RCB ಮುಂದಿನ ಟಾರ್ಗೆಟ್ CSK -ಸತತ 4ನೇ ಸಲವೂ ಸೋಲಿಸ್ತಾರಾ?
ಬೆಂಗಳೂರು ಈಗ ಪವರ್ ಹೌಸ್!

ಐಪಿಎಲ್ ಅಬ್ಬರ ಸ್ಟಾರ್ಟ್ ಆಯ್ತು. ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಿಂದಲೇ 19ನೇ ಸೀಸನ್ಗೆ ರಣಕಹಳೆ ಮೊಳಗಿತು. ಇನ್ನೇನಿದ್ರೂ 2 ತಿಂಗಳು ಫುಲ್ ಟೈಂ ಐಪಿಎಲ್ದೇ ಗುಂಗು. ವೀಕೆಂಡ್ನಲ್ಲಂತೂ ಡಬಲ್ ಹೆಡರ್ ಮ್ಯಾಚ್ಗಳ ಹಬ್ಬ. ಸದ್ಯ ಹೈದ್ರಾಬಾದ್ ವಿರುದ್ಧ ಫಸ್ಟ್ ಮ್ಯಾಚ್ ಆಡಿರೋ ಆರ್ಸಿಬಿಗೆ ಎರಡನೇ ಪಂದ್ಯಕ್ಕೆ ಒಂದು ವಾರ ಗ್ಯಾಪ್ ಇದೆ. ಅದೂ ಕೂಡ ನೆಕ್ಸ್ಟ್ ಟಾರ್ಗೆಟ್ ಇರೋದು ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ.

ಇದನ್ನೂ ಓದಿ : ಬೆಂಗಳೂರಿನ ವಾಹನ ಸವಾರರ ಗಮನಕ್ಕೆ – ಇಂದು ಚಿನ್ನಸ್ವಾಮಿ ಸ್ಟೇಡಿಯಂ ಅಕ್ಕಪಕ್ಕ ಇರಲ್ಲ ವೆಹಿಕಲ್ ಪಾರ್ಕಿಂಗ್

ಆರ್ಸಿಬಿ ವರ್ಸಸ್ ಚೆನ್ನೈ ಮ್ಯಾಚ್ ಅಂದಾಗ ಆನ್ಫಿಲ್ಡ್ಗಿಂತ ಜಾಸ್ತಿ ಆಫ್ ದಿ ಫೀಲ್ಡ್ನಲ್ಲಿ ಫೈಟ್ ಜೋರಾಗಿರುತ್ತೆ. ಫ್ಯಾನ್ಸ್ ರೋಸ್ಟಿಂಗ್ ಅಂತೂ ನೆಕ್ಸ್ಟ್ ಲೆವೆಲ್ನಲ್ಲಿರುತ್ತೆ. ಅದೂ ಅಲ್ದೇ ಇದು ಇಬ್ಬರು ಲೆಜೆಂಡರಿ ಕ್ರಿಕೆಟಿಗರ ನಡುವಿನ ಸಮರ ಕೂಡ ಆಗಿದೆ. ಭಾರತದ ಮಾಜಿ ನಾಯಕರ ನಡುವಿನ ಕ್ಲಾಶ್. ಕಳೆದ ವರ್ಷ ಸಿಎಸ್ಕೆ ವಿರುದ್ಧ ಆರ್ಸಿಬಿ ಎರಡೂ ಮ್ಯಾಚ್ ಗೆದ್ದಿತ್ತು. ಸೋ ಈ ಸಲವೂ ಅದೇ ಇಂಟೆಂಟ್ನಲ್ಲೇ ಕಣಕ್ಕಿಳಿಯಲಿದೆ. ಆದ್ರೆ ಸಿಎಸ್ಕೆ ಅದೇ ಡಾಮಿನೇಷನ್ ಕಂಟಿನ್ಯೂ ಮಾಡೋಕೆ ಎದುರು ನೋಡ್ತಿದೆ.

ಸಿಎಸ್ ಕೆ ವಿರುದ್ಧ ಕಳೆದ 3 ಪಂದ್ಯಗಳಲ್ಲೂ ಗೆದ್ದಿದೆ ಬೆಂಗಳೂರು!

ಐಪಿಎಲ್ ಇತಿಹಾಸದಲ್ಲಿ ಚೆನ್ನೈ ತಂಡ 5 ಸಲ ಚಾಂಪಿಯನ್ ಆಗಿದೆ. ಮುಂಬೈ ಬಿಟ್ರೆ ಈ ಸಾಧನೆ ಮಾಡಿರುವ ಎರಡನೇ ತಂಡ. ಅದೂ ಅಲ್ದೇ ಕಳೆದ 18 ಸೀಸನ್ಗಳ ಪೈಕಿ 10 ಸಲ ಫೈನಲ್ಗೆ ಹೋಗಿದ್ದಾರೆ. ಹೀಗಾಗಿ ಇವ್ರ ಡಾಮಿನೇಷನ್ ಇದ್ದೇ ಇರುತ್ತೆ. ಆರ್ಸಿಬಿ ವಿರುದ್ಧವೂ ಇಂಥದ್ದೇ ರೆಕಾರ್ಡ್ಸ್ ಹೊಂದಿದ್ದಾರೆ. ಒಟ್ಟಾರೆಯಾಗಿ 31 ಪಂದ್ಯಗಳನ್ನ ಆಡಿದ್ದು ಯೆಲ್ಲೋ ಆರ್ಮಿ 21 ಪಂದ್ಯಗಳನ್ನ ಗೆದ್ದಿದ್ರೆ ಆರ್ಸಿಬಿ 13 ಪಂದ್ಯಗಳನ್ನ ಗೆದ್ದಿದೆ. ಆದ್ರೆ ಕಳೆದ ಎರಡು ವರ್ಷಗಳಿಂದ ಇದು ರಿವರ್ಸ್ ಗೇರ್ನಲ್ಲಿ ಹೋಗ್ತಿದೆ. ಅಂದ್ರೆ ಆರ್ಸಿಬಿ ಡಾಮಿನೇಷನ್ ಸ್ಟಾರ್ಟ್ ಮಾಡಿದೆ. ಈಗ ಹ್ಯಾಟ್ರಿಕ್ ಗೆಲುವಿನಲ್ಲಿದೆ. ಅಂದ್ರೆ 2024ರಲ್ಲಿ ಮೊದಲ ಮ್ಯಾಚಲ್ಲಿ ಸಿಎಸ್ಕೆ ವಿರುದ್ಧ ಸೋತಿದ್ದ ಆರ್ಸಿಬಿ ರಿವೇಂಜ್ ಮ್ಯಾಚಲ್ಲಿ 27 ರನ್ಗಳಿಂದ ಗೆದ್ದು ಪ್ಲೇಆಪ್ಗೇರಿತ್ತು. ಌಂಡ್ 2025ರಲ್ಲಿ ಮೊದಲ ಮ್ಯಾಚಲ್ಲಿ ಅದೂ ಕೂಡ ಚೆಪಾಕ್ನಲ್ಲಿ ಚೆನ್ನೈ ತಂಡವನ್ನ ಎರಡನೇ ಬಾರಿಗೆ ಸೋಲಿಸಿತ್ತು. 50 ರನ್ಗಳ ಬಿಗ್ ಮಾರ್ಜಿನ್ನಿಂದ ಗೆದ್ದಿತ್ತು. ಅದಾದ ಮೇಲೆ ರಿವೇಂಜ್ ಮ್ಯಾಚಲ್ಲಿ ಬೆಂಗಳೂರಲ್ಲಿ 2 ರನ್ಗಳಿಂದ ಸಿಎಸ್ಕೆಯನ್ನ ಸೋಲಿಸುವಲ್ಲಿ ಯಶಸ್ವಿಯಾಗಿತ್ತು. ಇಂಟ್ರೆಸ್ಟಿಂಗ್ ಅಂದ್ರೆ ಫಾರ್ ದಿ ಫಸ್ಟ್ ಟೈಂ ಸಿಎಸ್ಕೆ ವಿರುದ್ಧ ಆರ್ಸಿಬಿ ಬ್ಯಾಕ್ ಟು ಬ್ಯಾಕ್ ಮ್ಯಾಚ್ಗಳನ್ನ ಗೆದ್ದಿತ್ತು. ಸೋ ಇದೇ ಪ್ರಾಬಲ್ಯವನ್ನ ಕಂಟಿನ್ಯೂ ಮಾಡೋಕೆ ನೋಡ್ತಿದ್ದಾರೆ. ಆದ್ರೆ ಈ ಸಲ ಸಿಎಸ್ಕೆ ಅಷ್ಟು ಈಸಿಯಾಗಿ ಬಿಟ್ಟುಕೊಡೋದೂ ಇಲ್ಲ. ಯಾಕಂದ್ರೆ ಅಲ್ಲಿ ಈಗ ಹೊಸಬರ ದಂಡೇ ಇದೆ. ವಿಶ್ವಕಪ್ ಹೀರೋ ಕೂಡ ಇದ್ದಾರೆ.

ಯಂಗ್ ಪಡೆ ಕಟ್ಟಿರೋ ಧೋನಿ ಪ್ಲ್ಯಾನ್ ಏನು?

2025ರ ಐಪಿಎಲ್ ಬಳಿಕ ಹಳೇ ಆಟಗಾರರನ್ನೆಲ್ಲಾ ರಿಲೀಸ್ ಮಾಡಿ ಸಿಎಸ್ಕೆ ಯಂಗ್ ಪ್ಲೇಯರ್ಗಳ ಟೀಂ ಕಟ್ಟಿದೆ. ಜೊತೆಗೆ ಸಂಜು ಸ್ಯಾಮ್ಸನ್ ಬಂದಿರೋದು ಆನೆ ಬಲ ಸಿಕ್ಕಂತಾಗಿದೆ. ಬೌಲಿಂಗ್ ಸ್ವ್ಕಾಡ್ ಕೂಡ ಚೇಂಜ್ ಆಗಿದೆ. ಹೀಗಾಗಿ ಈ ಸಲ ಮತ್ತೆ ಸ್ಟ್ರಾಂಗ್ ಆಗಿ ಕಂ ಬ್ಯಾಕ್ ಮಾಡೋಕೆ ಕಾಯ್ತಿದ್ದಾರೆ. ಇತ್ತ ಆರ್ಸಿಬಿ ಟೀಂ ಹೆಚ್ಚಿನ ಬದಲಾವಣೆ ಏನೂ ಇಲ್ದೇ ಇರೋದ್ರಿಂದ ಕಳೆದ ವರ್ಷದಂತೆಯೇ ಈ ಸಲವೂ ಗೆದ್ದು ಮೆರೆಯೋಕೆ ಕಾಯ್ತಿದ್ದಾರೆ. ಇನ್ನೊಂದು ವಿಶೇಷ ಅಂದರೆ ಕಳೆದ ಸೀಸನ್ನಲ್ಲಿ ಚಾಂಪಿಯನ್ ಆಗಿರೋ ಆರ್ಸಿಬಿ ನಂಬರ್ 1 ಪ್ಲೇಸ್ನಲ್ಲಿ ಟೂರ್ನಿ ಮುಗಿಸಿದ್ರೆ ಮತ್ತೊಂದೆಡೆ ಅಂಕಪಟ್ಟಿಯಲ್ಲಿ ಕೊನೇ ಸ್ಥಾನದಲ್ಲಿ ಟೂರ್ನಿ ಮುಗಿಸಿದ್ದ ಸಿಎಸ್ಕೆ ಮ್ಯಾಚ್ ಇಂಟ್ರೆಸ್ಟಿಂಗ್ ಆಗಿರಲಿದೆ. ಟೇಬಲ್ ಟಾಪರ್ ವರ್ಸಸ್ ಬಾಟಮ್ ಆಫ್ ದಿ ಟೇಬಲ್ ಟೀಂ ನಡುವಿನ ಕ್ಲ್ಯಾಶ್ ಆಗಲಿದೆ. ಒಟ್ನಲ್ಲಿ ಆರ್ಸಿಬಿಗೆ ನೆಕ್ಸ್ಟ್ ಇರೋದು ಅಸಲಿ ಖದರ್ ಕೊಡೋ ಮ್ಯಾಚ್.