ನೋಡಿರಿ
ಚಂದ್ರನ ಅಂಗಳದಲ್ಲಿರುವ ವಿಕ್ರಂ ಮತ್ತು ಪ್ರಗ್ಯಾನ್‌ಗೆ ಅಪಾಯ ಇದ್ಯಾ?- ವಿಜ್ಞಾನಿಗಳು ಆತಂಕ ವ್ಯಕ್ತಪಡಿಸಿದ್ದೇಕೆ?
ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋದ ಚಂದ್ರಯಾನ – 3 ಯಶಸ್ವಿಯಾಗಿದೆ. ಚಂದ್ರನ ಅಂಗಳದಲ್ಲಿರುವ ಪ್ರಗ್ಯಾನ್ ರೋವರ್ ಹಾಗೂ ವಿಕ್ರಮ್ ಲ್ಯಾಂಡರ್ ತಮ್ಮ ಕರ್ತವ್ಯಗಳನ್ನು ಚಾಚು ತಪ್ಪದೇ ಮಾಡಿ ನಿದ್ರೆಗೆ ಜಾರಿವೆ. ಸ್ಪೀಪ್‌ ಮೂಡ್‌ನಲ್ಲಿರುಬ ಪ್ರಜ್ಞಾನ್‌ ರೋವರ್ ಹಾಗೂ ವಿಕ್ರಮ್ ಲ್ಯಾಂಡರ್ ಅಪಾಯವಾಗುವ ಸಂಭವವಿದೆ ಎಂದು ಇಸ್ರೋ ಕಳವಳ ವ್ಯಕ್ತಪಡಿಸಿದೆ.
ಹೌದು, ಸದ್ಯ ವಿಕ್ರಮ್ ಲ್ಯಾಂಡರ್ ಹಾಗೂ ಪ್ರಜ್ಞಾನ್‌ ರೋವರ್ ಚಂದ್ರನ ದಕ್ಷಿಣ ದ್ರುವದಲ್ಲಿ 14 ದಿನಗಳ ಕಾರ್ಯಾಚರಣೆ ಮಾಡಿದ ಬಳಿಕ ನಿದ್ರೆಗೆ ಜಾರಿದೆ. ಆದರೆ ವಿಕ್ರಂ ಲ್ಯಾಂಡರ್ ಹಾಗೂ ಪ್ರಗ್ಯಾನ್ ರೋವರ್‌ಗೆ ಚಂದ್ರನ ಮೇಲೆ ಆಗಾಗ ಬಂದಪ್ಪಳಿಸುವ ಸಣ್ಣ ಕ್ಷುದ್ರಗ್ರಹಗಳಿಂದ ಅಪಾಯವಾಗುವ ಸಂಭವವಿದೆ. ಇಂತಹ ಘಟನೆಗಳು ಅಪೊಲೋ ಯೋಜನೆಯಲ್ಲೂ ಸಂಭವಿಸಿದ್ದು ಅದು ಇಲ್ಲೂ ಸಹ ಮರುಕಳಿಸಬಹುದು ಎಂದು ಮಣಿಪಾಲ್ ನೈಸರ್ಗಿಕ ವಿಜ್ಞಾನ ಸಂಸ್ಥೆಯ ಪ್ರಾಧ್ಯಾಪಕ ಡಾ. ಪಿ. ಶ್ರೀಕುಮಾರ್ ತಿಳಿಸಿದ್ದಾರೆ.
ಇನ್ನು ಚಂದ್ರನಲ್ಲಿರುವ ಧೂಳಿನ ಕಣಗಳೂ ಸಹ ಲ್ಯಾಂಡರ್ ಹಾಗೂ ರೋವರ್ ಗೆ ಅಪಾಯ ಉಂಟು ಮಾಡುವ ಸಾಧ್ಯತೆಯಿದ್ದು, ಸೂರ್ಯನಿಂದ ಹೊರಸೂಸುವ ಸಣ್ಣ ಪ್ರಮಾಣದ ವಿಕಿರಣಗಳೂ ಕೂಡ ಅಪಾಯ ತಂದೊಡ್ಡಬಲ್ಲವು ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಗಗನಯಾನ ಮಿಷನ್ ಪರೀಕ್ಷಾರ್ಥ ಉಡಾವಣೆ ಯಶಸ್ವಿ
ಆಗಸ್ಟ್ 23 ರಂದು ಚಂದ್ರನ ಮೇಲೆ ಸ್ಪರ್ಶಿಸಿದ ಮತ್ತು ರೋವರ್ ನಿಯೋಜನೆಯೊಂದಿಗೆ ಹಲವಾರು ಪರೀಕ್ಷೆಗಳನ್ನು ನಡೆಸಿದ ಮಿಷನ್ ಅನ್ನು ಶಾಶ್ವತವಾಗಿ ಸ್ಲೀಪ್ ಮೋಡ್‌ನಲ್ಲಿ ಇರಿಸಲಾಗಿದೆ. ಇಸ್ರೋ ಅಧ್ಯಕ್ಷ ಎಸ್ ಸೋಮನಾಥ್ ಪ್ರಕಾರ, ವಿಕ್ರಮ್ ಲ್ಯಾಂಡರ್ ತನ್ನ “ಕೆಲಸವನ್ನು ಉತ್ತಮವಾಗಿ” ನಿರ್ವಹಿಸಿದ ನಂತರ “ಸಂತೋಷದಿಂದ ಚಂದ್ರನ ಮೇಲೆ ನಿದ್ರಿಸುತ್ತಿದೆ”. ಸ್ಲೀಪ್ ಮೋಡ್‌ನಲ್ಲಿರುವಾಗ ಬಾಹ್ಯಾಕಾಶ ನೌಕೆಯು ಹೊಸ ಅಪಾಯಗಳನ್ನು ಎದುರಿಸುತ್ತಲೇ ಇರುತ್ತದೆ. ಅವುಗಳಲ್ಲಿ ಒಂದು ಚಂದ್ರನ ಹೊರಗಿನಿಂದ ಬರುವ ಕಾಯಗಳು ಎಂದು ಹೇಳಿದ್ದಾರೆ.
ಪ್ರಗ್ಯಾನ್ ರೋವರ್ ಚಂದ್ರನ ಮೇಲ್ಮೈಯಲ್ಲಿ ಆಲ್ಫಾ ಪಾರ್ಟಿಕಲ್ ಎಕ್ಸ್-ರೇ ಸ್ಪೆಕ್ಟ್ರೋಮೀಟರ್ (APXS) ಮತ್ತು ಲೇಸರ್ ಇಂಡ್ಯೂಸ್ಡ್ ಬ್ರೇಕ್‌ಡೌನ್ ಸ್ಪೆಕ್ಟ್ರೋಸ್ಕೋಪ್ (LIBS) ಅನ್ನು ಬಳಸಿಕೊಂಡು ರಾಸಾಯನಿಕ ಸಂಶೋಧನೆ ನಡೆಸಿದೆ. ದಕ್ಷಿಣ ಧ್ರುವದ ಸಮೀಪವಿರುವ ಚಂದ್ರನ ಮೇಲ್ಮೈಯಲ್ಲಿ ಸಲ್ಫರ್ ಇರುವಿಕೆಯನ್ನು ರೋವರ್ ಕಂಡು ಹಿಡಿದಿದೆ.
ಸಿಲಿಕಾನ್, ಕ್ಯಾಲ್ಸಿಯಂ, ಕಬ್ಬಿಣ, ಕ್ರೋಮಿಯಂ, ಟೈಟಾನಿಯಂ, ಮ್ಯಾಂಗನೀಸ್, ಅಲ್ಯೂಮಿನಿಯಂ ಮತ್ತು ಆಮ್ಲಜನಕದಂತಹ ಇತರ ಅಂಶಗಳ ಕುರುಹುಗಳು ಕೂಡ ಇದ್ದವು. ಚಂದ್ರನ ಮೇಲ್ಮೈ ಕೆಳಗೆ ಭೂಕಂಪಗಳನ್ನು ಮೌಲ್ಯಮಾಪನ ಮಾಡಲು ಉದ್ದೇಶಿಸಲಾದ ಸಾಧನವನ್ನು ಬಳಸಿಕೊಂಡು, ರೋವರ್ ಸಲ್ಫರ್ ಮತ್ತು ಭೂಕಂಪನ ಚಟುವಟಿಕೆಯನ್ನು ಸಹ ಕಂಡುಹಿಡಿದಿದೆ. ಈ ಸಂಶೋಧನೆಯು ಸಲ್ಫರ್ ಇರುವಿಕೆಯೊಂದಿಗೆ ಚಂದ್ರನ ಮೇಲ್ಮೈ ಮತ್ತು ಭೂವೈಜ್ಞಾನಿಕ ಚಟುವಟಿಕೆಯ ಪ್ರಮುಖ ವಿವರಗಳನ್ನು ಬಹಿರಂಗಪಡಿಸಿದೆ.
