ನೋಡಿರಿ
ಮತ್ತೆ ಮೋಸ ಹೋದ DC ಸ್ನೇಹ! – ಸಿಕ್ಕಿದ್ದು ಅತ್ತೆ ಅಲ್ಲ ಸಿಂಗಾರಮ್ಮ!
ಟೈಮ್ ಬದಲಾಗಿದ್ದಕ್ಕೋ ಇಲ್ಲಾ, ಕಥೆಯೇ ಬೋರ್ ಹೊಡಿಸ್ತಾ ಇತ್ತೋ.. ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಇಷ್ಟು ದಿನ ಡಲ್ ಆಗಿತ್ತು. ಇದೀಗ ಮತ್ತೆ ಪುಟ್ಟಕ್ಕನ ಮಕ್ಕಳು ಜೋರಾಗಿಯೇ ಸೌಂಡ್ ಮಾಡ್ತಿದೆ. ಸೀರಿಯಲ್ ಕಥೆಗೆ ಮತ್ತೊಮ್ಮೆ ಟ್ವಿಸ್ಟ್ ಸಿಕ್ಕಿದ್ದು, ಈಗ ಸೀರಿಯಲ್ ಗೆ ಮಜಾ ಬಂತು ಅಂತಿದ್ದಾರೆ ಫ್ಯಾನ್ಸ್. ಅದ್ರಲ್ಲೂ ಸಿಂಗಾರಮ್ಮನ ನಾಟಕಕ್ಕೆ ತೆರೆ ಬೀಳೋ ಸನ್ನಿವೇಶ ಕಂಡು ಫ್ಯಾನ್ಸ್ ಸಿಕ್ಕಾಪಟ್ಟೆ ಖುಷಿಯಾಗಿದ್ದಾರೆ. ಬಂಗಾರಮ್ಮನ ಪಾಡು ಹೇಗಿದೆ?, ಸಿಂಗಾರಮ್ಮ ಮತ್ತೆ ಜೈಲು ಸೇರ್ತಾಳಾ ಅನ್ನೋ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಐಶ್ವರ್ಯ ಗೆ ಮಾಂಗಲ್ಯ ದೋಷ? – ಮರವನ್ನ ಮದುವೆಯಾಗಿದ್ರಾ ಐಶ್‌?
ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಕಾಣುತ್ತಿರುವ ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ರೋಚಕ ತಿರುವು ಪೆಡೆದುಕೊಂಡಿದೆ. ಪುಟ್ಟಕ್ಕನ ಮಗಳು ಸ್ನೇಹ ಡಿಸಿ ಆಗ್ತಿದ್ದಂತೆ ಧಾರಾವಾಹಿ ಕಥೆ ಬಗ್ಗೆ ರೋಚಕತೆಯನ್ನ ನಿರೀಕ್ಷೆ ಮಾಡಿದ್ದರು ಫ್ಯಾನ್ಸ್. ಆದ್ರೆ, ಸ್ನೇಹ ಡಿಸಿ ಆಗಿದ್ದು ಬಿಟ್ಟರೆ ಯಾವ ಟ್ವಿಸ್ಟ್ ಇರಲಿಲ್ಲ. ಇದ್ರಿಂದಾಗಿ ಧಾರಾವಾಹಿ ಮೇಲಿನ ಇಂಟ್ರೆಸ್ಟ್ ಕೂಡಾ ಕಡಿಮೆಯಾಗಿತ್ತು. ಅದೇ ರಾಗ.. ಅದೇ ಹಾಡು ನೋಡೋಕೂ ಬೋರ್ ಆಗ್ತಿದೆ ಅಂತಾ ಫ್ಯಾನ್ಸ್ ಕೂಡಾ ಕಮೆಂಟ್‌ ಮೇಲೆ ಕಮೆಂಟ್‌ ಹಾಕ್ತಿದ್ರು. ಈಗ ಡಿಸಿಯಾಗಿರೋ ಬಂಗಾರಮ್ಮನ ಸೊಸೆ ಕೊನೆಗೂ ಅತ್ತೆಯನ್ನ ಹುಡುಕಿದ್ದಾಳೆ. ಈ ಮೊದಲೇ ಸಹನ, ಪತ್ರದ ಮೂಲಕ ಸಿಂಗಾರಮ್ಮನ ಸತ್ಯದ ಬಗ್ಗೆ ರಿವೀಲ್ ಮಾಡಿದ್ದಳು. ಇದೀಗ ಸ್ನೇಹಾ ತನ್ನ ಅಧಿಕಾರ ಬಳಸಿಕೊಂಡು ಅತ್ತೆ ಇರುವ ಜಾಗವನ್ನು ಕಂಡು ಹಿಡಿದಿದ್ದಾಳೆ. ಲೋಕೆಶನ್‌ ಟ್ರ್ಯಾಪ್‌ ಮಾಡಿ ಅತ್ತೆಯನ್ನು ಬಚಾವ್‌ ಮಾಡಿದ್ದಾಳೆ. ಅತ್ತೆ ಸೊಸೆ ಅಂದರೆ ಹೀಗಿರಬೇಕು ಎಂದು ವೀಕ್ಷಕರು ಕಮೆಂಟ್‌ ಮಾಡ್ತಿದ್ದಾರೆ. ಜೊತೆಗೆ, ಈಗ ಸೀರಿಯಲ್ ಗೆ ಕಳೆ ಬಂತು. ಕಥೆಗೂ ಜೀವ ಬಂತು ಅಂತಿದ್ದಾರೆ ಫ್ಯಾನ್ಸ್.
ಇದಕ್ಕೂ ಮುಂಚೆ ಸಿಂಗಾರಮ್ಮ ಪುಟ್ಟಕ್ಕನ ಜತೆಗಿದ್ದ ಅಪ್ಪ ಮಗಳನ್ನು ದೂರ ಮಾಡಲು ನೋಡಿದ್ದಳು. ಆಗ ಪುಟ್ಟಕ್ಕ ಪರಿಸ್ಥಿತಿ ಎದುರಿಸಿ ನಿಂತಿದ್ದಳು. ತಾಳ್ಮೆಯಿಂದ ಇರುತ್ತಿದ್ದ ಪುಟ್ಟಕ್ಕನನ್ನು ಕಂಡು ಶಾಕ್‌ ಆಗಿದ್ದಳು ಸಿಂಗಾರಮ್ಮ. ಇದೀಗ ಸಿಂಗಾರಮ್ಮ ಸ್ನೇಹಾ ಬಳಿ ಸಿಕ್ಕಿಹಾಕಿಕೊಂಡಿದ್ದಾಳೆ. ಸಿಂಗಾರಮ್ಮನ ನಾಟಕಕ್ಕೆ ಈಗ ಡಿಸಿ ಸ್ನೇಹ ತೆರೆ ಎಳೆದಿದ್ದಾಳೆ. ಸ್ನೇಹಾ ಹಾಗೂ ಬಂಗಾರಮ್ಮ ಒಂದಾಗಿದ್ದು, ಮುಂದೇನು ಮಾಡ್ತಾರೆ ಅನ್ನೋ ಕುತೂಹಲ ಗರಿಗೆದರಿದೆ. ತನ್ನವ್ವ ಸಿಕ್ಕ ಮೇಲೆ ಕಂಠಿ ಕೂಡಾ ಸಿಂಗಾರಮ್ಮನ ವಿರುದ್ಧ ಹೇಗೆ ತಿರುಗಿಬೀಳ್ತಾನೆ ಅನ್ನೋದನ್ನ ನೋಡಲು ವೀಕ್ಷಕರು ಕೂಡಾ ಕಾಯ್ತಿದ್ದಾರೆ.
