6 ಸೋಲು.. 6 ಗೆಲುವು.. ಪ್ಲೇಆಫ್! – RCB ಅದೃಷ್ಟ ಬದಲಿಸಿದ್ದೇ ಈ ಪಂದ್ಯ!
TOP 10 To 4 ಜರ್ನಿ ಹೇಗಿತ್ತು?

ಹದಿನೈದು ದಿನ. ಜಸ್ಟ್ ಹದಿನೈದು ದಿನಗಳ ಹಿಂದೆ ಪಾಯಿಂಟ್ಸ್ ಟೇಬಲ್​ನಲ್ಲಿ ಟಾಪ್ 10ನಲ್ಲಿದ್ದ ಆರ್​ಸಿಬಿ ಈಗ ಟಾಪ್ 4ಗೆ ಜಿಗಿದಿದೆ. ಟೂರ್ನಿಯಿಂದ ಫಸ್ಟ್ ಎಲಿಮಿನೇಟ್ ಆಗೋ ಲಿಸ್ಟ್​​ನಲ್ಲಿದ್ದ ಬೆಂಗಳೂರು ಟೀಂ ಟ್ರೋಫಿಗೆ ಮುತ್ತಿಕ್ಕೋ ಫೇವರೆಟ್ ತಂಡ ಎನಿಸಿಕೊಂಡಿದೆ. ಫಸ್ಟ್ ಆಫ್​​ನಲ್ಲಿ ಒಂದೇ ಒಂದು ಮ್ಯಾಚ್ ಗೆದ್ದು ಸತತ 6 ಪಂದ್ಯ ಕೈ ಚೆಲ್ಲಿಕೊಂಡಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಇಡೀ ಕ್ರಿಕೆಟ್ ಲೋಕವೇ ನಿಬ್ಬೆರಗಾಗುವಂತೆ ಪ್ಲೇ ಆಫ್​ಗೆ ಕ್ವಾಲಿಫೈ ಆಗಿದೆ. ಎರಡು ವಾರಗಳಲ್ಲಿ ಯಾರೂ ಇಮ್ಯಾಜಿನ್ ಮಾಡದ ರೀತಿಯಲ್ಲಿ ಫಿನಿಕ್ಸ್​ನಲ್ಲಿ ಎದ್ದು ಬಂದಿದೆ. ಶನಿವಾರದ ಪಂದ್ಯವಂತೂ ಐಪಿಎಲ್ ಇತಿಹಾಸದಲ್ಲೇ ನೆನಪಿಟ್ಟುಕೊಳ್ಳುವಂಥ ದಿನ ಅಂದ್ರೂ ತಪ್ಪಾಗಲ್ಲ. ಸೀಸನ್ 17 ಟೂರ್ನಿಯಲ್ಲಿ ಸೋಲಿನೊಂದಿಗೆ ಯಾನ ಆರಂಭಿಸಿದ್ದ ಆರ್​ಸಿಬಿ ಗೆಲುವಿನ ಸುನಾಮಿ ಎಬ್ಬಿಸಿದ್ದೇಕೆ..? ಟಾಪ್ 10 ಟು ಟಾಪ್ 4 ಜರ್ನಿ ಹೇಗಿತ್ತು ಅನ್ನೋ ಮಾಹಿತಿ ಇಲ್ಲಿದೆ.

ಮೇ 18ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 27 ರನ್ ಗಳ ಅಂತರದಿಂದ ಗೆದ್ದು ಪ್ಲೇಆಫ್​ಗೆ ಗ್ರ್ಯಾಂಡ್ ಎಂಟ್ರಿ ಕೊಟ್ಟಿದೆ. ಯಾವ ತಂಡದ ವಿರುದ್ಧ ಸೋತು ಸೀಸನ್ 17 ಜರ್ನಿ ಆರಂಭಿಸಿತ್ತೋ ಅದೇ ತಂಡವನ್ನ ಮನೆಗೆ ಕಳಿಸೋ ಮೂಲಕ ಟ್ರೋಫಿಯತ್ತ ಹೆಜ್ಜೆ ಇಟ್ಟಿದೆ. ಸತತ ಸೋಲಿನಿಂದ ಕಂಗೆಟ್ಟಿದ್ದ ಆರ್​ಸಿಬಿ ಬಳಿಕ ಗೆಲುವಿನ ಲಯಕ್ಕೆ ಮರಳಿದ್ದು ಹೇಗೆ ಅನ್ನೋ ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ: ಪಂಜಾಬ್​ ಕಿಂಗ್ಸ್​ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ ಹೈದರಾಬಾದ್..​​​! –  ಪಾಯಿಂಟ್ಸ್​ ಟೇಬಲ್​​ನಲ್ಲಿ 2ನೇ ಸ್ಥಾನಕ್ಕೆ ಜಿಗಿತ

ಮಾರ್ಚ್ 22ರಂದು ಐಪಿಎಲ್ ಸೀಸನ್ 17 ಪಂದ್ಯದ ಉದ್ಘಾಟನಾ ಪಂದ್ಯದ ಮೂಲಕವೇ ಆರ್​ಸಿಬಿ ಜರ್ನಿ ಆರಂಭಿಸಿತ್ತು. ಫಸ್ಟ್ ಮ್ಯಾಚ್​ನಲ್ಲೇ ಸಿಎಸ್​ಕೆ ವಿರುದ್ಧ ಕಣಕ್ಕಿಳಿದಿತ್ತು. ಈ ಪಂದ್ಯ ಧೋನಿ ವರ್ಸಸ್ ಕೊಹ್ಲಿ ನಡುವಿನ ಕ್ಲಾಶ್ ಎಂದೇ ಬಿಂಬಿತವಾಗಿತ್ತು. ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದಿದ್ದ ಈ ಪಂದ್ಯದಲ್ಲಿ ಆರ್​ಸಿಬಿಗೆ ಮೊದಲ ಪಂದ್ಯದಲ್ಲೇ ಸೋಲಿನ ಶಾಕ್ ಸಿಕ್ಕಿತ್ತು. ಫಸ್ಟ್ ಬ್ಯಾಟ್ ಮಾಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 20 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 173 ರನ್ ಕಲೆ ಹಾಕಿತ್ತು. ಈ ಟಾರ್ಗೆಟ್ ಬೆನ್ನತ್ತಿದ್ದ ಸಿಎಸ್​ಕೆ 18.4 ಓವರ್​ಗಳಲ್ಲೇ 4 ವಿಕೆಟ್ ನಷ್ಟಕ್ಕೆ 176 ರನ್ ಕಲೆ ಹಾಕುವ ಮೂಲಕ ಗೆಲುವಿನ ಶುಭಾರಂಭ ಮಾಡಿತ್ತು.

ಇನ್ನು ಮಾರ್ಚ್ 25ರಂದು ನಡೆದಿದ್ದ ಸೆಕೆಂಡ್ ಮ್ಯಾಚ್​ನಲ್ಲಿ ಆರ್​ಸಿಬಿ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಮ್​ನಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ರೋಚಕ ಗೆಲುವು ಸಾಧಿಸಿತ್ತು. ಆರ್​ಸಿಬಿಗೆ ಇದು ಮೊದಲ ಗೆಲುವಾಗಿತ್ತು. ಫಸ್ಟ್ ಬ್ಯಾಟ್ ಮಾಡಿದ್ದ ಪಂಜಾಬ್ ಕಿಂಗ್ಸ್ 20 ಓವರ್​ಗಳಲ್ಲಿ 176 ರನ್ ಗಳಿಸಿದ್ರು. ರನ್ ಚೇಸ್​ಗೆ ಇಳಿದ ಆರ್​ಸಿಬಿ ಪ್ಲೇಯರ್ಸ್ 19.2 ಓವರ್​ನಲ್ಲೇ 3 ವಿಕೆಟ್ ನಷ್ಟಕ್ಕೆ ಟಾರ್ಗೆಟ್ ರೀಚ್ ಆಗಿದ್ರು.

ಬಳಿಕ ಮಾರ್ಚ್ 29ರಂದು ಬೆಂಗಳೂರಿನಲ್ಲೇ ನಡೆದಿದ್ದ ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿ ಸೋಲು ಅನುಭವಿಸಿತ್ತು. ಫಸ್ಟ್ ಬ್ಯಾಟ್ ಮಾಡಿದ ಬೆಂಗಳೂರು ತಂಡ 20 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 182 ರನ್ ಕಲೆ ಹಾಕಿದ್ರು. ಈ ಟಾರ್ಗೆಟ್ ಅನ್ನ ನೀರು ಕುಡಿದಷ್ಟೇ ಸಲೀಸಾಗಿ ಕೆಕೆಆರ್ ಚೇಸ್ ಮಾಡಿತ್ತು. 16.5 ಓವರ್​ಗಳಲ್ಲೇ 3 ವಿಕೆಟ್ ನಷ್ಟಕ್ಕೆ 186 ರನ್ ಬಾರಿಸಿದ್ರು.

ಇನ್ನು ಏಪ್ರಿಲ್ 2ರಂದು ಬೆಂಗಳೂರಿನಲ್ಲೇ ಲಕ್ನೋ ಸೂಪರ್ ಜೇಂಟ್ಸ್ ಎದುರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮುಗ್ಗರಿಸಿತ್ತು. ಫಸ್ಟ್ ಬ್ಯಾಟಿಂಗ್ ಮಾಡಿದ್ದ ಲಕ್ನೋ ತಂಡ 20 ಓವರ್​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 181 ರನ್ ಕಲೆ ಹಾಕಿದ್ರು. ಈ ಸ್ಕೋರ್ ನೋಡಿದ್ರೆ ಆರ್​ಸಿಬಿ ತವರಿನಲ್ಲಿ ಈಸಿಯಾಗಿ ಚೇಸ್ ಮಾಡ್ತಾರೆ ಅಂತಾನೇ ಫ್ಯಾನ್ಸ್ ಅನ್ಕೊಂಡಿದ್ರು. ಆದ್ರೆ ಇನ್ನೂ ನಾಲ್ಕು ಬಾಲ್ ಇದ್ದಂತೆಯೇ ಆರ್​ಸಿಬಿ ಆಟಗಾರರು 153 ರನ್​ಗಳಿಗೆ ಆಲೌಟ್ ಆಗಿದ್ರು. ಎಲ್​ಎಸ್​ಜಿ ತಂಡ 28 ರನ್​ಗಳ ಅಂತರದಲ್ಲಿ ಗೆದ್ದು ಬೀಗಿತ್ತು.

ಹಾಗೇ ಏಪ್ರಿಲ್ 6ರಂದು ಜೈಪುರದಲ್ಲಿ ನಡೆದಿದ್ದ ರಾಜಸ್ತಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಫಸ್ಟ್ ಬ್ಯಾಟ್ ಮಾಡಿದ್ದ ಆರ್​ಸಿಬಿ 20 ಓವರ್​ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 183 ರನ್ ಕಲೆ ಹಾಕಿತ್ತು. 184 ರನ್​ಗಳ ಟಾರ್ಗೆಟ್ ಬೆನ್ನತ್ತಿದ್ದ ಆರ್​ಆರ್ ತಂಡ ಇನ್ನೂ 5 ಬಾಲ್​ಗಳು ಬಾಕಿ ಇರುವಂತೆಯೇ 189 ರನ್ ಗಳಿಸುವ ಮೂಲಕ ಪಂದ್ಯ ಗೆದ್ದುಕೊಂಡಿತ್ತು.

ಬಳಿಕ ಏಪ್ರಿಲ್ 11 ರಂದು ನಡೆದ ಪಂದ್ಯದಲ್ಲೂ ಮತ್ತದೇ ಸೋಲು. ವಾಂಖೇಡೆ ಸ್ಟೇಡಿಯಮ್​ನಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಫಾಫ್ ಪಡೆ ಸೋಲನುಭವಿಸಿತ್ತು. ಫಸ್ಟ್ ಬ್ಯಾಟಿಂಗ್ ಮಾಡಿದ ಆರ್​ಸಿಬಿ ಟೀಂ 20 ಓವರ್​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ  196 ರನ್ ಕಲೆ ಹಾಕಿದ್ರು. ಇದನ್ನ ಪಾಂಡ್ಯ ಟೀಂ ಈಸಿಯಾಗಿ ರೀಚ್ ಮಾಡಿತ್ತು. ಇನ್ನೂ 27 ಬಾಲ್​ಗಳು ಇರುವಂತೆಯೇ 3 ವಿಕೆಟ್ ನಷ್ಟಕ್ಕೆ 199 ರನ್ ಚಚ್ಚಿ ಗೆದ್ದು ಬೀಗಿತ್ತು ಮುಂಬೈ ಇಂಡಿಯನ್ಸ್ ಟೀಂ.

ಇನ್ನು ಏಪ್ರಿಲ್ 15ರಂದು ನಡೆದ ಪಂದ್ಯವನ್ನಂತೂ ಯಾರೂ ಮರೆಯೋಕೆ ಸಾಧ್ಯನೇ ಇಲ್ಲ ಬಿಡಿ. ಬೆಂಗಳೂರಲ್ಲಿ ಸನ್​ರೈಸರ್ಸ್ ಹೈದ್ರಾಬಾದ್ ತಂಡ ಆರ್​ಸಿಬಿ ಎದುರು ಐಪಿಎಲ್ ಇತಿಹಾಸದಲ್ಲೇ ಗರಿಷ್ಠ ಸ್ಕೋರ್ ಕಲೆ ಹಾಕಿತ್ತು. ಫಸ್ಟ್ ಬ್ಯಾಟಿಂಗ್ ಮಾಡಿದ್ದ ಹೈದ್ರಾಬಾದ್ ಪ್ಲೇಯರ್ಸ್​ 20 ಓವರ್​ಗಳಲ್ಲಿ ಬರೋಬ್ಬರಿ 287 ರನ್ ಬಾರಿಸಿದ್ರು. ಈ ಬೃಹತ್ ಟಾರ್ಗೆಟ್ ಬೆನ್ನತ್ತಿದ್ದ ಬೆಂಗಳೂರು ಟೀಂ ಕೂಡ ಚೆನ್ನಾಗೇ ಚೇಸಿಂಗ್ ಮಾಡಿದ್ರು. 20 ಓವರ್​ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 262 ರನ್ ಕಲೆ ಹಾಕಿದ್ರು. ಆದ್ರೆ ಅಂತಿಮವಾಗಿ 25 ರನ್ ಗಳಿಂದ ಸೋಲಬೇಕಾಯ್ತು.

ಹಾಗೇ ಏಪ್ರಿಲ್ 21 ರಂದು ನಡೆದ ಮ್ಯಾಚ್ ಕೂಡ ಆರ್​ಸಿಬಿ ಫ್ಯಾನ್ಸ್ ಮರೆಯೋಕೆ ಆಗಲ್ಲ. ಗ್ರೀನ್ ಜೆರ್ಸಿಯಲ್ಲಿ ಕೆಕೆಆರ್ ವಿರುದ್ಧ ಈಡನ್ ಗಾರ್ಡನ್ಸ್​ನಲ್ಲಿ ಕಣಕ್ಕಿಳಿದಿದ್ದ ಫಾಫ್ ಪಡೆ ವೀರೋಚಿತ ಸೋಲು ಕಂಡಿತ್ತು. ಫಸ್ಟ್ ಬ್ಯಾಟ್ ಮಾಡಿದ ಶ್ರೇಯಸ್ ಅಯ್ಯರ್ ತಂಡ 20 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 222 ರನ್ ಕಲೆ ಹಾಕಿತ್ತು. ಟಾರ್ಗೆಟ್ ಬೆನ್ನತ್ತಿದ್ದ ಫಾಫ್ ಟೀಂ 221 ರನ್ ಗಳಿಸಿ ಕೊನೆಗೆ ಜಸ್ಟ್ 1 ರನ್​ನಿಂದ ಸೋಲು ಕಂಡಿತ್ತು. ಹೀಗೆ ಸತತ 6 ಪಂದ್ಯಗಳಲ್ಲಿ ಸೋತ ಆರ್​ಸಿಬಿ ಇನ್ನೇನು ಮನೆ ಕಡೆಗೆ ಹೋಗ್ತಾರೆ, ಈ ಸಲನೂ ಕಪ್ ನಮ್ದಲ್ಲ ಅಂತಾನೇ ಎಲ್ರೂ ಅನ್ಕೊಳ್ತಿದ್ರು. ಆದ್ರೆ ಕೆಕೆಆರ್ ವಿರುದ್ಧದ ಈ 1 ರನ್​ನ ಸೋಲು ಆರ್​ಸಿಬಿ ಪಡೆಯನ್ನ ಬಡಿದೆಬ್ಬಿಸಿತ್ತು. ಗೆಲ್ಲಲೇಬೇಕೆಂಬ ಛಲ ಹುಟ್ಟಿಸಿತ್ತು. ಬಳಿಕ ಬೆಂಗಳೂರು ಆಟಗಾರರು ಹಿಂತಿರುಗಿ ನೋಡ್ಲೇ ಇಲ್ಲ.

ಏಪ್ರಿಲ್ 25ರಂದು ಹೈದ್ರಾಬಾದ್​ನಲ್ಲಿ ನಡೆದ ಎಸ್​ಆರ್​ಹೆಚ್ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿ ಆಟಗಾರರು ಸೋಲಿನ ಸೇಡು ತೀರಿಸಿಕೊಂಡಿದ್ರು. ಫಸ್ಟ್ ಬ್ಯಾಟ್ ಮಾಡಿ 7 ವಿಕೆಟ್ ನಷ್ಟಕ್ಕೆ ಫಾಫ್ ಟೀಂ 206 ರನ್ ಕಲೆ ಹಾಕಿತ್ತು. ಚೇಸಿಂಗ್​ಗೆ ಇಳಿದ ಹೈದ್ರಾಬಾದ್ ಆಟಗಾರರಿಗೆ 171 ರನ್ ಗಳಿಸಲಷ್ಟೇ ಸಾಧ್ಯವಾಯ್ತು. ಈ ಮೂಲಕ ಸತತ 6 ಪಂದ್ಯಗಳ ಸೋಲಿನ ಬಳಿಕ ಆರ್​ಸಿಬಿ ಭರ್ಜರಿ 35 ರನ್​ಗಳ ಅಂತರದಿಂದ ಗೆದ್ದು ಬೀಗಿತ್ತು.

ಬಳಿಕ ಏಪ್ರಿಲ್ 28ರಂದು ಗುಜರಾತ್​ನ ಅಹಮದಾಬಾದ್ ಸ್ಟೇಡಿಯಮ್​ನಲ್ಲಿ ಗಿಲ್ ಪಡೆ ವಿರುದ್ಧವೂ ಅಬ್ಬರಿಸಿದ್ದ ಬೆಂಗಳೂರು ಪಡೆ 9 ವಿಕೆಟ್​ಗಳ ವಿಕ್ಟರಿ ಸಾಧಿಸಿತ್ತು. ಫಸ್ಟ್ ಬ್ಯಾಟ್ ಮಾಡಿದ್ದ ಗುಜರಾತ್ ತಂಡ 20 ಓವರ್​ಗಳಲ್ಲಿ 200 ರನ್​ಗಳ ಟಾರ್ಗೆಟ್ ನೀಡಿತ್ತು. ಈ ಗುರಿ ಬೆನ್ನತ್ತಿದ್ದ ಆರ್​ಸಿಬಿ ಪರ ವಿಲ್ ಜಾಕ್ಸ್ ಭರ್ಜರಿ ಶತಕದ ಮೂಲಕ 16 ಓವರ್​​ಗಳಲ್ಲೇ 206 ರನ್ ಬಾರಿಸಿ ಗೆದ್ದಿತ್ತು.

ನಂತ್ರ ಮೇ 4ರಂದು ಮತ್ತದೇ ಗುಜರಾತ್ ತಂಡದ ವಿರುದ್ಧ ಬೆಂಗಳೂರಿನಲ್ಲಿ ನಡೆದ ಮ್ಯಾಚ್​ನಲ್ಲೂ ಬೆಂಗಳೂರು ಆಟಗಾರರು ಅಬ್ಬರಿಸಿ ಬೊಬ್ಬಿರಿರಿದಿದ್ರು. ಫಸ್ಟ್ ಬ್ಯಾಟ್ ಮಾಡಿದ್ದ ಗುಜರಾತ್ ತಂಡ 147 ರನ್ ಗಳಿಸುವಲ್ಲಿ ಆಲೌಟ್ ಆಗಿತ್ತು. ಈ ಟಾರ್ಗೆಟನ್ನ 13.4 ಓವರ್​ಗಳಲ್ಲೇ 152 ರನ್ ಬಾರಿಸುವ ಮೂಲಕ ಬೆಂಗಳೂರು ತಂಡ ರೀಚ್ ಮಾಡಿತ್ತು. ಈ ಪಂದ್ಯದವರೆಗೂ ಪಾಯಿಂಟ್ಸ್ ಟೇಬಲ್​ನಲ್ಲಿ ಟಾಪ್ 10ನಲ್ಲಿದ್ದ ಆರ್​ಸಿಬಿ ಫಸ್ಟ್ ಟೈಂ ಟಾಪ್ 7ಗೆ ಜಂಪ್ ಆಗಿತ್ತು. ಇದೇ ಜಿಗಿತ ಆರ್​ಸಿಬಿ ಆಟಗಾರರು ಮತ್ತು ಅಭಿಮಾನಿಗಳ ಭರವಸೆಯನ್ನ ದುಪ್ಪಟ್ಟು ಮಾಡಿತ್ತು.

ಇನ್ನು ಮೇ 9ರಂದು ಧರ್ಮಶಾಲಾದಲ್ಲಿ ನಡೆದ ಪಂದ್ಯದಲ್ಲೂ ಆರ್​ಸಿಬಿ ಆಟಗಾರರು ರನ್ ಮಳೆ ಹರಿಸಿದ್ರು. ಪಂಜಾಬ್ ವಿರುದ್ಧ 20 ಓವರ್​ಗಳಲ್ಲಿ 241 ರನ್ ಕಲೆ ಹಾಕಿದ್ರು. ಆದ್ರೆ ಪಂಜಾಬ್ ಆಟಗಾರರು 20 ಓವರ್​ಗಳಲ್ಲಿ 181 ರನ್ ಗಳಿಸಲಷ್ಟೇ ಸಾಧ್ಯವಾಯ್ತು. ಈ ಮೂಲಕ ಆರ್​ಸಿಬಿಗೆ 60 ರನ್​ಗಳ ಅಂತರದಲ್ಲಿ ಜಯ ಲಭಿಸಿತ್ತು.

ಹಾಗೇ ಮೇ 12 ರಂದು ಬೆಂಗಳೂರಿನಲ್ಲಿ ನಡೆದ ಮ್ಯಾಚ್​ನಲ್ಲಿ ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿ ಫಸ್ಟ್ ಬ್ಯಾಟ್ ಮಾಡಿತ್ತು. 20 ಓವರ್​ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 187 ರನ್ ಅಷ್ಟೇ ಗಳಿಸಿದ್ರು. ಆದ್ರೆ ಅಂದು ಆರ್​ಸಿಬಿ ಬೌಲರ್ಸ್ ಡೆಲ್ಲಿ ಆಟಗಾರರ ಬೆವರಿಳಿಸಿದ್ರು. 19.1 ಓವರ್​ನಲ್ಲೇ ಡೆಲ್ಲಿ ಬಾಯ್ಸ್ 140 ರನ್ ಗಳಿಸಿ ಆಲ್​ಔಟ್ ಆದ್ರು. ಈ ಮೂಲಕ ಆರ್​ಸಿಬಿಗೆ 47 ರನ್​ಗಳ ಅಂತರದಲ್ಲಿ ಗೆದ್ದು ಬೀಗಿತ್ತು.

ಇನ್ನು ಮೇ 18ರಂದು ನಡೆದ ಪಂದ್ಯದ ಬಗ್ಗೆಯಂತೂ ಹೇಳಲೇಬೇಕು. ಸತತ ಐದು ಪಂದ್ಯಗಳಿಂದ ಡು ಆರ್ ಡೈ ಮ್ಯಾಚ್​ನಂತೆಯೇ ಆಡಿಕೊಂಡು ಬಂದಿದ್ದ ಆರ್​ಸಿಬಿ ಅಸಲಿ ಸವಾಲು ಇದ್ದದ್ದು ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ. ಬೆಂಗಳೂರಿನಲ್ಲಿ ನಡೆದ ಈ ಪಂದ್ಯದಲ್ಲಿ ಚೆನ್ನೈ ಮತ್ತು ಆರ್​ಸಿಬಿ ನಡುವೆ ಹೈವೋಲ್ಟೇಜ್ ಕದನ ನಡೆಯಿತು. ಯಾಕಂದ್ರೆ ಇದು ಎಲಿಮಿನೇಟರ್ ಪಂದ್ಯ ಆಗಿತ್ತು. ಯಾರು ಗೆಲ್ತಾರೋ ಅವ್ರು ಪ್ಲೇಆಫ್​ಗೆ ಸೋತವ್ರು ಮನೆ ಕಡೆ ಅನ್ನೋದು ಮೊದ್ಲೇ ಡಿಸೈಡ್ ಆಗಿತ್ತು. ಆದ್ರೆ ಇಲ್ಲೂ ಒಂದು ಟ್ವಿಸ್ಟ್ ಇತ್ತು. ಆರ್​ಸಿಬಿ 18 ರನ್​ಗಳ ಅಂತರದಲ್ಲಿ ಗೆಲ್ಬೇಕು. ಇಲ್ಲದಿದ್ರೆ 11 ಎಸೆತಗಳು ಬಾಕಿ ಇರುವಂತೆಯೇ ಚೇಸ್ ಮಾಡ್ಬೇಕು ಅನ್ನೋದು. ಟಾಸ್ ಸೋತು ಫಸ್ಟ್ ಬ್ಯಾಟಿಂಗ್​ಗೆ ಇಳಿದ ಆರ್​ಸಿಬಿಗೆ 3 ಓವರ್​ಗಳಲ್ಲೇ ಮಳೆ ಕಾಟ ಶುರುವಾಗಿತ್ತು. ಒಂದಷ್ಟು ಗ್ಯಾಪ್ ಬಳಿಕ ಮತ್ತೆ ಪಂದ್ಯ ಸ್ಟಾರ್ಟ್ ಆಗಿದ್ದು ಅಲ್ಲಿ ಮಳೆ ಬದಲಿಗೆ ಬೆಂಗಳೂರು ಆಟಗಾರರು ರನ್ ಮಳೆ ಹರಿಸಿದ್ರು. 20 ಓವರ್​ಗಳಲ್ಲಿ 2018 ರನ್ ಸಿಡಿಸಿದ್ರು. ಇಲ್ಲೂ ಒಂದು ಸ್ಪೆಷಾಲಿಟಿ ಏನಂದ್ರೆ ಈ ಟಾರ್ಗೆಟ್​ನಲ್ಲೂ 18 ನಂಬರ್ ಇತ್ತು. ಈ ಟಾರ್ಗೆಟ್ ಬೆನ್ನತ್ತಿದ ಚೆನ್ನೈ ಸೂಪರ್ ಕಿಂಗ್ಸ್​ಗೆ ಪ್ಲೇ ಆಫ್​ ತಲುಪಲು 201 ರನ್ ಸಿಡಿಸಿದ್ರೂ ಸಾಕಾಗಿತ್ತು. ಆದ್ರೆ ಕೋಟ್ಯಂತರ ಅಭಿಮಾನಿಗಳ ಪ್ರಾರ್ಥನೆ, ಬೆಂಗಳೂರು ಆಟಗಾರರ ಅದ್ಬುತ ಪ್ರದರ್ಶನದ ಮೂಲಕ ಸಿಎಸ್​ಕೆ 20 ಓವರ್​ಗಳಲ್ಲಿ 191 ರನ್ ಗಳಿಸಲಷ್ಟೇ ಸಾಧ್ಯವಾಯ್ತು. ಈ ಮೂಲಕ ಆರ್​ಸಿಬಿ ಯಾರೂ ಊಹಿಸದ ರೀತಿಯಲ್ಲಿ ಪ್ಲೇ ಆಫ್​ಗೆ ರಾಯಲ್ ಆಗೇ ಲಗ್ಗೆ ಇಟ್ಟಿದೆ. ಇಲ್ಲಿ ಒಂದು ವಿಶೇಷ ಏನಂದ್ರೆ ಬೆಂಗಳೂರು ತಂಡವನ್ನ ಸೋಲಿಸುವ ಮೂಲಕ ಚೆನ್ನೈ ತಂಡ ಟೂರ್ನಿಗೆ ಸ್ವಾಗತ ಕೋರಿತ್ತು. ಆದ್ರೆ ಬೆಂಗಳೂರು ತಂಡ ಅದೇ ಸೋಲಿನ ತಿರುಗೇಟು ನೀಡುವ ಮೂಲಕ ಪ್ಲೇ ಆಫ್​ನಿಂದ ಹೊರದಬ್ಬಿದೆ. ಒಟ್ಟಾರೆ ಆರ್​ಸಿಬಿ ಆರಂಭದಲ್ಲಿ ಸತತ ಸೋಲನ್ನ ಕಂಡ್ರೂ ಸೆಕೆಂಡ್ ಆಫ್​ನಲ್ಲಿ ಸತತ ಗೆಲುವಿನ ಮೂಲಕ ಟಾಪ್ 4ಗೆ ಎಂಟ್ರಿ ಕೊಟ್ಟಿದೆ. ಇದೇ ಗೆಲುವಿನ ಓಟ ಮುಂದುವರಿಯಲಿ ಟ್ರೋಫಿಯನ್ನ ಎತ್ತಿ ಹಿಡಿಯಲಿ ಅಂತಾ ಪ್ಯಾನ್ಸ್ ಹಾರೈಸುತ್ತಿದ್ದಾರೆ.