ನೋಡಿರಿ
ಜಾಹ್ನವಿ ಮುಂದೆ ಜಯಂತ್ ರಹಸ್ಯ! – ಲಕ್ಷ್ಮೀ ನಿವಾಸಕ್ಕೆ BBK ಮಾನಸ?
ಚಿನ್ನುಮರಿ ಮೊಲ ಏನಾಯ್ತು?
ಲಕ್ಷ್ಮೀ ನಿವಾಸ ಸೀರಿಯಲ್ ಸದ್ಯ ಹೊಸ ತಿರುವು ಪಡೆದುಕೊಂಡಿದೆ.. ಭಾವನಾ ಸಿದ್ದೇಗೌಡ್ರ ಮನೆಗೆ ಸೊಸೆಯಾಗಿ ಹೋಗಿದ್ದಾಳೆ.. ಮನೆಯವರು ಸೊಸೆ ಅಂತ ಒಪ್ಪಿಕೊಳ್ಳದಿದ್ರೂ ಕೂಡ ಸಿದ್ದೇಗೌಡರು ಆಕೆಯನ್ನ ಚೆನ್ನಾಗಿ ನೋಡ್ಕೊಂಡಿದ್ದಾರೆ.. ಆದ್ರೆ ಜಾಹ್ನವಿ ಹಣೆಬರಹ ಮಾತ್ರ ಬದಲಾಗೋದೇ ಇಲ್ಲ.. ಚಿನ್ನದ ಪಂಜರದಲ್ಲಿ ಬಂಧಿಯಾಗಿದ್ದಾಳೆ ಜಾನು.. ಸೈಕೋ ಪತಿ ಕೈಗೆ ಸಿಕ್ಕಿ ನರಕಯಾತನೆ ಅನುಭವಿಸ್ತಾ ಇದ್ದಾಳೆ.. ಇದೀಗ ವೀಕ್ಷಕರು ಜಯಂತ್ ಗೆ ಬೈಯೋದು ಬಿಟ್ಟು ಜಾನುಗೆ ಬೈತಾ ಇದ್ದಾರೆ.. ಅಷ್ಟೇ ಅಲ್ಲ ಚಿನ್ನುಮರಿ ಪಾತ್ರಕ್ಕೆ ಚಂದನ ಬದಲು ಈ ನಟಿಯೇ ಬೆಸ್ಟ್‌ ಅಂತಾ ಹೇಳ್ತಿದ್ದಾರೆ.. ಅಷ್ಟಕ್ಕೂ ವೀಕ್ಷಕರು ಜಾಹ್ನವಿ ಮೇಲೆ ಸಿಟ್ಟಾಗಿದ್ಯಾಕೆ? ಜಾಹ್ನವಿ ಪಾತ್ರಕ್ಕೆ ವೀಕ್ಷಕರು ಸೂಚಿಸಿದ ನಟಿ ಯಾರು? ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಲೋಕಾ ಪ್ರಶ್ನೆಗೆ ಸಿಎಂ ಸಿದ್ದು ತತ್ತರ – ತನಿಖೆಯಾಗುತ್ತಿದ್ದಂತೆ ಮತ್ತೊಂದು ನೋಟಿಸ್‌
ಲಕ್ಷ್ಮೀ ನಿವಾಸ ಸೀರಿಯಲ್ ನಲ್ಲಿ ವೀಕ್ಷಕರಿಗೆ ಒಂದಂತೂ ಅರ್ಥ ಆಗಿದೆ.. ಇದು ಲಕ್ಷ್ಮೀ ನಿವಾಸ ಅಲ್ಲ ಸಮಸ್ಯೆಗಳ ನಿವಾಸ ಅಂತ.. ಸದಾ ಒಂದಲ್ಲ ಒಂದು ಸಮಸ್ಯೆ ಇದ್ದೇ ಇದೆ.. ಅದ್ರಲ್ಲೂ ಸೈಕೋ ಜಯಂತ್ ಅವತಾರ ಒಂದಾ ಎರಡಾ? ಸೀರಿಯಲ್ ಶುರುವಾಗಿ ಇಷ್ಟು ಟೈಮ್‌ ಆದ್ರೂ ಜಯಂತ್ ಒಳ್ಳೆಯವನ? ಕೆಟ್ಟವನಾ ಅಂತಾ ವೀಕ್ಷಕರಿಗೆ ಅರ್ಥವಾಗದೇ ತಲೆ ಕೆಟ್ಟು ಹೋಗಿದೆ.. ಆತನ ವಿಲಕ್ಷಣ ನಗು ಎಂತವರಿಗೂ ಭಯ ಹುಟ್ಟಿಸುವಂತೆ ಮಾಡಿದೆ.. ಇನ್ನು ಜಾನು ಕತೆ ಕೇಳ್ಬೇಕಾ.. ಇವನ್ನ ಕಟ್ಟಿಕೊಂಡು ನರಕಯಾತನೆ ಅನುಭವಿಸ್ತಾ ಇದ್ದಾಳೆ.. ಕೂಡು ಕುಟುಂಬ ಇದ್ರೂ ಸದಾ ಒಂಟಿತನದಿಂದ ಒದ್ದಾಡುವಂತೆ ಆಗಿದೆ.. ಜಯಂತ್‌ಗೆ ಆಕೆಯ ಮೇಲೆ ಅತಿಯಾದ ಪೊಸೆಸ್ಸಿವ್ ನೆಸ್. ಯಾವ ಲೆವೆಲ್‌ಗೆ ಅಂದರೆ ಆತನಿಗೆ ಅವಳ ಯೋಚನೆಯನ್ನೂ ಬೇರೆಯವರು ಬರಬಾರದು, ಅವಳು ಸದಾ ತನ್ನೊಬ್ಬನ ಬಗ್ಗೆ ಮಾತ್ರ ಯೋಚಿಸಬೇಕು ಅಂದುಕೊಳ್ತಾನೆ. ತನ್ನ ಬಗ್ಗೆ ಅವಳ ಗಮನ ಕೊಂಚ ತಪ್ಪಿದರೂ ಆತನಿಗೆ ಅದನ್ನು ಜೀರ್ಣಿಸಿಕೊಳ್ಳಲಾಗುವುದಿಲ್ಲ. ಆದ್ರೆ ಜಯಂತ್ ನ ಹುಚ್ಚುತನ ಮಾತ್ರ ಜಾಹ್ನವಿಗೆ ಅರ್ಥವಾಗೋದೇ ಇಲ್ಲ..
ಹೌದು.. ಜಾಹ್ನವಿ ಮನೆಯಲ್ಲಿ ಸದಾ ಒಂಟಿ ಆಗೇ ಇರ್ತಾಳೆ.. ಹೀಗಾಗಿ ಆಕೆಗೆ ಜಯಂತ್ ಒಂದು ಮೊಲವನ್ನು ಗಿಫ್ಟ್ ಆಗಿ ಕೊಡ್ತಾನೆ. ಆದರೆ ಅವಳು ಅವನ ಅಸ್ತಿತ್ವವನ್ನೂ ಮರೆತು ಮೂರ್ಹೊತ್ತೂ ಮೊಲದ ಮುಂದೆ ಕೂತಿರ್ತಾಳೆ .. ಇದು ಜಯಂತ್ ಗೆ ಸಹಿಸೋದಕ್ಕೆ ಆಗಲ್ಲ.. ಮೊಲ ಬಂದಾಗಿನಿಂದ ಜಾಹ್ನವಿ ಅದರ ಜೊತೆ ಹೆಚ್ಚು ಸಮಯ ಕಳೆಯುವುದನ್ನು ನೋಡಿ ಜಯಂತನಿಗೆ ಮತ್ತೆ ಸೈಕೋತನ ಜಾಗೃತಗೊಂಡಿದೆ.. ಹೀಗಾಗಿ ಆತ ಅದನ್ನು ಪೆಟ್‌ ಕೇರ್‌ಗೆ ಬಿಟ್ಟು ಬರುತ್ತಾನೆ. ಆ ವಿಚಾರ ತಿಳಿಯದೆ ಜಾಹ್ನವಿ ಮೊಲವನ್ನು ಎಲ್ಲಾ ಕಡೆ ಹುಡುಕಿದ್ದಾಳೆ.. ಈ ವೇಳೆ ಜಾಹ್ನವಿ ಮೊಲ ಹುಡುಕುವಾಗ ಕುಕ್ಕರ್ ಸೀಟಿ ಕೂಗುತ್ತದೆ. ಅವಳು ಮೊಲ ಎಲ್ಲಿ ಅಂತ ಜಯಂತನ ಕಡೆ ನೋಡೋದು, ಆತ ಕುಕ್ಕರ್‌ನತ್ತ ನೋಡೋದು.. ಇದೇ ಟೈಮ್‌ ಗೆ ಕುಕ್ಕರ್ ಸೀಟಿ ಕೂಗುತ್ತೆ.. ಆದ್ರೆ ನಮ್ಮ ವೀಕ್ಷಕರು ಮಾತ್ರ ಬುದ್ದಿವಂತರು.. ಸೀರಿಯಲ್ ನ ಕತೆ ಮುಂದೇನು ಅಂತಾ ಅವರೇ ಊಹೆ ಮಾಡಿಬಿಡುತ್ತಾರೆ.. ಮೊಲ ಕುಕ್ಕರ್ ಸೇರುತ್ತೆ ಅಂತಾ ವೀಕ್ಷಕರು ಗೆಸ್ ಮಾಡಿದ್ರು.. ಹಾಗೇ ಸೀರಿಯಲ್ ನಲ್ಲೂ ಆಗಿದೆ.. ವೀಕ್ಷಕರು ತಮ್ಮ ಗೆಸ್ ನಿಜಕ್ಕೂ ಸ್ಕ್ರೀನ್ ಮೇಲೆ ಬಂದಾಗ ಶಾಕ್‌ ಆಗಿದ್ದಾರೆ.. ಆದರೆ ಇಲ್ಲೂ ವೀಕ್ಷಕರ ಮೂಗಿನ ತುದಿಗೆ ತುಪ್ಪ ಸವರೋ ಸೀರಿಯಲ್ ಟೀಮ್ ‘ಎಲ್ಲ ಭ್ರಮೆ’ ಅನ್ನೋ ಥರ ವೀಕ್ಷಕರನ್ನು ಫೂಲ್ ಮಾಡಿ ಅದನ್ನು ಜಯಂತ್ ಕುಕ್ಕರ್‌ನೊಳಗೆ ಹಾಕಿಲ್ಲ ಅಂತ ತೋರಿಸಿದ್ದಾರೆ.. ಇದೊಂಥರ ಮಕ್ಕಳಿಗೆ ಹೊಡೆತದ ಭಯ ಹುಟ್ಟಿಸಬೇಕು, ಆದರೆ ಹೊಡೀಬಾರದು ಅನ್ನೋ ಥರ. ಇಲ್ಲಿ ಜಯಂತ್ ಪಾತ್ರದ ಬಗ್ಗೆ ಭಯ ಹುಟ್ಟಿಸಬೇಕು, ಆದರೆ ಆತ ವೀಕ್ಷಕರು ಅಂದುಕೊಳ್ಳೋ ಹಾಗೆ ಏನನ್ನೂ ಮಾಡಬಾರದು ಅನ್ನೋ ಕ್ಯಾಲ್ಕುಲೇಶನ್.
ಆದ್ರೀಗ ಜಾಹ್ನವಿ ಮೊಲದ ಬಗ್ಗೆ, ಗಂಡನ ಬಗ್ಗೆ ಯೋಚಿಸುತ್ತಿದ್ದಾಳೆ. ಒಂಟಿಯಾಗಿದ್ದ ನನ್ನ ಬದುಕಲ್ಲಿ ಆ ಮೊಲ ಬಂತು ಅದರ ಬಳಿ ಎಲ್ಲವನ್ನೂ ಹೇಳಿಕೊಳ್ಳುತ್ತಿದ್ದೆ, ಈಗ ಅದೂ ದೂರವಾಯ್ತು ಎಂದು ಬಿಕ್ಕಿ ಬಿಕ್ಕಿ ಅಳುತ್ತಾಳೆ. ಬಳಿಕ ಮತ್ತೆ ಗಂಡನ ಜಪ ಶುರು ಮಾಡ್ಕೊಂಡಿದ್ದಾಳೆ.. ಹೀಗಾಗಿ ಆತನಿಗೆ ರುಚಿಯಾದ ಅಡುಗೆ ಮಾಡ್ಬೇಕು ಅಂತಾ ಮಾರ್ಕೆಟ್‌ ಗೆ ಹೊರಡ್ತಾಳೆ.. ಈ ವೇಳೆ ಜಯಂತ್ ಮನೆಯ ವಾಚ್‌ ಮನ್‌ ಪ್ರತ್ಯಕ್ಷ ಆಗಿದ್ದಾನೆ.. ಇದೀಗ ಜಾಹ್ನವಿ ಮುಂದೆ ಜಯಂತ್ ನೀಚತನ ಬಯಲಾಗುತ್ತಾ ಅಂತ ವೀಕ್ಷಕರು ಕಾಯ್ತಾ ಇದ್ದಾರೆ.. ಆದ್ರೆ ಇಷ್ಟು ಬೇಗ ಸೀರಿಯಲ್ ಡೈರೆಕ್ಡರ್‌ ಜಯಂತ್ ಕೃತ್ಯವನ್ನ ಜಾಹ್ನವಿ ಮುಂದೆ ಬಯಲು ಮಾಡಲ್ಲ.. ನಿಜ ರೂಪ ರಿವೀಲ್‌ ಆದ್ರೆ ಕತೆ ಮುಗಿದಂತೆ.. ಹೀಗಾಗಿ ಇಲ್ಲೂ ಏನಾದ್ರೂ ಟ್ವಿಸ್ಟ್‌ ಕೊಟ್ಟೇ ಕೊಡ್ತಾರೆ ಅನ್ನೋದು ಕೆಲವರ ವಾದ..
ಇದೀಗ ಜಾಹ್ನವಿ ಸ್ಥಿತಿ ಕಂಡು ವೀಕ್ಷಕರು ನಾನಾ ರೀತಿಯಾಗಿ ಕಮೆಂಟ್‌ ಮಾಡ್ತಿದ್ದಾರೆ.. ಇನ್ನೂ ಕೆಲವರು ಚಿನ್ನುಮರಿಗೆ ಸಲಹೆ ಕೊಡ್ತಿದ್ದಾರೆ. ಕೆಲವರು, ‘ಅವಳು ತನ್ನನ್ನು ಹುಚ್ಚರ ಥರ ಪ್ರೀತ್ಸೋರು ಬೇಕು ಅಂತಿದ್ಲು.. ಅಂಥೋರೆ ಸಿಕ್ಕಿದ್ದಾರೆ, ಎಂಜಾಯ್ ಚಿನ್ನುಮರಿ’ ಎನ್ನುತ್ತಿದ್ದಾರೆ. ಇನ್ನೂ ಕೆಲವರು ‘ವಿಶ್ವನನ್ನ ಮದುವೆ ಆಗಿದ್ರೆ ಈ ಕಷ್ಟ ಇರ್ತಿತ್ತಾ’ ಅಂತ ಕೇಳಿದ್ದಾರೆ. ಕೆಲವರು, ‘ನಿಂಗಿದು ಪಾಠ. ಈಗಲಾದ್ರೂ ಅರ್ಥ ಆಯ್ತಾ’ ಅಂತ ಕೇಳ್ತಿದ್ದಾರೆ. ಮತ್ತೆ ಕೆಲವರು ಈ ಚಿನ್ನುಮರಿ ಪಾತ್ರಕ್ಕೆ ನಟಿ ಸೂಟ್‌ ಆಗಲ್ಲ.. ಆಕೆ ಇದ್ರೆ ಜಯಂತ್ ಬದಲಾಗಲ್ಲ.. ಹೀಗಾಗಿ ಬಿಗ್‌ ಬಾಸ್‌ ಮಾನಸಾಳನ್ನ ಚಿನ್ನುಮರಿ ಪಾತ್ರಕ್ಕೆ ಹಾಕಿ.. ಆಕೆಯೇ ಈ ಪಾತ್ರಕ್ಕೆ ಬೆಸ್ಟ್‌.. ಆಕೆ ಬಂದ್ರೆ ಜಯಂತ್ ಆಟೋಮೆಟಿಕ್ ಆಗಿ ಚೇಂಜ್ ಆಗ್ತಾನೆ ಅಂದಿದ್ದಾರೆ.. ಒಟ್ಟಾರೆ ವೀಕ್ಷಕರಿಗೆ ಜಯಂತ್ ಹಾಗೂ ಜಾಹ್ನವಿ ಪಾತ್ರ ನಿದ್ದೆಗೆಡಿಸಿದೆ..
