ಕ್ಯಾಪ್ಟನ್ಸಿ ಚಾಲೆಂಜ್ ಗೆಲ್ತಾರಾ KL ರಾಹುಲ್ – RO-KO ಜೋಡೆತ್ತಿನ ಬಲ ಸಿಕ್ಕಿತಾ?
ಗಿಲ್ ಗಿಂತ ರಾಹುಲ್ ಹೇಗೆ ಬೆಸ್ಟ್?

ಭಾರತ ಮತ್ತು ಸೌತ್ ಆಫ್ರಿಕಾ ನಡುವಿನ ಏಕದಿನ ಸರಣಿ ಆರಂಭಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ಮಧ್ಯಾಹ್ನ 1.30ಕ್ಕೆ ರಾಂಚಿಯಲ್ಲಿ ಹೈವೋಲ್ಟೇಜ್ ಮ್ಯಾಚ್ ಸ್ಟಾರ್ಟ್ ಆಗುತ್ತೆ. ಒಂದ್ಕಡೆ ಟೆಸ್ಟ್ ತಂಡದ ಸೋಲಿಗೆ ಸೇಡು ತೀರಿಸಿಕೊಳ್ಳೋಕೆ ಭಾರತ ಕಾಯ್ತಿದ್ರೆ ಅತ್ತ ವೈಟ್ ಬಾಲ್ ಸಿರೀಸ್​ನಲ್ಲೂ ಡಾಮಿನೇಟ್ ಮಾಡೋಕೆ ಸೌತ್ ಆಫ್ರಿಕಾ ಸರ್ವಸನ್ನದ್ಧವಾಗಿದೆ. ಅದ್ರಲ್ಲೂ ಈ ಸರಣಿ ಕ್ಯಾಪ್ಟನ್ ಕೆಎಲ್ ರಾಹುಲ್​ಗೆ ಮೋಸ್ಟ್ ಇಂಪಾರ್ಟೆಂಟ್ ಆಗುತ್ತೆ.

ಇದನ್ನೂ ಓದಿ : 2026ಕ್ಕೆ RCB 4+12 ಸೂತ್ರ – ಚೀಪ್ ಆದ್ರೂ ಬೆಸ್ಟ್ ಸೆಲೆಕ್ಷನ್  

ಟೀಂ ಇಂಡಿಯಾ ಪಾಲಿಗೆ ಸದ್ಯಕ್ಕೆ ಆಪತ್ಬಾಂಧವ ಅಂದ್ರೆ ಅದು ಕೆಎಲ್ ರಾಹುಲ್.. ಯಾವ ಸ್ಲಾಟ್​ಗೆ ಬಿಟ್ರೂ ಬ್ಯಾಟಿಂಗ್ ಮಾಡ್ತಾರೆ.. ವಿಕೆಟ್ ಕೀಪಿಂಗ್ ಮಾಡ್ತಾರೆ.. ಅಥವಾ ಎಮರ್ಜಿಂಗ್ ಕ್ಯಾಪ್ಟನ್ ಜಬಾವ್ದಾರಿಯನ್ನೂ ನಿಭಾಯಿಸ್ತಾರೆ. ಸದ್ಯ ಶುಭ್​ಮನ್ ಗಿಲ್ ಆಬ್ಸೆನ್ಸ್​ನಲ್ಲಿ ಭಾರತ ಏಕದಿನ ತಂಡವನ್ನ ಮುನ್ನಡೆಸೋಕೆ ರೆಡಿಯಾಗಿದ್ದಾರೆ. ತವರಿನಲ್ಲೇ ನಡೆಯಲಿರೋ ಈ ಸರಣಿ ಭಾರತ ತಂಡಕ್ಕೆ ಮಸ್ಟ್ ವಿನ್ ಸಿರೀಸ್ ಆಗಿದೆ. ಟೆಸ್ಟ್ ಸರಣಿಯನ್ನ ಸೋತಿರೋ ಭಾರತ ಏಕದಿನ ಸರಣಿ ಗೆದ್ದು ಸೌತ್ ಆಫ್ರಿಕಾ ವಿರುದ್ಧ ಸೇಡು ತೀರಿಸಿಕೊಳ್ಬೇಕಿದೆ. ಹಾಗೇ ವೈಯಕ್ತಿಯವಾಗಿಯೂ ಈ ಸರಣಿ ರಾಹುಲ್​ಗೆ ತುಂಬಾನೇ ಮುಖ್ಯವಾಗಿದೆ.

ಏಕದಿನ ಸರಣಿ ಇಂಪಾರ್ಟೆನ್ಸ್!

ಟೆಸ್ಟ್ ಸರಣಿ ಸೋತಿರೋ ಟೀಂ ಇಂಡಿಯಾ ಸೇಡು

ನಾಯಕನಾಗಿ ಆಯ್ಕೆ ಮಾಡದ ಬಿಸಿಸಿಐಗೆ ರಾಹುಲ್ ಪಾಠ

ಶುಭ್ ​ಮನ್ ಗಿಲ್ ಗಿಂತ ತಾನು ಹೇಗೆ ಬೆಸ್ಟ್ ಸಾಬೀತು

2027ರ ಏಕದಿನ ವಿಶ್ವಕಪ್ ವರೆಗೂ ಆಡಲು ಅವಕಾಶ

ರೋಹಿತ್ & ಕೊಹ್ಲಿ ಜೊತೆಗಿನ ರಾಹುಲ್ ಅನುಭವ

ಹೀಗೆ ಈ ಸರಣಿ ತಂಡಕ್ಕೆಷ್ಟು ಮುಖ್ಯವೋ ರಾಹುಲ್​ಗೂ ಅಷ್ಟೇ ಮುಖ್ಯವಾಗಿದೆ. ಇನ್ನು ಕೆಎಲ್ ರಾಹುಲ್​ಗೆ ತಂಡದ ನಾಯಕತ್ವ ಹೊಸದೇನೂ ಅಲ್ಲ. ಆಲ್ರೆಡಿ ಭಾರತ ಏಕದಿನ ತಂಡದ ನಾಯಕನಾಗಿ ಹಲವು ಪಂದ್ಯಗಳಲ್ಲಿ ಗೆಲ್ಲಿಸಿಕೊಟ್ಟಿದ್ದಾರೆ. ರಾಹುಲ್ 2022 ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ವಿದೇಶ ಪ್ರವಾಸದಲ್ಲಿ ತಮ್ಮ ಕ್ಯಾಪ್ಟನ್ಸಿ ಕರಿಯರ್ ಆರಂಭಿಸಿದ್ರು. ಬ್ಯಾಡ್​ಲಕ್ ಅಂದ್ರೆ ಮೂರು ಪಂದ್ಯಗಳಲ್ಲೂ ತಂಡ ಸೋತಿತ್ತು. ಬಟ್ ಆ ನಂತ್ರದ 9 ಪಂದ್ಯಗಳಲ್ಲಿ 8ರಲ್ಲಿ ಗೆಲುವು ಸಾಧಿಸಿದ್ದಾರೆ. ವಿಶೇಷ ಅಂದ್ರೆ ರಾಹುಲ್‌ ಮತ್ತೆ ನಾಯಕನಾಗಿ ಕಮ್ ಬ್ಯಾಕ್ ಮಾಡ್ತಿರೋದು ದಕ್ಷಿಣ ಆಫ್ರಿಕಾ ವಿರುದ್ಧವೇ. ಕೆಎಲ್ ರಾಹುಲ್ ನಾಯಕತ್ವದಲ್ಲಿ ಟೀಮ್ ಇಂಡಿಯಾ 12 ಏಕದಿನ ಪಂದ್ಯಗಳನ್ನು ಆಡಿದ್ದು, 8 ಪಂದ್ಯಗಳನ್ನು ಗೆದ್ದು 4 ಪಂದ್ಯಗಳಲ್ಲಿ ಸೋತಿದೆ. ಟೆಸ್ಟ್ ಮಾದರಿಯಲ್ಲಿ ರಾಹುಲ್ 4 ಪಂದ್ಯಗಳಲ್ಲಿ ಟೀಮ್ ಇಂಡಿಯಾದ ನಾಯಕತ್ವ ವಹಿಸಿದ್ದಾರೆ. 2 ಪಂದ್ಯಗಳಲ್ಲಿ ಗೆದ್ದು 1 ಪಂದ್ಯ ಸೋತಿದ್ದಾರೆ. ಒಂದೇ ಟಿ20 ಪಂದ್ಯದಲ್ಲಿ ಭಾರತವನ್ನು ಮುನ್ನಡೆಸಿ ಭಾರತವನ್ನು ಗೆಲುವಿನತ್ತ ಕೊಂಡೊಯ್ದಿದ್ದಾರೆ. ಒಟ್ಟಾರೆಯಾಗಿ, ರಾಹುಲ್ 16 ಪಂದ್ಯಗಳಲ್ಲಿ ಭಾರತ ತಂಡವನ್ನು ಮುನ್ನಡೆಸಿದ್ದು, 11 ಪಂದ್ಯಗಳಲ್ಲಿ ಗೆದ್ದು 5 ಪಂದ್ಯಗಳಲ್ಲಿ ಸೋತಿದ್ದಾರೆ. ಒಟ್ನಲ್ಲಿ ಕ್ಯಾಪ್ಟನ್ ಆಗೋಕೆ ಎಲ್ಲಾ ಅರ್ಹತೆ ಇದ್ರೂ ಯಾರ್ಯಾರದ್ದೋ ಪಾಲಿಟಿಕ್ಸ್​ಗೆ ನಾಯಕತ್ವ ಕೈತಪ್ಪಿ ಹೋಗಿದೆ. ಇದೀಗ ಹಂಗಾಮಿ ನಾಯಕನಾಗಿ ಏಕದಿನ ಸರಣಿಗೆ ಸಿದ್ಧವಾಗಿರೋ ರಾಹುಲ್ ಈ ಸಿರೀಸ್ ಗೆದ್ದು ತನ್ನ ಟ್ಯಾಲೆಂಟ್ ಏನೂ ಅನ್ನೋದನ್ನ ಪ್ರೂವ್ ಮಾಡ್ಬೇಕಿದೆ.