ನೋಡಿರಿ
ಹೊಡಿಬಡಿ ಆಟದಿಂದಾಗಿ ಮ್ಯಾಕ್ಸ್ವೆಲ್ ದ್ವಿಶತಕ – ಏನಿದು ಹೊಸ ಬ್ಯಾಟಿಂಗ್ ಶೈಲಿ? ಯಾವ ಬ್ಯಾಟ್ಸ್‌ಮೆನ್ ಯಾವ ಬ್ಯಾಟಿಂಗ್ ಶೈಲಿಯಲ್ಲಿ ಫೇಮಸ್?
ಅಫ್ಘಾನಿಸ್ತಾನ ವಿರುದ್ಧ ಗ್ಲೇನ್ ಮ್ಯಾಕ್ಸ್ವೆಲ್ ಆಡಿದ ಕಂಡು ಕೇಳರಿಯದ ಇನ್ನಿಂಗ್ಸ್ಗೆ ಇಡೀ ಕ್ರಿಕೆಟ್ ಜಗತ್ತೇ ನಿಬ್ಬೆರಗಾಗಿದೆ. ಎಲ್ಲರೂ ಮ್ಯಾಕ್ಸ್ವೆಲ್ ಬ್ಯಾಟಿಂಗ್ ಬಗ್ಗೆಯೇ ಮಾತನಾಡ್ತಿದ್ದಾರೆ. ಮ್ಯಾಕ್ಸ್ವೆಲ್ ಆಡಿರೋದು ಕ್ರಿಕೆಟ್ ಇತಿಹಾಸದ ವನ್ ಆಫ್ ದಿ ಟಾಪ್ ಕ್ಲಾಸ್ ಇನ್ನಿಂಗ್ಸ್ ಅನ್ನೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ. ಅದ್ರಲ್ಲೂ ಇಂಜ್ಯೂರಿಗೆ ಒಳಗಾಗಿ ಕಾಲು ಕೂಡ ಅಲ್ಲಾಡಿಸೋಕೆ ಆಗದೆ, ನಿಂತಲ್ಲಿಂದಲೇ ಬೌಂಡರಿ, ಸಿಕ್ಸರ್ಗಳ ಸುರಿಮಳೆಗೆರೆದಿದ್ರು. ಇನ್ನು ಮ್ಯಾಕ್ಸ್ವೆಲ್ ಹೊಡೆದ ಒಂದೊಂದು ಶಾಟ್ಗಳು ಕೂಡ ಹೀಗೂ ಬ್ಯಾಟಿಂಗ್ ಮಾಡಬಹುದಾ ಎಂಬಂತಿತ್ತು. ಕ್ರಿಕೆಟ್ ಬುಕ್ನಲ್ಲಿ ಎಲ್ಲೂ ಕಾಣೋಕೆ ಸಿಗದಂಥಾ ಶಾಟ್ಸ್ಗಳನ್ನ ಮ್ಯಾಕ್ಸ್ವೆಲ್ ಹೊಡೆದಿದ್ರು. ಆಸ್ಟ್ರೇಲಿಯಾವನ್ನ ಗೆಲ್ಲಿಸೋಕೆ ತಾವೇ ಹೊಸ ಶಾಟ್ಸ್ಗಳನ್ನ ಅನ್ವೇಷಿಸಿಕೊಂಡಿದ್ರು. ಈ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ‘ನಿನ್ನಿಂದ ಮಾತ್ರ ಇದು ಸಾಧ್ಯ’ – ಮ್ಯಾಕ್ಸ್ವೆಲ್ ದ್ವಿಶತಕಕ್ಕೆ ರನ್ ಮೆಷಿನ್ ವಿರಾಟ್ ಕೊಹ್ಲಿ ಮೆಚ್ಚುಗೆ
1960, 1980, 90ರ ದಶಕದಲ್ಲೆಲ್ಲಾ ಕ್ರಿಕೆಟ್ ಆಡೋವಾಗ ಬ್ಯಾಟ್ಸ್ಮನ್ಗಳು ಸೆಲೆಕ್ಟಿವ್ ಶಾಟ್ಸ್ಗಳಿಗಷ್ಟೇ ಸೀಮಿತವಾಗಿದ್ದರು. ಕ್ರಿಕೆಟ್ ಬುಕ್ನಲ್ಲಿರುವ ಶಾಟ್ಸ್ಗಳನ್ನ ಹೊಡೆಯುತ್ತಿದ್ದರು. ಎಲ್ಲರೂ ಒಂಥರಾ ಬುಕ್ಕಿಶ್ ರೀತಿಯಲ್ಲೇ ಬ್ಯಾಟಿಂಗ್ ಮಾಡುತ್ತಿದ್ದರು. ಕೋಚ್ಗಳು ಏನು ಹೇಳಿಕೊಟ್ಟಿದ್ರೋ, ಕ್ರಿಕೆಟ್ ಬುಕ್ನಲ್ಲಿ ಯಾವ್ಯಾವ ಶಾಟ್ಗಳಿವೆಯೋ ಅದನ್ನಷ್ಟೇ ಆಡುತ್ತಿದ್ದರು. ಆದರೆ, ಕಾಲ ಬದಲಾಗುತ್ತಾ ಬಂತು. ಆಧುನಿಕ ಕಾಲದ ಕ್ರಿಕೆಟಿಗರು, ಅದ್ರಲ್ಲೂ ಟಿ-20 ಫಾರ್ಮೆಟ್ ಬಂದ ಮೇಲಂತೂ ಬ್ಯಾಟಿಂಗ್ ಮಾಡೋ ಶೈಲಿಯೇ ಬದಲಾಗುತ್ತಾ ಹೋಯಿತು. ಹೊಡಿಬಡಿ ಆಟದಿಂದಾಗಿ ಬ್ಯಾಟ್ಸ್ಮನ್ಗಳು ಬೇಗನೆ ರನ್ ಕಲೆ ಹಾಕೋಕೆ ಹೊಸ ಹೊಸ ಶಾಟ್ಸ್ಗಳನ್ನ ತಾವಾಗಿಯೇ ಅನ್ವೇಷಣೆ ಮಾಡಿಕೊಂಡರು. ಯಾವ್ಯಾವ ಬ್ಯಾಟ್ಸ್ಮನ್ ಏನೆಲ್ಲಾ ಹೊಸ ಶಾಟ್ ಕಂಡುಹಿಡಿದಿದ್ದಾರೆ ಅನ್ನೋದನ್ನು ಈ ಕೆಳಗೆ ವಿವರಣೆ ಇದೆ.
ಪ್ಯಾಡಲ್ ಸ್ಕೂಪ್ ಶಾಟ್-ಡಾಗ್ಲಸ್ ಮ್ಯಾರಿಲ್ಲರ್!
ಡಾಗ್ಲಸ್ ಮ್ಯಾರಿಲ್ಲರ್ ಜಿಂಬಾಬ್ವೆ ತಂಡದ ಮಾಜಿ ಕ್ರಿಕೆಟಿಗ. ಪ್ಯಾಡಲ್ ಸ್ಕೂಪ್ ಅನ್ನೋ ಶಾಟ್ನ್ನೇ ಮೊದಲು ಡಾಗ್ಲಸ್ ಮ್ಯಾರಿಲ್ಲರ್. ಆಸ್ಟ್ರೇಲಿಯಾ ವಿರುದ್ಧದ ಮ್ಯಾಚ್ ಒಂದರ ವೇಳೆ ಗ್ಲೇನ್ ಮೆಗ್ರಾಥ್ ಬೌಲಿಂಗ್ನಲ್ಲಿ ಡಾಗ್ಲಸ್ ಮ್ಯಾರಿಲ್ಲರ್ ಮೊಟ್ಟ ಮೊದಲ ಬಾರಿಗೆ ಪ್ಯಾಡಲ್ ಸ್ಕೂಪ್ ಮಾಡ್ತಾರೆ. ರೈಟ್ ಹ್ಯಾಡ್ ಬ್ಯಾಟ್ಸ್ಮನ್ ಆಗಿದ್ದ ಡಾಗ್ಲಸ್ ಮ್ಯಾರಿಲ್ಲರ್ ಔಟ್ ಸೈಡ್ ದಿ ಆಫ್ ಸ್ಟಂಪ್ಗೆ ಬಂದ ಬಾಲ್ನ್ನ ಒಂದು ಕಾಲನ್ನ ಮುಂದೆ ಇಟ್ಟು ಬ್ಯಾಕ್ವಟ್ ಪಾಯಿಂಟ್ನತ್ತ ಹೊಡೀತಾರೆ. ಈಗ ಈ ಶಾಟ್ ಕಾಮನ್ ಆಗಿದ್ದು, ಆದ್ರೆ ಮೊದಲ ಬಾರಿಗೆ ಈ ರೀತಿ ಪ್ಯಾಡಲ್ ಸ್ಕೂಪ್ ಮಾಡಿದ್ದು ಜಿಂಬಾಬ್ವೆಯ ಡಾಗ್ಲಸ್ ಮ್ಯಾರಿಲ್ಲರ್.
ದಿಲ್ ಸ್ಕೂಪ್ ಶಾಟ್ -ತಿಲಕರತ್ನೆ ದಿಲ್ಷಾನ್!
ಶ್ರೀಲಂಕಾದ ಓಪನಿಂಗ್ ಬ್ಯಾಟ್ಸ್ಮನ್ ಆಗಿದ್ದ ತಿಲಕರತ್ನೆ ದಿಲ್ಷಾನ್ ತಮ್ಮ ಸ್ಕೂಪ್ ಶಾಟ್ ಮೂಲಕ ಬ್ಯಾಟಿಂಗ್ಗೆ ಹೊಸ ಟಚ್ ಕೊಟ್ಟಿದ್ರು. ಸಾಮಾನ್ಯವಾಗಿ ಸ್ಪಿನ್ ಬೌಲಿಂಗ್ಗೆ ಮಾತ್ರ ಬ್ಯಾಟ್ಸ್ಮನ್ಗಳು ಸ್ವೀಪ್ ಮಾಡ್ತಾರೆ. ಆದ್ರೆ ದಿಲ್ಷಾನ್ ಸ್ವೀಪ್ ಮಾಡೋ ಮಾದರಿಯಲ್ಲೇ ಒಂದು ಕಾಲನ್ನ ಮುಂದೆ ಇಟ್ಟು ಫಾಸ್ಟ್ ಬೌಲಿಂಗ್ಗೆ ಸ್ಕೂಪ್ ಮಾಡ್ತಿದ್ರು. ಅಂದ್ರೆ ಸ್ಕೂಪ್ ಮಾಡಿದಾಗ ಬಾಲ್ ವಿಕೆಟ್ ಕೀಪರ್ ತಲೆ ಮೇಲೆಯೇ ಹೋಗಿ ಬೌಂಡರಿ ಹೋಗ್ತಿತ್ತು. ದಿಲ್ಷಾನ್ ಅವರೇ ಕಂಡುಕೊಂಡ ಶಾಟ್ ಇದಾಗಿದ್ದು, ಅವರಷ್ಟು ಪರ್ಫೆಕ್ಟ್ ಆಗಿ ಇನ್ಯಾವ ಬ್ಯಾಟ್ಸ್ಮನ್ ಕೂಡ ಈ ಶಾಟ್ನ್ನ ಆಡಿಲ್ಲ. ಹೀಗಾಗಿ ಆ ಶಾಟ್ಗೆ ದಿಲ್ ಸ್ಕೂಪ್ ಅಂತಾನೆ ಹೆಸರು ಬಂತು.
ರಿವರ್ಸ್ ಸ್ಕೂಪ್ – ಎಬಿಡಿ ವಿಲಿಯರ್ಸ್!
ದಕ್ಷಿಣ ಆಫ್ರಿಕಾದ ಮಿಸ್ಟರ್ 360 ಡಿಗ್ರಿ ಪ್ಲೇಯರ್ಸ್ ಎಬಿಡಿ ವಿಲಿಯರ್ಸ್ ರಿವರ್ಸ್ ಸ್ಕೂಪ್ ಎಕ್ಸ್ಪರ್ಟ್. ರಿವರ್ಸ್ ಸ್ಕೂಪ್ ಮೂಲಕವೇ ಬೌಲರ್ಸ್ಗಳ ನಿದ್ದೆಗೆಡಿಸ್ತಿದ್ರು. ಎಷ್ಟೇ ಟೈಟ್ ಫೀಲ್ಡಿಂಗ್ ಸೆಟ್ ಮಾಡಿದ್ರು. ಎಬಿಡಿ ರಿವರ್ಸ್ ಸ್ಕೂಪ್ ಮೂಲಕ ಬ್ಯಾಟ್ ತಿರುಗಿಸಿ ಬಾಲ್ನ್ನ ಬೌಂಡರಿಯಾಚೆಗೆ ತಳ್ತಾ ಇದ್ರು. ಎಬಿಡಿ ವಿಲಿಯರ್ಸ್ ರೀತಿಯಲ್ಲಿ ಇದುವರೆಗೂ ಯಾರಿಂದಲೂ ರಿವರ್ಸ್ ಸ್ಕೂಪ್ ಮಾಡೋಕೆ ಸಾಧ್ಯವಾಗಿಲ್ಲ.
ಸ್ವಿಚ್ ಹಿಟ್ – ಕೆವಿನ್ ಪೀಟರ್ಸನ್!
ಇಂಗ್ಲೆಂಡ್ನ ಮಾಜಿ ಕ್ರಿಕೆಟಿಗ ಕೆವಿನ್ ಪೀಟರ್ಸನ್ ಟ್ರೇಡ್ ಮಾರ್ಕ್ ಶಾಟ್ ಸ್ವಿಚ್ ಹಿಟ್. ರೈಟ್ ಹ್ಯಾಂಡ್ ಬ್ಯಾಟ್ಸ್ಮನ್ ಆಗಿದ್ದ ಪೀಟರ್ಸನ್, ಇನ್ನೇನು ಬೌಲರ್ ಬಾಲ್ ಎಸೀಬೇಕು ಅನ್ನೋವಷ್ಟರಲ್ಲಿ ಒಂದು ಜಂಪ್ ಹೊಡೆದು ಲೆಫ್ಟ್ ಹ್ಯಾಂಡ್ ಬ್ಯಾಟ್ಸ್ಮನ್ ಪೊಸೀಶನ್ ಪಡೆಯುತ್ತಿದ್ರು. ಬಳಿಕ ಒಂದು ಕಾಲನ್ನ ಮುಂದೆ ಇಟ್ಟು ಬ್ಯಾಟ್ ಬೀಸುತ್ತಲೇ ಬಾಲ್ ಸಿಕ್ಸರ್, ಬೌಂಡರಿಗೆ ಹೋಗ್ತಿತ್ತು. ಈ ಶಾಟ್ನ್ನ ಕೂಡ ಫಸ್ಟ್ ಟೈಮ್ ಆಡಿರೋದು ಅಂದ್ರೆ ಪೀಟರ್ಸನ್ ಮಾತ್ರ. ಈ ಶಾಟ್ನ್ನ ಸ್ವಿಚ್ ಹಿಟ್ ಅಂತಾ ಕರೀತಾರೆ. ಆದ್ರೆ ಇದನ್ನ ಹೊಡಿಯೋದು ಅಷ್ಟೊಂದು ಸುಲಭ ಇಲ್ಲ. ರೈಟ್ ಹ್ಯಾಂಡ್ ಬ್ಯಾಟ್ಸ್ಮನ್ ಲೆಫ್ಟ್ಹ್ಯಾಂಡ್ ಪೊಸೀಶನ್ ತೆಗೆದುಕೊಂಡು ಅದೇ ಸ್ಟ್ರೆಂತ್ನಲ್ಲಿ ಹೊಡಿಯೋದೆ ಇಲ್ಲಿರುವ ದೊಡ್ಡ ಚಾಲೆಂಜ್. ಯಾಕಂದ್ರೆ ರೈಟ್ಹ್ಯಾಂಡ್ ಬ್ಯಾಟ್ಸ್ಮನ್ಗಳಿಗೆ ಲೆಫ್ಟ್ ಹ್ಯಾಂಡ್ನಲ್ಲಿ ಅಷ್ಟೊಂದು ಸ್ಟ್ರೆಂತ್ ಇರೋದಿಲ್ಲ. ಹೀಗಾಗಿ ಇಂಥಾ ಸ್ವಿಚ್ ಹಿಟ್ ನಿಜಕ್ಕೂ ರಿಸ್ಕೀ ಶಾಟ್ ಆಗಿಯೇ ಇರುತ್ತೆ.
ಹೆಲಿಕಾಪ್ಟರ್ ಶಾಟ್ – ಎಂ.ಎಸ್.ಧೋನಿ!
ಈ ಹೆಲಿಕಾಪ್ಟರ್ ಶಾಟ್ ಬಗ್ಗೆ ಹೆಚ್ಚೇನು ಹೇಳಕಬೇಕಾದ ಅವಶ್ಯಕತೆಯೇ ಇಲ್ಲ. ನಿಮಗೆಲ್ಲರಿಗೂ ಗೊತ್ತೇ ಇದೆ. ಟೀಂ ಇಂಡಿಯಾ ಮಾಜಿ ನಾಯಕ ಎಂ.ಎಸ್.ಧೋನಿ ಫಸ್ಟ್ ಟೈಮ್ ಈ ಹೆಲಿಕಾಪ್ಟರ್ ಶಾಟ್ ಆಡಿದ್ರು. ಸಾಮಾನ್ಯವಾಗಿ ಯಾರ್ಕರ್ ಬಾಲ್ಗಳನ್ನ ಎದುರಿಸೋದು ಅಂದ್ರೆ ಬ್ಯಾಟ್ಸ್ಮನ್ಗಳಿಗೆ ದೊಡ್ಡ ಚಾಲೆಂಜ್. ಪರ್ಫೆಕ್ಟ್ ಯಾರ್ಕರ್ ಬಾಲ್ಗೆ ಸ್ಕೋರ್ ಮಾಡೋದು ತುಂಬಾನೆ ಕಷ್ಟ. ಅದ್ರಲ್ಲೂ ಸ್ಲಾಗ್ ಓವರ್ಸ್ಗಳಲ್ಲಂತೂ ಯಾರ್ಕರ್ ಬೌಲರ್ಸ್ಗಳ ಮೇನ್ ವೆಪನ್ ಆಗಿರುತ್ತೆ. ಆದ್ರೆ ಧೋನಿ ಮಾತ್ರ ಇದಕ್ಕೆ ಪರಿಹಾರ ಕಂಡುಕೊಂಡಿದ್ದು ತಮ್ಮ ಹೆಲಿಕಾಪ್ಟರ್ ಶಾಟ್ಗಳ ಮೂಲಕ. ಯಾರ್ಕರ್ ಬಾಲ್ಗಳಿಗೆ ಹೆಲಿಕಾಪ್ಟರ್ ಶಾಟ್ ಮೂಲಕ ಸಿಕ್ಸರ್ ಹೊಡೀತಿದ್ರು. ಔಟ್ ಸೈಟ್ ದಿ ಆಫ್ ಸ್ಟಂಪ್ ಹೋಗೋ ಬಾಲ್ಗಳಿಗೂ ಕೂಡ ಹೆಲಿಕಾಪ್ಟರ್ ಶಾಟ್ ಮೂಲಕ ಧೋನಿ ಸ್ಕೋರ್ ಮಾಡ್ತಿದ್ರು.
ಅಪ್ಪರ್ ಕಟ್ ಶಾಟ್ – ಸಚಿನ್ ತೆಂಡೂಲ್ಕರ್!
2003ರ ವರ್ಲ್ಡ್ಕಪ್ನಲ್ಲಿ ಪಾಕಿಸ್ತಾನ ವಿರುದ್ಧದ ಪಂದ್ಯದ ವೇಳೆ ಶೋಯೆಬ್ ಅಖ್ತರ್ ಬಾಲ್ಗೆ ಸಚಿನ್ ತೆಂಡೂಲ್ಕರ್ ದಿ ಫೇಮಸ್ ಅಪ್ಪರ್ ಕಟ್ ಶಾಟ್ ಹೊಡೀತಾರೆ. ಔಟ್ ಸೈಡ್ ಆಫ್ ಸ್ಟಂಪ್ನತ್ತ ಬೌನ್ಸ್ ಆಗಿ ಬಂದ ಬಾಲ್ನ್ನ ಸಚಿನ್ ತುದಿಗಾಲಲ್ಲಿ ನಿಂತು ಅಪ್ಪರ್ ಕಟ್ ಮಾಡ್ತಾರೆ. ಆ ಬಾಲ್ ನೇರವಾಗಿ ಸ್ಟ್ಯಾಂಡ್ ಮೇಲೆಯೇ ಬಿದ್ದಿತ್ತು. ಅಂದು ಸಚಿನ್ ಆಡಿದ ಅಪ್ಪರ್ ಕಟ್ ಶಾಟ್ ಆಫ್ ದಿ ಟೂರ್ಮಮೆಂಟ್ ಅಂತಾನೆ ಲೇಬಲ್ ಆಗಿತ್ತು. ಬಳಿಕ ವಿರೇಂದ್ರ ಸೆಹ್ವಾಗ್ ಕೂಡ ಸಚಿನ್ ರೀತಿಯಲ್ಲೇ ಅಪ್ಪರ್ ಕಟ್ ಮಾಡ್ತಿದ್ರು. ಇನ್ನು ಬೌನ್ಸರ್ಗಳು ಬಂದಾಗಲೂ ಸಚಿನ್ ಅಪ್ಪರ್ ಕಟ್ ಮೂಲಕ ಥರ್ಡ್ಮೆನ್ನ್ಯಾಚೆಗೆ ಸಿಕ್ಸರ್ ಹೊಡೀತಿದ್ರು.
ಶಾರ್ಟ್ ಆರ್ಮ್ ಜ್ಯಾಬ್ – ವಿರಾಟ್ ಕೊಹ್ಲಿ!
ಟೀಂ ಇಂಡಿಯಾದ ರನ್ ಮಷೀನ್ ವಿರಾಟ್ ಕೊಹ್ಲಿಯ ಟ್ರೇಡ್ ಮಾರ್ಕ್ ಶಾಟ್ಗಳಲ್ಲಿ ಈ ಶಾರ್ಟ್ ಆರ್ಮ್ ಜ್ಯಾಬ್ ಕೂಡ ಒಂದು. ಬಾಟಮ್ ಹ್ಯಾಂಡ್ ಸ್ಟ್ರಾಂಗ್ ಇದ್ರಷ್ಟೇ ಈ ಶಾಟ್ ಹೊಡೆಯೋಕೆ ಸಾಧ್ಯ. ಬ್ಯಾಟ್ನ್ನ ಸ್ವಿಂಗ್ ಮಾಡಿ ಕ್ರಾಸ್ ಬ್ಯಾಟ್ ಮೂಲಕ ಫಾಸ್ಟ್ ಬಾಲ್ಗಳಿಗೆ ಕೊಹ್ಲಿ ಬೌಂಡರಿ, ಸಿಕ್ಸರ್ ಹೊಡೀತಾರೆ. 2022ರಲ್ಲಿ ಟಿ-20 ವರ್ಲ್ಡ್ಕಪ್ ವೇಳೆ ಪಾಕಿಸ್ತಾನ ವಿರುದ್ಧದ ಮ್ಯಾಚ್ನಲ್ಲಿ ಹ್ಯಾರಿಸ್ ರವೂಫ್ ಬಾಲ್ಗೆ ವಿರಾಟ್ ಕೊಹ್ಲಿ ಇದೇ ಶಾರ್ಟ್ ಆರ್ಮ್ ಜ್ಯಾಬ್ ಶಾಟ್ ಮೂಲಕವೇ ಎರಡು ಫೇಮಸ್ ಸಿಕ್ಸರ್ಗಳನ್ನ ಹೊಡೆದಿದ್ರು. ಕೊಹ್ಲಿಯ ಈ ಸ್ಪೆಷಲ್ ಶಾಟ್ಗಳಿಂದಾಗಿಯೇ ಭಾರತ ಮ್ಯಾಚ್ನ್ನ ಗೆದ್ದುಕೊಂಡಿತ್ತು.
ಫ್ಲಿಕ್ & ಹೆಲಿಕಾಪ್ಟರ್ ವಿಪ್ – ಸೂರ್ಯಕುಮಾರ್ ಯಾದವ್!
ಇನ್ನು ಟೀಂ ಇಂಡಿಯಾ ಮಿಸ್ಟರ್ 360 ಬಗ್ಗೆ ಹೇಳದೆ ಈ ಎಪಿಸೋಡ್ನ್ನ ಮುಗಿಸೋಕೆ ಸಾಧ್ಯವೇ ಇಲ್ಲ. ಸೂರ್ಯಕುಮಾರ್ ಟ್ರೇಡ್ಮಾರ್ಕ್ ಶಾಟ್ನ್ನ ನೀವೆಲ್ಲಾ ನೋಡಿಯೇ ಇರ್ತೀರಾ. ಸೂರ್ಯಕುಮಾರ್ ಪ್ರಮುಖವಾಗಿ ಎರಡು ರೀತಿಯ ಶಾಟ್ಗಳನ್ನ ಆಡ್ತಾರೆ, ಒಂದು ಫ್ಲಿಕ್ ಶಾಟ್.. ಫಾಸ್ಟ್ ಬಾಲ್ಗಳನ್ನ ಫೈನ್ ಲೆಗ್ನತ್ತ ಜಸ್ಟ್ ಫ್ಲಿಕ್ ಮಾಡಿಯೇ ಸಿಕ್ಸರ್ ಹೊಡೀತಾರೆ. ಮತ್ತೊಂದು ಹೆಲಿಕಾಪ್ಟರ್ ವಿಪ್ ಶಾಟ್. ಒಂದು ಕಾಲು ಮೇಲಕ್ಕೆತ್ತಿ ಬ್ಯಾಕ್ವಟ್ ಪಾಯಿಂಟ್ನತ್ತ ಸಿಕ್ಸರ್ ಹೊಡೀತಾರೆ. ಆ ಭಾಗದಲ್ಲಿ ಬೌಂಡರಿ ಲೈನ್ ಕೂಡ ಹತ್ತಿರವಾಗಿರೋದ್ರಿಂದ ಹೆಲಿಕಾಪ್ಟರ್ ವಿಪ್ ಮೂಲಕ ಸಿಕ್ಸರ್ ಹೊಡಿಯೋದನ್ನ ಸೂರ್ಯಕುಮಾರ್ ಅನ್ವೇಷಿಸಿಕೊಂಡಿದ್ದಾರೆ.
