ನೋಡಿರಿ
ಪಂಜಾಬ್ ವಿರುದ್ಧ ಗೆದ್ದು ಬೀಗಿದ ಮುಂಬೈ ಇಂಡಿಯನ್ಸ್ – ಪಂಜಾಬ್ಗೆ ವೀರೋಚಿತ ಸೋಲು
ಪಂಜಾಬ್ ಕಿಂಗ್ಸ್ ಹಾಗೂ ಮುಂಬೈ ಇಂಡಿಯನ್ಸ್ ನಡುವೆ ನಡೆದ ಹೈವೋಲ್ಟೇಜ್ ಪಂದ್ಯದಲ್ಲಿ ಮುಂಬೈ ಭರ್ಜರಿ ಜಯಗಳಿಸಿದೆ. ಮುಂಬೈ 9 ರನ್‌ಗಳ ಅಂತರದಲ್ಲಿ ಗೆದ್ದು ಬೀಗಿದೆ ಮುಂಬೈ.
ಚಂಡೀಗಡ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹೈವೋಲ್ಟೇಜ್ ಪಂದ್ಯದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟ್ ಬೀಸಿದ ಮುಂಬೈ ಇಂಡಿಯನ್ಸ್ ನಿಗದಿತ ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 192 ರನ್ ಕಲೆಹಾಕಿ, ಎದುರಾಳಿ ತಂಡಕ್ಕೆ 193 ರನ್‌ಗಳ ಗುರಿ ನೀಡಿತು. ಗುರಿಯನ್ನು ಬೆನ್ನಟ್ಟಿದ ಪಂಜಾಬ್ ಕಿಂಗ್ಸ್ 19.1 ಓವರ್‌ಗಳಲ್ಲಿ 183 ರನ್‌ಗಳನ್ನು ಕಲೆ ಹಾಕಿ ಆಲೌಟ್‌ ಆಯಿತು.
ಇದನ್ನೂ ಓದಿ: ಕಾಂಗ್ರೆಸ್ ಪರ ದಚ್ಚು ಪ್ರಚಾರ ಮಾಡಿದ್ದು ಯಾಕೆ? – ದರ್ಶನ್ ನಡೆ ಹಿಂದೆ ಸುಮಲತಾ ಗೇಮ್ ಪ್ಲ್ಯಾನ್?
ಮುಂಬೈ ಇಂಡಿಯನ್ಸ್ ಪರ ಸೂರ್ಯಕುಮಾರ್ ಯಾದವ್ ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ತಾನು ಆಡಿದ 53 ಬಾಲ್ನಲ್ಲಿ 3 ಸಿಕ್ಸರ್, 7 ಫೋರ್ ಸಮೇತ 78 ರನ್ ಚಚ್ಚಿದ್ರು. ಇವರಿಗೆ ಸಾಥ್ ನೀಡಿದ ಮಾಜಿ ಕ್ಯಾಪ್ಟನ್ ರೋಹಿತ್ ಶರ್ಮಾ 36, ತಿಲಕ್ ವರ್ಮಾ 34, ಹಾರ್ದಿಕ್ ಪಾಂಡ್ಯ 10, ಟೀಮ್ ಡೇವಿಡ್ 14 ರನ್ ಗಳಿಸಿದ್ರು. ಇವರ ಸಹಾಯದಿಂದ ಮುಂಬೈ ಇಂಡಿಯನ್ಸ್ 192 ರನ್ ಗಳಿಸಿ ಬಿಗ್ ಟಾರ್ಗೆಟ್ ನೀಡಿತ್ತು.
ಮುಂಬೈ ಇಂಡಿಯನ್ಸ್ ನೀಡಿದ ಬಿಗ್ ಟಾರ್ಗೆಟ್ ಬೆನ್ನತ್ತಿದ ಪಂಜಾಬ್ ಕಿಂಗ್ಸ್ ಮೊದಲ 4 ಓವರ್ಗಳಲ್ಲೇ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ನಂತರ ಕ್ರೀಸ್ಗೆ ಬಂದ ಶಂಶಾಕ್ ಸಿಂಗ್ ಕೇವಲ 25 ಬಾಲ್ನಲ್ಲಿ 41 ರನ್ ಸಿಡಿಸಿದ್ರು. ಇವರಿಗೆ ಸಾಥ್ ನೀಡಿದ ಆಶುತೋಷ್ ಶರ್ಮಾ ಕೇವಲ 28 ಬಾಲ್ನಲ್ಲಿ 7 ಸಿಕ್ಸರ್, 2 ಫೋರ್ ಸಮೇತ 61 ರನ್ ಚಚ್ಚಿದ. ಹರ್ಪ್ರೀತ್ 17 ರನ್ ಗಳಿಸಿದ್ರೂ 9 ರನ್ನಿಂದ ಸೋತರು.
