಬ್ಬರು ಸ್ಪೋಟಕ ದಾಂಡಿಗರು ಕಣಕ್ಕಿಳಿದರೆ ಎದುರಾಳಿ ಬೌಲರ್ಗಳಿಗೆ ನಡುಕು ಹುಟ್ಟಿಸೋದಂತೂ ಗ್ಯಾರಂಟಿ ಅನ್ನೋ ಲೆಕ್ಕಾಚಾರಗಳು ನಡೀತಿವೆ.
ಜೋಶ್ ಹ್ಯಾಜಲ್ ವುಲ್ ಮಾರಕ ಬೌಲಿಂಗ್ ದಾಳಿ!
ಐಪಿಎಲ್ 2023 ರಲ್ಲಿ ಆರ್ಸಿಬಿ ತಂಡದಲ್ಲಿದ್ದ ಜೋಶ್ ಹ್ಯಾಝಲ್ವುಡ್ ಕಳೆದ ಸೀಸನ್ನಲ್ಲಿ ಕಾಣಿಸಿಕೊಂಡಿರಲಿಲ್ಲ. ಇದೀಗ ಮತ್ತೆ ಐಪಿಎಲ್ಗೆ ಮರಳಿರುವ ಆಸ್ಟ್ರೇಲಿಯಾ ವೇಗಿಯನ್ನು ಆರ್ಸಿಬಿ 12.50 ಕೋಟಿ ರೂ. ನೀಡಿ ಖರೀದಿಸಿದೆ. ಹೇಳಿ ಕೇಳಿ ತಂಡ ಸ್ಟಾರ್ ವೇಗಿಗಳು ಇಲ್ಲದೇ ಪರದಾಡಿತ್ತು. ಅಲ್ಲದೆ ಒಬ್ಬರ ಮೇಲೇ ಡಿಪೆಂಡ್ ಆಗಿ ಸಂಕಷ್ಟ ಅನುಭವಿಸಿತ್ತು. ಆದರೆ ಈ ಬಾರಿ ಬೌಲಿಂಗ್ ವಿಭಾಗವನ್ನು ಟಾರ್ಗೆಟ್ ಮಾಡಿ ಒಳ್ಳೊಳ್ಳೆ ಆಟಗಾರರನ್ನೇ ಖರೀದಿ ಮಾಡಿದೆ. ಇವ್ರ ಜೊತೆಗೆ ಭಾರತದ ಅನುಭವಿ ವೇಗಿ ಭುವನೇಶ್ವರ್ ಕುಮಾರ್ ಕೂಡ ತಂಡ ಸೇರಿಕೊಂಡಿದ್ದು, ಆರ್ಸಿಬಿ ಇವರಿಗೆ 10.75 ಕೋಟಿಗೆ ನೀಡಿದೆ. ಹೋಮ್‌ ಕಂಡೀಷನ್‌ನಲ್ಲಿ ಭುವಿ ಮಾರಕ ದಾಳಿ ನಡೆಸಬಲ್ಲರು.
20 ಲಕ್ಷದಿಂದ 11ಕೋಟಿಗೆ ವೇತನ ಹೆಚ್ಚಿಸಿಕೊಂಡ ಜಿತೇಶ್!
ಹರಾಜಿನಲ್ಲಿ ಆರ್ ಸಿಬಿ ಖರೀದಿ ಮಾಡಿದ ಮತ್ತೊಬ್ಬ ಅಚ್ಚರಿಯ ಆಟಗಾರ ಜಿತೇಶ್ ಶರ್ಮಾ. ಅದೂ ಕೂಡ ಒಂದಲ್ಲ ಎರಡಲ್ಲ ಬರೋಬ್ಬರಿ 11 ಕೋಟಿ ರೂಪಾಯಿಗೆ. ಬಲಗೈ ವಿಕೆಟ್ ಕೀಪರ್-ಬ್ಯಾಟರ್ ಜಿತೇಶ್ ಶರ್ಮಾ ಅವರನ್ನು ದುಬಾರಿ ಮೊತ್ತಕ್ಕೆ ಖರೀದಿ ಮಾಡಿದ್ರ ಹಿಂದೆ ದೊಡ್ಡ ಲೆಕ್ಕಾಚಾರವೂ ಇದೆ. ಈ ಹಿಂದೆ ಪಂಜಾಬ್ ಕಿಂಗ್ಸ್ ಭಾಗವಾಗಿದ್ದ ಜಿತೇಶ್ ಅವರ ಹಿಂದಿನ ಸಂಬಳ 20 ಲಕ್ಷ ರೂ ಇತ್ತು. ಇದು ತನ್ನ ಹಿಂದಿನ ಸಂಬಳ 20 ಲಕ್ಷಕ್ಕಿಂತ 55 ಪಟ್ಟು ಹೆಚ್ಚು. ಹಾಗೆ ಶೇಕಡವಾರಿನಲ್ಲಿ 5400ರಷ್ಟು ಸಂಬಳ ಹೆಚ್ಚಿಸಿಕೊಂಡಿದ್ದಾರೆ. ಐಪಿಎಲ್ 2022ರ ಮೆಗಾ ಹರಾಜಿನಲ್ಲಿ ಪಿಬಿಕೆಎಸ್ ಅವರನ್ನು ಮೂಲ ಬೆಲೆಗೆ ಖರೀದಿಸಿತ್ತು. ಮುಂದಿನ ಎರಡು ಸೀಸನ್ಗಳಿಗೂ ಅದೇ ಬೆಲೆಗೆ ಉಳಿಸಿಕೊಳ್ಳಲಾಗಿತ್ತು. ಈ ವರ್ಷ ಜಿತೇಶ್ ರನ್ನು ಆರ್ಸಿಬಿ ದಿನೇಶ್‌ ಕಾರ್ತಿಕ್‌ ಅವರ ಬದಲಿಗೆ ಅವರಿಗೆ ಮಣೆ ಹಾಕಿದೆ. ಒಮ್ಮೆ ಕ್ರೀಸ್ ಕಚ್ಚಿ ನಿಂತ್ರೆ ಬಿಗ್ ಇನಿಂಗ್ಸ್ ಆಡಬಲ್ಲರು. ಬಟ್ 11 ಕೋಟಿ ಕೊಟ್ಟಿರೋ ತಂಡದ ನಂಬಿಕೆಯನ್ನ ಇವ್ರು ಉಳಿಸಿಕೊಳ್ಬೇಕು ಅಷ್ಟೇ.
ಒಟ್ನಲ್ಲಿ ಕಳೆದ ಹಲವು ಐಪಿಎಲ್ ಟೂರ್ನಿಗಳನ್ನು ನೋಡಿದ್ರೆ ಆರ್ ಸಿಬಿಯಲ್ಲಿ ಬ್ಯಾಟರ್ ಗಳಿಗೆ ಯಾವತ್ತೂ ಕೊರತೆಯಾಗಿಲ್ಲ. ರನ್ ಗಳ ಮಳೆಯನ್ನು ಸುರಿಸುವಂತಹ ಬ್ಯಾಟರ್ ಗಳು ಬಂದು ಹೋಗಿದ್ದಾರೆ. ಈಗಲೂ ಬಲಿಷ್ಠ ದಾಂಡಿಗರೇ ಇದ್ದಾರೆ. ಆದರೆ ಪದೇ ಪದೆ ಕೈ ಕೊಡುತ್ತಿರುವುದು ಮಾತ್ರ ಬೌಲಿಂಗ್ ವಿಭಾಗ. ಇದೇ ಕಾರಣಕ್ಕೆ ಈ ಸಲ ಬೌಲರ್ ಗಳು ಹಾಗೂ ಆಲ್ ರೌಂಡರ್ ಗಳಿಗೆ ಹೆಚ್ಚಿನ ಇಂಪಾರ್ಟೆನ್ಸ್ ನೀಡಲಾಗಿದೆ. ಇನ್ನು ಇದೆಲ್ಲದ್ರ ನಡುವೆ ಯಾರಾಗ್ತಾರೆ ಕ್ಯಾಪ್ಟನ್ ಅನ್ನೋ ಪ್ರಶ್ನೆಗೆ ಕನ್ನಡಿಗರು ದತ್ತು ಪುತ್ರ ಎಬಿ ಡಿವಿಲಿಯರ್ಸ್ ಅಚ್ಚರಿಯ ಉತ್ತರ ನೀಡಿದ್ದಾರೆ. ವಿರಾಟ್ ಕೊಹ್ಲಿಯೇ ಕ್ಯಾಪ್ಟನ್ ಆಗಬಹುದು ಎಂದಿದ್ದಾರೆ. ಎಬಿಡಿ ಈ ಮಾತು ಹೇಳಿದ್ಮೇಲೆ ಫ್ಯಾನ್ಸ್ ಅಂತೂ ಇನ್ನೂ ಥ್ರಿಲ್ ಆಗಿದ್ದಾರೆ. ಕೊಹ್ಲಿ ಕ್ಯಾಪ್ಟನ್ಸಿಯಲ್ಲೇ 18ನೇ ಸೀಸನ್ಗೆ ಬೆಂಗಳೂರು ಟೀಂ ಕಪ್ ಗೆಲ್ಲಲಿ ಅಂತಿದ್ದಾರೆ.
