ನೋಡಿರಿ
ಒಂದು ಕಾಲದಲ್ಲಿ ವಿಶ್ವ ಕ್ರಿಕೆಟ್ನಲ್ಲಿ ಆಸ್ಟ್ರೇಲಿಯಾವೇ ಬಲಿಷ್ಠ ಟೀಮ್..! – ಮತ್ತೊಂದು ಬಲಾಢ್ಯಟೀಮ್ ಭಾರತ ಜೊತೆ ಆಸೀಸ್ ಫೈನಲ್ ಹಣಾಹಣಿ
ಇಂಡಿಯಾ VS ಆಸ್ಟ್ರೇಲಿಯಾ.. ಫೈನಲ್ ಮ್ಯಾಚ್ಗಾಗಿ ಇಡೀ ಜಗತ್ತೇ ಕಾಯ್ತಾ ಇದೆ. ಈ ಬಾರಿಯ ವರ್ಲ್ಡ್ಕಪ್ ಫೈನಲ್ ಕೇವಲ ಫೈನಲ್ ಅಷ್ಟೇ ಅಲ್ಲ, ವರ್ಲ್ಡ್ ಕ್ರಿಕೆಟ್ನಲ್ಲಿ ಇದನ್ನ ಮಹಾಯುದ್ಧ ಅಂತಾನೆ ಹೇಳಬಹುದು. ಜಾಗತಿಕ ಕ್ರಿಕೆಟ್ನ ಎರಡು ಬಲಿಷ್ಠ ಟೀಂಗಳು ವರ್ಲ್ಡ್ಕಪ್ ಫೈನಲ್ನಲ್ಲಿ ಮುಖಾಮುಖಿಯಾಗ್ತಿವೆ. ಆಸ್ಟ್ರೇಲಿಯಾ ಟೀಂ ಬಗ್ಗೆ ಮತ್ತು ವಿಶ್ವಕಪ್ ಅಂತಾ ಬಂದಾಗ ಆಸ್ಟ್ರೇಲಿಯಾ ಹೇಗೆ ಡಿಫರೆಂಟ್ ಟೀಂ ಆಗಿರುತ್ತೆ. ಕಳೆದ ಕೆಲ ದಶಕಗಳಿಂದ ಆಸ್ಟ್ರೇಲಿಯಾ ಯಾವ ರೀತಿ ಕ್ರಿಕೆಟ್ ಜಗತ್ತಿನ ಆಳುತ್ತಾ ಬಂದಿದೆ. ಹೇಗೆ ಡಾಮಿನೇಟ್ ಮಾಡಿದೆ? ಇದಕ್ಕೆ ಕಾರಣ ಏನು? ಆಸ್ಟ್ರೇಲಿಯನ್ ಕ್ರಿಕೆಟ್ ಟೀಂ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ರೋಹಿತ್ ಶರ್ಮಾ & ವಿರಾಟ್ ಕೊಹ್ಲಿ ಮಧ್ಯೆ ಬ್ರೋಮ್ಯಾನ್ಸ್ – ಇವರೇ ಟೀಮ್ ಇಂಡಿಯಾದ ಬಲಾಢ್ಯ ಕಂಬಗಳು
ವಿಶ್ವ ಕ್ರಿಕೆಟ್ ನಲ್ಲಿ ಸಾರ್ವಕಾಲಿಕ ಮಹಾನ್ ತಂಡ ಯಾವುದಾದರೂ ಇದ್ದರೆ ಅದು ಆಸ್ಟ್ರೇಲಿಯಾ. ಬ್ರಿಟೀಷರು ಕ್ರಿಕೆಟ್ ಕಂಡು ಹಿಡಿದರೂ ಕೂಡ, ಕ್ರಿಕೆಟ್ ಜಗತ್ತಿನಲ್ಲಿ ಅನಭಿಷಿಕ್ತ ದೊರೆಯಾಗಿ ಆಳಿದ್ದು ಮಾತ್ರ ಆಸ್ಟ್ರೇಲಿಯಾವೇ. ಅದ್ರಲ್ಲೂ 1990ರ ದಶಕದ ಬಳಿಕವಂತೂ ಆಸ್ಟ್ರೇಲಿಯಾಗೆ ಆಸ್ಟ್ರೇಲಿಯನ್ಸೇ ಸರಿಸಾಟಿ ಎಂಬಂತಾಗಿದೆ. ಕ್ರಿಕೆಟ್ನಲ್ಲಿ ಆಸ್ಟ್ರೇಲಿಯಾವನ್ನ ಸೋಲಿಸೋದು ಅಂದ್ರೆ ಅದೊಂದು ದೊಡ್ಡ ಸಾಹಸವೇ. 1999 ರಿಂದ 2011ರವರೆಗೆ ಇದ್ದ ಟೀಮ್ನ್ನಂತೂ ಕೇಳೋದೆ ಬೇಡ. ಪ್ರತಿ ಸೀರಿಸ್ನಲ್ಲೂ ಆಸ್ಟ್ರೇಲಿಯಾವೇ ಗೆಲ್ಲೋದು. ನಾವು ಎಷ್ಟೇ ದೇಶಭಕ್ತರಾಗಿದ್ರೂ, ನಮ್ಮಲ್ಲಿ ಸಚಿನ್, ಗಂಗೂಲಿ, ದ್ರಾವಿಡ್, ಸೆಹ್ವಾಗ್, ಧೋನಿಯಂಥಾ ಘಟಾನುಘಟಿಗಳು ಇದ್ದರೂ ಕೂಡ ಗೆಲ್ಲೋದು ಆಸ್ಟ್ರೇಲಿಯಾವೇ. ಆ್ಯಡಮ್ ಗಿಲ್ಕ್ರಿಸ್ಟ್, ಮ್ಯಾಥ್ಯೂ ಹೇಡನ್ನಂಥವರು ಓಪನಿಂಗ್ ಬಂದ್ರೆ 10 ಓವರ್ಗಳ ಒಳಗೆ ರಿಸಲ್ಟ್ ಏನು ಅನ್ನೋದನ್ನ ಗ್ಯಾರಂಟಿ ಮಾಡಿಸ್ತಿದ್ರು. ಅಷ್ಟರ ಮಟ್ಟಿಗೆ ಆಸ್ಟ್ರೇಲಿಯಾ ಬಲಾಢ್ಯ ಪಡೆಯಾಗಿತ್ತು. ಬ್ಯಾಟಿಂಗ್..ಬೌಲಿಂಗ್ ಎಲ್ಲದ್ರಲ್ಲೂ ಆಸ್ಟ್ರೇಲಿಯಾ ಟೀಂನ್ನ ಮೀರಿಸುವವರೇ ಇರಲಿಲ್ಲ. ಆಸ್ಟ್ರೇಲಿಯಾ ತಂಡಕ್ಕೆ ಕೋಚ್ ಇಲ್ಲದಿದ್ರೂ ಪರ್ವಾಗಿಲ್ಲ, ಯಾರೇ ಕ್ಯಾಪ್ಟನ್ ಆದ್ರೂ ತೊಂದ್ರೆ ಇಲ್ಲಿ ಟೀಂ ಪರ್ಫಾಮೆನ್ಸ್ನಲ್ಲೇ ಗೆಲ್ತಾರೆ ಅನ್ನೋದು ಒಂಥರಾ ರಿಯಾಲಿಟಿ ಆಗಿತ್ತು. ಒಂದು ತಂಡವಾಗಿ ಯಾವ ರೀತಿ ಆಡಬೇಕು ಅನ್ನೋದನ್ನ ಆಸ್ಟ್ರೇಲಿಯನ್ನರಿಂದಲೇ ನೋಡಿ ಕಲಿಯುವಂತಿತ್ತು.
ಇವತ್ತು ಜಾಗತಿಕ ಕ್ರಿಕೆಟ್ನಲ್ಲಿ ಟೀಂ ಇಂಡಿಯಾವೇ ಅತ್ಯಂತ ಸ್ಟ್ರಾಂಗ್ ಟೀಮ್ ಅನ್ನೋದು ನಿಜ. ಈ ಬಾರಿಯ ವರ್ಲ್ಡ್ಕಪ್ನಲ್ಲಂತೂ ಆಸ್ಟ್ರೇಲಿಯಾಗಿಂತಲೂ ಟೀಂ ಇಂಡಿಯಾವೇ ಪ್ರಬಲ ತಂಡವಾಗಿದೆ ಅನ್ನೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ. ಅದೇ ರೀತಿ ಆಸ್ಟ್ರೇಲಿಯನ್ಸ್ ಈ ಹಿಂದೆ ವರ್ಲ್ಡ್ ಕ್ರಿಕೆಟ್ನ್ನ ಅಕ್ಷರಶ: ಆಳಿದ್ರು. ಕೇವಲ ಟೀಂ ಮಾತ್ರವಲ್ಲ, ಪೈನಾನ್ಷಿಯಲಿ ಕೂಡ ಆಸ್ಟ್ರೇಲಿಯಾ ಸ್ಟ್ರಾಂಗ್ ಆಗಿತ್ತು. ಇವತ್ತು ಹೇಗೆ ಬಿಸಿಸಿಐ ಅತ್ಯಂತ ಶ್ರೀಮಂತ ಕ್ರಿಕೆಟ್ ಸಂಸ್ಥೆಯಾಗಿದೆಯೋ, ಅದೇ ರೀತಿ ಒಂದು ಕಾಲದಲ್ಲಿ ಆಸ್ಟ್ರೇಲಿಯನ್ ಕ್ರಿಕೆಟ್ ಬೋರ್ಡ್ ರಿಚ್ ಮತ್ತು ಪವರ್ ಆಗಿತ್ತು. ಐಪಿಎಲ್ ಬಳಿಕ ದುಡ್ಡಿನ ಖಜಾನೆ ಬಿಸಿಸಿಐ ಬೊಕ್ಕಸಕ್ಕೆ ಶಿಫ್ಟ್ ಆಯ್ತು.
ಇನ್ನು ಆಸ್ಟ್ರೇಲಿಯಾ ಸಾರ್ವಕಾಲಿಕ ಶ್ರೇಷ್ಠ ತಂಡ ಅನ್ನೋದಕ್ಕೆ ಅವರ ವರ್ಲ್ಡ್ಕಪ್ ರಿಸಲ್ಟೇ ಸಾಕ್ಷಿ. ಒಟ್ಟು 5 ಬಾರಿ ವಿಶ್ವಕಪ್ನ್ನ ಗೆದ್ದಿರುವ ಏಕೈಕ ಟೀಂ ಆಸ್ಟ್ರೇಲಿಯಾ. ಹೇಗೆ 1983ರಲ್ಲಿ ಕಪಿಲ್ದೇವ್ ಟೀಂ ವರ್ಲ್ಡ್ಕಪ್ ಗೆದ್ದ ಬಳಿಕ ಭಾರತೀಯ ಕ್ರಿಕೆಟ್ ಬದಲಾಯ್ತೋ ಅದೇ ರೀತಿ 1987ರಲ್ಲಿ ಅಲನ್ ಬಾರ್ಡರ್ ನೇತೃತ್ವದ ಆಸ್ಟ್ರೇಲಿಯಾ ಫಸ್ಟ್ ಟೈಮ್ ವಿಶ್ವಕಪ್ ಗೆಲ್ಲುತ್ತಲೇ ಆಸ್ಟ್ರೇಲಿಯಾ ಅನ್ಸ್ಟಾಪೆಬಲ್ ತಂಡವಾಗಿ ಬೆಳೆಯಿತು. 1999ರಲ್ಲಿ ಸ್ಟೀವ್ ವಾ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ 2ನೇ ಬಾರಿಗೆ ವರ್ಲ್ಡ್ಕಪ್ ಗೆಲ್ಲುತ್ತೆ. 2003ರಲ್ಲಿ ರಿಕ್ಕಿ ಪಾಂಟಿಂಗ್ ಟೀಂ ಟ್ರೋಫಿ ಎತ್ತಿ ಹಿಡಿಯುತ್ತೆ. ಮತ್ತೆ ಪುನ: 2007ರಲ್ಲೂ ಪಾಂಟಿಂಗ್ ಕ್ಯಾಪ್ಟನ್ಸಿಯಲ್ಲೇ ಆಸ್ಟ್ರೇಲಿಯಾ 4ನೇ ವಿಶ್ವಕಪ್ ಗೆಲ್ಲುತ್ತೆ. ನಂತರ 2015ರಲ್ಲಿ ಮೈಕಲ್ ಕ್ಲಾರ್ಕ್ ಕ್ಯಾಪ್ಟನ್ಸಿಯಲ್ಲಿ 5ನೇ ಬಾರಿಗೆ ಆಸ್ಟ್ರೇಲಿಯಾ ವಂಡೇ ವರ್ಲ್ಡ್ಕಪ್ ವಿನ್ ಆಗುತ್ತೆ. ಟೋಟಲ್ 5 ಟೈಮ್ಸ್ ವರ್ಲ್ಡ್ಕಪ್ ಚಾಂಪಿಯನ್ಸ್.. ಒಟ್ಟು 8 ಬಾರಿ ಆಸ್ಟ್ರೇಲಿಯಾ ವರ್ಲ್ಡ್ಕಪ್ ಫೈನಲ್ ಬಂದಿದೆ.
ವಿಶ್ವಕಪ್ ಅಂದಕೂಡಲೇ ಆಸ್ಟ್ರೇಲಿಯನ್ಸ್ಗೆ ಅದೇನಾಗುತ್ತೋ ಗೊತ್ತಿಲ್ಲ. ಪ್ರತಿ ವಿಶ್ವಕಪ್ ಟೂರ್ನಿಯಲ್ಲೂ ಅಷ್ಟೇ, ಆಸ್ಟ್ರೇಲಿಯಾ ಯಾವತ್ತಿಗೂ ನೆಕ್ಸ್ಟ್ ಲೆವೆಲ್ ಪರ್ಫಾಮೆನ್ಸ್ ನೀಡುತ್ತೆ. ಈ ಬಾರಿ ವರ್ಲ್ಡ್ಕಪ್ಗೂ ಮುನ್ನ ಇದೇ ಆಸ್ಟ್ರೇಲಿಯಾ ತಂಡ ಎರಡು ವಂಡೇ ಸೀರಿಸ್ಗಳನ್ನ ಮೇಲಿಂದ ಮೇಲೆ ಸೋತಿತ್ತು. ಸೇಮ್ ಟೀಂ.. ಒಂದು ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರು ಮ್ಯಾಚ್ಗಳ ಸೀರಿಸ್ನ್ನ ಸೋತ್ರು. ಬಳಿಕ ಭಾರತದ ವಿರುದ್ಧ 3 ಮ್ಯಾಚ್ಗಳ ವಂಡೇ ಸೀರಿಸ್ನ್ನ ಕೂಡ ಸೋತ್ರು. ಬ್ಯಾಕ್ ಟು ಬ್ಯಾಕ್ ಸರಣಿಗಳನ್ನ ಸೋತು ವರ್ಲ್ಡ್ಕಪ್ ಆಡೋಕೆ ಇಳಿದ್ರು. ಇಲ್ಲೂ ಅಷ್ಟೇ, ಲೀಗ್ ಸ್ಟೇಜ್ ಫಸ್ಟ್ ಎರಡು ಮ್ಯಾಚ್ಗಳನ್ನ ಸೋತ್ರು. ಭಾರತ ಮತ್ತು ಸೌತ್ ಆಫ್ರಿಕಾ ವಿರುದ್ಧ ಆಸ್ಟ್ರೇಲಿಯಾ ಮಂಡಿಯೂರಿತ್ತು. ಪಾಯಿಂಟ್ಸ್ ಟೇಬಲ್ನಲ್ಲಿ 10th ಪೊಸೀಷನ್ನಲ್ಲಿದ್ರು. ಈ ಬಾರಿ ಆಸ್ಟ್ರೇಲಿಯನ್ಸ್ ಕಥೆ ಮುಗೀತು.. ಸೆಮಿಫೈನಲ್ಗೂ ಬರೋದಿಲ್ಲ ಅಂದುಕೊಳ್ಳುವಷ್ಟರಲ್ಲೇ ಆ ಟೀಮ್ಗೆ ಅದೇನಾಯ್ತೋ ಗೊತ್ತಿಲ್ಲ. ಬಳಿಕ ಆಡಿದ ಎಲ್ಲಾ ಮ್ಯಾಚ್ಗಳನ್ನ ಕೂಡ ಗೆಲ್ತಾನೆ ಬಂದ್ರು. ಲೀಗ್ ಸ್ಟೇಜ್ನಲ್ಲಿ 7 ಮ್ಯಾಚ್ಗಳನ್ನ ಕಂಟಿನ್ಯೂ ಆಗಿ ಗೆದ್ದು ಸೆಮಿಫೈನಲ್ಗೆ ಆರಾಮ್ಸೆ ಎಂಟ್ರಿ ಕೊಟ್ರು. ಸೌತ್ ಆಫ್ರಿಕಾವನ್ನ ಮತ್ತೊಮ್ಮೆ ಚೋಕರ್ಸ್ಗಳನ್ನಾಗಿದ್ರು. ಈಗ ಟೀಂ ಇಂಡಿಯಾ ವಿರುದ್ಧ ಅಂತಿಮ ಯುದ್ಧ ಆಸ್ಟ್ರೇಲಿಯಾ ರೆಡಿಯಾಗಿದೆ.
ಆಸ್ಟ್ರೇಲಿಯಾ ಕ್ರಿಕೆಟ್ನಲ್ಲಿ ಯಾವತ್ತೂ ಸುಲಭಕ್ಕೆ ಸೋಲೊಪ್ಪಿಕೊಳ್ಲೋದೆ ಇಲ್ಲ. ಲಾಸ್ಟ್ ಮೂಮೆಂಟ್ವರೆಗೂ ಫೈಟ್ ಮಾಡ್ತಾರೆ. ಸೋತ್ರೂ, ಒಂದಷ್ಟು ಹೊಡೆತ ತಿಂದ್ರೂ ಅವರಿಗೆ ಕಮ್ಬ್ಯಾಕ್ ಮಾಡೋದು ಹೇಗೆ ಅನ್ನೋದು ಚೆನ್ನಾಗಿಯೇ ಗೊತ್ತು. ಪ್ರತಿ ಮ್ಯಾಚ್ಗೂ ಕಂಪ್ಲೀಟ್ ಪ್ಲ್ಯಾನ್ ಮಾಡಿ ಪ್ರಿಪೇರ್ ಆಗ್ತಾರೆ. ಎದುರಾಳಿ ತಂಡದ ಪ್ರತಿ ಪ್ಲೇಯರ್ನನ್ನೂ ನೋಟ್ ಮಾಡಿ, ಬಲೆಗೆ ಕೆಡವೋಕೆ ಸ್ಟ್ರಾಟಜಿ ಮಾಡ್ತಾರೆ. ಆಸ್ಟ್ರೇಲಿಯನ್ ಕ್ರಿಕೆಟ್ ಟೀಂ ಡ್ರೆಸ್ಸಿಂಗ್ ರೂಮ್ನ ಅಟ್ಮಾಸ್ಪಿಯರ್ ಫುಲ್ ಡಿಫರೆಂಟ್ ಆಗಿರುತ್ತೆ. ಈ ಬಗ್ಗೆ ಹಾಟ್ಸ್ಟಾರ್ನಲ್ಲಿ ಗೇಮ್ ಪ್ಲ್ಯಾನ್ ಅನ್ನೋ ಒಂದು ಸೀರಿಸ್ ಇದೆ. ಅದ್ರಲ್ಲಿ ಆ್ಯಶಸ್ ಸೀರಿಸ್ ವೇಳೆ ಮತ್ತು ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಬಾರ್ಡರ್-ಗವಾಸ್ಕರ್ ಸೀರಿಸ್ ವೇಳೆ ಆಸ್ಟ್ರೇಲಿಯಾ ಟೀಂನ ಪ್ರಿಪರೇಷನ್ ಹೇಗಿರುತ್ತೆ. ಟೀಂ ಮೀಟಿಂಗ್ನಲ್ಲಿ ಏನೆಲ್ಲಾ ಚರ್ಚೆಯಾಗುತ್ತೆ. ಇಂಡಿವಿಜ್ಯುವಲ್ ಪ್ಲೇಯರ್ಸ್ಗಳಿಗೆ ಯಾವ ರೀತಿ ಕೌಂಟರ್ ಪ್ಲ್ಯಾನ್ ಮಾಡ್ತಾರೆ. ಬಳಿಕ ಮ್ಯಾಚ್ ಆಗೋವಾಗ ಡ್ರೆಸ್ಸಿಂಗ್ ರೂಮ್ನಲ್ಲಿ, ಪೆವಿಲಿಯನ್ನಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟಿಗರ ವರ್ತನೆ ಹೇಗಿರುತ್ತೆ. ಗೇಮ್ ಮೇಲಿನ ಅವರ ಅಪ್ರೋಚ್ ಹೇಗಿರುತ್ತೆ. ಔಟಾದಾಗ ಪೆವಿಲಿಯನ್ಗೆ ಬಂದು ಯಾವ ರೀತಿ ರಿಯಾಕ್ಟ್ ಮಾಡ್ತಾರೆ. ಹೈಪ್ರೆಷರ್ ಗೇಮ್ನಲ್ಲಿ ಅವರ ಮೈಂಡ್ಸೆಟ್ ಹೇಗಿರುತ್ತೆ ಇವೆಲ್ಲವನ್ನೂ ಆಸ್ಟ್ರೇಲಿಯಾ ಟೀಂ ಬಗ್ಗೆಯೇ ಒಂದಷ್ಟು ಸೀರಿಸ್ಗಳನ್ನೇ ಮಾಡಿದ್ದಾರೆ. ಹಾಟ್ಸ್ಟಾರ್ನಲ್ಲಿ ಇದನ್ನ ನೀವು ನೋಡಬಹುದು. ಯಾಕೆ ಆಸ್ಟ್ರೇಲಿಯನ್ ಕ್ರಿಕೆಟ್ ಇಷ್ಟೊಂದು ಸ್ಟ್ರಾಂಗ್ ಅನ್ನೋ ಬಗ್ಗೆ ಇನ್ನಷ್ಟು ಇನ್ಫಾರ್ಮೇಷನ್ ಸಿಗುತ್ತೆ.
ಇದೀಗ ವರ್ಲ್ಡ್ಕಪ್ ಫೈನಲ್ನಲ್ಲಿ 2ನೇ ಬಾರಿಗೆ ಆಸ್ಟ್ರೇಲಿಯಾ ಟೀಂ ಇಂಡಿಯಾಗೆ ಎದುರಾಗಿದೆ. ಆದ್ರೆ ಈ ಬಾರಿ ಭಾರತವೇ ಗೆಲ್ಲೋ ಫೇವರೇಟ್ ಟೀಂ ಅನ್ನೋದ್ರಲ್ಲಿ ಎರಡು ಮಾತಿಲ್ಲ.. ಹೀಗಾಗಿ ಇಂಡಿಯಾ VS ಆಸ್ಟ್ರೇಲಿಯಾ ಮಧ್ಯೆ ಬ್ಲಾಕ್ಬಾಸ್ಟರ್, ರೋಚಕ ಮ್ಯಾಚ್ ನಡೆಯೋದಂತೂ ಗ್ಯಾರಂಟಿ.
