ನೋಡಿರಿ
ಬಾಲಿವುಡ್ ಬೆಡಗಿಗೆ ಸಿರಾಜ್ ಬೌಲ್ಡ್? – ಕದ್ದು ಮುಚ್ಚಿ ಡೇಟಿಂಗ್!!
ಮೊಹಮ್ಮದ್ Weds ಮಹಿರಾ ಯಾವಾಗ?
ಮೊಹಮ್ಮದ್ ಸಿರಾಜ್.. ಟೀಮ್‌ ಇಂಡಿಯಾದ ವೇಗದ ಬೌಲರ್‌.. ಕ್ರಿಕೆಟ್ ಮೈದಾನದಲ್ಲಿ ಹೆಚ್ಚು ಸೌಂಡ್‌ ಮಾಡ್ತಿರೋ ಸಿರಾಜ್ ಈಗ ವೈಯಕ್ತಿಕ ವಿಚಾರವಾಗಿಯೂ ಸುದ್ದಿಯಲ್ಲಿದ್ದಾರೆ. ಇದೀಗ ಸಿರಾಜ್ ಜೊತೆ ನಟಿಯೊಬ್ಬರ ಹೆಸರು ತಳುಕು ಹಾಕಿಕೊಂಡಿದೆ.. ಬಾಲಿವುಡ್ ನಟಿ ಜೊತೆ ಮೊಹಮ್ಮದ್ ಸಿರಾಜ್ ಕದ್ದುಮುಚ್ಚಿ ಡೇಟಿಂಗ್ ನಡೆಸ್ತಿದ್ದಾರೆ ಎಂಬ ಗಾಸಿಪ್‌ ಹರಿದಾಡ್ತಿದೆ. ಅಷ್ಟಕ್ಕೂ ಸಿರಾಜ್ ಪ್ರೀತಿಯಲ್ಲಿ ಬಿದ್ದಿರೋದು ನಿಜಾನಾ? ಕ್ರಿಕೆಟರ್‌ ಮನಸ್ಸು ಕದ್ದ ಬೆಡಗಿ ಯಾರು? ಹರಿದಾಡ್ತಿರೋ ಸುದ್ದಿ ಬಗ್ಗೆ ಸಿರಾಜ್ ಏನ್‌ ಹೇಳಿದ್ರು.. ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ : ಅಮೆರಿಕದಲ್ಲಿ 2 ವಿಮಾನಗಳ ಪತನದಲ್ಲಿ 67 ಮಂದಿ ಸಾವು – ಸಂತಾಪ ಸೂಚಿಸಿದ ಪ್ರಧಾನಿ ಮೋದಿ
ಬಾಲಿವುಡ್ ಮತ್ತು ಕ್ರಿಕೆಟ್ ನಡುವಿನ ಸಂಬಂಧ ಇಂದು ನಿನ್ನೆಯದಲ್ಲ. ಬಾಲಿವುಡ್ ಬ್ಯೂಟಿಗಳು ಮತ್ತು ಕ್ರಿಕೆಟ್ ಆಟಗಾರರು ಹೇಗೇಗೆ ಲಿಂಕ್ ಆಗಿಬಿಡುತ್ತಾರೋ ಗೊತ್ತಿಲ್ಲ. ಕ್ರಿಕೆಟರ್ಸ್‌ ಮತ್ತು ನಟಿಯರು ಕದ್ದುಮುಚ್ಚಿ ಮೀಟಿಂಗ್.. ಡೇಟಿಂಗ್ ಮಾಡೋದು ಕಾಮನ್‌.. ಆದ್ರೆ ಅವರು ಮದುವೆವರೆಗೂ ಬಂದಿದ್ದು ತೀರಾ ವಿರಳ.. ಶುಭ್ಮನ್‌ ಗಿಲ್‌ ಜೊತೆ ಈಗಾಗಲೇ ಸಚಿನ್‌ ತೆಂಡೂಲ್ಕರ್‌ ಮಗಳು ಸೇರಿದಂತೆ ಕೆಲವು ನಟಿಯರ ಹೆಸರು ತಳುಕು ಹಾಕಿಕೊಂಡಿರುವುದು ನಿಮ್ಗೆಲ್ಲಾ ಗೊತ್ತೇ ಇದೆ.. ಇದೀಗ ಅಂಥದೇ ಕತೆ ಮೊಹಮ್ಮದ್ ಸಿರಾಜ್ ಅವರದು. ಕಳೆದ ಕೆಲವು ತಿಂಗಳಿಂದ ಸಿರಾಜ್ ಜೊತೆ ಗಾಯಕಿ ಆಶಾ ಭೋಂಸ್ಲೆ ಅವರ ಮೊಮ್ಮಗಳ ಹೆಸರು ತಳುಕು ಹಾಕಿಕೊಂಡಿತ್ತು.. ಝನಾಯಿ ಭೋಂಸ್ಲೆ ಅವರನ್ನ ಸಿರಾಜ್ ಲವ್ ಮಾಡುತ್ತಿದ್ದಾರೆ. ಈ ಜೋಡಿ ಡೇಟಿಂಗ್, ಮೀಟಿಂಗ್ ಅಂತಾ ಬ್ಯೂಸಿ ಆಗಿದೆ ಅಂತಾ ಹೇಳಲಾಗ್ತಿತ್ತು.. ಆದ್ರೆ ಝನಾಯಿ ಭೋಂಸ್ಲೆ ಹರಿದಾಡ್ತಿರೋ ಸುದ್ದಿಗೆ ಬ್ರೇಕ್‌ ಹಾಕಿದ್ರು.. ಸಿರಾಜ್, ನನ್ನ ಪ್ರೀತಿಯ ಸಹೋದರನಂತೆ.. ನಾನು ಅವರ ಸಹೋದರಿಯಂತೆ ಅಂತಾ ಸೋಶಿಯಲ್‌ ಮೀಡಿಯಾದಲ್ಲಿ ಸ್ಪಷ್ಟನೆ ನೀಡಿದ್ರು.. ಹೀಗಾಗಿ ಈ ವದಂತಿಗೆ ಪೂರ್ಣವಿರಾಮ ಬಿದ್ದಿದೆ. ಇದೀಗ ಸಿರಾಜ್ ಹೆಸರು ಜೊತೆ ಬಾಲಿವುಡ್ ನಟಿಯ ಹೆಸರು ತಳುಕುಹಾಕಿಕೊಂಡಿದೆ. ಆ ನಟಿ ಬೇರೆ ಯಾರಯ ಅಲ್ಲ.. ಮಹಿರಾ ಶರ್ಮಾ..
ಟೀಮ್‌ ಇಂಡಿಯಾ ವೇಗಿ ಮೊಹಮ್ಮದ್ ಸಿರಾಜ್, ಬಿಗ್ ಬಾಸ್ ಸೀಸನ್ 13 ರ ಬ್ಯೂಟಿ ಮಹಿರಾ ಶರ್ಮಾ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ. ಸಿರಾಜ್ ಮತ್ತು ಮಹಿರಾ ಅವರ ಆಪ್ತರು ಕೂಡ ಅವರ ಪ್ರೀತಿಯನ್ನು ಖಚಿತಪಡಿಸಿದ್ದಾರೆ ಎನ್ನಲಾಗಿದೆ. ಮೇಲಾಗಿ ಈ ವರದಿಗಳನ್ನು ಮಹಿರಾ ಅಲ್ಲಗಳೆದಿಲ್ಲ ಅಂದರೆ ಸಿರಾಜ್ ಜೊತೆ ಡೇಟಿಂಗ್ ಮಾಡುತ್ತಿರುವ ಸುದ್ದಿ ನಿಜವಾಗಿದೆ ಎನ್ನಲಾಗಿದೆ. ಇದಕ್ಕೆ ಸಿರಾಜ್ ಮತ್ತು ಮಹಿರಾ ಈ ಕುರಿತಾಗಿ ಎಲ್ಲೂ ಕೂಡಾ ಮಾತನಾಡಿಲ್ಲ. ಆದರೆ ಇಬ್ಬರು ಲವ್‌ನಲ್ಲಿದ್ದಾರೆ ಎನ್ನುವ ಸುದ್ದಿ ಮಾತ್ರ ಸಖತ್ ವೈರಲ್ ಆಗುತ್ತಿದೆ.
ಮಹಿರಾ ಶರ್ಮಾ ಜಮ್ಮು ಮತ್ತು ಕಾಶ್ಮೀರವರು.. ಮಹಿರಾ ಸದ್ಯ ಹಲವು ಪ್ರಾಜೆಕ್ಟ್ಗಳಲ್ಲಿ ಬ್ಯುಸಿಯಾಗಿದ್ದಾರೆ. ಮಾಡೆಲಿಂಗ್ ಮತ್ತು ಹಿಂದಿ ಕಾರ್ಯಕ್ರಮಗಳಲ್ಲೂ ಗುರುತಿಸಿಕೊಂಡಿದ್ದಾರೆ.. ಮಹಿರಾ ಈಗಾಗಲೇ ಹಲವು ಪಂಜಾಬಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ಆಲ್ಬಮ್ ಹಾಡುಗಳಲ್ಲಿಯೂ ಕಾಣಿಸಿಕೊಂಡಿದ್ದಾರೆ. ಅವರು ನಾಗಿನ್, ಬೇಪಾನ ಪ್ಯಾರ್, ಕುಂಡಲಿ ಭಾಗ್ಯ ದಂತಹ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಅವರು ಹಿಂದಿ ಬಿಗ್ ಬಾಸ್ ಸೀಸನ್ 13 ರಲ್ಲಿ ಭಾಗವಹಿಸಿದ್ರು.. ಈ ವೇಳೆ ಮಹಿರಾಗೆ ಹೆಚ್ಚಿನ ಜನಪ್ರೀಯತೆ ಸಿಕ್ಕಿತು.. ಬಿಗ್ ಬಾಸ್ ಮನೆಯಲ್ಲಿ ಮಹಿರಾ ಶರ್ಮಾಗೆ ನಟ – ಮಾಡೆಲ್ ಪರಾಸ್ ಛಬ್ರಾ ಪರಿಚಯವಾದ್ರು.. ಅಲ್ಲಿಂದ ಅವರಿಬ್ಬರ ಮಧ್ಯೆ ಆತ್ಮೀಯತೆ ಹೆಚ್ಚಿತು.. ಬಿಗ್ ಬಾಸ್ ನಿಂದ ಬಂದ ಬಳಿಕ ಇವರಿಬ್ಬರು ಡೇಟಿಂಗ್ನಲ್ಲಿದ್ರು ಎಂದು ಈ ಹಿಂದೆ ವರದಿ ಆಗಿತ್ತು. ಆದ್ರೂ ಕೆಲ ಕಾರಣಗಳಿಂದ ಇಬ್ಬರೂ 2023ರಲ್ಲಿ ಬೇರೆಯಾದರು ಎಂದು ಕೆಲ ವರದಿಗಳು ತಿಳಿಸಿವೆ. ಇದೀಗ ಕ್ರಿಕೆಟರ್‌ ಸಿರಾಜ್ ಜೊತೆ ಮಹಿರಾ ಹೆಸರು ತಳುಕು ಹಾಕಿಕೊಂಡಿದೆ.. ಕಳೆದ ವರ್ಷ ನವೆಂಬರ್‌ನಲ್ಲಿ ಸಿರಾಜ್ ಮತ್ತು ಮಹಿರಾ ನಡುವೆ ಲವ್ ಸ್ಟೋರಿ ಶುರುವಾಗಿದೆ ಎಂದು ಹೇಳಲಾಗ್ತಿದೆ. ಅಷ್ಟೇ ಅಲ್ಲ ಸೋಶಿಯಲ್‌ ಮೀಡಿಯಾದಲ್ಲಿ ಒಬ್ಬರನ್ನೊಬ್ಬರು ಫಾಲೋ ಮಾಡಿದ್ದಾರಂತೆ.. ಸಿರಾಜ್, ಮಹಿರಾ ಅವರ ಅನೇಕ ಸ್ಟೋರಿ, ಪೋಸ್ಟ್‌ ಗಳಿಗೆ ಲೈಕ್‌ ಕೊಟ್ಟಿದ್ದಾರೆ.. ಪ್ರಸ್ತುತ ಒಬ್ಬರಿಗೊಬ್ಬರು ಅರ್ಥ ಮಾಡಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ ಎಂದು ಹೇಳಲಾಗ್ತಿದೆ..
ಇನ್ನು ಫೆಬ್ರವರಿ 19 ರಿಂದ ಚಾಂಪಿಯನ್ಸ್ ಟ್ರೋಫಿ ಪ್ರಾರಂಭವಾಗಲಿದೆ. ಈ ಟೂರ್ನಿಯಲ್ಲಿ ಭಾಗವಹಿಸುವ ಭಾರತ ತಂಡದಲ್ಲಿ ಮೊಹಮ್ಮದ್ ಸಿರಾಜ್ ಅವರಿಗೆ ಸ್ಥಾನ ಸಿಕ್ಕಿಲ್ಲ.. ಮೇಲಾಗಿ ಇಂಗ್ಲೆಂಡ್ ವಿರುದ್ಧದ ಟಿ20 ಹಾಗೂ ಏಕದಿನ ಸರಣಿಯ ತಂಡದಲ್ಲೂ ಸಿರಾಜ್ ಸ್ಥಾನ ಪಡೆದಿರಲಿಲ್ಲ. ಕೆಲ ಸಮಯದಿಂದ ಕಳಪೆ ಫಾರ್ಮ್‌ನಿಂದ ಬಳಲುತ್ತಿದ್ದ ಸಿರಾಜ್ ಅನ್ನ ಆಯ್ಕೆದಾರರು ಬದಿಗಿಟ್ಟಿದ್ದಾರೆ. ಚಾಂಪಿಯನ್ಸ್ ಟ್ರೋಫಿಯಲ್ಲಿ ಸಿರಾಜ್ ಬದಲಿಗೆ ಅರ್ಷದೀಪ್ ಸಿಂಗ್ ಅವರನ್ನು ನೇಮಿಸಲಾಗಿದೆ.. ಮೊಹಮ್ಮದ್ ಸಿರಾಜ್ ದೇಶೀಯ ಟೂರ್ನಿ ರಣಜಿ ಟ್ರೋಫಿಯಲ್ಲಿ ಭಾಗವಹಿಸಲಿದ್ದಾರೆ. ಇಲ್ಲಿ ಯಶಸ್ವಿಯಾಗಿರುವ ಸಿರಾಜ್ ಮತ್ತೊಮ್ಮೆ ಟೀಂ ಇಂಡಿಯಾಗೆ ಮರುಪ್ರವೇಶ ಮಾಡುವ ಭರವಸೆಯಲ್ಲಿದ್ದಾರೆ. ಈ ಬೆನ್ನಲ್ಲೇ ಮಹಿರಾ ಶರ್ಮಾ ಜೊತೆ ಅವರ ಹೆಸರು ತಳುಕುಹಾಕಿಕೊಂಡಿದೆ. ಇವರಿಬ್ಬರು ಈ ಬಗ್ಗೆ ಇಲ್ಲಿವರೆಗೂ ಸ್ಪಷ್ಟನೆ ನೀಡಿಲ್ಲ.. ಅಧಿಕೃತ ಘೋಷಣೆ ಆಗೋವರೆಗೂ ವದಂತಿ ವದಂತಿಯಷ್ಟೇ!.
