ಡಿಸೆಂಬರ್ 19ರಂದು ಐಪಿಎಲ್ ಹರಾಜು ಪ್ರಕ್ರಿಯೆ- ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಸೇರುವ ಆಟಗಾರರು ಯಾರು?

ಡಿಸೆಂಬರ್ 19ರಂದು ಈ ಬಾರಿಯ ಐಪಿಎಲ್ ಆಕ್ಷನ್ ನಡೀತಾ ಇದೆ. ಹೀಗಾಗಿ ಎಲ್ಲಾ 10 ಫ್ರಾಂಚೈಸಿಗಳು ಫ್ಲೇಯರ್ಸ್ಗಳನ್ನ ಖರೀದಿಸೋಕೆ ಭಾರಿ ತಯಾರಿ ನಡೆಸುತ್ತಿವೆ. ಈಗಾಗಲೇ ಕೆಲ ಆಟಗಾರರನ್ನ ರಿಟೈನ್ ಮಾಡಿದ್ದಾರೆ. ಇನ್ನೂ ಕೆಲವರನ್ನ ರಿಲೀಸ್ ಮಾಡಿ, ಹೊಸ ಪ್ಲೇಯರ್ಸ್ಗಳನ್ನ ತಂಡಕ್ಕೆ ಸೇರಿಸೋಕೆ ಫ್ರಾಂಚೈಸಿಗಳು ಬಜೆಟ್ ಕೂಡ ರೆಡಿ ಮಾಡಿಕೊಂಡಿವೆ. ಹಾಗಾದರೆ, ಯಾವ್ಯಾವ ಫ್ರಾಂಚೈಸಿಗಳು ಯಾವೆಲ್ಲಾ ಆಟಗಾರರ ಮೇಲೆ ಕಣ್ಣಿಟ್ಟಿವೆ? ಯಾರನ್ನ ಖರೀದಿಸೋಕೆ ಪ್ಲ್ಯಾನ್ ಮಾಡುತ್ತಿವೆ? ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಜಾಯಿನ್ ಆಗಬಹುದಾದ ಪ್ಲೇಯರ್ ಯಾರು? ಅತೀ ಹೆಚ್ಚು ಡಿಮ್ಯಾಂಡ್ನಲ್ಲಿರುವ ಆಟಗಾರರು ಯಾರೆಲ್ಲಾ? ಇವೆಲ್ಲದರ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ವಿಶ್ವಕಪ್ನ ಹೀರೋ ಶಮಿ ಮುಂದಿನ ಟಿ-20 ವಿಶ್ವಕಪ್ನಲ್ಲಿ ಆಡ್ತಾರಾ? – ಸೆಲೆಕ್ಷನ್ ಕಮಿಟಿಯ ಲೆಕ್ಕಾಚಾರವೇನು?
ಎಂ.ಎಸ್.ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಒಟ್ಟು 6 ಮಂದಿ ಪ್ಲೇಯರ್ಸ್ಗಳನ್ನ ಪರ್ಚೇಸ್ ಮಾಡುವ ಪ್ಲ್ಯಾನ್ನಲ್ಲಿದೆ. ಆಸ್ಟ್ರೇಲಿಯಾದ ವರ್ಲ್ಡ್ಕಪ್ ವಿನ್ನಿಂಗ್ ಕ್ಯಾಪ್ಟನ್ ಪ್ಯಾಟ್ ಕಮಿನ್ಸ್, ಫಾಸ್ಟ್ ಬೌಲರ್ ಜಾಶ್ ಹೇಜಲ್ವುಡ್, ಮನೀಶ್ ಪಾಂಡೆ, ತಮಿಳುನಾಡು ಬ್ಯಾಟ್ಸ್ಮನ್ ಶಾರುಕ್ ಖಾನ್ ಮತ್ತು ಕರುಣ್ ನಾಯರ್ರನ್ನ ತಂಡಕ್ಕೆ ಸೇರ್ಪಡೆಗೊಳಿಸೋಕೆ ಚೆನ್ನೈ ಸೂಪರ್ ಕಿಂಗ್ಸ್ ಮ್ಯಾನೇಜ್ಮೆಂಟ್ ಪ್ಲ್ಯಾನ್ ಮಾಡಿದೆ. ಈ ಆರು ಮಂದಿ ಆಟಗಾರರಿಗೆ ಸಿಎಸ್ಕೆ ಬಿಡ್ಡಿಂಗ್ ಮಾಡುವ ಸಾಧ್ಯತೆ ಇದೆ. ಅದ್ರಲ್ಲೂ ಮನೀಶ್ ಪಾಂಡೆಯನ್ನ ಮಾತ್ರ ಯಾವುದೇ ಕಾರಣಕ್ಕೂ ಬಿಟ್ಟು ಕೊಡದೆ ಇರಲು ಸಿಎಸ್ಕೆ ತೀರ್ಮಾನ ಮಾಡಿದೆ ಎನ್ನಲಾಗಿದೆ.
ಗುಜರಾತ್ ಟೈಟಾನ್ಸ್
ಇನ್ನು ಕ್ಯಾಪ್ಟನ್ ಆಗಿದ್ದ ಹಾರ್ದಿಕ್ ಪಾಂಡ್ಯ ಮತ್ತೆ ಮುಂಬೈ ಇಂಡಿಯನ್ಸ್ ಸೇರಿಕೊಂಡಿರೋದ್ರಿಂದ ಟೀಂಗೆ ಒಬ್ಬ ಕ್ವಾಲಿಟಿ ಆಲ್ರೌಂಡರ್ನ ಅವಶ್ಯಕತೆ ಕೂಡ ಇದೆ. ಗುಜರಾತ್ ಟೈಟಾನ್ಸ್ ಈಗಾಗ್ಲೇ 9 ಪ್ಲೇಯರ್ಸ್ಗಳನ್ನ ರಿಲೀಸ್ ಮಾಡಿದ್ದು, ಇನ್ನೂ 8 ಸ್ಲಾಟ್ಗಳನ್ನ ಫಿಲ್ ಮಾಡೋಕೆ ಬಾಕಿ ಇದೆ. ಆಟಗಾರರನ್ನ ಖರೀದಿಸೋಕೆ ಗುಜರಾತ್ ಟೈಟಾನ್ಸ್ ಪರ್ಸ್ನಲ್ಲಿರೋದು 38.15 ಕೋಟಿ ರೂಪಾಯಿ. ಸದ್ಯ ಜಿಟಿ ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್, ಇಂಗ್ಲೆಂಡ್ನ ಹ್ಯಾರಿ ಬ್ರೂಕ್ ಮತ್ತು ನ್ಯೂಜಿಲ್ಯಾಂಡ್ನ ಫಿನ್ ಅಲೆನ್ರನ್ನ ಖರೀದಿಸೋಕೆ ಗುಜರಾತ್ ಟೈಟಾನ್ಸ್ ಮ್ಯಾನೇಜ್ಮೆಂಟ್ ಪ್ಲ್ಯಾನ್ ಮಾಡ್ತಿದೆ.
ಮುಂಬೈ ಇಂಡಿಯನ್ಸ್
ಇನ್ನು ಮುಂಬೈ ಇಂಡಿಯನ್ಸ್ ಅಂತೂ ಈಗಾಗ್ಲೇ ಗುಜರಾತ್ ಟೈಟಾನ್ಸ್ನಲ್ಲಿದ್ದ ಹಾರ್ದಿಕ್ ಪಾಂಡ್ಯಾರನ್ನ 15 ಕೋಟಿಗೂ ಹೆಚ್ಚು ಹಣ ಕೊಟ್ಟು ತಂಡಕ್ಕೆ ಸೇರ್ಪಡೆಗೊಳಿಸಿದೆ. ಜೊತೆಗೆ ಲಕ್ನೋ ಸೂಪರ್ ಜಯಾಂಟ್ಸ್ನಲ್ಲಿದ್ದ ವೆಸ್ಟ್ಇಂಡೀಸ್ ಮೂಲದ ಬೌಲರ್ ರೊಮಾರಿಯೊ ಶೆಫರ್ಡ್ರನ್ನ ಕೂಡ ಪರ್ಚೇಸ್ ಮಾಡಿದೆ. ಹೀಗಾಗಿ ಆಕ್ಷನ್ನಂದು ಪ್ಲೇಯರ್ಸ್ಗಳನ್ನ ಖರೀದಿಸೋಕೆ ಅಂಬಾನಿ ಪರ್ಸ್ನಲ್ಲಿ 17.75 ಕೋಟಿ ರೂಪಾಯಿ ಅಷ್ಟೇ ಉಳಿದಿದೆ. ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗರಾದ ಜಾರ್ಜ್ ಲಿಂಡೆ ಮತ್ತು ಬ್ಯೂರನ್ ಹೆಂಡ್ರಿಕ್ಸ್ರನ್ನ ಮುಂಬೈ ಇಂಡಿಯನ್ಸ್ ಖರೀದಿಸುವ ಸಾಧ್ಯತೆ ಇದೆ. ಹಾಗೆಯೇ ಬಾಂಗ್ಲಾದೇಶದ ಮುಜೀಬ್ ಉರ್ ರೆಹ್ಮಾನ್ ಮೇಲೆಯೂ ಮುಂಬೈ ಇಂಡಿಯನ್ಸ್ ಕಣ್ಣಿಟ್ಟಿದೆ.
ದೆಹಲಿ ಕ್ಯಾಪಿಟಲ್ಸ್
ದೆಹಲಿ ಕ್ಯಾಪಿಟಲ್ಸ್ ಈಗಾಗ್ಲೇ 11 ಮಂದಿ ಆಟಗಾರರನ್ನ ರಿಲೀಸ್ ಮಾಡಿದೆ. 9 ಸ್ಲಾಟ್ಗಳಲ್ಲಿ ಫಿಲ್ ಮಾಡಬೇಕಿದೆ. ಫ್ರಾಂಚೈಸಿಯ ಪರ್ಸ್ನಲ್ಲಿ 28.95 ಕೋಟಿ ರೂಪಾಯಿ ಬಾಕಿ ಉಳಿದಿದೆ. ಒಟ್ಟು ಮೂವರು ಪ್ಲೇಯರ್ಸ್ಗಳನ್ನ ಡಿಸಿ ಟಾರ್ಗೆಟ್ ಮಾಡಿದೆ. ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್, ಡೇವಿಡ್ ವಾರ್ನರ್, ಪ್ಯಾಟ್ ಕಮಿನ್ಸ್ ಮತ್ತು ನ್ಯೂಜಿಲ್ಯಾಂಡ್ನ ರಚಿನ್ ರವೀಂದ್ರ ಹಾಗೆಯೇ ಡ್ಯಾರಿಲ್ ಮಿಚೆಲ್ ಮೇಲೆ ಹೂಡಿಕೆ ಮಾಡೋಕೆ ದೆಹಲಿ ಕ್ಯಾಪಿಟಲ್ಸ್ ಪ್ಲ್ಯಾನ್ ಮಾಡಿದೆ.
ಲಕ್ನೋ ಸೂಪರ್ ಜೈಂಟ್ಸ್
ಕೆಎಲ್ ರಾಹುಲ್ ನೇತೃತ್ವದ ಲಕ್ನೋ ಸೂಪರ್ ಜೇಂಟ್ಸ್ಗೆ ಇನ್ನೂ ಆರು ಮಂದಿ ಆಟಗಾರರ ಅವಶ್ಯಕತೆ ಇದೆ. ಲಕ್ನೋ ಫ್ರಾಂಚೈಸಿ ಪರ್ಸ್ನಲ್ಲಿ 13.15 ಕೋಟಿ ರೂಪಾಯಿ ಇದೆ. ದೆಹಲಿ ಕ್ಯಾಪಿಟಲ್ಸ್ನಂತೆ ಲಕ್ನೋ ಸೂಪರ್ ಜಯಾಂಟ್ಸ್ ಕೂಡ ನ್ಯೂಜಿಲ್ಯಾಂಡ್ನ ಡ್ಯಾರಿಲ್ ಮಿಚೆಲ್ ಮತ್ತು ಬಾಂಗ್ಲಾದೇಶದ ಶಕಿಬುಲ್ ಹಸನ್ ಮೇಲೆ ಕಣ್ಣಿಟ್ಟಿದೆ.
ಕೊಲ್ಕತ್ತಾ ನೈಟ್ ರೈಡರ್ಸ್
ಕೊಲ್ಕತ್ತಾ ನೈಟ್ ರೈಡರ್ಸ್ಗಂತೂ ಈ ಬಾರಿಯ ಆಕ್ಷನ್ ತುಂಬಾನೆ ಇಂಪಾರ್ಟೆಂಟ್. ಯಾಕಂದ್ರೆ ಕೆಕೆಆರ್ ಈ ಬಾರಿ ಒಟ್ಟು 12 ಪ್ಲೇಯರ್ಸ್ಗಳನ್ನ ರಿಲೀಸ್ ಮಾಡಿದೆ. 32.7 ಕೋಟಿ ರೂಪಾಯಿ ಕೆಕೆಆರ್ ಪರ್ಸ್ನಲ್ಲಿದೆ. ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ಗೆ ಕೆಕೆಆರ್ ಕೂಡ ಗಾಳ ಹಾಕ್ತಿದೆ. ಇದ್ರ ಜೊತೆಗೆ ರಿಂಕು ಸಿಂಗ್ಗೆ ಇನ್ನೊಬ್ಬ ಫಿನಿಶಿಂಗ್ ಪಾರ್ಟ್ನರ್ ನೀಡೋಕೆ ಕೂಡ ಕೆಕೆಆರ್ ಪ್ಲ್ಯಾನ್ ಮಾಡಿದೆ. ಇನ್ನು ಆಸ್ಟ್ರೇಲಿಯಾ ಜಾಶ್ ಹೇಜಲ್ವುಡ್ರನ್ನ ಪರ್ಚೇಸ್ ಮಾಡೋಕೆ ಕೂಡ ಕೆಕೆಆರ್ ಚಿಂತನೆ ನಡೆಸಿದೆ.
ಸನ್ ರೈಸರ್ಸ್ ಹೈದರಾಬಾದ್
ಸನ್ ರೈಸರ್ಸ್ ಹೈದರಾಬಾದ್ ಪರ್ಸ್ನಲ್ಲಿ ಈಗ ಸುಮಾರು 34 ಕೋಟಿ ರೂಪಾಯಿ ಇದೆ. ಅಫ್ಘಾನಿಸ್ತಾನದ ಮೊಹಮ್ಮದ್ ನಬಿ ಮೇಲೆ ಎಸ್ಆರ್ಎಚ್ ಒಂದು ಕಣ್ಣಿಟ್ಟಿದೆ. ಜೊತೆಗೆ ಟ್ರಾಔಇಸ್ ಹೆಡ್, ಡ್ಯಾರಿಲ್ ಮಿಚೆಲ್ ಮತ್ತು ರಚಿನ್ ರವೀಂದ್ರ ಮೇಲೆಯೂ ಬಿಡ್ಡಿಂಗ್ ಮಾಡೋಕೆ ಸನ್ ರೈಸರ್ಸ್ ಮ್ಯಾನೇಜ್ಮೆಂಟ್ ಪ್ಲ್ಯಾನ್ ಮಾಡಿದೆ.
ರಾಜಸ್ಥಾನ ರಾಯಲ್ಸ್
ರಾಜಸ್ಥಾನ ರಾಯಲ್ಸ್ ಈಗಾಗ್ಲೇ ಜೋ ರೂಟ್ ಮತ್ತು ಜೇಸನ್ ಹೋಲ್ಡರ್ರನ್ನ ರಿಲೀಸ್ ಮಾಡಿದೆ. ಈಗ ಒಟ್ಟು ಐದು ಮಂದಿ ಪ್ಲೇಯರ್ಸ್ಗಳಲ್ಲಿ ಖರೀದಿಸೋ ಪ್ಲ್ಯಾನ್ನಲ್ಲಿದೆ. ಹ್ಯಾರಿ ಬ್ರೂಕ್, ಡ್ಯಾರಿಲ್ ಮಿಚೆಲ್, ಸ್ಟೀವ್ ಸ್ಮಿತ್, ರೋವ್ಮನ್ ಪೋವೆಲ್ ಮತ್ತು ಶಾರುಖ್ ಖಾನ್ರನ್ನ ತಂಡಕ್ಕೆ ಸೇರ್ಪಡೆಗೊಳಿಸೋಕೆ ರಾಜಸ್ಥಾನ ರಾಯಲ್ಸ್ ಪ್ಲ್ಯಾನ್ ಮಾಡಿದೆ. ರಾಯಲ್ಸ್ ಪರ್ಸ್ನಲ್ಲಿ ಇನ್ನು 14.5 ಕೋಟಿ ರೂಪಾಯಿ ಇದೆ.
ಪಂಜಾಬ್ ಕಿಂಗ್ಸ್
ಇನ್ನು ಪಂಜಾಬ್ ಕಿಂಗ್ಸ್ ಈಗಾಗ್ಲೇ 17 ಪ್ಲೇಯರ್ಸ್ಗಳನ್ನ ರೀಟೇನ್ ಮಾಡಿದೆ. 29.1 ಕೋಟಿ ರೂಪಾಯಿ ಪಂಜಾಬ್ ಫ್ರಾಂಚೈಸಿ ಪರ್ಸ್ನಲ್ಲಿದೆ. ಸದ್ಯ ಪಂಜಾಬ್ ಇಂಗ್ಲೆಂಡ್ನ ಹ್ಯಾರಿ ಬ್ರೂಕ್ರನ್ನ ಪರ್ಚೇಸ್ ಮಾಡೋಕೆ ಪ್ಲ್ಯಾನ್ ಮಾಡ್ತಿದೆ. ಇದ್ರ ಜೊತೆಗೆ ಶಾರುಕ್ ಖಾನ್ ಮೇಲೂ ಕಣ್ಣಿಟ್ಟಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ಐಪಿಎಲ್ನ 17ನೇ ಸೀಸನ್ನಲ್ಲಾದ್ರೂ ಕಪ್ ಗೆಲ್ಲೋಣ ಅಂದುಕೊಂಡಿರೋ ಆರ್ಸಿಬಿ ಈಗಾಗ್ಲೇ ಆಸ್ಟ್ರೇಲಿಯಾದ ಜಾಶ್ ಹೇಜಲ್ವುಡ್ರನ್ನ ರಿಲೀಸ್ ಮಾಡಿಯಾಗಿದೆ. ಹರ್ಷಲ್ ಪಟೇಲ್ ಮತ್ತು ಹಸರಂಗ ಕೂಡ ಟೀಂನಲ್ಲಿ ಇರೋದಿಲ್ಲ. ಮುಂಬೈ ಇಂಡಿಯನ್ಸ್ನಿಂದ ಕ್ಯಾಮರೂನ್ ಗ್ರೀನ್ರನ್ನ ಖರೀದಿ ಮಾಡದೆ. ಆಟಗಾರರನ್ನ ಪರ್ಚೇಸ್ ಮಾಡೋಕೆ ಆರ್ಸಿಬಿ ಪರ್ಸ್ನಲ್ಲಿ ಉಳಿದಿರೋದು 23.25 ಕೋಟಿ ರೂಪಾಯಿ. ಇಷ್ಟು ಹಣದಲ್ಲಿ ಆರು ಸ್ಲಾಟ್ಗಳನ್ನ ಫಿಲ್ ಮಾಡಬೇಕು. ಇದೀಗ ಆರ್ಸಿಬಿ ಒಟ್ಟು ಐದು ಮಂದಿ ಆಟಗಾರರನ್ನ ಟಾರ್ಗೆಟ್ ಮಾಡುವ ಸಾಧ್ಯತೆ ಇದೆ. ಕಾರ್ತಿಕ್ ತ್ಯಾಗಿ, ಆದಿಲ್ ರಶೀದ್, ಮಿಚೆಲ್ ಸ್ಟಾರ್ಕ್, ಶಾರುಖ್ ಖಾನ್ ಮತ್ತು ಡೇನಿಯಲ್ ಸ್ಯಾಮ್ಸ್. ಈ ಐವರ ಮೇಲೆ ಬಿಡ್ಡಿಂಗ್ ಮಾಡೋಕೆ ಆರ್ಸಿಬಿ ಮ್ಯಾನೇಜ್ಮೆಂಟ್ ಮುಂದಾಗಿದೆ.
ಅಂತೂ ಈ ಬಾರಿಯ ಬಿಡ್ಡಿಂಗ್ನಲ್ಲಿ ಟ್ರಾವಿಸ್ ಹೆಡ್, ಡ್ಯಾರೆಲ್ ಮಿಚೆಲ್, ರಚಿನ್ ರವೀಂದ್ರ ಮತ್ತು ಶಾರುಖ್ ಖಾನ್ ಈ ನಾಲ್ಕೂ ಮಂದಿಗೆ ಭಾರಿ ಡಿಮ್ಯಾಂಡ್ ಕ್ರಿಯೇಟ್ ಆಗಿದೆ. ಡಿಸೆಂಬರ್ 19ರಂದು ದುಬೈನಲ್ಲಿ ಆಕ್ಷನ್ ನಡೆಯಲಿದ್ದು, ಯಾರು ಎಷ್ಟು ಕೋಟಿ ಬಾಚುತ್ತಾರೋ ನೋಡಬೇಕಿದೆ.