ಕಾಶಿ ದರ್ಶನದ 4ನೇ ಸುತ್ತಿನ ಯಾತ್ರೆಗೆ 29 ರಂದು ಚಾಲನೆ – ಐಆರ್‌ಸಿಟಿಸಿ ಸ್ಪೆಷಲ್‌ ಪ್ಯಾಕೇಜ್‌, ರಾಜ್ಯ ಸರ್ಕಾರದಿಂದಲೂ ರಿಯಾಯಿತಿ

ಬೆಂಗಳೂರು: ʼಕರ್ನಾಟಕ – ಭಾರತ್‌ ಗೌರವ್‌ ಕಾಶಿ ದರ್ಶನ’ದ ನಾಲ್ಕನೇ ಟ್ರಿಪ್‌ ಬುಕ್ಕಿಂಗ್‌ ಈಗಾಗಲೇ ಪ್ರಾರಂಭವಾಗಿದ್ದು, ರೈಲು ಇದೇ ಜು. 29 ರಂದು ಬೆಂಗಳೂರಿನಿಂದ ಹೊರಡಲಿದೆ. ಪುಣ್ಯಕ್ಷೇತ್ರಗಳಾದ ವಾರಾಣಸಿ, ಅಯೋಧ್ಯೆ ಮತ್ತು ಪ್ರಯಾಗ್‌ರಾಜ್‌ ಕ್ಷೇತ್ರಗಳಿಗೆ ತೆರಳಲು ರಿಯಾಯಿತಿ ದರದ ಪ್ಯಾಕೇಜ್‌ ಅನ್ನು ರೂಪಿಸಲಾಗಿದೆ ಎಂದು ಸಾರಿಗೆ ಮತ್ತು ಮುಜರಾಯಿ ಸಚಿವ ರಾಮಲಿಂಗಾರೆಡ್ಡಿ ಹೇಳಿದ್ದಾರೆ.

ಧಾರ್ಮಿಕ ದತ್ತಿ ಇಲಾಖೆಯು ಭಾರತೀಯ ನೈರುತ್ಯ ರೈಲ್ವೆ ಇಲಾಖೆ ಹಾಗೂ ಐಆರ್‌ಸಿಟಿಸಿ ಸಹಯೋಗದೊಂದಿಗೆ 2022-23ನೇ ಸಾಲಿನಿಂದ ‘ಕರ್ನಾಟಕ ಭಾರತ್‌ ಗೌರವ್‌ ಕಾಶಿ ದರ್ಶನ’ ಪ್ರವಾಸ ಯೋಜನೆ ಜಾರಿಗೆ ತರಲಾಗಿದೆ. ಈವರೆಗೆ 1,644 ಯಾತ್ರಾರ್ಥಿಗಳನ್ನು ಒಳಗೊಂಡಂತೆ 3 ಟ್ರಿಪ್‌ಗಳನ್ನು ಪೂರೈಸಲಾಗಿದೆ. ಜು. 29 ರಂದು ನಾಲ್ಕನೇ ಟ್ರಿಪ್‌ ಹೊರಡಲಿದ್ದು, ಈಗಾಗಲೇ ಬುಕ್ಕಿಂಗ್‌ ಆರಂಭವಾಗಿದೆ. ಹೆಚ್ಚಿನ ಜನರು ಪ್ರವಾಸ ಯೋಜನೆಯ ಲಾಭ ಪಡೆಯಬೇಕು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಕೈಲಾಸ ಪರ್ವತ ದರ್ಶನ ಸೆಪ್ಟೆಂಬರ್‌ನಿಂದ ಆರಂಭ – ಭಾರತದಿಂದಲೇ ಈ ಬಾರಿ ಅವಕಾಶ!

ಶನಿವಾರ ಹೊರಡಲಿರುವ ರೈಲು ಮೂರನೇಯ ದಿನ ವಾರಾಣಸಿಗೆ ತಲುಪಲಿದೆ. ಕಾಶಿ ಕ್ಷೇತ್ರದಲ್ಲಿ ಗಂಗಾ ಸ್ನಾನ, ತುಳಸಿ ಮಂದಿರ ದರ್ಶನ, ಸಂಕಟ ವಿಮೋಚನ ಶ್ರೀ ಹನುಮಾನ್‌ ಮಂದಿರ ದರ್ಶನ ಮತ್ತು ಕಾಶಿ ಶ್ರೀ ವಿಶ್ವನಾಥನ ದರ್ಶನ ಪಡೆಯಬಹುದಾಗಿದೆ. ಬಳಿಕ ಅಯೋಧ್ಯೆ(5ನೇ ದಿನ), ಪ್ರಯಾಗ್‌ರಾಜ್‌ನ(6ನೇ ದಿನ) ಕ್ಷೇತ್ರಗಳನ್ನು ವೀಕ್ಷಿಸಬಹುದು ಎಂದು ರಾಮಲಿಂಗಾ ರೆಟ್ಟಿ ಹೇಳಿದ್ದಾರೆ.

ವಾಸ ಏನು ಎತ್ತ?

20,000 ರೂ.ಗಳ ಪ್ಯಾಕೇಜ್‌ ಪ್ರವಾಸ ಯೋಜನೆ ಇದಾಗಿದ್ದು, 5,000 ರೂ.ಗಳನ್ನು ರಾಜ್ಯ ಸರಕಾರ ಭರಿಸಲಿದೆ. 15,000 ರೂ.ಗಳನ್ನು ಯಾತ್ರಾರ್ಥಿಗಳು ಪಾವತಿಸಬೇಕು.
ವಿಶೇಷ ರೈಲಿನಲ್ಲಿ ತೆರಳುವ ಯಾತ್ರಾರ್ಥಿಗಳಿಗೆ ಉಪಾಹಾರ, ಊಟ, ತಂಗುವಿಕೆ, ಸ್ಥಳೀಯ ಸಾರಿಗೆ ಮತ್ತು ಸ್ಥಳೀಯ ವೀಕ್ಷಣೆ ಸೌಲಭ್ಯಗಳನ್ನು ನೀಡಲಾಗುತ್ತದೆ. ಇದು 8 ದಿನಗಳ ಪ್ರವಾಸವಾಗಿದೆ.
ಈಗ ನಾಲ್ಕನೇ ಟ್ರಿಪ್‌ನ ವಿಶೇಷ ರೈಲು ಜು.29ರಂದು ಬೆಂಗಳೂರಿನಿಂದ ಹೊರಡಲಿದೆ. ಐಆರ್‌ಟಿಸಿ ಪೋರ್ಟಲ್‌ ಮೂಲಕ ಟಿಕೆಟ್‌ ಕಾಯ್ದಿರಿಸಿಕೊಳ್ಳಬಹುದು.

ರೈಲು ಹತ್ತುವ/ಇಳಿಯುವ ಸ್ಥಳಗಳು