ನೋಡಿರಿ
ಕೆಎಸ್ ಆರ್ ಟಿಸಿ ಪ್ರಯಾಣಿಕರಿಗೆ ‘ಐಷಾರಾಮಿ’ ಗಿಫ್ಟ್ – ರಸ್ತೆಗಿಳಿದವು ‘ಅಂಬಾರಿ ಉತ್ಸವ್’ ಬಸ್ಗಳು..!
ದೂರದ ಪ್ರಯಾಣ ಹಾಗೂ ಐಷಾರಾಮಿ ಪ್ರಯಾಣಕ್ಕಾಗಿ ಜನ ಖಾಸಗಿ ಬಸ್ಗಳ ಮೊರೆ ಹೋಗುತ್ತಿದ್ರು. ಆದ್ರೆ ಈಗ ಖಾಸಗಿ ಸ್ಲೀಪರ್ ಬಸ್ಗಳಿಗೆ ಸೆಡ್ಡು ಹೊಡೆಯಲು ಕೆಎಸ್‌ಆರ್‌ಟಿಸಿ ಇಂದು 20 ಹೊಸ ಅಂಬಾರಿ ಉತ್ಸವ ಸ್ಲೀಪರ್(ವೋಲ್ವೋ ಮಲ್ಟಿ ಆಕ್ಸೆಲ್) ಬಸ್ ಸೇವೆಯನ್ನು ಲೋಕಾರ್ಪಣೆ ಮಾಡಿದೆ. ಭಾರತದಲ್ಲೇ ಮೊದಲ ಬಾರಿಗೆ ಅತ್ಯಾಧುನಿಕ ಹೈಟೆಕ್ ಬಸ್ ಸೇವೆಯನ್ನು ತನ್ನ ಪ್ರಯಾಣಿಕರಿಗೆಂದು ಪರಿಚಯಿಸಿದೆ.
ಇದನ್ನೂ ಓದಿ : ಕ್ಲಾಸ್ ರೂಮ್ ನಲ್ಲಿ ಒಬ್ಬ ವಿದ್ಯಾರ್ಥಿಯೂ ಇಲ್ಲದೆ ಸಿಟ್ಟಾದ ಪ್ರೊಫೆಸರ್ – ಕಾಲೇಜಿನಲ್ಲಿ ಅಸಲಿಗೆ ಆಗಿದ್ದೇನು..!?
ವಿಧಾನಸೌಧದ ಮುಂಭಾಗ ಸಿಎಂ ಬಸವರಾಜ ಬೊಮ್ಮಾಯಿ 20 ಮಲ್ಟಿ-ಆಕ್ಸಲ್ ವೋಲ್ವೋ 9600 ಸ್ಲೀಪರ್ ಬಸ್ಗಳಿಗೆ ಚಾಲನೆ ನೀಡಿದರು. ಅಂಬಾರಿ ಉತ್ಸವ ಸಂಭ್ರಮದ ಪ್ರಯಾಣ ಎಂಬ ಘೋಷಣೆಯೊಂದಿದೆ ಮಹತ್ವಾಕಾಂಕ್ಷೆಯ ಹೊಸ ವೋಲ್ವೋ ಅಂಬಾರಿ ಬಸ್ ಸೇವೆ ಆರಂಭಿಸಿದೆ.
ಕೆಎಸ್‌ಆರ್‌ಟಿಸಿ ನಿರ್ವಹಿಸುವ ಎಲ್ಲಾ ಸ್ಲೀಪರ್ ಕೋಚ್ ಗಳಿಗಿಂತ ಈ ಬಸ್ ಗಳು ಅತ್ಯುತ್ತಮ ಸೌಕರ್ಯ ಹೊಂದಿದ್ದು, ಇವುಗಳಲ್ಲಿ ಪ್ರಯಾಣ ಮಾಡುವುದು ವಿಮಾನದಂತಹ ಪ್ರಯಾಣದ ಅನುಭವ ನೀಡುತ್ತದೆ. ಈ ಬಸ್ ಗಳು 15 ಮೀಟರ್ ಉದ್ದವಾಗಿವೆ.
ಅಂಬಾರಿ ಉತ್ಸವ ಬಸ್ಗಳಲ್ಲಿ ನಿಖರವಾದ ಮಾರ್ಗ ಮತ್ತು ಟಿಕೆಟ್ ದರಗಳು ಇನ್ನೂ ನಿಗದಿ ಆಗಿಲ್ಲ. ಬೆಂಗಳೂರು ಮತ್ತು ಮಂಗಳೂರು ವಿಭಾಗಗಳಿಗೆ ಬಸ್‌ಗಳನ್ನು ಸೇರಿಸಲಾಗುವುದು. ಇನ್ನು 30 ಬಸ್ ಗಳು ಮುಂದಿನ ದಿನಗಳಲ್ಲಿ ರಸ್ತೆಗಿಳಿಯಲಿವೆ.
‘ಅಂಬಾರಿ ಉತ್ಸವ್ – ಸೆಲೆಬ್ರೇಷನ್ ಆಫ್ ಜರ್ನಿ’ ಎಂಬ ಘೋಷವಾಕ್ಯದಲ್ಲಿ ಬಸ್ ಸೇವೆ ಆರಂಭಿಸಲಾಗಿದೆ. ಇಡೀ ದೇಶದಲ್ಲೇ ಅತಿ ಹೆಚ್ಚು ಐಷಾರಾಮಿ ಬಸ್ ಹೊಂದಿರುವ ಗರಿಮೆ ಕೆಎಸ್‌ಆರ್‌ಟಿಸಿಗಿದೆ. ಇಡೀ ದೇಶದಲ್ಲೇ ಯಾವುದೇ ಖಾಸಗಿ ಕಂಪನಿಗಳು ಹೊಂದಿರದ ಬಸ್ ಗಳು ಈ ನಮ್ಮ ಕೆಎಸ್‌ಆರ್‌ಟಿಸಿಯಲ್ಲಿವೆ.
ಕೇವಲ ಒಂದೇ ಒಂದು ಖಾಸಗಿ ಬಸ್ ಟ್ರಾವೆಲ್ಸ್ ಮಾತ್ರ ಈ ಮಾದರಿಯ ಎರಡು ಬಸ್ ಹೊಂದಿದೆ. ಈ ಮೂಲಕ ಕೆಎಸ್‌ಆರ್‌ಟಿಸಿ ತನ್ನ ಪ್ರಯಾಣಿಕರಿಗೆ ಐಷಾರಾಮಿ ಫೀಲ್ ಕೊಡಲು ಮುಂದಾಗಿದೆ.
