ನೋಡಿರಿ
IPLಗೂ ಮುನ್ನ ದೇವರ ಮೊರೆ ಹೋದ ಕೆ.ಎಲ್‌ ರಾಹುಲ್ – IPLನಲ್ಲಿ ಭಕ್ತನ ಕೈಹಿಡಿತಾನಾ ಮಹಾಕಾಳೇಶ್ವರ..?
ಕ್ರಿಕೆಟ್ ಪ್ರೇಮಿಗಳಿಗೆ ಐಪಿಎಲ್ ಫಿವರ್‌ ಶುರುವಾಗಿದೆ. ರಂಗು ರಂಗಿನ ಕ್ರಿಕೆಟ್ ಟೂರ್ನಿ ಇಂಡಿಯನ್ ಪ್ರೀಮಿಯರ್ ಲೀಗ್ ರಂಗೇರಲು ಇನ್ನು ಉಳಿದಿರುವುದು ಕೇವಲ 1 ದಿನ ಮಾತ್ರ. ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಶುಕ್ರವಾರ (ಮಾ.22) ನಡೆಯಲಿರುವ RCB ಮತ್ತು CSK ನಡುವಣ ಪಂದ್ಯದೊಂದಿಗೆ ಐಪಿಎಲ್ಗೆ ಅಧಿಕೃತ ಚಾಲನೆ ದೊರೆಯಲಿದೆ. ಕ್ರಿಕೆಟರ್ಸ್‌ ಅಖಾಡಕ್ಕೆ ಧುಮುಕುವ ಮುನ್ನ ದೇವರ ಆಶಿರ್ವಾದ ಪಡೆಯಲು ಹೊರಟಿದ್ದಾರೆ.
ಹೌದು, ಶುಕ್ರವಾರದಿಂದ ಕ್ರಿಕೆಟ್ ಹಬ್ಬ ಶುರುವಾಗಲಿದೆ. ಕೆಎಲ್‌ ರಾಹುಲ್ ಶೀಘ್ರದಲ್ಲೆ ಲಕ್ನೋ ಸೂಪರ್ ಜೈಂಟ್ಸ್ ಕ್ಯಾಂಪ್ ಸೇರಿಕೊಂಡು, ಐಪಿಎಲ್ ಸಂಗ್ರಾಮಕ್ಕೆ ರಣಕಹಳೆ ಊದಲಿದ್ದಾರೆ. ಅದಕ್ಕೂ ಮುನ್ನ ಸ್ಟಾರ್ ಬ್ಯಾಟ್ಸ್ಮನ್ ಮಹಾಶಕ್ತಿಯ ಮೊರೆ ಹೋಗಿದ್ದಾರೆ. ದೇಗುಲಕ್ಕೆ ಭೇಟಿ ನೀಡಿ ದೇವರ ಆಶಿರ್ವಾದ ಪಡೆದುಕೊಂಡಿದ್ದಾರೆ.
ಇದನ್ನೂ ಓದಿ: ಅರುಣಾಚಲ ಪ್ರದೇಶ ಭಾರತದ ಭೂ ಪ್ರದೇಶ, ಇದು ಚೀನಾದ ಹಕ್ಕಲ್ಲ – ಯುನೈಟೆಡ್ ಸ್ಟೇಟ್ಸ್
ಕೆ.ಎಲ್‌ ರಾಹುಲ್ ಫುಲ್ ಫಿಟ್ ಅಂಡ್ ಫೈನ್ ಆಗಿದ್ದಾರೆ. ಆದರೆ ಐಪಿಎಲ್ ಲೋಕದಲ್ಲಿ ಘರ್ಜಿಸಲು ಇಷ್ಟೆ ಸಾಲಲ್ಲ. ದೇವರ ಬಲವು ಬೇಕು. ಹೀಗಾಗಿ ಕೆ. ಎಲ್‌ ರಾಹುಲ್ ಪವಿತ್ರ 12 ಜೋರ್ತಿಲಿಂಗಳಲ್ಲಿ ಒಂದಾದ ಉಜ್ಜಯಿನಿಯ ಮಹಾಕಾಳೇಶ್ವರ ಮಂದಿರಕ್ಕೆ ಕುಟುಂಬಸ್ಥರ ಜತೆ ಭೇಟಿ ನೀಡಿದ್ದಾರೆ. ಮಹಾಕಾಳೇಶ್ವರನಿಗೆ ಪೂಜೆ ಸಲ್ಲಿಸಿದ ರಾಹುಲ್ ಹಾಗೂ ಅವರ ತಂದೆ-ತಾಯಿ ತಮ್ಮ ಇಷ್ಠಾರ್ಥ ನೆರವೇರಿಸುವಂತೆ ಭಕ್ತಿಯಿಂದ ಬೇಡಿಕೊಂಡಿದ್ದಾರೆ.
ಮಹಾಕಾಳೇಶ್ವರನ ಮಹಾಭಕ್ತ ರಾಹುಲ್..!
ರಾಹುಲ್ ಉಜ್ಜಯಿನಿ ಮಹಾಕಾಳೇಶ್ವರ ದರ್ಶನ ಪಡಿತಿರೋದು ಇದೇ ಮೊದಲೇನಲ್ಲ. ಕಳೆದ ವರ್ಷ ಫೆಬ್ರವರಿ ತಿಂಗಳಲ್ಲಿ ಪತ್ನಿ ಆಥಿಯಾ ಶೆಟ್ಟಿ ಜತೆಗೆ ದೇಗುಲಕ್ಕೆ ಭೇಟಿ ನೀಡಿ, ಮಹಾಕಾಳನ ಭಸ್ಮಾರತಿ ಪೂಜೆಯಲ್ಲಿ ಭಾಗಿಯಾಗಿದ್ದರು. ಭಸ್ಮಾರತಿ ನಂತರ ರಾಹುಲ್-ಆಥಿಯ ಜೋಡಿ, ನಂದಿ ಬಳಿ ಕುಳಿತು ಕೆಲ ಕಾಲ ಏಕಭಕ್ತಿಯಿಂದ ಧ್ಯಾನ ಮಾಡಿದ್ದರು. ನಂತರ ನವಗ್ರಹಳಿಗೂ ಪೂಜಾ ಸಲ್ಲಿಸಿದ ನವವಿವಾಹಿತ ಜೋಡಿ, ದೇವಸ್ಥಾನ ಪ್ರದಕ್ಷಿಣೆ ಹಾಕಿದ್ದರು.
