ನೋಡಿರಿ
ಹೈದರಾಬಾದ್ ವಿರುದ್ಧ ಸೇಡು ತೀರಿಸಿಕೊಳ್ಳುತ್ತಾ ಕೆಕೆಆರ್ ?- ರೋಚಕ ಹಣಾಹಣಿಗೆ ಕಾಯುತ್ತಿದ್ದಾರೆ ಫ್ಯಾನ್ಸ್
ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಗುರುವಾರ ಈಡನ್ ಗಾರ್ಡನ್ಸ್ನಲ್ಲಿ ಮುಖಾಮುಖಿಯಾಗಲಿವೆ. ಸುಮಾರು 311 ದಿನಗಳ ನಂತರ ಈ ಎರಡು ತಂಡಗಳು ಪರಸ್ಪರ ಕಾದಾಡಲಿವೆ.
ಇದನ್ನೂ ಓದಿ:RCB ಟಿಕೆಟ್ಸ್ ಸೋಲ್ಡ್ ಔಟ್ – ಐದೇ ನಿಮಿಷದ ಕರಾಮತ್ತೇನು?
ಈಡನ್ ಗಾರ್ಡನ್ಸ್ ನಲ್ಲಿ ಹೈ-ವೋಲ್ಟೇಜ್ ಪಂದ್ಯವನ್ನು ಆಡಲು ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ತಂಡಗಳು ಸಜ್ಜಾಗಿವೆ. ಸುಮಾರು 311 ದಿನಗಳ ನಂತರ ಎರಡು ತಂಡಗಳು ಪರಸ್ಪರ ಸೆಣಸಾಡಲಿವೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ತಂಡಗಳು ಕೊನೆಯ ಬಾರಿಗೆ ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗಿದ್ದವು. ಈ ಚಿಕ್ಕ ಮೈದಾನದಲ್ಲಿ ಸಿಕ್ಸರ್ ಸುರಿಮಳೆ ಅಗಿತ್ತು. ಪಂದ್ಯದಲ್ಲಿ ಎರಡೂ ತಂಡಗಳು ಒಟ್ಟು 31 ಸಿಕ್ಸರ್ಗಳನ್ನು ಬಾರಿಸಿ ಒಟ್ಟು 446 ರನ್ಗಳನ್ನು ಗಳಿಸಿದವು. ಐಪಿಎಲ್ ಇತಿಹಾಸದಲ್ಲಿ ಈ ಎರಡೂ ತಂಡಗಳ ನಡುವೆ ನಡೆದ ಅತಿ ಹೆಚ್ಚು ಸ್ಕೋರ್ ಗಳಿಸಿದ ಪಂದ್ಯ ಇದಾಗಿತ್ತು. ಕೆಕೆಆರ್ ತನ್ನ ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ಕೆಟ್ಟ ಸೋಲನ್ನು ಅನುಭವಿಸಿತು. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಸನ್ರೈಸರ್ಸ್ ಹೈದರಾಬಾದ್ 20 ಓವರ್ಗಳಲ್ಲಿ 278 ರನ್ ಗಳಿಸಿತು. ಇದು ಐಪಿಎಲ್ ಇತಿಹಾಸದಲ್ಲಿ ಮೂರನೇ ಅತ್ಯಧಿಕ ಸ್ಕೋರ್. ದಕ್ಷಿಣ ಆಫ್ರಿಕಾ ಆಟಗಾರ ಹೆನ್ರಿಕ್ ಕ್ಲಾಸೆನ್ ಕೇವಲ 37 ಎಸೆತಗಳಲ್ಲಿ ಶತಕ ಬಾರಿಸಿ ದಾಖಲೆ ಸೃಷ್ಟಿಸಿದರು. ಕೊನೆಯವರೆಗೂ ಅಜೇಯರಾಗಿ ಉಳಿದ ಕ್ಲಾಸೆನ್ ಒಟ್ಟು 39 ಎಸೆತಗಳಲ್ಲಿ 105 ರನ್ ಚಚ್ಚಿದರು. ಇದರಲ್ಲಿ 9 ಸಿಕ್ಸ್ ಸೇರಿತ್ತು. ಹೈದರಾಬಾದ್ ಇನ್ನಿಂಗ್ಸ್ನಲ್ಲಿ ಒಟ್ಟು 19 ಸಿಕ್ಸರ್ಗಳು ಬಂದಿದ್ದವು. ಕ್ಲಾಸೆನ್ ಒಬ್ಬರೇ 9 ಸಿಕ್ಸರ್ಗಳನ್ನು ಬಾರಿಸಿದರು. ಉಳಿದ ಬ್ಯಾಟರ್ಗಳು ಸಹ ತಮ್ಮ ಕೊಡುಗೆಯನ್ನು ನೀಡಿದರು. 279 ರನ್ಗಳ ಬೃಹತ್ ಗುರಿಯನ್ನು ಬೆನ್ನಟ್ಟಿದ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವು ಹೋರಾಟವನ್ನು ಸಹ ನೀಡಲು ಸಾಧ್ಯವಾಗಲಿಲ್ಲ. ಕೆಕೆಆರ್ ಇನ್ನಿಂಗ್ಸ್ನಲ್ಲಿ ಕೇವಲ 12 ಸಿಕ್ಸರ್ಗಳು ಮಾತ್ರ ಸಿಡಿದವು. ಕೆಕೆಆರ್ ತಂಡದ ಎಲ್ಲಾ ಪ್ರಯತ್ನಗಳ ಹೊರತಾಗಿಯೂ, ಅವರು ಕೇವಲ 168 ರನ್ ಗಳಿಸುವಲ್ಲಿ ಯಶಸ್ವಿಯಾಯಿತು. ಇದರೊಂದಿಗೆ, ಹೈದರಾಬಾದ್ 110 ರನ್ಗಳ ಬೃಹತ್ ಅಂತರದಿಂದ ಗೆದ್ದಿತು. ಐಪಿಎಲ್ನಲ್ಲಿ ಕೆಕೆಆರ್ನ ರನ್ಗಳ ವಿಷಯದಲ್ಲಿ ಇದು ಅತಿದೊಡ್ಡ ಸೋಲು.
ಈಗ ಕೋಲ್ಕತ್ತಾ ತನ್ನ ತವರು ಮೈದಾನವಾದ ಈಡನ್ ಗಾರ್ಡನ್ಸ್ನಲ್ಲಿ ಆ ಹಳೆಯ ಸೋಲಿಗೆ ಸೇಡು ತೀರಿಸಿಕೊಳ್ಳಲು ನೋಡುತ್ತಿದೆ. ಹೈದರಾಬಾದ್ ತಂಡವೂ ಅದೇ ಮನಸ್ಥಿತಿಯಲ್ಲಿದೆ. 311 ದಿನಗಳ ವಿರಾಮದ ನಂತರ ನಡೆಯುತ್ತಿರುವ ಈ ಪಂದ್ಯದಲ್ಲಿ, ಕ್ಲಾಸೆನ್ ಮತ್ತೆ ಬ್ಯಾಟ್ ಬೀಸುತ್ತಾರೋ ಅಥವಾ ಕೆಕೆಆರ್ ಬೌಲರ್ಗಳು ಅವರನ್ನು ತಡೆಯುತ್ತಾರೋ ಎಂದು ಕಾದು ನೋಡಬೇಕಾಗಿದೆ.
