ಪಾರಿವಾಳದ ಮೊಟ್ಟೆಯನ್ನು ಮನೆಯಿಂದ ಹೊರಹಾಕಬಹುದೇ.? ಅಥವಾ ಬೇಡವೇ – ಇಲ್ಲಿದೆ ಪರಿಹಾರ

ಮನೆಯಲ್ಲಿ ಪಾರಿವಾಳ ಗಳು ಗೂಡು ಕಟ್ಟುವುದನ್ನು, ಮೊಟ್ಟೆ ಇಡುವುದನ್ನು ನೀವು ಗಮನಿಸಿರಬಹುದು. ಅನೇಕ ಜನರ ಮನಸ್ಸಿನಲ್ಲಿ ಇದರ ಕುರಿತು ಸಾಕಷ್ಟು ಗೊಂದಲಗಳಿವೆ. ಪಾರಿವಾಳದ ಮೊಟ್ಟೆಯನ್ನು ಮನೆಯಿಂದ ಹೊರಹಾಕಬಹುದೇ.? ಅಥವಾ ಬೇಡವೇ ಎಂಬುದರ ಬಗ್ಗೆ ಗೊಂದಲಗಳಿವೆ. ಯಾಕೆಂದರೆ. ಕೆಲವೊಂದು ನಂಬಿಕೆಗಳಲ್ಲಿ ಮನೆಯಲ್ಲಿ ಪಾರಿವಾಳ ಮೊಟ್ಟೆಯಿಟ್ಟರೆ ಅದನ್ನು ಅಶುಭವೆಂದು ಪರಿಗಣಿಸುತ್ತಾರೆ.  ನಂಬಿಕೆಯನ್ನು ಹೊರತುಪಡಿಸಿ, ಶಾಸ್ತ್ರದ ಪ್ರಕಾರ, ಮನೆಯಲ್ಲಿ ಪಾರಿವಾಳಗಳು ಮೊಟ್ಟೆಯನ್ನಿಟ್ಟರೆ ಏನರ್ಥ.? ನೋಡೋಣ ಬನ್ನಿ.

ಮನೆಯಲ್ಲಿ ಪಾರಿವಾಳಗಳು ಗೂಡು ಕಟ್ಟಿದರೆ ಅದು ಶುಭವೇ ಅಥವಾ ಅಶುಭವೇ.? ಶಾಸ್ತ್ರದಲ್ಲಿ ಹೇಳಿರುವ ಪ್ರಕಾರ, ಮನೆಯಲ್ಲಿ ಪಾರಿವಾಳಗಳು ಗೂಡುಗಳನ್ನು ಕಟ್ಟಿದರೆ ಅದನ್ನು ಅಶುಭವೆಂದು ಅಥವಾ ಅಪಶಕುನವೆಂದು ಪರಿಗಣಿಸಲಾಗುತ್ತದೆ. ಯಾಕೆಂದರೆ, ಯಾವ ಸ್ಥಳದಲ್ಲಿ ಪಾರಿವಾಳಗಳು ಗೂಡು ಕಟ್ಟುತ್ತವೆಯೋ ಆ ಸ್ಥಳದಲ್ಲಿ ನಕಾರಾತ್ಮಕ ಶಕ್ತಿಯ ಸಂಚಾರ ಹೆಚ್ಚಾಗಿರುತ್ತದೆ. ಇದು ಕುಟುಂಬದ ಯೋಗಕ್ಷೇಮ ಮತ್ತು ಸಮೃದ್ಧಿಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಸಮಯ ಕಳೆದಂತೆ ಕುಟುಂಬದ ಸದಸ್ಯರು ಆರೋಗ್ಯದ ಸಮಸ್ಯೆಗಳಿಗೆ ಒಳಗಾಗುತ್ತಾರೆ. ನಿಮ್ಮ ಮನೆಯಲ್ಲಿ ಪಾರಿವಾಳಗಳು ಗೂಡು ಕಟ್ಟಲು ಪ್ರಾರಂಭಿಸಿದರೆ ತಕ್ಷಣವೇ ಅದನ್ನು ಮನೆಯಿಂದ ತೆಗೆದು ಹಾಕಿ.

ಇದಲ್ಲದೇ, ಒಂದು ವೇಳೆ ಪಾರಿವಾಳಗಳು ಕೆಲವೊಂದು ಸ್ಥಳಗಳಲ್ಲಿ ಗೂಡನ್ನು ಕಟ್ಟುವುದು ಶುಭವೆಂದು ಪರಿಗಣಿಸಲಾಗುತ್ತದೆ. ಪಾರಿವಾಳಗಳು ಮನೆಯ ಬಾಲ್ಕಿನಿಯ ಮೇಲೆ, ಛಾವಣಿಯ ಮೇಲೆ ಗೂಡನ್ನು ಕಟ್ಟಿದರೆ ಅದನ್ನು ಶುಭ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇದರರ್ಥ ಸಾಕ್ಷಾತ್‌ ಲಕ್ಷ್ಮಿ ದೇವಿಯೇ ನಿಮ್ಮ ಮನೆಗೆ ಬಂದಿದ್ದಾಳೆ ಎಂಬುದಾಗಿದೆ. ಇದು ಲಕ್ಷ್ಮಿ ದೇವಿಯು ನಿಮ್ಮನ್ನು ಆಶೀರ್ವದಿಸುತ್ತಿದ್ದಾಳೆ ಎಂಬುದನ್ನು ಸೂಚಿಸುತ್ತದೆ. ಹಾಗೂ ನಿಮ್ಮೆಲ್ಲಾ ಇಷ್ಟಾರ್ಥಗಳು ಶೀಘ್ರದಲ್ಲೇ ಈಡೇರುವುದು ಎಂಬುದಾಗಿದೆ.

ಪಾರಿವಾಳವು ನಿಮ್ಮ ಮನೆಯಲ್ಲಿ ಗೂಡು ಕಟ್ಟಿ ಮೊಟ್ಟೆಗಳನ್ನು ಇಟ್ಟರೆ, ಆ ಪ್ರದೇಶವು ಪವಿತ್ರವಾಗುತ್ತದೆ ಎಂದು ಹೇಳಲಾಗುತ್ತದೆ. ಮನೆಯಲ್ಲಿ ಪಾರಿವಾಳಗಳು ಮೊಟ್ಟೆಯಿದ್ದರೆ ಅದು ಆ ಮನೆಯಲ್ಲಿ ಸಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ ಎಂಬುದಾಗಿದೆ. ಆದರೆ, ಇದನ್ನು ನಾವು ವೈಜ್ಞಾನಿಕ ದೃಷ್ಟಿಕೋನದಿಂದ ನೋಡುವುದಾದರೆ ಪಾರಿವಾಳಗಳು ಮನೆಯಲ್ಲಿ ಮೊಟ್ಟೆ ಇಡುವುದರಿಂದ ಆ ಸ್ಥಳದಲ್ಲಿ ವಾಸಿಸುವ ಜನರು ಅನಾರೋಗ್ಯಕ್ಕೆ ಗುರಿಯಾಬಹುದು. ಹಾಗಾಗಿ, ಪಾರಿವಾಳಗಳು ಮನೆಯ ಬಾಲ್ಕನಿ, ಕಿಟಕಿಯ ಮೇಲೆ ಮೊಟ್ಟೆ ಇಟ್ಟರೆ ತಕ್ಷಣವೇ ಅದನ್ನು ತೆಗೆದುಹಾಕಿ.

ಧಾರ್ಮಿಕ ದೃಷ್ಟಿಕೋನದ ಪ್ರಕಾರ, ಪಾರಿವಾಳಗಳಿಗೆ ನಾವು ತೊಂದರೆಯನ್ನು ನೀಡುವುದು ಅಥವಾ ಹಾನಿ ಮಾಡುವುದು, ಅದರ ಮೊಟ್ಟೆಗಳನ್ನು ಎಸೆಯುವುದು ಪಾಪದ ಕೆಲಸವೆಂದು ಹೇಳಲಾಗುತ್ತದೆ. ಯಾಕೆಂದರೆ ಮೊಟ್ಟೆಯೊಳಗೆ ಸೃಷ್ಟಿಯನ್ನು ನೋಡಲು ಬಯಸುವ ಒಂದು ಜೀವವಿರುತ್ತದೆ. ಆ ಜೀವವನ್ನು ಸಾಯಿಸುವ ಹಕ್ಕು ಯಾರಿಗೂ ಇಲ್ಲ. ಆದ್ದರಿಂದ ಅವುಗಳ ಮೊಟ್ಟೆಗಳನ್ನು ಎಸೆಯಬಾರದು. ಬದಲಾಗಿ ಪಾರಿವಾಳಗಳು ಮೊಟ್ಟೆಯಿಡುವ ಮುನ್ನ ಅವುಗಳನ್ನು ಮನೆಯಿಂದ ಹೊರಗೆ ಹೋಗುವಂತೆ ಮಾಡಿ ಅಥವಾ ಮರಿಗಳು ಮೊಟ್ಟೆಯಿಂದ ಹೊರಬಂದ ನಂತರ ಗೂಡನ್ನು ಮನೆಯಿಂದ ತೆಗೆದುಹಾಕಬಹುದು.