ನೋಡಿರಿ
ಬಿದ್ದ ಪಾಕಿಸ್ತಾನ, ಗೆದ್ದ ಅಫ್ಘಾನಿಸ್ತಾನ – ಪಾಕ್ ಟೀಮ್ ಕ್ಯಾಪ್ಟನ್ ಬಾಬರ್ ಆಜಂ ನಾಯಕ ಸ್ಥಾನಕ್ಕೂ ಬರುತ್ತಾ ಕುತ್ತು?
ಪಾಕಿಸ್ತಾನ ತನ್ನ ಮತ್ತೊಂದು ನೆರೆ ದೇಶದ ಮುಂದೆಯೂ ಮಂಡಿಯೂರಿ..ಶರಣಾಗಿ..ಶಸ್ತ್ರ ತ್ಯಾಗ ಮಾಡಿದೆ. ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ನಮ್ಮ ಹಣೆಬರಹವೇ ಇಷ್ಟು ಅನ್ನೋದನ್ನ ಪಾಕ್ ಕ್ರಿಕೆಟ್ ಟೀಂ ಜಗತ್ತಿಗೆ ಸಾರಿ ಹೇಳಿದೆ. ಅಫ್ಘಾನಿಸ್ತಾನ ಟೀಮ್ ಮುಂದೆ ಮಂಡಿಯೂರಿದ ಪಾಕ್, ವಿಶ್ವಕಪ್‌ನಲ್ಲಿ ಪ್ರಯಾಣ ಮುಗಿಸುವ ಹಂತಕ್ಕೆ ತಲುಪಿದೆ.
ಇದನ್ನೂ ಓದಿ: ವಿಶ್ವಕಪ್ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್‌ಗಳಿಸಿದ ವಿರಾಟ್ ಕೊಹ್ಲಿ – ರನ್ ಮೆಷಿನ್ ಚೇಸಿಂಗ್ ಸ್ಟೈಲ್ ಹೇಗಿದೆ?
ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಟೀಂ ಇಂಡಿಯಾ ಕೊಟ್ಟ ಹೊಡೆತಕ್ಕೆ ಪಾಕ್ ಕ್ರಿಕೆಟಿಗರಿಗೆ ಗರ ಬಡಿದಂತಾಗಿತ್ತು. ಇದ್ರಿಂದ ಪಾಕಿಸ್ತಾನಿಗಳು ಇನ್ನೂ ಕೂಡ ಚೇತರಿಸಿಕೊಂಡಿಲ್ಲ. ಸದ್ಯಕ್ಕೆ ಚೇತರಿಸಿಕೊಳ್ಳುವ ಯಾವ ಲಕ್ಷಣಗಳು ಕೂಡ ಕಾಣ್ತಿಲ್ಲ. 282 ರನ್ ಹೊಡೆದರೂ ಚೆನ್ನೈ ಪಿಚ್ನಲ್ಲೂ ಅಫ್ಘಾನಿಸ್ತಾನ ತಂಡವನ್ನೇ ಡಿಫೆಂಡ್ ಮಾಡೋಕೆ ಪಾಕಿಸ್ತಾನ ತಂಡಕ್ಕೆ ಸಾಧ್ಯವಾಗಿಲ್ಲ. ಈ ಬಾರಿಯ ವರ್ಲ್ಡ್ಕಪ್ನಲ್ಲಂತೂ ಒಂದು ತಂಡವಾಗಿ ಪಾಕಿಸ್ತಾನ ಪರ್ಫಾಮ್ ಮಾಡುವಲ್ಲಿ ಕಂಪ್ಲೀಟ್ ಫೇಲ್ ಆಗಿದೆ. ಟೂರ್ನಿಯುದ್ದಕ್ಕೆ ಒಂದೇ ತಪ್ಪನ್ನ ಮೇಲಿಂದ ಮೇಲೆ ಮಾಡ್ತಿದ್ದಾರೆ. ತಮ್ಮ ಆಟವನ್ನ ಸುಧಾರಿಸಿಕೊಳ್ಳದೆ ಪಿಚ್ನ್ನ ದೂರೋದ್ರಲ್ಲಿ ಯಾವ ಅರ್ಥವೂ ಇಲ್ಲ. ಈಗ ಅಫ್ಘಾನಿಸ್ತಾನ, ನೆದರ್ಲ್ಯಾಂಡ್ನವರು ಇದೇ ಪಿಚ್ಗಳಲ್ಲಿ ಆಡಿ ಗೆದ್ದಿದ್ದು ಹೇಗೆ ಎಂಬ ಅರಿವು ಪಾಕಿಸ್ತಾನ ಟೀಮ್ ಗೆ ಇಲ್ಲ. ಪಾಕಿಸ್ತಾನದ ಈ ಬಾರಿಯ ವರ್ಲ್ಡ್ಕಪ್ ಜರ್ನಿ ಒಂದು ರೀತಿ ಮುಗಿದ ಹಾಗೆಯೇ ಆಗಿದೆ. ಸೆಮಿಫೈನಲ್ ಎಂಟ್ರಿ ಸಾಧ್ಯವೇ ಇಲ್ಲ ಎನ್ನಲಾಗುತ್ತಿದೆ. ಇದರ ಜೊತೆಗೆ ಬಾಬರ್ ಆಜಂ ಕ್ಯಾಪ್ಟನ್ಸಿ ಕೊನೆಗೊಂಡರೂ ಅಚ್ಚರಿಯಿಲ್ಲ.
ಆದರೆ, ಪಾಕಿಸ್ತಾನ ಟೀಮ್ ಎಷ್ಟು ಕುಗ್ಗುತ್ತಾ ಹೋಗುತ್ತಿದೆಯೋ ಅಫ್ಘಾನಿಸ್ತಾನ ಕ್ರಿಕೆಟ್ ತಂಡ ಅಷ್ಟೇ ಮಿಂಚುತ್ತಿದೆ. ಇದೇ ಮೊದಲ ಬಾರಿಗೆ ವರ್ಲ್ಡ್ಕಪ್ನಲ್ಲಿ ಅಫ್ಘಾನಿಸ್ತಾನ ಎರಡು ಪಂದ್ಯಗಳನ್ನ ಗೆದ್ದಿದೆ. ಮೊದಲಿಗೆ ಇಂಗ್ಲೆಂಡ್.. ಈಗ ಪಾಕಿಸ್ತಾನ.. ಈ ಮೂಲಕ ಜಗತ್ತಿನ ಯಾವುದೇ ಟೀಂನ್ನ ಸೋಲಿಸುವ ಸಾಮರ್ಥ್ಯ ನಮಗಿದೆ ಅನ್ನೋದು ಆಫ್ಘನ್ನರು ಸಾಬೀತುಪಡಿಸಿದ್ದಾರೆ. ಆಫ್ಘನ್ ಕ್ರಿಕೆಟ್ ತಂಡಕ್ಕೆ ಭಾರತ ನೆರವು ನೀಡ್ತಿದೆ. ನಮ್ಮಲ್ಲೇ ಬಂದು ಆಫ್ಘಾನಿಸ್ತಾನ ತಂಡ ವರ್ಲ್ಡ್ಕ್ಲಾಸ್ ತರಬೇತಿ ಪಡೆದುಕೊಳ್ತಿದೆ. ಅದ್ರ ಫಲಿತಾಂಶ ಈ ವರ್ಲ್ಡ್ಕಪ್ನಲ್ಲಿ ಬಂದಿದೆ. ಚೆನ್ನೈನ ಪಿಚ್ನಲ್ಲಿ 283 ರನ್ ಚೇಸ್ ಮಾಡೋದು ಅಂದ್ರೆ ಅಷ್ಟೊಂದು ಸುಲಭ ಆಗಿರಲಿಲ್ಲ.. ಅದು ಸ್ಪಿನ್ ಪಿಚ್ ಬೇರೆ.. ಆದ್ರೂ ಅಫ್ಘಾನಿಸ್ತಾನ ಕೇವಲ 2 ವಿಕೆಟ್ಗಳನ್ನಷ್ಟೇ ಕಳೆದುಕೊಂಡು ಟಾರ್ಗೆಟ್ ರೀಚ್ ಆಗಿದೆ.
