ನೋಡಿರಿ
ನಟ ಅಜಿತ್ ಕುಮಾರ್ ಮತ್ತೊಂದು ರೇಸ್ ರೆಡಿಯಾದ್ರಾ?- ಹೊಸ ಕಾರು ಹೇಗಿದೆ ಗೊತ್ತಾ?
ತಮಿಳು ನಟ ಅಜಿತ್ ಕುಮಾರ್ ಕಾರು ರೇಸಿಂಗ್ನಲ್ಲಿ ಕೂಡಾ ಫೇಮಸ್ ಆಗಿದ್ದಾರೆ. ಸಿನಿಮಾ ನಟನಾಗಿರುವ ಅಜಿತ್ ಕುಮಾರ್ ಅವರು ಕಾರು ರೇಸರ್ ಆಗಿ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇದೀಗ ಅಜಿತ್ ಕುಮಾರ್ ದುಬಾರಿ ಕಾರೊಂದನ್ನು ಖರೀದಿಸಿದ್ದಾರೆ.
ಇದನ್ನೂ ಓದಿ: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಆ್ಯಂಕರ್ ಅನುಶ್ರೀ –ರೋಷನ್ ಜೊತೆ ಹೊಸ ಜೀವನಕ್ಕೆ ಕಾಲಿಟ್ಟ ನಿರೂಪಕಿ
ತಮಿಳು ನಟ ಅಜಿತ್ ಕುಮಾರ್ ಈಗಾಗಲೇ ವಿಶ್ವದ ಅತ್ಯುತ್ತಮ ಬ್ರ್ಯಾಂಡಿನ ಕಾರುಗಳನ್ನು ಖರೀದಿಸಿ ಸಂಗ್ರಹದಲ್ಲಿಟ್ಟುಕೊಂಡಿದ್ದಾರೆ. ಇದೀಗ ಅಜಿತ್ ಕುಮಾರ್ ಅವರು ಮತ್ತೊಂದು ಬಲು ಶಕ್ತಿಯುತ ಮತ್ತು ದುಬಾರಿ ಕಾರೊಂದನ್ನು ಖರೀದಿ ಮಾಡಿದ್ದಾರೆ. ಅಜಿತ್ ಬಳಿ ಈಗಾಗಲೇ ಸುಮಾರು ಹತ್ತಕ್ಕೂ ಹೆಚ್ಚು ವಿಶ್ವದ ಅತ್ಯುತ್ತಮ ಕಾರುಗಳಿವೆ. ಲ್ಯಾಂಬೊರ್ಗಿನಿ ಜಿಟಿ, ಮೆಕ್ಲ್ಯಾರನ್ ಸೆನ್ನಾ, ಫೆರಾರಿ ಎಸ್ಎಫ್90, ಪೋರ್ಶೆ ಗಿಟಿ3 ಆರ್ಎಸ್, ಬಿಎಂಡಬ್ಲು 740 ಎಲ್ಐ, ಮರ್ಸಿಡೀಸ್ ಬೆಂಜ್ 350 ಜಿಎಲ್ಎಸ್, ಫೆರಾರಿ 458 ಇಟಾಲಿಯಾ, ಹೋಂಡಾ ಅಕಾರ್ಡ್ ವಿ6 ಸೇರಿದಂತೆ ಇನ್ನೂ ಕೆಲವು ವಿಶ್ವದ ಬಲು ವೇಗದ ಮತ್ತು ಅತ್ಯಾಧುನಿಕ ಐಶಾರಾಮಿ ಸೌಲಭ್ಯಗಳನ್ನು ಒಳಗೊಂಡ ಬಲು ದುಬಾರಿ ಕಾರುಗಳು ಇವೆ. ಇದೀಗ ಈ ಕಾರು ಸಂಗ್ರಹಕ್ಕೆ ಮತ್ತೊಂದು ಕಾರನ್ನು ಅಜಿತ್ ಸೇರ್ಪಡೆಗೊಳಿಸಿದ್ದಾರೆ. ಅಜಿತ್ ಅವರ ಕಲೆಕ್ಷನ್ನಲ್ಲಿ ಫೋರ್ಡ್ ಸಂಸ್ಥೆಯ ಕಾರು ಇರಲಿಲ್ಲ. ಇದೀಗ ಫೋರ್ಡ್ ಕಂಪೆನಿಯ ಪಿಕಪ್ ಟ್ರಕ್ ಒಂದನ್ನು ಖರೀದಿ ಮಾಡಿದ್ದಾರೆ ಅಜಿತ್. ಫೋರ್ಡ್ ಎಫ್150 ಪಿಕಪ್ ಟ್ರಕ್ ಮಾದರಿ ಕಾರನ್ನು ಅಜಿತ್ ಖರೀದಿ ಮಾಡಿದ್ದಾರೆ. ಈ ಕಾರು ತಮ್ಮ ಮಾಚೋ ಲುಕ್ನ ಜೊತೆಗೆ ತಮ್ಮ ಶಕ್ತಿ ಮತ್ತು ಸಾಮರ್ಥ್ಯದಿಂದ ಹೆಸರು ಮಾಡಿದೆ. ಅತ್ಯಂತ ಶಕ್ತಿಯುತ ಕಾರುಗಳಲ್ಲಿ ಇದು ಸಹ ಒಂದಾಗಿದೆ. ಇಸುಜು, ಟೊಯೊಟಾ ಹೈಲಕ್ಸ್ ಮಾದರಿಯಲ್ಲಿಯೇ ಇರುವ ಫೋರ್ಡ್ ಕಂಪೆನಿಯ ಪಿಕಪ್ ಟ್ರಕ್ ಇದಾಗಿದ್ದು, ಈ ಪಿಕಪ್ ಟ್ರಕ್ನಲ್ಲಿ ಐದು ಜನ ಕೂರುವ ಜೊತೆಗೆ ಹಿಂದೆ ಟನ್ಗಟ್ಟಲೆ ಭಾರವನ್ನು ಹೊತ್ತು ಸಾಗಿಸಬಹುದು. ಈ ಕಾರು 3500 ಸಿಸಿ ಒಳಗೊಂಡಿದ್ದು, ಸುಮಾರು 300 ಬಿಎಚ್ಪಿ ಶಕ್ತಿಯನ್ನು ಪ್ರೊಡ್ಯೂಸ್ ಮಾಡುತ್ತದೆ. 87 ಲೀಟರ್ಗಳು ಬೃಹತ್ ಇಂಧನ ಟ್ಯಾಂಕ್ ಈ ಕಾರಿಗೆ ಇದೆ. ಈ ಕಾರಿಗೆ ಬರೋಬ್ಬರಿ 10 ಗೇರುಗಳಿವೆ. ರಸ್ತೆ ಮತ್ತು ಆಫ್ ರೋಡಿಗೆ ಹೇಳಿ ಮಾಡಿಸಿದ ಕಾರು ಇದಾಗಿದೆ. ಈ ಕಾರಿನ ಬೆಲೆ ಭಾರತೀಯ ರೂಪಾಯಿಗಳಲ್ಲಿ 1.10 ಕೋಟಿ ರೂಪಾಯಿಗಳಾಗಲಿದೆ.
ಕಳೆದ ಕೆಲ ವರ್ಷಗಳಲ್ಲಿ ಅಜಿತ್ ಅವರು ಸಿನಿಮಾ ಸೆಟ್ಗಿಂತಲೂ ಹೆಚ್ಚು ರೇಸಿಂಗ್ ಟ್ರ್ಯಾಕ್ ಮೇಲೆ ಹೆಚ್ಚು ಸಮಯ ಕಳೆದಿದ್ದಾರೆ. ರೇಸಿಂಗ್ ಅನ್ನೇ ವೃತ್ತಿಯಾಗಿರುವ ಸ್ವೀಕರಿಸಿರುವ ಅಜಿತ್ ಅವರು ಅಜಿತ್ ಕಾರ್ ರೇಸಿಂಗ್ ಹೆಸರಿನ ತಂಡವೊಂದನ್ನು ಕಟ್ಟಿಕೊಂಡು ವಿಶ್ವದ ನಾನಾ ದೇಶಗಳಲ್ಲಿ ಕಾರು ರೇಸಿಂಗ್ನಲ್ಲಿ ಭಾಗಿ ಆಗುತ್ತಿದ್ದಾರೆ.
