ನೋಡಿರಿ
ಹ್ಯಾಟ್ರಿಕ್ ಸೋಲಿನಿಂದ ಮುಂಬೈ ಪಾರು – KKR ಬ್ಯಾಟಿಂಗ್ ಬಲ ಕುಗ್ಗಿಸಿದ ಮುಂಬೈ ಇಂಡಿಯನ್ಸ್ ಬೌಲರ್ಸ್
ಸತತ ಸೋಲಿನಿಂದ ಕಂಗೆಟ್ಟಿದ್ದ ಮುಂಬೈ ಇಂಡಿಯನ್ಸ್ ಕೊನೆಗೂ ಗೆದ್ದು ಬೀಗಿದೆ. ಹಾಲಿ ಚಾಂಪಿಯನ್‌ ಕೆಕೆಆರ್ ವಿರುದ್ಧ 8 ವಿಕೆಟ್‌ಗಳಿಂದ ಗೆಲುವು ಸಾಧಿಸಿದೆ.
ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಹೈವೋಲ್ಟೇಜ್‌ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಮುಂಬೈ ಬೌಲರ್ಸ್ ಆರಂಭದಿಂದಲೇ, ಕೆಕೆಆರ್ ಬ್ಯಾಟ್ಸ್ಮನ್ಗಳ ಮೇಲೆ ಸವಾರಿ ಮಾಡಿದರು. ಓಪನರ್ ಸುನಿಲ್ ನರೈನ್ ಅವರನ್ನು ಡಕೌಟ್ ಮಾಡುವ ಮೂಲಕ ಬೋಲ್ಟ್ ಮುಂಬೈಗೆ ಉತ್ತಮ ಬೌಲಿಂಗ್ ಆರಂಭ ಒದಗಿಸಿದರು. ಡಿಕಾಕ್ ಕೂಡ ಕೇವಲ 1 ರನ್ಗೆ ಔಟ್ ಅಗಿ ಹೊರ ನಡೆದರು.
ಇದನ್ನೂ ಓದಿ: KKR- ✔.. CSK- ✔.. GT-? – ಹ್ಯಾಟ್ರಿಕ್ ವಿಕ್ಟರಿ ಸಿಡಿಸುತ್ತಾ RCB?
ಕೆಕೆಆರ್ ಕ್ಯಾಪ್ಟನ್ ಅಜಿಂಕ್ಯಾ ರಹಾನೆ 3ನೇಯವರಾಗಿ ಕ್ರೀಸ್ಗೆ ಆಗಮಿಸಿ 11 ರನ್ ಗಳಿಸಿ ಆಡುವಾಗ ಯಂಗ್ ಬೌಲರ್ ಅಶ್ವನಿ ಕುಮಾರ್ ಅವರ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿದರು. ರಿಂಕು ಸಿಂಗ್ 17 ರನ್, ಮನೀಶ್ ಪಾಂಡ್ಯ 19, ಆ್ಯಂಡ್ರೆ ರಸೆಲ್ 05 ರನ್ಗೆ ಅಶ್ವನಿ ಕುಮಾರ್ ಔಟ್ ಮಾಡಿದರು. ಇದರಿಂದ ಕೆಕೆಆರ್ ಬ್ಯಾಟಿಂಗ್ನಲ್ಲಿ ಮೇಲೆ ಎದ್ದೇಳಲಿಲ್ಲ. ಚೊಚ್ಚಲ ಪಂದ್ಯದಲ್ಲೇ ಅಶ್ವನಿ ಕುಮಾರ್ ಪ್ರಮುಖ 4 ವಿಕೆಟ್ ಕಬಳಿಸಿ ಸಂಭ್ರಮಿಸಿದರು.
ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಅಂಗ್‌ಕ್ರಿಶ್ ರಘುವಂಶಿ ಅವರ 26 ರನ್ ಬಿಟ್ಟರೇ ಉಳಿದ ಯಾವ ಬ್ಯಾಟರ್ ಕೂಡ ಈ ಗಡಿ ದಾಟಲಿಲ್ಲ. ಹೀಗಾಗಿ ಕೆಕೆಆರ್ 16.2 ಓವರ್ನಲ್ಲಿ ಆಲೌಟ್ ಆಗಿ ಕೇವಲ 117 ರನ್ಗಳ ಟಾರ್ಗೆಟ್ ನೀಡಿತ್ತು. ಈ ಟಾರ್ಗೆಟ್ ಬೆನ್ನು ಹತ್ತಿದ್ದ ಮುಂಬೈ ಇಂಡಿಯನ್ಸ್ ಬಹು ಬೇಗನೇ ಗುರಿ ಮುಟ್ಟಿ ಜಯಶಾಲಿಯಾಗಿದೆ. ಮುಂಬೈ ಇಂಡಿಯನ್ಸ್ ಉತ್ತಮ ಆರಂಭ ಪಡೆದುಕೊಂಡಿತು ಎನ್ನುವಷ್ಟರಲ್ಲಿ ಓಪನರ್ ಆಗಿ ಕ್ರೀಸ್ಗೆ ಆಗಮಿಸಿದ್ದ ರೋಹಿತ್ ಶರ್ಮಾ ಮತ್ತೆ ವಿಫಲ ಬ್ಯಾಟಿಂಗ್ ಮಾಡಿ ಕೇವಲ 13 ರನ್ಗೆ ಔಟ್ ಆದರು.
ಆದರೆ ಇನ್ನೊಂದು ಕಡೆ ರಯಾನ್ ರಿಕೆಲ್ಟನ್ ಬ್ಯಾಟಿಂಗ್ ಕಾಯ್ದುಕೊಂಡಿದ್ದರು. ಕೇವಲ 33 ಎಸೆತಗಳಲ್ಲಿ 4 ಬೌಂಡರಿ, 4 ಸಿಕ್ಸರ್ನಿಂದ ಅರ್ಧಶತಕ ಪೂರೈಸಿದರು. ರಯಾನ್ ಒಟ್ಟು 41 ಎಸೆತದಲ್ಲಿ 62 ರನ್ ಬಾರಿಸಿದರು. ವಿಲ್ ಜಾಕ್ಸ್ 16, ಇವರ ನಂತರ ಕ್ರೀಸ್ಗೆ ಆಗಮಿಸಿದರು ಸೂರ್ಯ ಕುಮಾರ್ ಕೇವಲ 9 ಬಾಲ್ನಲ್ಲಿ 27 ರನ್ ಚಚ್ಚಿ ತಂಡವನ್ನು ಗೆಲುವಿನ ದಡ ಮುಟ್ಟಿಸಿದರು. ಕೇವಲ 12.5 ಓವರ್ಗಳಲ್ಲಿ 2 ವಿಕೆಟ್ಗೆ 121 ರನ್ ಬಾರಿಸಿ ಈ ಟೂರ್ನಿಯಲ್ಲಿ ಮುಂಬೈ ವಿಜಯಮಾಲೆ ಧರಿಸಿಕೊಂಡಿತು.
