ನೋಡಿರಿ
ಇರಾನ್ – ಇಸ್ರೇಲ್ ಯುದ್ಧದಿಂದ ಪಾಪರ್ ಆದ ಪಾಕ್ – ಪೆಟ್ರೋಲ್ ,ಡೀಸೆಲ್ ದರ ದಾಖಲೆ ಮಟ್ಟದಲ್ಲಿ ಏರಿಕೆ!
ಇರಾನ್ – ಇಸ್ರೇಲ್ ಯುದ್ಧದ ಎಫೆಕ್ಟ್ನಿಂದ ಪಾಕಿಸ್ತಾನವು ಪೆಟ್ರೋಲ್ ಮತ್ತು ಹೈ-ಸ್ಪೀಡ್ ಡೀಸೆಲ್ (ಎಚ್ಎಸ್ಡಿ) ಬೆಲೆಗಳಲ್ಲಿ ಕ್ರಮವಾಗಿ ಶೇ 43 ಮತ್ತು ಶೇ 55ರಷ್ಟು ಹೆಚ್ಚಳ ಮಾಡಿದೆ. ಪೆಟ್ರೋಲ್ ಬೆಲೆಯನ್ನು ಲೀಟರ್ಗೆ 137.23 ಪಿಕೆಆರ್ (ಶೇ 42.7) ಹೆಚ್ಚಿಸಿದ್ದು, ಇದೀಗ 458.41 ಪಿಕೆಆರ್ಗೆ ಮಾರಾಟವಾಗುತ್ತಿದೆ. ಎಚ್ಎಸ್ಡಿ ಬೆಲೆಯನ್ನು ಲೀಟರ್ಗೆ 184.49 ಪಿಕೆಆರ್ (ಶೇ 55) ಹೆಚ್ಚಿಸಲಾಗಿದ್ದು, 335.86 ಪಿಕೆಆರ್ನಿಂದ 520.35 ಪಿಕೆಆರ್ಗೆ ಮಾರಾಟ ಮಾಡಲಾಗುತ್ತಿದೆ. ಹೊಸ ದರ ತಕ್ಷಣದಿಂದಲೇ ಜಾರಿಗೆ ಬಂದಿದೆ. ಸೀಮೆಎಣ್ಣೆಯ ಬೆಲೆಯನ್ನು ಕೂಡ ಲೀಟರ್ಗೆ 34.08 ಪಿಕೆಆರ್ ಹೆಚ್ಚಿಸಿದ್ದು, ಸದ್ಯ 457.80 ಪಿಕೆಆರ್ಗೆ ತಲುಪಿದೆ.
ಇದನ್ನೂ ಓದಿ: ಚೆಪಾಕ್ನಲ್ಲಿ ಕಿಂಗ್ಸ್ ನಡುವೆ ಕಾಳಗ – ಧೋನಿ ಆಡ್ತಾರಾ? ಶ್ರೇಯಸ್ ಅಯ್ಯರ್ ಡೌಟ್?
ಡೀಸೆಲ್ ಬೆಲೆ ಏರಿಕೆಯನ್ನು ಮಿತಿಗೊಳಿಸಲು ಸರ್ಕಾರ ಪೆಟ್ರೋಲ್ ಮೇಲಿನ ತೆರಿಗೆಯನ್ನು ಸಹ ಹೆಚ್ಚಿಸಿದೆ. ಪೆಟ್ರೋಲ್ ಮೇಲಿನ ತೆರಿಗೆಯನ್ನು ಲೀಟರ್ಗೆ 105 ರೂ.ಗಳಿಂದ 160 ರೂ.ಗಳಿಗೆ ಹೆಚ್ಚಿಸಲಾಗಿದೆ ಮತ್ತು ಡೀಸೆಲ್ ಮೇಲಿನ ತೆರಿಗೆಯನ್ನು 55 ರೂ.ಗಳಿಂದ ಶೂನ್ಯಕ್ಕೆ ಇಳಿಸಲಾಗಿದೆ.ಪೆಟ್ರೋಲಿಯಂ ಸಚಿವ ಅಲಿ ಪರ್ವೇಜ್ ಮಲಿಕ್ ಮಾತನಾಡಿ, ಇದು ‘ಕಠಿಣ ನಿರ್ಧಾರ’ವಾಗಿದೆ. ಆದರೆ, ಹಣಕಾಸಿನ ಶಿಸ್ತನ್ನು ಕಾಯ್ದುಕೊಳ್ಳುವ ಮತ್ತು ಆರ್ಥಿಕ ಸ್ಥಿರತೆಯನ್ನು ಕಾಪಾಡುವ ಮೂಲಕ ಸಬ್ಸಿಡಿಗಳನ್ನು ನಿಜವಾಗಿಯೂ ಅಗತ್ಯವಿರುವ ಜನರಿಗೆ ಮಾತ್ರ ಒದಗಿಸುವುದು ಇದರ ಗುರಿಯಾಗಿದೆ ಎಂದು ಹೇಳಿದರು.
ಏರಿಕೆ ಕಂಡ ನಂತರ, ಬಳಕೆಯನ್ನು ನಿಯಂತ್ರಿಸಲು ಸರ್ಕಾರ ಬೆಲೆಗಳನ್ನು ಹೆಚ್ಚಿಸಿದೆ ಎಂದು ಪ್ರಧಾನ ಮಂತ್ರಿಗಳ ಆರ್ಥಿಕ ವ್ಯವಹಾರಗಳ ಸಲಹೆಗಾರ ಖುರ್ರಂ ಶೆಹಜಾದ್ ಜಿಯೋ ನ್ಯೂಸ್ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
‘ಯುದ್ಧ ಪ್ರಾರಂಭವಾದ ಕೂಡಲೇ ಮೊದಲ ಬಾರಿಗೆ ಲೀಟರ್ಗೆ 55 ಪಿಕೆಆರ್ ಹೆಚ್ಚಳ ಮಾಡಿದ ನಂತರ ಸರ್ಕಾರವು ಇಂಧನ ಬೆಲೆ ಏರಿಕೆಯನ್ನು ಮೂರು ವಾರಗಳವರೆಗೆ ವಿಳಂಬ ಮಾಡಿತು. ಆದರೆ, ಅಂತಿಮವಾಗಿ ಮತ್ತೊಮ್ಮೆ ಹೆಚ್ಚಿಸುವ ನಿರ್ಧಾರವನ್ನು ತೆಗೆದುಕೊಂಡಿತು. ಸರ್ಕಾರವು ಇನ್ನೂ ಮೋಟಾರ್ಬೈಕ್ ಮಾಲೀಕರು, ಇಂಟರ್ಸಿಟಿ ಸಾರಿಗೆ, ಉತ್ತಮ ಸಾರಿಗೆ ವಾಹನಗಳು ಮತ್ತು ರೈತರಿಗೆ ಸಬ್ಸಿಡಿಗಳನ್ನು ನೀಡುತ್ತಿದೆ’ ಎಂದು ಅವರು ಹೇಳಿದರು.
