ನೋಡಿರಿ
ಹಾರ್ದಿಕ್ ಪಾಂಡ್ಯ ಅಬ್ಬರದ ಬ್ಯಾಟಿಂಗ್ ನೋಡಿ ಪತ್ನಿ ಕ್ಲೀನ್ ಬೌಲ್ಡ್
ಹಾರ್ದಿಕ್ ಪಾಂಡ್ಯ ಅಭಿಮಾನಿಗಳ ಹೃದಯಗೆದ್ದ ನತಾಶಾ
ಅಡಿಲೇಡ್ : ಟಿ20 ವಿಶ್ವಕಪ್ ಸೆಮೆಫೈನಲ್‌ನಲ್ಲಿ ಟೀಮ್ ಇಂಡಿಯಾ ಹೀನಾಯ ಸೋಲು ಕಂಡಿದೆ. ಇಂಗ್ಲೆಂಡ್ ವಿರುದ್ಧ ಮೊದಲು ಬ್ಯಾಟಿಂಗ್ ಆರಂಭಿಸಿದ ಟೀಮ್ ಇಂಡಿಯಾ ಆರಂಭದಲ್ಲೇ ಮುಗ್ಗರಿಸಿತ್ತು. ಒಂದು ಕಡೆ ವಿಕೆಟ್ ಉರುಳುತ್ತಿದ್ದರೆ ಮತ್ತೊಂದು ಕಡೆ ವಿರಾಟ್ ಕೊಹ್ಲಿ ಮತ್ತು ಹಾರ್ದಿಕ್ ಪಾಂಡ್ಯ ಒಂದು ಹಂತದವರೆಗೂ ರನ್ ಮೊತ್ತ ಏರಿಸುತ್ತಿದ್ದರು. ಅದರಲ್ಲೂ ಹಾರ್ದಿಕ್ ಪಾಂಡ್ಯ ತನ್ನ ವೇಗದ ಲಯ ಕಂಡುಕೊಂಡಿದ್ದು ನೋಡಿ ಗ್ಯಾಲರಿಯಲ್ಲಿ ಕೂತಿದ್ದ ಪತ್ನಿ ನತಾಶಾ ಪಾಂಡ್ಯ ಸಂಭ್ರಮದಿಂದ ಚಪ್ಪಾಳೆ ತಟ್ಟುತ್ತಿದ್ದರು.
ಇದನ್ನೂ ಓದಿ : ವಿಕೆಟ್ ಉರುಳದೆ ಟೀಮ್ ಇಂಡಿಯಾ ಸುಸ್ತು, ಇಂಗ್ಲೆಂಡ್ ಗೆದ್ದೇ ಬಿಡ್ತು
ಇಂಗ್ಲೆಂಡ್ ಬೌಲರ್‌ಗಳನ್ನ ದಂಡಿಸಲು ಶುರುಮಾಡಿದ ಹಾರ್ದಿಕ್ ಪಾಂಡ್ಯ ಸಿಕ್ಸರ್‌ಗಳ ಸುರಿಮಳೆಗೈದರು. ಪತಿಯ ಭರ್ಜರಿ ಬ್ಯಾಟಿಂಗ್ ವೈಖರಿ ನೋಡಿ ಪತ್ನಿ ನತಾಶಾ ನಿಂತುಕೊಂಡೇ ಚಪ್ಪಾಳೆ ತಟ್ಟುತ್ತಿದ್ದರು. 33 ಎಸೆತಗಳಲ್ಲಿ ಪಾಂಡ್ಯಾ 63 ರನ್ ಪೇರಿಸಿ ಭಾರತದ ರನ್ ಮೊತ್ತವನ್ನ ಏರಿಸುವಲ್ಲಿ ಸಫಲರಾಗಿದ್ದರು. ಆದರೆ ಕೊನೇ ಓವರ್‌ನ ಲಾಸ್ಟ್ ಬಾಲ್‌ನಲ್ಲಿ ಹಿಟ್ ವಿಕೆಟ್‌ಗೆ ಆಟ ಮುಗಿಸಿದ್ರು. ಕೊನೇ ಬಾಲ್‌ಗೆ ಹಾರ್ದಿಕ್ ಔಟಾಗಿದ್ದು ನೋಡಿ ಇಟ್ಸ್ ಓಕೆ ಅಂತಾ ಗಂಡನಿಗೆ ಹೇಳೋ ನತಾಶಾರ ಪ್ರೋತ್ಸಾಹಕ್ಕೆ ಅಭಿಮಾನಿಗಳು ಬಹುಪರಾಕ್ ಹೇಳಿದ್ದಾರೆ. ಹಾರ್ದಿಕ್ ಅವರನ್ನ ಹುರಿದುಂಬಿಸಿದ ಪತ್ನಿ ನತಾಶಾಗೆ ಸೋಶಿಯಲ್ ಮೀಡಿಯಾದಲ್ಲಿ ಮೆಚ್ಚುಗೆಯ ಸುರಿಮಳೆ ಹರಿದು ಬರುತ್ತಿದೆ.
