ನೋಡಿರಿ
SMATನಲ್ಲಿ ಕಿಶನ್ ಖದರ್.. T-20I ರೇಸ್ ಗೆ ಸೆಂಚುರಿ ಸ್ಟಾರ್ – ಇಶಾನ್ ಗತ್ತು BCCIಗೆ ತಲೆ ಬಾಗುತ್ತಾ?
ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯ ಫೈನಲ್ ಮ್ಯಾಚಲ್ಲಿ ಜಾರ್ಖಂಡ್ ತಂಡ ಚೊಚ್ಚಲ ಬಾರಿಗೆ ಚಾಂಪಿಯನ್ ಪಟ್ಟಕ್ಕೇರಿದೆ. ಬ್ಯಾಟಿಂಗ್ನಲ್ಲಿ ಅಬ್ಬರಿಸಿ ಬೊಬ್ಬಿರಿದ ಆಟಗಾರರು ಟ್ರೋಫಿಗೆ ಮುತ್ತಿಟ್ಟಿದ್ದಾರೆ. ಇಂಟ್ರೆಸ್ಟಿಂಗ್ ಅಂದ್ರೆ ಇದೇ ಮ್ಯಾಚಲ್ಲಿ ಹೀರೋ ಆಗಿದ್ದು ಇಶಾನ್ ಕಿಶನ್. ಸ್ಫೋಟಕ ಬ್ಯಾಟಿಂಗ್ ಮೂಲಕ ಸೆಂಚುರಿ ಸಿಡಿಸಿದ ಕಿಶನ್ ಈಗ ಟಿ-20ಐ ಕ್ರಿಕೆಟ್ಗೆ ನಾನೂ ಕೂಡ ರೇಸ್ನಲ್ಲಿದ್ದೇನೆ ಅಂತಾ ಬಿಗ್ ಮೆಸೇಜ್ ಪಾಸ್ ಮಾಡಿದ್ದಾರೆ. ಮೊದ್ಲೇ ಬ್ಯಾಟಿಂಗ್ನಲ್ಲಿ ಸೊರಗಿರೋ ಭಾರತ ತಂಡಕ್ಕೆ ನಾನೂ ಸ್ಟ್ರೆಂಥ್ ಆಗಬಲ್ಲೆ ಅನ್ನೋದನ್ನ ತೋರಿಸಿಕೊಟ್ಟಿದ್ದಾರೆ.
ಇದನ್ನೂ ಓದಿ: ಬಾಯಿ ಇದೆ ಅಂತ ಬಾಯಿಗೆ ಬಂದ ಹಾಗೆ ಮಾತಾಡ್ತಿಯಾ? – ಮತ್ತೆ ಕಿತ್ತಾಡಿಕೊಂಡ ರಘು- ಗಿಲ್ಲಿ!
ಇಶಾನ್ ಕಿಶನ್ ಒನ್ ಆಫ್ ದಿ ಟ್ಯಾಲೆಂಟೆಡ್ ಪ್ಲೇಯರ್. ಟೀಂ ಇಂಡಿಯಾ ಪರವೂ ಸ್ಫೋಟಕ ಬ್ಯಾಟಿಂಗ್ ಮೂಲಕವೇ ಸದ್ದು ಮಾಡಿದ ಆಟಗಾರ. ಆದ್ರೆ ಕರಿಯರ್ ಪೀಕ್ನಲ್ಲಿದ್ದಾಗ್ಲೇ ತಮ್ಮದೇ ಒಂದು ತಪ್ಪಿನಿಂದ ತಂಡದಿಂದ ಹೊರಬಂದ್ರು. ಅಲ್ಲಿಂದ ಈಚೆಗೆ ಮೆನ್ ಇನ್ ಬ್ಲ್ಯೂ ಜೆರ್ಸಿಯಲ್ಲಿ ಆಡೋದು ಕನಸಾಗೇ ಉಳಿದಿದೆ. ಬಟ್ ಡೊಮೆಸ್ಟಿಕ್ನಲ್ಲಿ ಸದ್ದು ಮಾಡ್ತಾನೇ ಇದ್ದಾರೆ. ಇದೀಗ ಇಶಾನ್ ಕಿಶನ್ ಕ್ಯಾಪ್ಟನ್ಸಿ ಹಾಗೇ ಸ್ಫೋಟಕ ಶತಕದ ನೆರವಿನಿಂದ ಜಾರ್ಖಂಡ್ ತಂಡ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟೂರ್ನಿಯಲ್ಲಿ ಚಾಂಪಿಯನ್ ಆಗಿದೆ. 2010-11 ರಲ್ಲಿ ವಿಜಯ್ ಹಜಾರೆ ಟ್ರೋಫಿ ಗೆದ್ದ ಬಳಿಕ ಜಾರ್ಖಂಡ್ಗೆ ಇದು ದೇಶೀಯ ಟೂರ್ನಿಯ ಸೆಕೆಂಡ್ ವಿಕ್ಟರಿ ಆಗಿದೆ.
ಕಿಶನ್ ಶತಕ.. 262 ರನ್ ಗಳಿಸಿದ ಜಾರ್ಖಂಡ್!
ಫೈನಲ್ ಮ್ಯಾಚಲ್ಲಿ ಟಾಸ್ ಸೋತ ಜಾರ್ಖಂಡ್ ಫಸ್ಟ್ ಬ್ಯಾಟಿಂಗ್ ಮಾಡಿತು. ಇಶಾನ್ ಕಿಶನ್ ಮತ್ತು ವಿರಾಟ್ ಸಿಂಗ್ ಇನ್ನಿಂಗ್ಸ್ ಆರಂಭಿಸಿದ್ರು. ಆದ್ರೆ ವಿರಾಟ್ 2 ರನ್ಗೆ ವಿಕೆಟ್ ಒಪ್ಪಿಸಿದ್ರು. ಆ ಬಳಿಕ 2ನೇ ವಿಕೆಟ್ಗೆ ಜೊತೆಯಾದ ಕುಮಾರ್ ಕುಶಾಗ್ರ ಮತ್ತು ಕಿಶನ್ ಜೋಡಿ 177 ರನ್ಗಳ ಜೊತೆಯಾಟವಾಡಿತು. ಕಿಶನ್ 49 ಎಸೆತಗಳಲ್ಲೇ 6 ಫೋರ್, 10 ಸಿಕ್ಸ್ರ್ ಸಹಿತ 101 ರನ್ ಗಳಿಸಿದ್ರೆ ಕುಮಾರ್ 38 ಎಸೆತಗಳಲ್ಲೇ 81 ರನ್ಸ್ ಗಳಿಸಿದ್ರು. ಬಳಿಕ ಅಂಕುಲ್ ರಾಯ್ ಮತ್ತು ರಾಬಿನ್ ಮಿಂಝ್ 200ಪ್ಲಸ್ ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟ್ ಬೀಸಿದ್ರು. ಅಂತಿಮವಾಗಿ ಜಾರ್ಖಂಡ್ 3 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 262 ರನ್ ಸ್ಕೋರ್ ಮಾಡಿತ್ತು. 263 ರನ್ಗಳ ಟಾರ್ಗೆಟ್ ಬೆನ್ನತ್ತಿದ್ದ ಹರ್ಯಾಣ ಪಡೆ 18.3 ಓವರ್ಗಳಲ್ಲಿ 193 ರನ್ಗಳಿಗೆ ಆಲೌಟ್ ಆಯಿತು. ಈ ಮೂಲಕ ಜಾರ್ಖಂಡ್ ಈ ಪಂದ್ಯವನ್ನು 69 ರನ್ಗಳಿಂದ ಗೆದ್ದುಕೊಂಡಿತು. ಈ ಗೆಲುವಿನೊಂದಿಗೆ ಇಶಾನ್ ಕಿಶನ್ ಕೂಡ ಟ್ರೆಂಡಿಂಗ್ನಲ್ಲಿದ್ದಾರೆ. ಟೀಂ ಇಂಡಿಯಾ ಕಂ ಬ್ಯಾಕ್ಗೆ ಬಿಗ್ ಮೆಸೇಜ್ ಪಾಸ್ ಮಾಡಿದ್ದಾರೆ. ಯಾಕಂದ್ರೆ ಕಿಶನ್ ಪರ್ಫಾಮೆನ್ಸ್ ನೆಕ್ಸ್ಟ್ ಲೆವೆಲ್ನಲ್ಲಿದೆ. ಅಷ್ಟಕ್ಕೂ ಇಲ್ಲಿ ಕಿಶನ್ಗೆ ಬಿಸಿಸಿಐ ಯಾಕೆ ಮತ್ತೊಂದು ಚಾನ್ಸ್ ಕೊಡ್ಬೋದು ಅನ್ನೋದಕ್ಕೆ ಒಂದಷ್ಟು ಕಾರಣಗಳೂ ಇವೆ.
ಡೊಮೆಸ್ಟಿಕ್ ನಲ್ಲಿ ಕಿಶನ್ ಖದರ್!
2025-26ರ SMATನಲ್ಲಿ ಹೈಯೆಸ್ಟ್ ರನ್ ಸ್ಕೋರರ್ ಕಿಶನ್
10 ಪಂದ್ಯ, 55.44ರ ಸರಾಸರಿ, 2 ಶತಕ, 197 SR, 517 ರನ್ಸ್,
ಅತೀ ಹೆಚ್ಚು ಸಿಕ್ಸ್ ಸಿಡಿಸಿದ ಆಟಗಾರ, 33 ಸಿಕ್ಸ್ ಬಾರಿಸಿ ದಾಖಲೆ
2025ರಲ್ಲಿ ಡೊಮೆಸ್ಟಿಕ್ ನಲ್ಲಿ 5 ಶತಕ ಬಾರಿಸಿ ಅಭಿ ದಾಖಲೆ ಬ್ರೇಕ್
ಸ್ಫೋಟಕ ಬ್ಯಾಟಿಂಗ್ ನಡೆಸೋದ್ರಿಂದ ಟಾಪ್ ಆರ್ಡರ್ ನಲ್ಲಿ ಪ್ಲಸ್
126 ಎಸೆತಗಳಲ್ಲಿ ಡಬಲ್ ಸೆಂಚುರಿ ಸಿಡಿಸಿದ್ದ ಇಶಾನ್ ಕಿಶನ್!
ಏಕದಿನ ಮಾದರಿಯಲ್ಲಿ ರೋಹಿತ್ ಶರ್ಮಾ ಹೈಯೆಸ್ಟ್ ಅಂದ್ರೆ 3 ಸಲ ದ್ವಿಶತಕಗಳನ್ನು ಬಾರಿಸಿದ್ದಾರೆ. ಹೀಗಿದ್ರೂ ಅತ್ಯಂತ ವೇಗದ ದ್ವಿಶತಕ ಸಿಡಿಸಿದ್ದು ಇಶಾನ್ ಕಿಶನ್. 2022 ರಲ್ಲಿ ಬಾಂಗ್ಲಾದೇಶ ವಿರುದ್ಧ ಸ್ಫೋಟಕ ಬ್ಯಾಟಿಂಗ್ ಮಾಡಿದ್ದ ಇಶಾನ್ ಕಿಶನ್ ತಮ್ಮ 24ನೇ ವಯಸ್ಸಲ್ಲೇ ಹಿಸ್ಟರಿ ಕ್ರಿಯೇಟ್ ಮಾಡಿದ್ರು. ಚಿತ್ತಗಾಂಗ್ನಲ್ಲಿ ನಡೆದಿದ್ದ ಪಂದ್ಯದಲ್ಲಿ 85 ಎಸೆತಗಳಲ್ಲಿ ಶತಕ ಸಿಡಿಸಿದ ಇಶಾನ್ ಆ ಬಳಿಕ ಕೇವಲ 41 ಎಸೆತಗಳಲ್ಲಿ 100 ರನ್ ಗಳಿಸಿದರು. ಅಂದ್ರೆ ಕೇವಲ 126 ಎಸೆತಗಳಲ್ಲೇ ಡಬಲ್ ಸೆಂಚುರಿ ಬಾರಿಸಿದ್ರು. ಅವರ ಇನ್ನಿಂಗ್ಸ್ನಲ್ಲಿ 24 ಬೌಂಡರಿ ಹಾಗೂ 10 ಸಿಕ್ಸರ್ಗಳಿದ್ದವು. ಈ ಮೂಲಕ 2015 ರಲ್ಲಿ ಕ್ರಿಸ್ ಗೇಲ್ 138 ಎಸೆತಗಳಲ್ಲಿ ದ್ವಿಶತಕ ಬಾರಿಸಿದ್ದ ದಾಖಲೆಯನ್ನು ಬ್ರೇಕ್ ಮಾಡಿದ್ದರು.
2023ರಿಂದ ಭಾರತ ತಂಡದಿಂದ ಹೊರಗಿರುವ ಕಿಶನ್!
ಇನ್ನು 2023ರ ವಿಶ್ವಕಪ್ ಅಂತ್ಯವರೆಗೆ ಇಶಾನ್ ಕಿಶನ್ ಭಾರತದ ಪರ ಮೂರೂ ಫಾರ್ಮೆಟ್ನಲ್ಲಿ ಟೀಮ್ ಇಂಡಿಯಾದ ಭಾಗವಾಗಿದ್ರು. ಆದ್ರೆ ಸೌತ್ ಆಫ್ರಿಕಾ ಸರಣಿಯಲ್ಲಿ ಅರ್ಧಕ್ಕೆ ವಾಪಾಸ್ಸಾದ ಕಿಶನ್, ಡೊಮೆಸ್ಟಿಕ್ ಕ್ರಿಕೆಟ್ ಆಡೋದು ಬಿಟ್ಟು ಐಪಿಎಲ್ಗೆ ಪ್ರಾಕ್ಟೀಸ್ ಶುರು ಮಾಡಿದ್ರು. ಇದ್ರಿಂದ ಸಿಟ್ಟಾದ ಬಿಸಿಸಿಐ ಅಲ್ಲಿಂದ ಈಚೆಗೆ ಭಾರತ ತಂಡದಲ್ಲಿ ಕಿಶನ್ಗೆ ಚಾನ್ಸ್ ಕೊಟ್ಟೇ ಇಲ್ಲ. ಌಕ್ಚುಲಿ ಕಿಶನ್ ಪವರ್ಫುಲ್ ಬ್ಯಾಟರ್. ಶ್ರೇಯಸ್ ಅಯ್ಯರ್ರಂತೆ ಕಿಶನ್ಗೂ ಮತ್ತೊಂದು ಚಾನ್ಸ್ ಕೊಡ್ಬೋದಿತ್ತು. ಪ್ರಸ್ತುತ ಬ್ಯಾಟಿಂಗ್ನಲ್ಲಿ ಸಫರ್ ಆಗ್ತಿರೋ ಭಾರತ ತಂಡಕ್ಕೆ ಕಿಶನ್ ಒನ್ ಆಫ್ ದಿ ಬೆಸ್ಟ್ ಸೆಲೆಕ್ಷನ್ ಆಗ್ಬೋದು. ಆದ್ರೆ ಕಿಶನ್ ಗತ್ತು ಬಿಸಿಸಿಐಗೆ ಗೊತ್ತಾಗುತ್ತಾ ಅನ್ನೋದೇ ಇಲ್ಲಿರೋ ಪ್ರಶ್ನೆ.
