ನೋಡಿರಿ
ಜಯಂತ್ CCTV ಕಣ್ಗಾವಲು.. ಅಜ್ಜಿ ರಹಸ್ಯ ಜಾನುಗೆ ಗೊತ್ತಾಯ್ತಾ?
ಸೈಕೋಪತಿ ಪ್ಲ್ಯಾನ್‌ ಆತನಿಗೇ ಮುಳುವು?
ಲಕ್ಷ್ಮೀ ನಿವಾಸ ಸೀರಿಯಲ್‌ ಸದ್ಯ ರೋಚಕ ತಿರುವು ಪಡೆದುಕೊಂಡಿದೆ. ಸೈಕೋ ಜಯಂತ್ ಅಟ್ಟಹಾಸಕ್ಕೆ ಬ್ರೇಕ್‌ ಹಾಕೋರು ಯಾರು ಇಲ್ಲ ಅನ್ನೋ ತರ ಆಗಿದೆ. ಜಾಹ್ನವಿ ಅಜ್ಜಿಯನ್ನ ಹೇಗಾದ್ರೂ ಮಾಡಿ ಸಾಯಿಸ್ಬೇಕು ಜಯಂತ್ ಪ್ರಯತ್ನ ಪಡ್ತಿದ್ದಾನೆ. ಆದ್ರೆ ಅದು ಸಾಧ್ಯವಾಗ್ತಿಲ್ಲ.. ಆತನ ಪ್ಲ್ಯಾನ್‌ ಉಲ್ಟಾ ಆಗ್ತಿದೆ. ಇದೀಗ ಜಾಹ್ನವಿಗೆ ಅಜ್ಜಿ ರೂಮ್‌ ನಲ್ಲಿ ಸಿಸಿಟಿವಿ ಸಿಕ್ಕಿದೆ. ಇದೀಗ ಅಜ್ಜಿಯನ್ನ ಜಯಂತ್ ಸಾಯಿಸಲು ಮುಂದಾಗಿರೋದು ಜಾಹ್ನವಿಗೆ ಗೊತ್ತಾಯ್ತಾ? ಜಾನು ಮುಂದೇನು ಮಾಡ್ತಾಳೆ? ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಕೀರ್ತಿ ಅಲ್ಲ.. ಲಕ್ಷ್ಮೀನೂ ಅಲ್ಲ.. ಇನ್ನೊಬ್ಬಳು.. ವೈಷ್ಣವ್‌ ಬಾಳಲ್ಲಿ ಕಾವೇರಿ ಆಟ
ತನ್ನ ರಹಸ್ಯ ಎಲ್ಲಿ ಬಯಲಾಗುತ್ತೆ.. ತನ್ನ ಚಿನ್ನುಮರಿ ಎಲ್ಲಿ ಬಿಟ್ಟುಹೋಗ್ತಾಳೆ.. ಅನ್ನೋ ಭಯದಲ್ಲೇ ಬದುಕುತ್ತಿದ್ದಾನೆ ಜಯಂತ್.. ಜಯಂತ್ ನ ಅತಿಯಾದ ಪ್ರೀತಿ ಜಾನುಗೆ ಹಿಂಸೆಯಾಗ್ತಿದೆ.. ಇದೀಗ ಜಯಂತ್ ಗೋಮುಖ ವ್ಯಾಘ್ರ ಅಂತ ಜಾಹ್ನವಿ ಅಜ್ಜಿಗೆ ಗೊತ್ತಾಗಿದೆ. ತನ್ನ ಸತ್ಯವನ್ನ ಅಜ್ಜಿ ಜಾಹ್ನವಿಗೆ ಹೇಳುತ್ತಾಳೆ ಅನ್ನೋ ಭಯ ಕಾಡ್ತಿದೆ. ಹೀಗಾಗಿ ಆತ ಪದೇ ಪದೇ ಅಜ್ಜಿಯನ್ನ ಕೊಲ್ಲಲು ಪ್ರಯತ್ನಿಸುತ್ತಿದ್ದಾನೆ.. ಆದ್ರೆ ಆತನ ಪ್ಲ್ಯಾನ್‌ ಕಂಪ್ಲೀಟ್‌ ಉಲ್ಟಾ ಆಗ್ತಿದೆ.
ಹೌದು ಜಯಂತ್ ಆರಂಭದಲ್ಲಿ ಅಜ್ಜಿಯ ಕುತ್ತಿಗೆ ಹಿಡಿದು ಸಾಯಿಸಲು ಪ್ರಯತ್ನಿಸಿದ್ದ.. ಆದ್ರೆ ಪ್ರಜ್ಞೆ ತಪ್ಪಿ ಬಿದ್ಲು.. ಇನ್ನು ಆಸ್ಪತ್ರೆಯಲ್ಲೂ ಕೊಲ್ಲೋದಿಕ್ಕೆ ನೋಡಿದ.. ಅಷ್ಟೊತ್ತಿಗೆ ಸಿದ್ದೇಗೌಡ್ರು ಬಂದು ಅಜ್ಜಿ ಬಚಾವ್‌ ಆಗಿದ್ಲು.. ಇನ್ನು ಆಸ್ಪತ್ರೆಯಿಂದ ಮನೆಗೆ ಕರ್ಕೊಂಡು ಬಂದ್ಮೇಲು ಅಜ್ಜಿಯನ್ನ ಸಾಯಿಸ್ಬೇಕು ಅಂತಾ ವೆಂಟಿಲೇಷನ್‌ ತೆಗೆಯಲು ಪ್ರಯ್ನಿಸಿದ.. ಆ ಪ್ಲ್ಯಾನ್‌ ಕೂಡ ಪ್ಲಾಪ್‌ ಆಯ್ತು.. ಯಾಕಂದ್ರೆ ಆ ಟೈಮ್‌ ನಲ್ಲೇ ಜಾಹ್ನವಿ ಅಜ್ಜಿ ರೂಮ್‌ ಗೆ ಬಂದಿದ್ಲು. ಇದೀಗ ಅಜ್ಜಿ ಕೋಮಾದಲ್ಲಿದ್ದಾಳೆ. ಆದ್ರೂ ಸೈಕೋಗೆ ಅಜ್ಜಿ ಮೇಲೆ ಕರುಣೆ ಬಂದಿಲ್ಲ.. ಇದೀಗ ಜಾಹ್ನವಿಗೆ ಅಜ್ಜಿ ರೂಮ್‌ ನಲ್ಲಿ ಹಿಡನ್‌ ಕ್ಯಾಮೆರಾ ಸಿಕ್ಕಿದೆ. ಇದನ್ನ ನೋಡಿ ಆಕೆ ಶಾಕ್‌ ಆಗಿದ್ದಾಳೆ.
ಅಜ್ಜಿ ರೂಮ್‌ ಗೆ ಜಾಹ್ನವಿ ಬಂದಿದ್ದಾಳೆ. ಆಗ ಟೇಬಲ್‌ ಮೇಲಿನಲ್ಲಿದ್ದ ಬಾಟಲ್‌ ಕೆಳಗೆ ಬಿದ್ದಿದೆ. ಆಗ ಜಯಂತ್ ಜಾಹ್ನವಿ ಮೇಲೆ ರೇಗಾಡಿದ್ದಾನೆ. ಒಂದು ಕೆಲ್ಸಾನು ನಿಮ್ಗೆ ಸರಿಯಾಗಿ ಮಾಡೋದಿಕ್ಕೆ ಆಗಲ್ವಾ? ಎಲ್ಲಾ ಮಾಡ್ಕೊಳ್ತೀನಿ ಅಂದ್ರೂ ನನ್ನ ಮಾತು ಕೇಳಲ್ಲ ಅಂತಾ ಸಿಟ್ಟಲ್ಲಿ ಹೋಗಿದ್ದಾನೆ. ಈ ವೇಳೆ ಆಕೆಗೆ ಹಿಡನ್‌ ಕ್ಯಾಮೆರಾ ಸಿಕ್ಕಿದೆ. ರೂಮ್‌ ಫ್ರೆಶರ್ ನಲ್ಲಿ ಕ್ಯಾಮೆರಾ ಇರೋದನ್ನ ನೋಡಿ ಜಾಹ್ನವಿ ಶಾಕ್‌ ಆಗಿದ್ದಾಳೆ. ಇದೀಗ ಜಾಹ್ನವಿಗೆ ಜಯಂತ್ ರಹಸ್ಯ ಗೊತ್ತಾಗುತ್ತಾ? ಅಜ್ಜಿಯನ್ನ ಜಯಂತ್ ಸಾಯಿಸಲು ಪ್ರಯತ್ನಪಟ್ಟಿದ್ದಾನೆ ಅಂತಾ ಗೊತ್ತಾದ್ರೆ ಜಾಹ್ನವಿ ಸುಮ್ನೆ ಇರ್ತಾಳಾ ಅನ್ನೋದು ವೀಕ್ಷಕರು ಮುಂದಿರುವ ಕುತೂಹಲ.
ಇದೀಗ ಪ್ರೋಮೋ ನೋಡಿದ ವೀಕ್ಷಕರು ನಾನಾ ಕಾಮೆಂಟ್‌ ಮಾಡ್ತಿದ್ದಾರೆ.. ಅಯ್ಯೋ.. ಈ ಪೆದ್ದು ಮರಿಗೆ ಏನ್ ಗೊತ್ತಾಗುತ್ತೆ ಬಿಡಿ.. ಅಜ್ಜಿಯ ಆರೋಗ್ಯದ ದೃಷ್ಟಿಯಿಂದ ಕ್ಯಾಮೆರಾ ಹಾಕಿದ್ದೆ.. ಯಾಕಂದ್ರೆ ನಾವು ಎಲ್ಲೇ ಇದ್ರೂ ಅಜ್ಜಿಯನ್ನು ನೋಡಬಹುದು ಅಂತಾ ಹಾಕಿದ್ದು ಅಂತಾ ಜಯಂತ್ ಸಮಜಾಯಿಷಿ ನೀಡ್ತಾನೆ.. ಮುಂದಿನ ಎಪಿಸೋಡ್‌ ನಲ್ಲಿ ಇದೇ ಬರುತ್ತೆ ಅಂತಾ ವೀಕ್ಷಕರು ಕಮೆಂಟ್‌ ಮಾಡ್ತಿದ್ದಾರೆ.
