ನೋಡಿರಿ
ಧೋನಿ ಜೊತೆ ಈ 7 ಜನ ನಿವೃತ್ತಿ? ಫಿಟ್ ಆಗಿಲ್ಲ, ರನ್ ಬರ್ತಿಲ್ಲ
ಹೊಸಬರು IN, ಹಳಬರು OUT
ಐಪಿಎಲ್‌ನಲ್ಲಿ ಸಾಕಷ್ಟು ಆಟಗಾರರು ತಮ್ಮ ವಯಸ್ಸನ್ನ ಲೆಕ್ಕಿಸದೇ ಆಟ ಆಡುತ್ತಿದ್ದಾರೆ. ನಿಮ್ಗೆ ಈ ಎಪಿಸೋಡ್‌ನಲ್ಲಿ ಈ ಐಪಿಎಲ್‌ನಂತ್ರ ಯಾವೆಲ್ಲಾ ಆಟಗಾರರು ನಿವೃತ್ತಿ ಹೊಂದಬಹುದು ಅನ್ನೋದನ್ನ ನೋಡೋಣ..
ಮಹೇಂದ್ರ ಸಿಂಗ್ ಧೋನಿ – ಸಿಎಸ್‌ಕೆ
43 ವರ್ಷದ ಎಂಎಸ್ ಧೋನಿಗೆ ಸರಿಯಾಗಿ ಬ್ಯಾಟಿಂಗ್ ಮಾಡಲು ಆಗುತ್ತಿಲ್ಲ. ಈ ಸೀಸನ್‌ನಲ್ಲಿ ಕೇವಲ 76 ರನ್ ಗಳಿಸಿದ್ದಾರೆ. ಅತ್ಯಧಿಕ ಸ್ಕೋರ್ 30 ಮತ್ತು ಸ್ಟ್ರೈಕ್ ರೇಟ್ 138.18. ಬ್ಯಾಟಿಂಗ್ ಮಾತ್ರವಲ್ಲ, ಧೋನಿಯ ನಾಯಕತ್ವವೂ ಸಾಧಾರಣವಾಗಿದೆ. ಇದರಿಂದಾಗಿ, ಹೊಸ ಸಿಎಸ್‌ಕೆ ತಂಡವನ್ನು ನಿರ್ಮಿಸುವ ಸಮಯ ಬಂದಿದೆ. ಸಿಎಸ್‌ಕೆಯ ಕೊನೆಯ ಲೀಗ್ ಪಂದ್ಯದಲ್ಲಿ ಧೋನಿ ನಿವೃತ್ತಿ ಘೋಷಿಸುವ ನಿರೀಕ್ಷೆಯಿದೆ.
ಅಜಿಂಕ್ಯ ರಹಾನೆ – ಕೋಲ್ಕತ್ತಾ ನೈಟ್ ರೈಡರ್ಸ್
ಐಪಿಎಲ್ 2025 ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಆಡುವ 36 ವರ್ಷದ ಅಜಿಂಕ್ಯ ರಹಾನೆ 9 ಪಂದ್ಯಗಳಲ್ಲಿ 271 ರನ್ ಗಳಿಸಿದ್ದಾರೆ. ಇವರು ಕೇವಲ ಮೂರು ಅರ್ಧಶತಕಗಳನ್ನು ಗಳಿಸಿದ್ದಾರೆ. ಇವರ ಬ್ಯಾಟಿಂಗ್ ಸ್ಥಿರವಾಗಿದೆ. ಆದರೆ, ಸ್ಟ್ರೈಕ್ ರೇಟ್ ಕೂಡ ಪ್ರಶ್ನಾರ್ಹವಾಗಿದೆ. ನಾಯಕನಾಗಿ ರಹಾನೆ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿಲ್ಲ ಮತ್ತು ನಿವೃತ್ತಿ ಹೊಂದುವ ಸಾಧ್ಯತೆ ಹೆಚ್ಚು.
ರವಿಚಂದ್ರನ್ ಅಶ್ವಿನ್ – CSK
ಐಪಿಎಲ್ 2025 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಉತ್ತಮ ನಿರೀಕ್ಷೆಗಳೊಂದಿಗೆ ಆಡಿದ ರವಿಚಂದ್ರನ್ ಅಶ್ವಿನ್, 8 ಕ್ಕಿಂತ ಹೆಚ್ಚಿನ ಎಕಾನಮಿ ರೇಟ್‌ನೊಂದಿಗೆ 7 ಪಂದ್ಯಗಳಲ್ಲಿ ಕೇವಲ 5 ವಿಕೆಟ್‌ಗಳನ್ನು ಮಾತ್ರ ಪಡೆದಿದ್ದಾರೆ. ಇವರು ಬಹಳಷ್ಟು ರನ್‌ಗಳನ್ನು ಬಿಟ್ಟುಕೊಟ್ಟಿದ್ದು, ಬ್ಯಾಟಿಂಗ್‌ನಿಂದಲೂ ತಂಡಕ್ಕೆ ಕೊಡುಗೆ ನೀಡಲು ಅವರಿಗೆ ಸಾಧ್ಯವಾಗಲಿಲ್ಲ.
ಮೊಯಿನ್ ಅಲಿ – ಕೋಲ್ಕತ್ತಾ ನೈಟ್ ರೈಡರ್ಸ್
ಕೋಲ್ಕತ್ತಾ ನೈಟ್ ರೈಡರ್ಸ್‌ನ 37 ವರ್ಷದ ಮೊಯಿನ್ ಅಲಿ ಐಪಿಎಲ್ 2025 ರ ಋತುವಿನಲ್ಲಿ ಕಳಪೆಯಾಗಿ ಆಡುತ್ತಿದ್ದಾರೆ. ಅವರು ತಮ್ಮ ಎರಡು ಅವಕಾಶಗಳಲ್ಲಿ ಕೇವಲ 5 ಮತ್ತು 0 ರನ್‌ಗಳನ್ನು ಗಳಿಸಿದರು. ಬೌಲಿಂಗ್‌ನಲ್ಲಿ ಗರಿಷ್ಠ ರನ್‌ಗಳನ್ನು ನೀಡಿದರು. ಮೊಯಿನ್ ಅಲಿ ನಿವೃತ್ತಿ ಹೊಂದಲು ಇದು ಸರಿಯಾದ ಸಮಯ.
ಫಾಫ್ ಡು ಪ್ಲೆಸಿಸ್ – ಡೆಲ್ಲಿ ಕ್ಯಾಪಿಟಲ್ಸ್
ಐಪಿಎಲ್ 2025 ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಪರ ಆಡುತ್ತಿರುವ 40 ವರ್ಷದ ಫಾಫ್ ಡು ಪ್ಲೆಸಿಸ್ ಕಳಪೆ ಪ್ರದರ್ಶನ ನೀಡುತ್ತಿದ್ದಾರೆ. ಅವರು 7 ಪಂದ್ಯಗಳಲ್ಲಿ ಒಂದು ಅರ್ಧಶತಕ ಸೇರಿದಂತೆ ಕೇವಲ 185 ರನ್ ಗಳಿಸಿದ್ದಾರೆ. ಅವರ ಪ್ರದರ್ಶನ ದೆಹಲಿಯ ಗೆಲುವಿಗೆ ನೆರವು ನೀಡುತ್ತಿಲ್ಲ.
ಇಶಾಂತ್ ಶರ್ಮಾ- ಗುಜರಾತ್ ಟೈಟಾನ್ಸ್
ಗುಜರಾತ್ ಟೈಟಾನ್ಸ್ ನ ಇಶಾಂತ್ ಶರ್ಮಾ ಐಪಿಎಲ್ 2025 ರ ಋತುವಿನಲ್ಲಿ ನಿರಾಶಾದಾಯಕ ಪ್ರದರ್ಶನ ನೀಡಿದ್ದಾರೆ. ಇವರು ವಿಕೆಟ್ ಪಡೆಯಲು ಹೆಣಗಾಡಿದ್ದಾರೆ. ಅಲ್ಲದೇ ಹೆಚ್ಚಿನ ಎಕಾನಮಿ ದರದಲ್ಲಿ ರನ್ ಬಿಟ್ಟುಕೊಟ್ಟಿದ್ದಾರೆ. ಅವರು ಎಸ್‌ಆರ್‌ಹೆಚ್ ವಿರುದ್ಧ 4 ಓವರ್‌ಗಳಲ್ಲಿ 0/53 ಮತ್ತು ಆರ್‌ಆರ್ ವಿರುದ್ಧ 2 ಓವರ್‌ಗಳಲ್ಲಿ 0/36 ರನ್ ಬಿಟ್ಟುಕೊಟ್ಟಿದ್ದಾರೆ. 36 ವರ್ಷದ ಇಶಾಂತ್ ಶರ್ಮಾ ಕೂಡ ಮೈದಾನದಲ್ಲಿ ಪ್ರದರ್ಶನ ನೀಡಲು ಸಾಧ್ಯವಾಗುತ್ತಿಲ್ಲ.
ಕರಣ್ ಶರ್ಮಾ- ಮುಂಬೈ ಇಂಡಿಯನ್ಸ್
ಮುಂಬೈ ಇಂಡಿಯನ್ಸ್ ನ 37 ವರ್ಷದ ಕರಣ್ ಶರ್ಮಾ 2025 ರ ಐಪಿಎಲ್ ಋತುವಿನಲ್ಲಿ ನಿರೀಕ್ಷೆಯಂತೆ ಪ್ರದರ್ಶನ ನೀಡಿಲ್ಲ. ಕೆಲವು ಪಂದ್ಯಗಳಲ್ಲಿ ಅವರು ಮ್ಯಾಚ್-ವಿನ್ನರ್ ಆಗಿದ್ದರೂ, ಮುಂಬೈನಲ್ಲಿ ಯುವ ಸ್ಪಿನ್ನರ್‌ಗಳ ಆಗಮನದೊಂದಿಗೆ ಕರಣ್ ಶರ್ಮಾ ನಿವೃತ್ತಿ ಹೊಂದುವ ಸಾಧ್ಯತೆ ಹೆಚ್ಚು. ಒಟ್ನಲ್ಲಿ ಈ 7 ಜನ ಆಟಗಾರರು ನಿವೃತ್ತಿ ಹೊಂದುವುದು ಬಹುತೇಕ ಪಿಕ್ಸ್ ಆಗಿದೆ.
