ನೋಡಿರಿ
ಪವಿತ್ರಾ ಪೋಸ್ಟ್ ಗೆ ಸೈಕ್ ಕಮೆಂಟ್ – ನೆಟ್ಟಿಗರ ಕಣ್ಮುಂದೆ ಬಂತಾ ಶೆಡ್?
ಸುಬ್ಬ ಸುಬ್ಬಿ ಒಂದಾಗಲಿಯೆಂದ ಫ್ಯಾನ್ಸ್
ರೇಣುಕಾಸ್ವಾಮಿ ಕೇಸ್ನಲ್ಲಿ ಬೇಲ್ ಪಡೆದಿರೋ ಪವಿತ್ರಾ ಗೌಡ ಈಗ ಜಾಲಿ ಮೂಡ್‌ನಲ್ಲಿ ಇದ್ದಾರೆ. ಕೋರ್ಟ್ ಪರ್ಮಿಷನ್ ಪಡೆದು ಹೊರ ರಾಜ್ಯಗಳಿಗೂ ಪ್ರಯಾಣಿಸುತ್ತಿದ್ದಾರೆ. ಖ್ಯಾತ ದೇವಸ್ಥಾನಗಳಿಗೆ ಭೇಟಿ ನೀಡುತ್ತಿದ್ದಾರೆ. ಸದ್ಯ ಇವರು ಶಿರಡಿ ಸಾಯಿಬಾಬಾನ ದರ್ಶನ ಪಡೆದಿದ್ದಾರೆ. ಈ ಪವಿತ್ರಾಗೌಡ ಜೈಲಿಗೆ ಹೋಗುವ ಮುಂಚೆ ಅಂದ್ರೆ ರೇಣುಕಾಸ್ವಾಮಿ ಕೇಸ್ನಲ್ಲಿ ಲಾಕ್ ಆಗೋ ಮುಂಚೆ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿದ್ರು.. ಕಲರ್ ಫುಲ್ ಡ್ರೆಸ್‌ನಲ್ಲಿ, ಜಗಮಗಿಸೋ ಜಾಗದಲ್ಲಿ ವೈಯ್ಯಾರ ಮಾಡುತ್ತಾ ಸಾಕಷ್ಟು ಫೋಟೋಗಳನ್ನ ಪೋಸ್ಟ್ ಮಾಡುತ್ತಿದ್ದರು.. ವಾರಕ್ಕೆ 4-5 ಪೋಸ್ಟ್‌ಗಳನ್ನ ಮಿಸ್ಸ್ ಮಾಡ್ದೆ ಹಾಕ್ತಾನೇ ಇರುತ್ತಿದ್ದರು.. ಯಾವಾಗ ರೇಣುಕಾಸ್ವಾಮಿ ಕೇಸ್ನಲ್ಲಿ ಲಾಕ್ ಆದ್ರೋ ಅವತ್ತೇ ಲಾಸ್ಟ್‌ .. ಇವರ ಇನ್ಸ್ಟಾ ಅಕೌಂಟ್‌ನಿಂದ ಒಂದೇ ಒಂದು ಪೋಸ್ಟ್ ಕೂಡ ಹಾಕಿಲ್ಲ.. 2024ರ ಮೇ 22 ರಲ್ಲಿ ಮಗಳ ಜೊತೆ ಒಂದು ಫೋಟೋವನ್ನ ಪೋಸ್ಟ್ ಮಾಡಿದ್ರು. ಅಲ್ಲಿಂದ ಸತತ 8 ತಿಂಗಳ ಕಾಲ ಅವರ ಅಕೌಂಟ್‌ನಿಂದ ಯಾವುದೇ ಪೋಸ್ಟ್ ಆಗಿರಲಿಲ್ಲ.. 6 ತಿಂಗಳು ಜೈಲಿನಲ್ಲಿದ್ರೂ ಆಗ ಪೋಸ್ಟ್ ಮಾಡೋಕೆ ಆಗಿರಲಿಲ್ಲ. ಅವರು ಜೈಲಿನಿಂದ ಬಂದ ುಒಂದೂವರೇ ತಿಂಗಳು ಕಳೆದಿದೆ.. ಹೀಗಿದ್ರೂ ಒಂದೇ ಒಂದು ಪೋಸ್ಟ್ ಮಾಡಿರಲಿಲ್ಲ.. ಬಟ್ ಇವತ್ತು ಇನ್ಸ್ಟಾ ಅಕೌಂಟ್‌ನಲ್ಲಿ ಒಂದ್ ಪೋಸ್ಟ್ ಹಾಕಿದ್ದಾರೆ.. ಬರೋಬ್ಬರಿ 8 ತಿಂಗಳ ಬಳಿಕ.. ಜೈಲಿನಿಂದ ಹೊರ ಬಂದ ಬಳಕ ಫೋಟೋಗೆ ಫೋಸ್ ಕೊಟ್ಟಿದ್ದಾರೆ. ಸಾಯಿಬಾಬಾ ಅವರ ಫೊಟೋಗಳ ಮುಂದೆ ನಿಂತು ಕ್ಯಾಮೆರಾಗೆ ಪೋಸ್ ಕೊಟ್ಟಿದ್ದಾರೆ. ಕೆಂಪು ಬಣ್ಣದ ಸಲ್ವಾರ್ ಧರಿಸಿ ಗೋಲ್ಡನ್ ಕಲರ್ ದುಪಟ್ಟಾ ಧರಿಸಿ ಮಿಂಚಿದ್ದಾರೆ. ಮೊಗದಲ್ಲಿ ಖುಷಿಯಿದೆ, ಸಂತೋಷವಿದೆ.. ತನ್ನ ಹಳೆಯ ಕಹಿ ನೆನೆಪುಗಳನ್ನ ಮರೆತು ಹೊಸ ಜೀವನ ಕಟ್ಟಿಕೊಳ್ಳೋಕೆ ಮುಂದಾಗಿದ್ದಾರೆ.
ಪವಿತ್ರಗೌಡಗೆ ಕಮೆಂಟ್ ಮಾಡೋಕೆ ಭಯನಾ?
ನೆಟ್ಟಿಗರು ಪವಿತ್ರಾ ಗೌಡ ಅವರ ವಿಡಿಯೋಗೆ ಬಗೆಬಗೆಯಾಗಿ ರಿಯಾಕ್ಟ್ ಮಾಡಿದ್ದಾರೆ. ಪವಿತ್ರಗೌಡ 8 ತಿಂಗಳ ಹಿಂದೆ ಹಾಕಿದ್ದ ಪೋಸ್ಟ್ ಗೆ ಸಾಕಷ್ಟು ಜನ ಕೆಟ್ಟ ಕೆಟ್ಟದಾಗಿ ಕಮೆಂಟ್ ಹಾಕಿದ್ರು.. ಕೆಟ್ಟ ಕೆಟ್ಟ ಪದಗಳನ್ನ ಸಾಕಷ್ಟು ಜನ ಬಳಸಿದ್ದಾರೆ. ಆದ್ರೆ ಇವತ್ತು ಸಿರಡಿ ಸಾಯಿಬಾಬಾ ಜೊತೆ ಹಾಕಿರೋ ಪೋಸ್ಟ್ ಗೆ ಬಹಳಷ್ಟು ಜನರು ಕಮೆಂಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಚೆನ್ನಾಗಿದೆ, ಮುಂದೆ ಒಳ್ಳೆಯದ್ದು ಆಗಲಿ ಎಂದು ಕಮೆಂಟ್ ಹಾಕಿದ್ದಾರೆ. ಇನ್ನೂ ಸಾಕಷ್ಟು ಜನ ಕಮೆಂಟ್ ಮಾಡಿ ದಯವಿಟ್ಟು ಅಕ್ಕಗೆ ಯಾರು ಕೆಟ್ಟದಾಗಿ SMS ಮಾಡಬೇಡಿ ಯಾಕ್ ಅಂದ್ರೆ ನಿಮಗೆ ಗೊತ್ ಅಲ್ವಾ ಎಂದು ಬರೆದಿದ್ದಾರೆ. ಹುಷಾರಾಗಿ ಮ್ಯಾಸೇಜ್ ಮಾಡಿ ಅಂತ ಇನ್ನೂ ಕೆಲವರು ಹೇಳಿದ್ರೆ, ಕಮೆಂಟ್ ಮಾಡೋ ಮೊದ್ಲು ಶೆಡ್ ನೆನೆಪು ಮಾಡ್ಕೊಳಿ, ಗಾಡಿ ಓನರ್ ಯಾರು ಅಂತ ಗೊತ್ತು ಅಲ್ವಾ ಅಂತ ಕೆಲವರು ಕಮೆಂಟ್ ಹಾಕಿದ್ದಾರೆ. ಯಾಕಂದ್ರೆ ರೇಣುಕಾಸ್ವಾಮಿ ಮರ್ಡರ್ ಆಗಿದ್ದು ಕೆಟ್ಟಗಾಗಿ ಪವಿತ್ರಗೌಡಗೆ ಮ್ಯಾಸೇಜ್ ಮಾಡಿದ್ದಕ್ಕೆ ಅನ್ನೋ ಭಯ ಬೇರೆಯವರಿಗೆ ಕಾಡುತ್ತಿದ್ದು, ಕೆಟ್ಟ ಕಟ್ಟೆ ಕಮೆಂಟ್‌ಗೆ ಬ್ರೇಕ್ ಹಾಕಿದ್ದಾರೆ.
ದರ್ಶನ್ ನೀವು ಒಂದಾಗಿ ಎಂದ ಫ್ಯಾನ್ಸ್
ಇನ್ನೂ ಕೆಲವರು ನೀವು ದರ್ಶನ್ ಒಂದಾಗಿ ಮೇಡಂ, ಜೈ ಡಿ ಬಾಸ್ ಸೂಪರ್ ನಮ್ಮ ಅತ್ತಿಗೆ ಅಂತ ಕಮೆಂಟ್ ಹಾಕಿದ್ದಾರೆ. ಇನ್ನೂ ಕೆಲವರು ನಮ್ಮ ಬಾಸ್ ಯಾವಾಗಲೂ ಪವಿತ್ರಾ ಮೇಡಂ ಜೊತೆಯಲ್ಲೇ ಇರಬೇಕು ಅಂತ ಹೇಳುತ್ತಿದ್ದಾರೆ. ಇಷ್ಟೆಲ್ಲಾ ಘಟನೆಯಾದ್ರೂ ಒಂದಷ್ಟು ಜನಕ್ಕ ಮತ್ತೆ ಪವಿತ್ರಗೌಡ ಮತ್ತು ದರ್ಶನ್ ಒಂದಾಗಲಿ ಅಂತ ಕಾಯುತ್ತಿದ್ದಾರೆ. ಆದ್ರೆ ಜೈಲಿನಿಂದ ದರ್ಶನ್ ಮತ್ತು ಪವಿತ್ರಗೌಡ ಹೊರ ಬಂದು ಎರಡು ತಿಂಗಳು ಕಳೆಯುತ್ತಾ ಬಂದ್ರೂ ಇಬ್ಬರು ಎಲ್ಲೂ ಒಟ್ಟಿಗೆ ಕಾಣಿಸಿಕೊಂಡಿಲ್ಲ.. 10 ದಿನಗಳ ಹಿಂದೆ ಕೋರ್ಟ್‌ನಲ್ಲಿ ಇಬ್ಬರು ಭೇಟಿಯಾಗಿದ್ದು ಬಿಟ್ರೆ, ಆಚೆ ಎಲ್ಲೂ ಕೂಡ ಇಬ್ಬರು ಕಾಣಿಸಿಕೊಂಡಿಲ್ಲ.
ಸೋಷಿಯಲ್ ಮೀಡಿಯಾದಲ್ಲಿ ದಾಸ ಆ್ಯಕ್ಟಿವ್
ಇನ್ನೂ ದರ್ಶನ್ ಕೂಡ ಸುಮಾರು 9 ತಿಂಗಳುಗಳ ಕಾಲ ಯಾವುದೇ ಪೋಸ್ಟ್ ಮಾಡಿರಲಿಲ್ಲ.. ಸಂಕ್ರಾಂತಿಗೆ ಕುದುರೆ ಜೊತೆ ಫೋಟೋ ಪೋಸ್ಟ್ ಮಾಡಿ ಶುಭಾಷಯ ಕೋರಿದ್ರು. ಅದು ಬಿಟ್ರೆ ದಿನಾಕರ್ ನಿರ್ದೇಶನ ಮಾಡಿರೋ ರಾಯಲ್ ಚಿತ್ರ ಟ್ರೈಲರ್ ಬಿಡುಗಡೆಯಾಗಿದೆ. ಒಳ್ಳೆ ಕಥೆ, ನಿಮ್ಮ ಪೋತ್ಸಾಹ ಸದಾ ಇರಲಿ ಎಂದು ಪೋಸ್ಟ್ ಹಾಕಿದ್ರು.. ಇವರು ಕಳೆದ ವರ್ಷ ಮಾರ್ಚ್‌ನಲ್ಲಿ ಲಾಸ್ಟ್‌ ಪೋಸ್ಟ್ ಹಾಕಿದ್ರು.. ಈಗ ಪವಿತ್ರಾ ಗೌಡ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಮೊದಲ ಫೋಸ್ಟ್ ಹಂಚಿಕೊಂಡಿದ್ದಾರೆ.
ದರ್ಶನ್ , ಪವಿತ್ರಾಗೆ ಮುಗಿದಿಲ್ಲ ಕೋರ್ಟ್ ಸಂಕಷ್ಟ
ಇನ್ನುಳಿದಂತೆ ಇಂದು ದರ್ಶನ್ ಮತ್ತು ಪವಿತ್ರಾ ಗೌಡ ಸೇರಿ ಇನ್ನು ಐದು ಆರೋಪಿಗಳ ಜಾಮೀನು ರದ್ದು ಮಾಡಬೇಕೆಂದು ಕೋರಿ ರಾಜ್ಯ ಸರ್ಕಾರದ ಪರ ವಕೀಲರು ಸುಪ್ರೀಂಕೋರ್ಟ್ಗೆ 1,492 ಪುಟಗಳ ದಾಖಲೆ ಸಲ್ಲಿಸಿದ್ದರು. ಈ ಬಗ್ಗೆ ಶುಕ್ರವಾರ ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ್ ದರ್ಶನ್ ಮತ್ತು ಪವಿತ್ರಾ ಗೌಡ ಅವರನ್ನು ಸೇರಿ 07 ಜನ ಆರೋಪಿಗಳಿಗೆ ನೊಟೀಸ್ ಜಾರಿ ಮಾಡಿದೆ. ವಿಚಾರಣೆಯನ್ನು ಮುಂದಕ್ಕೆ ದೂಡಿದೆ. ಸುಪ್ರೀಂ ಕೋರ್ಟ್ ನೀಡಿದ ಈ ನೊಟೀಸ್‌ಗೆ ಪವಿತ್ರಾ ಗೌಡ ಈಗ ಉತ್ತರ ನೀಡಬೇಕು. ತಮ್ಮ ವಕೀಲರಿಂದ ಉತ್ತರ ಕಳಿಸಬೇಕು. ಈ ಕಾರಣಕ್ಕೆ ಪವಿತ್ರಾ ಗೌಡಗೆ ಪೂರ್ತಿ ಪ್ರಮಾಣದ ನೆಮ್ಮದಿ ಇನ್ನು ಸಿಕ್ಕಿಲ್ಲ. ಕೇವಲ ಪವಿತ್ರಾ ಗೌಡ ಮಾತ್ರ ಅಲ್ಲ ದರ್ಶನ್ ಕಥೆ ಕೂಡ ಸೇಮ್ ಟು ಸೇಮ್. ಇನ್ನು ಸದ್ಯ ರೆಡ್ ಕಾರ್ಪೆಟ್ ಸ್ಟುಡಿಯೋವನ್ನು ರೀಲಾಂಚ್ ಮಾಡಲು ಓಡಾಡುತ್ತಿರುವ ಪವಿತ್ರಾ ಗೌಡ ಸದ್ಯದಲ್ಲಿಯೇ ಅದ್ದೂರಿ ಕಾರ್ಯಕ್ರಮ ಹಮ್ಮಿಕೊಳ್ಳುವ ನಿರೀಕ್ಷೆ ಇದೆ. ಇನ್ನೂ ದರ್ಶನ್ ಮತ್ತು ಪವಿತ್ರಾಗೌಡ ಒಂದೇ ಒಂದಾಗುವ ಚಾನ್ಸ್ ತುಂಬಾ ಕಡಿಮೆಯಿದೆ. ಯಾಕಂದ್ರೆ ದರ್ಶನ್ ಜೈಲಿಗೆ ಹೋದಾಗ ಪತ್ನಿ ವಿಜಯಲಕ್ಷ್ಮೀ ಹಗಲು ರಾತ್ರಿ ಎನ್ನದೇ ಓಡಾಡಿದ್ದಾರೆ. ಮಗ ವಿನೀಶ್ ಕೂಡ ಅಪ್ಪನ ಬೆನ್ನಿಗೆ ನಿಂತಿದ್ದ.. ಈಗ ಎಲ್ಲ ಸರಿ ಆದ ಮೇಲೆ ಮತ್ತೆ ಪವಿತ್ರಗೌಡ ಗೆಳತನ ಮುಂದುವರಿಸಿದ್ರೆ, ವಿಜಯಲಕ್ಷ್ಮೀ ಹೋರಾಟಕ್ಕೆ ಬೆಲೆ ಇಲ್ಲದಂತೆ ಆಗುತ್ತೆ ಅನ್ನೋದು ಫ್ಯಾನ್ಸ್ ಗಳ ಅಭಿಪ್ರಾಯ..
