ಚೆಂಡನ್ನು ಮುಟ್ಟಿ ಔಟಾದ ಮುಫ್ತಿಕರ್ ರಹೀಮ್ – MCC ರೂಲ್ಸ್ ಬಲೆಯೊಳಗೆ ಬಿದ್ದ ಬಾಂಗ್ಲಾ ಟೀಮ್..!

2023ರ ನವೆಂಬರ್ 6ರಂದು ಶ್ರೀಲಂಕಾ VS ಬಾಂಗ್ಲಾದೇಶ ನಡುವಿನ ವರ್ಲ್ಡ್ಕಪ್ ಮ್ಯಾಚ್ ವೇಳೆ ನಡೆದ ಹೈಡ್ರಾಮಾ ಅನೇಕರು ನೋಡಿದ್ದಾರೆ. ಬ್ಯಾಟಿಂಗ್ಗೆ ಇನ್ನೂ ರೆಡಿಯಾಗಿಲ್ಲ ಅನ್ನೋ ಕಾರಣಕ್ಕೆ ಶ್ರೀಲಂಕಾದ ಬ್ಯಾಟ್ಸ್ಮನ್ ಆ್ಯಂಜಲೋ ಮ್ಯಾಥ್ಯೂಸ್ ಟೈಮ್ಡ್ ಔಟ್ ಆಗಿದ್ದರು. ಹೆಲ್ಮೆಟ್ ಕಿತ್ತು ಹೋಗಿರುವುದರಿಂದ ಮ್ಯಾಥ್ಯೂಸ್ಗೆ ಬಾಲ್ ಫೇಸ್ ಮಾಡೋಕೆ ಸಾಧ್ಯವಾಗಿರಲಿಲ್ಲ. ಬಾಂಗ್ಲಾ ಕ್ಯಾಪ್ಟನ್ ಶಕೀಬುಲ್ ಹಸನ್ ಅಂತೂ ಯಾವುದೇ ಸಿಂಪಥಿ ತೋರಿಸದೆ ಟೈಮ್ ಔಟ್ಗೆ ಅಂಪೈರ್ ಬಳಿ ಅಪೀಲ್ ಮಾಡಿದ್ದರು. ಒಬ್ಬ ಬ್ಯಾಟ್ಸ್ಮನ್ ಔಟಾದ ಮೇಲೆ ಮತ್ತೊಬ್ಬ ಬ್ಯಾಟ್ಸ್ಮನ್ ರೂಲ್ಸ್ ಪ್ರಕಾರ 2 ನಿಮಿಷಗಳ ಒಳಗಾಗಿ ಬಾಲ್ ಫೇಸ್ ಮಾಡೋಕೆ ರೆಡಿಯಾಗಿರಬೇಕು. ಆದ್ರೆ ಮ್ಯಾಥ್ಯೂಸ್ ಬಾಲ್ ಫೇಸ್ ಮಾಡೋಕೆ ಸಿದ್ಧವಾಗಿರಲಿಲ್ಲ ಅಂತಾ ಟೈಮ್ಡ್ ಔಟ್ ಆಗಿದ್ದರು. ಇದು ನಡೆದಿದ್ದು ನವೆಂಬರ್ 6ರಂದು. ಇದಾಗಿ ಒಂದೇ ತಿಂಗಳಲ್ಲಿ ಅಂದ್ರೆ ಡಿಸೆಂಬರ್ 6ರಂದು ಬಾಂಗ್ಲಾದೇಶ ಆಟಗಾರರಿಗೂ ಎಂಸಿಸಿ ರೂಲ್ಸ್ ಒಂದರ ಬಿಸಿ ತಟ್ಟಿದೆ. ಕಾಲ ಚಕ್ರ ಹೇಗೆ ಉರುಳುತ್ತೆ ಅನ್ನೋದು ಈಗ ಬಾಂಗ್ಲಾ ಪ್ಲೇಯರ್ಸ್ಗಳಿಗೂ ಅರ್ಥವಾಗಿದೆ. ಅದಕ್ಕೆ ಕಾರಣ ನ್ಯೂಜಿಲ್ಯಾಂಡ್ ವಿರುದ್ಧದ ಟೆಸ್ಟ್ ಮ್ಯಾಚ್ನಲ್ಲಿ ಬಾಂಗ್ಲಾ ಬ್ಯಾಟ್ಸ್ಮನ್ ಮುಫ್ತಿಕರ್ ರೆಹ್ಮಾನ್ ಔಟಾಗಿರೋದು.

ಇದನ್ನೂ ಓದಿ: ಡಿಸೆಂಬರ್ 19ರಂದು ಐಪಿಎಲ್ ಹರಾಜು ಪ್ರಕ್ರಿಯೆ- ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಸೇರುವ ಆಟಗಾರರು ಯಾರು?

ಬಾಂಗ್ಲಾದೇಶ ಮತ್ತು ನ್ಯೂಜಿಲ್ಯಾಂಡ್ ನಡುವೆ ಮೀರ್ಪುರ್ನಲ್ಲಿ ನಡೆದ 2ನೇ ಟೆಸ್ಟ್ ಮ್ಯಾಚ್ನಲ್ಲಿ ಬಾಂಗ್ಲಾದೇಶ ಬ್ಯಾಟಿಂಗ್ ಮಾಡ್ತಿತ್ತು. ಮ್ಯಾಚ್ನ 41ನೇ ಓವರ್ನಲ್ಲಿ ನ್ಯೂಜಿಲ್ಯಾಂಡ್ನ ಕೈಲ್ ಜ್ಯಾಮ್ಸನ್ ಬೌಲಿಂಗ್ ಮಾಡ್ತಿದ್ರು. ಬಾಂಗ್ಲಾದ ಮುಫ್ತಿಕರ್ ರಹೀಮ್ ಕ್ರೀಸ್ನಲ್ಲಿದ್ರು. ಈ ವೇಳೆ ಜ್ಯಾಮ್ಸನ್ ಔಟ್ ಸೈಡ್ ದಿ ಆಫ್ ಸ್ಟಂಪ್ಗೆ ಬಾಲ್ ಎಸೀತಾರೆ. ಆ ಬಾಲ್ನ್ನ ಮುಫ್ತಿಕರ್ ರಹೀಮ್ ಡಿಫೆನ್ಸ್ ಮಾಡ್ತಾರೆ. ಡಿಫೆನ್ಸ್ ಮಾಡಿದ ಕೂಡಲೇ ಬಾಲ್ ಅಲ್ಲೇ ನೆಲಕ್ಕೆ ಬಿದ್ದು ಬೌನ್ಸ್ ಆಗುತ್ತೆ. ಬೌನ್ಸ್ ಆದ ಬಾಲ್ನ್ನ ಬ್ಯಾಟ್ಸ್ಮನ್ ಮುಫ್ತಿಕರ್ ರಹೀಮ್ ಕೈಯಲ್ಲಿ ತಳ್ತಾರೆ. ಆಗ ಬೌಲರ್ ಜ್ಯಾಮ್ಸನ್ ಅಪೀಲ್ ಮಾಡ್ತಾರೆ. ಗ್ರೌಂಡ್ ಅಂಪೈರ್ ಫೈನಲ್ ಡಿಸೀಶನನ್ನ ಥರ್ಡ್ ಅಂಪೈರ್ಗೆ ನೀಡ್ತಾರೆ. ಥರ್ಡ್ ಅಂಪೈರ್ ಔಟ್ ಕೊಡ್ತಾರೆ. ಫೀಲ್ಡಿಂಗ್ಗೆ ಅಡ್ಡಿ ಪಡಿಸಿದ ಕಾರಣಕ್ಕೆ ಇಲ್ಲಿ ಮುಫ್ತಿಕರ್ ರಹೀಮ್ ಔಟ್ ಆಗಿದ್ದಾರೆ. ಎಂಸಿಸಿ ರೂಲ್ಸ್ ಪ್ರಕಾರ ಬ್ಯಾಟ್ಸ್ಮನ್ ಈ ರೀತಿ ಕೈಯಲ್ಲಿ ಬಾಲ್ನ್ನ ಹಿಡಿಯುವಂತೆಯೂ ಇಲ್ಲ, ತಳ್ಳುವಂತೆಯೂ ಇಲ್ಲ. ಅದು ಕೂಡ ಡಿಫೆನ್ಸ್ ಮಾಡಿದ ಬಾಲ್ ವಿಕೆಟ್ನತ್ತ ಹೋಗಿರಲಿಲ್ಲ. ಒಂದು ವೇಳೆ ವಿಕೆಟ್ನತ್ತ ಹೋಗ್ತಿದ್ರೂ ಬ್ಯಾಟ್ಸ್ಮನ್ ಕೈಯಿಂದ ಬಾಲ್ನ್ನ ತಡೆಯುವಂತೆ ಇಲ್ಲ. ಆದ್ರೆ, ಕಾಲಿನಿಂದ ಬೇಕಿದ್ರೆ ತಡೀಬಹುದು. ಇದನ್ನ ಸಾಮಾನ್ಯವಾಗಿ ಎಲ್ಲಾ ಪ್ಲೇಯರ್ಸ್ಗಳೂ ಮಾಡ್ತಾರೆ. ಆದ್ರೆ ಇಲ್ಲಿ, ಮುಫ್ತಿಕರ್ ರಹೀಮ್ ಡಿಫೆನ್ಸ್ ಮಾಡಿ ನೆಲಕ್ಕೆ ಬಿದ್ದು ಬೌನ್ಸ್ ಆದ ಬಾಲ್ ವಿಕೆಟ್ನಿಂದ ತುಂಬಾನೆ ಡಿಸ್ಟೆನ್ಸ್ನಲ್ಲಿ ಹೋಗ್ತಿತ್ತು. ಆಫ್ ಸೈಡ್ ದಿ ಆಫ್ ಸ್ಟಂಪ್ ಮೂಲಕವೇ ಹೋಗ್ತಾ ಇತ್ತು. ಆದ್ರೂ ಮುಫ್ತಿಕರ್ ಆ ಬಾಲ್ನ್ನ ಕೈಯಿಂದ ಪುಶ್ ಮಾಡ್ತಾರೆ. ಹೀಗಾಗಿ ರೂಲ್ಸ್ ಬ್ರೇಕ್ ಆಗಿದ್ರಿಂದ ಔಟ್ ಆಗ್ತಾರೆ.

ಇಲ್ಲಿ ಇನ್ನೊಂದು ಇಂಟ್ರೆಸ್ಟಿಂಗ್ ವಿಚಾರವನ್ನ ಹೇಳಲೇಬೇಕು. ಮುಫ್ತಿಕರ್ ರಹೀಮ್ ಏನೂ ಉದ್ದೇಶಪೂರ್ವಕವಾಗಿ ಬಾಲ್ನ್ನ ಪುಶ್ ಮಾಡಿಲ್ಲ. ಎಲ್ಲಿ ಬಾಲ್ ವಿಕೆಟ್ಗೆ ಬೀಳುತ್ತೋ ಅನ್ನೋ ಭಯ ಕೂಡ ಅವರಿಗೆ ಇರಲಿಲ್ಲ. ಆಗಿರೋದಿಷ್ಟೇ, ನೆಟ್ ಪ್ರಾಕ್ಟೀಸ್ ವೇಳೆ ಬ್ಯಾಟ್ಸ್ಮನ್ಗಳು ಯಾವಾಗಲೂ ಡಿಫೆನ್ಸ್ ಮಾಡಿದಾಗಲೆಲ್ಲಾ ಬಾಲ್ನ್ನ ಇದೇ ರೀತಿ ಕೈಯಲ್ಲಿ ಹಿಡೀತಾರೆ. ಯಾಕಂದ್ರೆ ನೆಟ್ಸ್ನೊಳಗೆ ಪ್ರಾಕ್ಟೀಸ್ ಮಾಡೋ ಸಂದರ್ಭದಲ್ಲಿ ಬ್ಯಾಟ್ಸ್ಮನ್ ಹಿಂದೆ ವಿಕೆಟ್ ಕೀಪರ್ ಇರೋದಿಲ್ಲ. ಬಾಲ್ ಎತ್ತಿ ಕೊಡೋಕೂ ಯಾರೂ ಇರೋದಿಲ್ಲ. ಒಂದೋ ಬ್ಯಾಟ್ಸ್ಮನ್ ಬಾಲ್ನ್ನ ಕಲೆಕ್ಟ್ ಮಾಡಬೇಕು. ಇಲ್ಲಾ ಬಾಲ್ ಎಸೆದವನೇ ಕಲೆಕ್ಟ್ ಮಾಡಬೇಕು. ನೆಟ್ ಪ್ರಾಕ್ಟೀಸ್ ವೇಳೆ ಡಿಫೆನ್ಸ್ ಮಾಡಿದಾಗ ಎಲ್ಲಾ ಬ್ಯಾಟ್ಸ್ಮನ್ಗಳು ಕೂಡ ಬಾಲ್ ನೆಲಕ್ಕೆ ಬೌನ್ಸ್ ಆಗುತ್ತಲೇ ಅದನ್ನ ಹಿಡಿದು ಮತ್ತೆ ಬೌಲರ್ನತ್ತ ಎಸೀತಾರೆ. ಈ ಅಭ್ಯಾಸಬಲವೇ ಈಗ ಮುಫ್ತಿಕರ್ ರಹೀಮ್ರನ್ನ ಪೆವಿಲಿಯನ್ಗೆ ಕಳುಹಿಸಿರೋದು. ನೆಟ್ಸ್ನಲ್ಲಿ ಇದೇ ರೀತಿ ಡಿಫೆನ್ಸ್ ಮಾಡಿದ ಕೂಡಲೇ ಬಾಲ್ ಹಿಡಿದು ಅಭ್ಯಾಸ್ ಆಗಿದ್ರಿಂದ, ಅಂತಾರಾಷ್ಟ್ರೀಯ ಮ್ಯಅಚ್ ನಡೆಯೋ ವೇಳೆಯೂ ಮುಫ್ತಿಕರ್ ರಹೀಮ್ ನೆಟ್ಸ್ನಲ್ಲಿ ಬಾಲ್ ಹಿಡಿದಂತೆ ಇನ್ನೂ ಬಾಲ್ ಕಲೆಕ್ಟ್ ಮಾಡಿದ್ದಾರೆ. ಅಫ್ಕೋಸ್ ಮುಫ್ತಿಕರ್ ರಹೀಮ್ ಮಾಡಿರೋದು ಕಂಪ್ಲೀಟ್ ರಾಂಗ್. ಇಟ್ಸ್ ಎ ಬ್ಲಂಡರ್.. ಇಲ್ಲಿ ಫೀಲ್ಡರ್ ಮಾಡಬೇಕಿದ್ದ ಕೆಲಸವನ್ನ ಮುಫ್ತಿಕರ್ ರಹೀಮ್ ಮಾಡಿದ್ದಾರೆ. ಎಂಸಿಸಿ ರೂಲ್ಸ್ ಪ್ರಕಾರ ಫೀಲ್ಡಿಂಗ್ಗೆ ಅಡ್ಡಿ ಪಡಿಸಿದಂತಾಗುತ್ತೆ. ಹೀಗಾಗಿ ಮುಫ್ತಿಕರ್ ರಹೀಮ್ ಔಟ್ ಆಗಿದ್ದಾರೆ.

ಇನ್ನು ಬಾಂಗ್ಲಾದೇಶದ ಮತ್ತೊಬ್ಬ ಪ್ಲೇಯರ್ ಮೆಹದಿ ಹಸನ್ ಕೂಡ ಫ್ಲೋನಲ್ಲಿ ಮುಫ್ತಿಕರ್ ಈ ರೀತಿ ಮಾಡಿದ್ದಾರೆ. ಆಡೋ ವೇಳೆ ಪ್ಲೇಯರ್ನ ಮೈಂಡ್ ಹಲವು ಸಂಗತಿಗಳು ಓಡಾಡ್ತಾ ಇರುತ್ತೆ. ಹೀಗಾಗಿ ಫ್ಲೋನಲ್ಲಿ ಮುಫ್ತಿಕರ್ ಬಾಲ್ ಹಿಡಿದಿದ್ದಾರೆ ಅಂತಾ ಹೇಳಿದ್ರು. ಆದ್ರೆ ಮ್ಯಾಚ್ ವೇಳೆ ಕಾಮೆಂಟ್ರಿ ಮಾಡ್ತಿದ್ದ ಬಾಂಗ್ಲಾದೇಶದ ಮಾಜಿ ಕ್ಯಾಪ್ಟನ್ ತಮೀಮ್ ಇಕ್ಬಾಲ್ ಮಾತ್ರ ಮುಫ್ತಿಕರ್ ರಹೀಮ್ ನಡೆಯನ್ನ ಕ್ರಿಟಿಸೈಸ್ ಮಾಡಿದ್ದಾರೆ. 80ಕ್ಕೂ ಹೆಚ್ಚು ಟೆಸ್ಟ್ ಮ್ಯಾಚ್ಗಳನ್ನಾಡಿದ ಕ್ರಿಕೆಟರ್ಗೆ ರೂಲ್ಸ್ ಏನು ಅನ್ನೋ ಜ್ಞಾನ ಇರ್ಬೇಕು. ಇಂಟೆನ್ಷನಲಿ ಮಾಡಿಲ್ಲ ಅಂದ್ರೂ ಕೂಡ ಇದಕ್ಕೆ ಎಕ್ಸ್ಕ್ಯೂಸ್ ಕೊಡೋಕೆ ಆಗಲ್ಲ ಎಂದಿದ್ದಾರೆ. ಇಲ್ಲಿ ತಮೀಮ್ ಇಕ್ಬಾಲ್ ಹೇಳಿರೋದು ಕೂಡ ನಿಜಾನೇ. ಯಾಕಂದ್ರೆ ಮುಫ್ತಿಕರ್ ರಹೀಮ್ ಏನೂ ನಿನ್ನೆ, ಮೊನ್ನೆ ಬಂದಿರೋ ಪ್ಲೇಯರ್ ಅಲ್ಲ. ಬಾಂಗ್ಲಾ ಟೀಂನ ಸೀನಿಯರ್ ಕ್ರಿಕೆಟರ್ 87 ಅಂತಾರಾಷ್ಟ್ರೀಯ ಟೆಸ್ಟ್ ಮ್ಯಾಚ್ಗಳನ್ನ ಆಡಿದ್ದಾರೆ. 265 ವಂಡೇ ಮ್ಯಾಚ್ಗಳನ್ನ ಆಡಿದ್ದಾರೆ. ಇಷ್ಟೊಂದು ಎಕ್ಸ್ಪೀರಿಯನ್ಸ್ ಪ್ಲೇಯರ್ ಆಗಿರೋವಾಗ ಮುಫ್ತಿಕರ್ ರಹೀಮ್ ಈ ರೀತಿ ಮಾಡಿರೋದು ನಿಜಕ್ಕೂ ಬ್ಲಂಡರೇ.

ಇಲ್ಲಿ ಇನ್ನೊಂದು ಇಂಪಾರ್ಟೆಂಟ್ ಇನ್ಫಾರ್ಮೇಷನ್ ಕೂಡ ಕೊಡ್ತೀನಿ. ಆ್ಯಕ್ಚುವಲಿ ಬಾಲ್ ತಳ್ಳಿದ್ದಕ್ಕೆ ಮುಫ್ತಿಕರ್ ರಹೀಮ್ಗೆ ಔಟ್ ಕೊಟ್ಟಾಗ ಹ್ಯಾಂಡಲಿಂಗ್ ದ ಬಾಲ್ ಅನ್ನೋ ಆರೋಪದಡಿ ಥರ್ಡ್ ಅಂಪೈರ್ ಈ ಡಿಸೀಶನ್ ತೆಗೆದುಕೊಂಡಿದ್ರು. ಆದ್ರೆ ಬಳಿಕ ಇದನ್ನ ಅಪ್ಗ್ರೇಡ್ ಮಾಡಲಾಗಿತ್ತು. ಇದು ಹ್ಯಾಂಡಲಿಂಗ್ ದ ಬಾಲ್ ಅಲ್ಲ, ಒಬ್ಸ್ಟ್ರಕ್ಟಿಂಗ್ ದಿ ಫೀಲ್ಡ್ ಅಂತಾ. ಅಂದ್ರೆ ಫೀಲ್ಡಿಂಗ್ಗೆ ಅಡ್ಡಿ ಪಡಿಸಿದ ಕಾರಣ. ಹಾಗಿದ್ರೆ ಹ್ಯಾಂಡಲಿಂಗ್ ದಿ ಬಾಲ್ನಿಂದ ಒಬ್ಸ್ಟ್ರಕ್ಟಿಂಗ್ ದಿ ಫೀಲ್ಡ್ಗೆ ಅಪ್ಗ್ರೇಡ್ ಮಾಡಿದ್ದು ಯಾಕೆ ಅನ್ನೋದು ಕೂಡ ಇಂಪಾರ್ಟೆಂಟ್. ಕಾರಣ ಇಷ್ಟೇ, 2017ರಲ್ಲಿ ಕ್ರಿಕೆಟ್ನ ಎಂಸಿಸಿ ರೂಲ್ಸ್ನಲ್ಲಿ ಸಾಕಷ್ಟು ಚೇಂಜೆಸ್ಗಳನ್ನ ಮಾಡಲಾಗಿತ್ತು. ಈ ಪೈಕಿ ಹ್ಯಾಂಡಲಿಂಗ್ ದಿ ಬಾಲ್ ಕೂಡ ಒಂದು. ಹ್ಯಾಂಡಲಿಂಗ್ ದಿ ಬಾಲ್ ಅನ್ನೋ ರೂಲ್ಸ್ನ್ನ ರಿಮೂವ್ ಮಾಡಿ ಅದನ್ನ ಒಬ್ಸ್ಟ್ರಕ್ಟಿಂಗ್ ದಿ ಫೀಲ್ಡ್ ಅಂದ್ರೆ ಫೀಲ್ಡಿಂಗ್ಗೆ ಅಡ್ಡಿ ಅನ್ನೋ ಕೆಟಗರಿಯಡಿ ತರಲಾಗಿತ್ತು. ಹೀಗಾಗಿ ಈಗ ಹ್ಯಾಂಡಲಿಂಗ್ ದಿ ಬಾಲ್ ಅನ್ನೋ ವರ್ಡ್ ಎಂಸಿಸಿ ರೂಲ್ಸ್ ಬುಕ್ನಲ್ಲಿ ಇಲ್ವೇ ಇಲ್ಲ. ಮುಫ್ತಿಕರ್ ರಹೀಮ್ ಫೀಲ್ಡಿಂಗ್ಗೆ ಅಡ್ಡಿ ಪಡಿಸಿದ ಕಾರಣಕ್ಕಾಗಿ ಔಟ್ ಆಗಿದ್ದಾರೆ.

ಆದ್ರೆ ಈ ರೂಲ್ಸ್ನಲ್ಲಿ ಇನ್ನೊಂದು ಟ್ವಿಸ್ಟ್ ಕೂಡ ಇದೆ. ಒಂದು ವೇಳೆ ಬ್ಯಾಟ್ಸ್ಮನ್ ತನಗೆ ಇಂಜ್ಯೂರಿಯಾಗದಂತೆ ತಪ್ಪಿಸಿಕೊಳ್ಳೋಕೆ ಬಾಲ್ನ್ನ ಕೈಯಿಂದ ತಳ್ಳಿದ್ರೆ ಅಥವಾ ತಡೆದ್ರೆ ಆಗ ಅದನ್ನ ಔಟ್ ಅಂತಾ ಪರಿಗಣಿಸೋದಿಲ್ಲ. ಒಂದು ವೇಳೆ ಇಲ್ಲಿ ಬಾಲ್ ಬೌನ್ಸ ಆಗಿ ಮುಫ್ತಿಕರ್ ರಹೀಮ್ ಮುಖಕ್ಕೆ ಬಡಿಯೋ ಹಾಗೆ ಇರ್ತಿದ್ರೆ, ಅಥವಾ ದೇಹದ ಯಾವುದೇ ಭಾಗಕ್ಕೆ ಬಡಿಯುವಂತೆ ಇರ್ತಿದ್ರೆ ಆಗ ಬಾಲ್ನ್ನ ಮುಫ್ತಿಕರ್ ಕೈನಿಂದ ಪುಶ್ ಮಾಡ್ತಿದ್ರೆ ಯಾವುದೇ ಪ್ರಾಬ್ಲಾಂ ಆಗ್ತಿರಲಿಲ್ಲ. ಮುಫ್ತಿಕರ್ ರಹೀಮ್ ಔಟ್ ಆಗ್ತಾ ಇರಲಿಲ್ಲ. ಆದ್ರೆ ಇಲ್ಲಿ ಮುಫ್ತಿಕರ್ ಬಾಲ್ ಬಡಿದು ಇಂಜ್ಯೂರಿಗೆ ಒಳಗಾಗುವಂಥಾ ಸನ್ನಿವೇಶವೇ ಇರಲಿಲ್ಲ. ಆದ್ರೂ ಬಾಲ್ನ್ನ ತಳ್ಳಿದ್ರು. ಹೀಗಾಗಿ ಫೀಲ್ಡಿಂಗ್ಗೆ ಅಡ್ಡಿ ಪಡಿಸಿದ್ದಕ್ಕೆ ಔಟ್ ಆದ್ರು.

ಕ್ರಿಕೆಟ್ನಲ್ಲಿ ಈ ರೀತಿ ಫೀಲ್ಡಿಂಗ್ಗೆ ಅಡ್ಡಿ ಪಡಿಸಿದ್ದಕ್ಕೆ ಔಟಾಗಿರೋದು ಇದೇ ಮೊದಲೇನಲ್ಲ. ಈ ಹಿಂದೆ 2007ರಲ್ಲಿ ಭಾರತ ವಿರುದ್ಧದ ಮ್ಯಾಚ್ ವೇಳೆ ಪಾಕಿಸ್ತಾನದ ಇಂಜಮಾಮ್ ಉಲ್ ಹಕ್ ಕೂಡ ಬಾಲ್ ತಡೆದಿದ್ದಕ್ಕೆ ಔಟಾಗಿದ್ರು. ಇಂಜಮಾಮ್ ಹೊಡೆದ ಬಾಲ್ ಮಿಡ್ ಆಫ್ನತ್ತ ಹೋಗುತ್ತಲೇ ಅಲ್ಲಿ ಫೀಲ್ಡಿಂಗ್ ಮಾಡ್ತಿದ್ದ ಸುರೇಶ್ ರೈನಾ ಬಾಲ್ ಕಲೆಕ್ಟ್ ಮಾಡ್ತಾರೆ. ಆಗ ಇಂಜಮಾಮ್ ಉಲ್ ಹಕ್ ಸಿಂಗಲ್ ತೆಗೆಯೋಕೆ ಮುಂದಾಗಿರ್ತಾರೆ. ಕೂಡಲೇ ಸುರೇಶ್ ರೈನಾ ಬಾಲ್ ಥ್ರೋ ಮಾಡ್ತಾರೆ. ಆದ್ರೆ ಇಂಜಮಾಮ್ ಉಲ್ ಹಕ್ ಬ್ಯಾಟ್ನಿಂದ ಬಾಲ್ನ್ನ ತಡೀತಾರೆ. ಅಂಪೈರ್ ಸೈಮನ್ ಟೌಫೆಲ್ ಕೂಡಲೇ ಔಟ್ ಕೊಡ್ತಾರೆ. ಆ್ಯಕ್ಚುವಲಿ ಸುರೇಶ್ ರೈನಾ ಎಸೆದ ಬಾಲ್ ಇಂಜಮಾಮ್ ಉಲ್ ಹಕ್ ಮೈಮೇಲೆಯೇ ಬೀಳುವಂತಿತ್ತು. ಆದ್ರೆ ಅಲ್ಲಿ ಆಗಿದ್ದೇನಂದ್ರೆ ಇಂಜಮಾಮ್ ಅದಾಗ್ಲೇ ಕ್ರೀಸ್ ಬಿಟ್ಟಿದ್ರು. ಒಂದು ವೇಳೆ ಕ್ರೀಸ್ನೊಳಗೆ ಇದ್ದು ತಮ್ಮ ಮೈಮೇಲೆ ಬೀಳುವಂತಿದ್ದ ಬಾಲ್ನ್ನ ಬ್ಯಾಟ್ನಿಂದ ತಡೀತಿದ್ರೆ ಏನೂ ಸಮಸ್ಯೆಯಾಗ್ತಾ ಇರಲಿಲ್ಲ. ಆದ್ರೆ, ಇಂಜಮಾಮ್ ಕ್ರೀಸ್ ಬಿಟ್ಟಿದ್ರು..ಬಳಿಕ ವಿಕೆಟ್ನತ್ತ ಹೋಗೋ ಬಾಲ್ನ್ನ ಬ್ಯಾಟ್ನಿಂದ ತಡೆದ್ರು. ಹೀಗಾಗಿ ಅಂದು ಇಂಜಮಾಮ್ ಉಲ್ ಹಕ್ ಔಟ್ ಆಗ್ತಾರೆ. ಅಂತೂ ಒಂದು ತಿಂಗಳ ಅಂತರದಲ್ಲಿ ಈಗ ಕ್ರಿಕೆಟಿಗರು ಎರಡು ಪಾಠ ಕಲಿತಿದ್ದಾರೆ. ಒಂದು ಟೈಮ್ ಔಟ್.. ಮತ್ತೊಂದು ಫೀಲ್ಡಿಂಗ್ಗೆ ಅಡ್ಡಿ ಪಡಿಸಬಾರದು ಅನ್ನೋದು. ಅದ್ರಲ್ಲೂ ಈಗ ಬಾಂಗ್ಲಾ ಬ್ಯಾಟ್ಸ್ಮನ್ ಮುಫ್ತಿಕರ್ ಔಟಾಗಿರೋದು ಶ್ರೀಲಂಕನ್ನರಿಗೆ ಖುಷಿಯಾಗಿರುತ್ತೆ. ಯಾಕಂದ್ರೆ ವರ್ಲ್ಡ್ಕಪ್ನಲ್ಲಿ ಆ್ಯಂಜಲೋ ಮ್ಯಾಥ್ಯೂಸ್ ಕೂಡ ಎಂಸಿಸಿ ರೂಲ್ಸ್ನಿಂದಾಗಿಯೇ ಔಟಾಗಿದ್ರು. ಹೆಲ್ಮೆಟ್ ಹಾಳಾದ್ರೂ ಬಾಂಗ್ಲಾ ಕ್ರಿಕಟಿಗರು ಸಿಂಪಥಿ ತೋರಿಸಲಿಲ್ಲ. ಈಗ ಅದೇ ಬಾಂಗ್ಲಾ ಪ್ಲೇಯರ್ಸ್ ಎಂಸಿಸಿ ರೂಲ್ಸ್ ಬಲೆಯೊಳಗೆ ಬಿದ್ದಿದ್ದಾರೆ.