ನೋಡಿರಿ
ನಮ್ಮ ಮೆಟ್ರೋ ಪ್ರಯಾಣಿಕರಿಗೆ ಗುಡ್ನ್ಯೂಸ್! – ಪಿಂಕ್ ಲೈನ್ ನ 4 ಪ್ರಮುಖ ನಿಲ್ದಾಣಗಳಲ್ಲಿ ಪಾರ್ಕಿಂಗ್ ಸೌಲಭ್ಯ
ನಮ್ಮ ಮೆಟ್ರೋ ಸಿಲಿಕಾನ್ ಸಿಟಿ ಬೆಂಗಳೂರಿನ ಜನರ ಸಂಚಾರ ಜೀವನಾಡಿಯಾಗಿದೆ. ನಿತ್ಯ ಲಕ್ಷಾಂತರ ಮಂದಿ ಪ್ರಯಾಣಿಕರು ಪ್ರಯಾಣಿಸುತ್ತಾರೆ. ಇದೀಗ ಬೆಂಗಳೂರಿನ ವಾಹನ ಸವಾರರ ಬಹುದಿನಗಳ ನಿರೀಕ್ಷೆಯಾಗಿರುವ ‘ನಮ್ಮ ಮೆಟ್ರೋ’ ಪಿಂಕ್ ಲೈನ್ ಮಾರ್ಗದ ಮೊದಲ ಹಂತದ ಕಾರ್ಯಾಚರಣೆ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಇದರ ಬೆನ್ನಲ್ಲೇ, ಮೆಟ್ರೋ ಪ್ರಯಾಣಿಕರಿಗೆ ಕನೆಕ್ಟಿವಿಟಿ ಸುಲಭಗೊಳಿಸುವ ನಿಟ್ಟಿನಲ್ಲಿ ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ ಮಹತ್ವದ ಹೆಜ್ಜೆಯನ್ನಿಟ್ಟಿದೆ.
ಇದನ್ನೂ ಓದಿ: ಥೈರಾಯ್ಡ್ ಸಮಸ್ಯೆ ನಿಮ್ಮನ್ನ ಕಾಡ್ತಿದ್ಯಾ? -ಹಾಗಾದ್ರೆ ಈ ತರಕಾರಿ ತಿನ್ನಲೇಬೇಡಿ!
ನಮ್ಮ ಮೆಟ್ರೋ ಪಿಂಕ್ ಲೈನ್ನ ನಾಲ್ಕು ಪ್ರಮುಖ ನಿಲ್ದಾಣಗಳಲ್ಲಿ ದ್ವಿಚಕ್ರ ವಾಹನಗಳ ನಿಲುಗಡೆಗೆ ಬಿಎಂಆರ್ಸಿಎಲ್ ವ್ಯವಸ್ಥೆ ಕಲ್ಪಿಸುತ್ತಿದೆ. ಈ ಪಾರ್ಕಿಂಗ್ ಸೌಲಭ್ಯಗಳ ನಿರ್ವಹಣೆ ಮತ್ತು ಉಸ್ತುವಾರಿಯ ಹೊಣೆ ಹೊರಲು ಆಸಕ್ತ ಸಂಸ್ಥೆಗಳಿಂದ ಬಿಎಂಆರ್ಸಿಎಲ್ ಪ್ರಸ್ತಾವನೆಗಾಗಿ ವಿನಂತಿಯನ್ನುಆಹ್ವಾನಿಸಿದೆ.
ಎಷ್ಟು ವಾಹನಗಳ ನಿಲುಗಡೆಗೆ ಅವಕಾಶವಿದೆ?
ತಾವರೆಕೆರೆ ನಿಲ್ದಾಣ: 155 ದ್ವಿಚಕ್ರ ವಾಹನಗಳು
ಐಐಎಂ-ಬಿ ನಿಲ್ದಾಣ: 155 ದ್ವಿಚಕ್ರ ವಾಹನಗಳು
ಹುಳಿಮಾವು ನಿಲ್ದಾಣ: 155 ದ್ವಿಚಕ್ರ ವಾಹನಗಳು
ಕಾಳೇನ ಅಗ್ರಹಾರ ನಿಲ್ದಾಣ: 110 ದ್ವಿಚಕ್ರ ವಾಹನಗಳು
ಕೈಗೆಟುಕುವ ದರದಲ್ಲಿ ಪಾರ್ಕಿಂಗ್ ಶುಲ್ಕ: ಸೈಕಲ್ಗಳಿಗೆ ಉಚಿತ!
ಮೆಟ್ರೋ ಪ್ರಯಾಣಿಕರಿಗೆ ಹೊರೆಯಾಗದಂತೆ ಬಿಎಂಆರ್ಸಿಎಲ್ ಅತ್ಯಂತ ನ್ಯಾಯೋಚಿತ ಪಾರ್ಕಿಂಗ್ ದರಗಳನ್ನು ನಿಗದಿಪಡಿಸಿದೆ.
ಮೊದಲ 4 ಗಂಟೆಗಳ ಅವಧಿಗೆ: ₹15
ನಂತರದ ಪ್ರತಿ ಹೆಚ್ಚುವರಿ ಗಂಟೆಗೆ: ₹5
ಇಡೀ ದಿನದ (Full Day) ಪಾರ್ಕಿಂಗ್ ಶುಲ್ಕ: ₹30
ಪರಿಸರಸ್ನೇಹಿ ಸೈಕಲ್ಗಳಿಗೆ: ಸಂಪೂರ್ಣ ಉಚಿತ ಪಾರ್ಕಿಂಗ್ ವ್ಯವಸ್ಥೆ .
ಯಾವೆಲ್ಲಾ ನಿಲ್ದಾಣಗಳಲ್ಲಿ ಪಾರ್ಕಿಂಗ್ ಲಭ್ಯ?
ವರದಿಯ ಪ್ರಕಾರ, ದಕ್ಷಿಣ ಬೆಂಗಳೂರು ಭಾಗದಲ್ಲಿ ಬರುವ ಪಿಂಕ್ ಲೈನ್ನ 7.5 ಕಿಲೋಮೀಟರ್ ಉದ್ದದ ಎತ್ತರಿಸಿದ ಮಾರ್ಗದಲ್ಲಿರುವ ತಾವರೆಕೆರೆ, ಐಐಎಂ-ಬಿ, ಹುಳಿಮಾವು, ಕಾಳೇನ ಅಗ್ರಹಾರ ನಿಲ್ದಾಣಗಳಲ್ಲಿ ಈ ಸೌಲಭ್ಯ ಸಿಗಲಿದೆ:
ಪಾರ್ಕಿಂಗ್ ನಿರ್ವಹಣೆಯ ಅರ್ಹತಾ ನಿಯಮಗಳು
ಈ ಪಾರ್ಕಿಂಗ್ ತಾಣಗಳ ನಿರ್ವಹಣೆಯ ಜವಾಬ್ದಾರಿಯನ್ನು ಬಿಎಂಆರ್ಸಿಎಲ್ ಒಂದು ವರ್ಷದ ಅವಧಿಯ ಪರವಾನಗಿ ಆಧಾರದ ಮೇಲೆ ನೀಡಲಿದೆ. ಪ್ರತಿ ನಿಲ್ದಾಣದ ಕನಿಷ್ಠ ಪರವಾನಗಿ ಶುಲ್ಕವನ್ನು ₹10 ಲಕ್ಷಕ್ಕೆ ನಿಗದಿಪಡಿಸಲಾಗಿದೆ. ಪಾರದರ್ಶಕತೆ ಮತ್ತು ದಕ್ಷ ನಿರ್ವಹಣೆಯನ್ನು ಖಾತ್ರಿಪಡಿಸಿಕೊಳ್ಳಲು, ₹12 ಲಕ್ಷ ಹಾಗೂ ಅದಕ್ಕಿಂತ ಹೆಚ್ಚಿನ ಧನಾತ್ಮಕ ನಿವ್ವಳ ಮೌಲ್ಯ ಹೊಂದಿರುವ ನೊಂದಾಯಿತ ಕಂಪನಿಗಳಿಗೆ ಮಾತ್ರ ಈ ಟೆಂಡರ್ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಅರ್ಹತೆ ನೀಡಲಾಗಿದೆ.
ಸಾರ್ವಜನಿಕರಿಗೆ ಈ ಸೌಲಭ್ಯ ಯಾವಾಗ ಸಿಗಲಿದೆ?
ಕಾಳೇನ ಅಗ್ರಹಾರ ಮತ್ತು ತಾವರೆಕೆರೆ ನಡುವಿನ 7.5 ಕಿ.ಮೀ ಉದ್ದದ ಎತ್ತರಿಸಿದ ಮೆಟ್ರೋ ಮಾರ್ಗವು ಮುಂದಿನ ತಿಂಗಳು ಸಾರ್ವಜನಿಕ ಸಂಚಾರಕ್ಕೆ ಉದ್ಘಾಟನೆಗೊಳ್ಳಲಿದ್ದು, ಅದೇ ದಿನದಿಂದ ಈ ಪಾರ್ಕಿಂಗ್ ಸೌಲಭ್ಯಗಳೂ ಪ್ರಯಾಣಿಕರಿಗೆ ಲಭ್ಯವಾಗಲಿವೆ. ಆದಾಗ್ಯೂ, ಪಿಂಕ್ ಲೈನ್ನ ಉಳಿದ ಭಾಗವಾಗಿರುವ ತಾವರೆಕೆರೆಯಿಂದ ನಾಗವಾರದವರೆಗಿನ ಭೂಗತ ಮಾರ್ಗದ ಸಂಪೂರ್ಣ ಸಕ್ರಿಯ ಕಾರ್ಯಾಚರಣೆಗಾಗಿ ಪ್ರಯಾಣಿಕರು ಈ ವರ್ಷದ ಕೊನೆಯವರೆಗೂ ಕಾಯಬೇಕಾಗುತ್ತದೆ.
