ಪಿತೃಪಕ್ಷದಲ್ಲಿ ನಿಮಗೆ ಈ ಕನಸುಗಳು ಬೀಳುತ್ತಿದ್ಯಾ? – ಕಾಗೆ, ಹಾವು, ಹದ್ದು ಬಂದ್ರೆ ಹುಷಾರ್

ಸ್ವಪ್ನ ಶಾಸ್ತ್ರದ ಪ್ರಕಾರ, ಪಿತೃಗಳು ಕನಸಿನಲ್ಲಿ ಕಾಣಿಸಿಕೊಳ್ಳುವ ಮೂಲಕವೂ ನಮಗೆ ಕೆಲವೊಂದು ಸೂಚನೆ ನೀಡುತ್ತಾರೆ. ಪಿತೃಗಳು ಕನಸಿನಲ್ಲೂ ವಿವಿಧ ಪ್ರಾಣಿ, ಪಕ್ಷಿಗಳ ರೂಪದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಕೆಲವೊಂದು ಸಂದೇಶಗಳನ್ನು ನೀಡುತ್ತಾರೆ. ಕೆಲವೊಮ್ಮೆ ಅವರು ಕನಸಿನ ಮೂಲಕ ನೀಡುವ ಸಂದೇಶಗಳು ಶುಭವಾದರೆ, ಇನ್ನು ಕೆಲವೊಮ್ಮೆ ಅವುಗಳು ಅಶುಭವಾಗಿರುತ್ತದೆ. ಪಿತೃ ಪಕ್ಷದಲ್ಲಿ ಯಾವ ಪ್ರಾಣಿ, ಪಕ್ಷುಗಳ ಕನಸು ಅಶುಭ ಸೂಚನೆ ಅನ್ನೋದ್ದನ್ನ ನೋಡೋಣ.

 ಕಾಗೆಯ ಕನಸು

ಕಾಗೆಯನ್ನು ಸಾಮಾನ್ಯವಾಗಿ ಪೂರ್ವಜರ ಉಪಸ್ಥಿತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಆದರೆ ಪಿತೃಪಕ್ಷದ ಸಮಯದಲ್ಲಿ ಕನಸಿನಲ್ಲಿ ಕಾಗೆಯನ್ನು ನೋಡುವುದು ಶುಭವಲ್ಲ. ಇದರರ್ಥ ನಿಮ್ಮ ಪೂರ್ವಜರು ನಿಮ್ಮ ಕೆಲಸಗಳಿಂದ ತೃಪ್ತರಾಗಿಲ್ಲ ಮತ್ತು ಅವರ ಆತ್ಮವು ಶಾಂತಿಯನ್ನು ಹುಡುಕುತ್ತಿದೆ ಎಂಬುದನ್ನು ಹೇಳುತ್ತದೆ. ನಿಮ್ಮ ಶ್ರಾದ್ಧ ಮತ್ತು ತರ್ಪಣ ಕರ್ಮದ ಬಗ್ಗೆ ನೀವು ವಿಶೇಷ ಗಮನ ಹರಿಸಬೇಕು ಎಂಬುದನ್ನು ಇದು ಸೂಚಿಸುತ್ತದೆ. ಅಂತಹ ಕನಸುಗಳನ್ನು ನಿರ್ಲಕ್ಷಿಸಬಾರದು.

ಇದನ್ನೂ ಓದಿ:  ಹರಿಣಗಳಿಗೆ ನೀರಿಳಿಸಿದ ಸಾಲ್ಟ್, ಬಟ್ಲರ್ – T-20Iನಲ್ಲಿ ಭಾರತಕ್ಕೆ ENG ಸೆಡ್ಡು

  ಹಾವಿನ ಕನಸು

ಸ್ವಪ್ನ ಶಾಸ್ತ್ರದ ಪ್ರಕಾರ, ನಾವು ಪಿತೃ ಪಕ್ಷದ ಅವಧಿಯಲ್ಲಿ ಹಾವಿನ ಕನಸನ್ನು ನೋಡಿದರೆ ಅದು ಎಚ್ಚರಿಕೆ ಮತ್ತು ಶಕ್ತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ನೀವು ಪಿತೃ ಪಕ್ಷದ ಅವಧಿಯಲ್ಲಿ ಹಾವಿನ ಕನಸನ್ನು ನೋಡಿದರೆ ಪಿತೃಗಳು ನಿಮ್ಮ ಮೇಲೆ ಅಸಮಾಧಾನಗೊಂಡಿದ್ದಾರೆ ಎಂಬುದಾಗಿದೆ. ನೀವು ಸರಿಯಾಗಿ ಶ್ರಾದ್ಧ, ತರ್ಪಣ ಅಥವಾ ಪಿಂಡದಾನ ಮಾಡದೇ ಇರುವ ಕಾರಣ ಅವರು ಈ ಕನಸನ್ನು ನಿಮಗೆ ನೀಡುತ್ತಾರೆ. ಇಂತಹ ಕನಸುಗಳು ಬಿದ್ದಾಗ ಮೊದಲು ನಿಮ್ಮ ತಪ್ಪನ್ನು ನೀವು ಸರಿಪಡಿಸಿಕೊಳ್ಳಬೇಕು ಮತ್ತು ನಿಮ್ಮ ಕೆಲಸಗಳ ಬಗ್ಗೆ ಜಾಗರೂಕರಾಗಿರಬೇಕು.

  ರಣಹದ್ದಿನ ಕನಸು

ಸ್ವಪ್ನ ಶಾಸ್ತ್ರದ ಪ್ರಕಾರ, ಕನಸಿನಲ್ಲಿ ರಣಹದ್ದುಗಳನ್ನು ನೋಡುವುದು ಶುಭವಲ್ಲವೆಂದು ಹೇಳಲಾಗುತ್ತದೆ. ನಾವು ರಣಹದ್ದಿನ ಕನಸುಗಳನ್ನು ನೋಡಿದರೆ ಅದು ನಮಗೆ ಮರಣ, ಬದಲಾವಣೆ ಮತ್ತು ಜೀವನದಲ್ಲಿ ಗಂಭೀರ ಎಚ್ಚರಿಕೆಯಿಂದ ಇರಬೇಕು ಎಂಬುದನ್ನು ಹೇಳುತ್ತದೆ. ಒಂದು ವೇಳೆ ನಾವು ಪಿತೃ ಪಕ್ಷದ ಅವಧಿಯಲ್ಲಿ ರಣಹದ್ದಿನ ಕನಸನ್ನು ನೋಡಿದರೆ ಅದು ನಮ್ಮ ಪಿತೃಗಳು ಕೋಪಗೊಂಡಿದ್ದಾರೆ ಎನ್ನುವ ಸೂಚನೆಯನ್ನು ನೀಡುತ್ತದೆ.

 ಬೆಕ್ಕಿನ ಕನಸು

ಪಿತೃ ಪಕ್ಷದಲ್ಲಿ ನಾವು ಬೆಕ್ಕಿನ ಕನಸನ್ನು ನೋಡಿದರೆ ಅದು ನಮಗೆ ಅಶುಭ ಮತ್ತು ಎಚ್ಚರಿಕೆಯ ಸೂಚನೆಯೆಂದು ಪರಿಗಣಿಸಲಾಗುತ್ತದೆ. ಈ ಅವಧಿಯಲ್ಲಿ ನಾವು ಬೆಕ್ಕನ್ನು ಕನಸಿನಲ್ಲಿ ನೋಡಿದರೆ ಅದು ಪಿತೃಗಳು ನಮ್ಮ ಮೇಲೆ ಅಸಮಾಧಾನಗೊಂಡಿದ್ದಾರೆ ಎಂಬುದನ್ನು ಹೇಳುತ್ತದೆ. ಕೆಲವೊಮ್ಮೆ ಬೆಕ್ಕು ಅಳುವುದನ್ನು ನೋಡುವುದು ಭವಿಷ್ಯದಲ್ಲಿ ಒಂದು ದೊಡ್ಡ ಘಟನೆಯನ್ನು ಸೂಚಿಸುತ್ತದೆ.