RCBಗೆ ಇನ್ನೂ ಕ್ಯಾಪ್ಟನ್ ಕನ್ಫ್ಯೂಷನ್ – ಐಪಿಎಲ್ ನ 10 ತಂಡಗಳಿಗೆ ಯಾರೆಲ್ಲಾ ಕ್ಯಾಪ್ಟನ್ಸ್?

ಭಾರತದಲ್ಲಿ ಈಗಾಗ್ಲೇ ಐಪಿಎಲ್ ಫೀವರ್ ಶುರುವಾಗಿದ್ದು, ದಿನಕ್ಕೊಂದು ಡವಲಪ್ಮೆಂಟ್ಸ್ ಹೊರ ಬೀಳ್ತಿದೆ. ಹಾಗೇ ಫ್ರಾಂಚೈಸಿಗಳು ತಮ್ಮ ತಮ್ಮ ತಂಡಗಳ ಕ್ಯಾಪ್ಟನ್ಗಳನ್ನ ಘೋಷಣೆ ಮಾಡ್ತಿದ್ದಾರೆ. ಈಗಾಗ್ಲೇ ಪಂಜಾಬ್ ಕಿಂಗ್ಸ್ ತಂಡಕ್ಕೆ ಶ್ರೇಯಸ್ ಅಯ್ಯರ್ ಅವ್ರನ್ನ ಕ್ಯಾಪ್ಟನ್ ಮಾಡಲಾಗಿದ್ದು, ಹಿಂದಿ ಬಿಗ್ ಬಾಸ್ ಶೋನಲ್ಲೇ ಅನೌನ್ಸ್ ಮಾಡಿದ್ದಾರೆ. ಹಾಗೇ ಲಕ್ನೋ ಸೂಪರ್ ಜೇಂಟ್ಸ್ ತಂಡದ ಕ್ಯಾಪ್ಟನ್ ಆಗಿ ರಿಷಭ್ ಪಂತ್ ಅವ್ರನ್ನ ಘೋಷಿಸಿದ್ದಾರೆ. ಇನ್ನುಳಿದಂತೆ ಕೆಲ ತಂಡಗಳ ನಾಯಕರು ಮೊದಲೇ ಫಿಕ್ಸ್ ಆಗಿದ್ದಾರೆ. ಬಟ್ ವಾಟ್ ಅಬೌಟ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು. ಆರ್ಸಿಬಿ ಕ್ಯಾಪ್ಟನ್ ಯಾರು ಅನ್ನೋ ಕನ್ಫ್ಯೂಷನ್ ಮಾತ್ರ ಮುಗಿದಿಲ್ಲ. ಫ್ರಾಂಚೈಸಿಯೂ ಕ್ಲಾರಿಟಿ ಕೊಟ್ಟಿಲ್ಲ.

ಇದನ್ನೂ ಓದಿ : ಚಾಂಪಿಯನ್ಸ್ ಟ್ರೋಫಿಗೆ ಪ್ಲೇಯಿಂಗ್ 11ನಿಂದ ಯಾರು ಔಟ್? – KL ಅವಕಾಶ ಕಿತ್ತುಕೊಳ್ತಾರಾ?

ಪ್ಲೇ ಬೋಲ್ಡ್ ಎಂಬ ಟ್ಯಾಗ್ಲೈನ್ಗೆ ತಕ್ಕಂತೆ ಹರಾಜಿನಲ್ಲಿ ಬೋಲ್ಡ್ ಡಿಸಿಷನ್ಸ್ ತೆಗೆದುಕೊಂಡಿರುವ ಆರ್ಸಿಬಿ, ಹೊಸ ಬಲಿಷ್ಠ ತಂಡವನ್ನೇ ಕಟ್ಟಿದೆ. ಆದ್ರೆ, ಕ್ಯಾಪ್ಟನ್ಸಿ ಮೆಟಿರಿಯಲ್ ಆಟಗಾರನನ್ನ ಖರೀದಿಸದ ಆರ್ಸಿಬಿ, ವಿರಾಟ್ ಕೊಹ್ಲಿಯನ್ನೇ ನಾಯಕನಾಗಿ ನೇಮಿಸುತ್ತೆ ಎಂಬ ಚರ್ಚೆ ನಡೀತಿದೆ. 2013 ರಿಂದ 2021ರವರೆಗೆ ನಾಯಕನಾಗಿ ತಂಡವನ್ನ ಲೀಡ್ ಮಾಡಿದ್ರು. 2021ರಲ್ಲಿ ನಾಯಕತ್ವ ತ್ಯಜಿಸಿದ್ದ ವಿರಾಟ್ ಕೊಹ್ಲಿ ಈಗ ಮತ್ತೆ 4 ವರ್ಷಗಳ ಬಳಿಕ ನಾಯಕತ್ವದ ಹುದ್ದೆಗೇರುತ್ತಾರೆ ಅನ್ನೋ ಮಾತುಗಳು ಕೇಳಿ ಬರ್ತಿವೆ.. 2008ರಿಂದ ಈವರೆಗೆ ಆರ್ಸಿಬಿ ಒಂದಲ್ಲ.. ಎರಡಲ್ಲ ಬರೋಬ್ಬರಿ 7 ನಾಯಕರನ್ನ ಕಂಡಿದೆ. ಆದ್ರೆ, ಈ ಪೈಕಿ ಯಶಸ್ವಿ ನಾಯಕ ಎನಿಸಿಕೊಂಡಿರೋದು ವಿರಾಟ್ ಕೊಹ್ಲಿ ಮಾತ್ರ. ಕಪ್ ಗೆದ್ದಿಲ್ಲ ಎಂಬ ಹಣೆ ಪಟ್ಟಿ ಬಿಟ್ಟರೆ, ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ತಂಡ ಅದ್ಭುತ ಪ್ರದರ್ಶನ ನೀಡಿದೆ.

ಐಪಿಎಲ್ನಲ್ಲಿ 5 ಸಲ ಟ್ರೋಫಿ ಗೆದ್ದಿರೋ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಘಟಾನುಘಟಿ ಆಟಗಾರರ ದಂಡೇ ಇದೆ. ಟೀಂ ಇಂಡಿಯಾ ಕ್ಯಾಪ್ಟನ್ ರೋಹಿತ್ ಶರ್ಮಾ, ಟಿ-20 ಕ್ಯಾಪ್ಟನ್ ಸೂರ್ಯಕುಮಾರ್ ಯಾದವ್, ಉಪನಾಯಕ ಜಸ್ಪ್ರೀತ್ ಬುಮ್ರಾ ಹೀಗೆ ಸ್ಟಾರ್ ಪ್ಲೇಯರ್ಸ್ ಇದ್ದಾರೆ. ಬಟ್ ಅಂತಿಮವಾಗಿ ಹಾರ್ದಿಕ್ ಪಾಂಡ್ಯವೇ ಈ ಸಲವೂ ಮುಂಬೈ ತಂಡವನ್ನ ಮುನ್ನಡೆಸಲಿದ್ದಾರೆ.

ಇನ್ನು ಐಪಿಎಲ್ನ ಮತ್ತೊಂದು ಸಕ್ಸಸ್ಫುಲ್ ಟೀಂ ಅಂದ್ರೆ ಚೆನ್ನೈ ಸೂಪರ್ ಕಿಂಗ್ಸ್. 5 ಸಲ ಟ್ರೋಫಿ ಗೆದ್ದು ಬೀಗಿದೆ. ಮಹೇಂದ್ರ ಸಿಂಗ್ ಧೋನಿ ನಿವೃತ್ತಿ ಅಂಚಿನಲ್ಲಿದ್ದು ಕಳೆದ ವರ್ಷ ರುತುರಾಜ್ ಗಾಯಕ್ವಾಡ್ ಕ್ಯಾಪ್ಟನ್ ಆಗಿದ್ರು. ಸೋ ಈ ವರ್ಷವೂ ರುತುರಾಜ್ ಕ್ಯಾಪ್ಟನ್ ಆಗಿ ಕಂಟಿನ್ಯೂ ಆಗ್ತಾರೆ.

ಹಾರ್ದಿಕ್ ಪಾಂಡ್ಯ ಮುಂಬೈ ಸೇರಿದಮೇಲೆ ಗುಜರಾಜ್ ತಂಡದ ಕ್ಯಾಪ್ಟನ್ ಆಗಿದ್ದ ಶುಭ್ಮನ್ ಗಿಲ್ ಈ ವರ್ಷವೂ ಕೂಡ ತಂಡವನ್ನ ಲೀಡ್ ಮಾಡ್ತಾರೆ. ಬಟ್ ರಶೀದ್ ಖಾನ್ ಹೆಸ್ರು ಕೇಳಿ ಬರ್ತಿದೆಯಾದ್ರೂ ಅಂತಿಮವಾಗಿ ಗಿಲ್ಗೆ ಮಣೆ ಹಾಕಬಹುದು.

ಇನ್ನು ರಾಜಸ್ತಾನ ರಾಯಲ್ಸ್ ತಂಡವನ್ನ ಕಳೆದ ಬಾರಿಯಂತೆಯೇ ಈ ವರ್ಷವೂ ಸಂಜು ಸ್ಯಾಮ್ಸನ್ ಲೀಡ್ ಮಾಡಲಿದ್ದಾರೆ. ಯಾವುದೇ ಬದಲಾವಣೆಗಳು ಇರೋದಿಲ್ಲ. ಉದ್ಘಾಟನಾ ಸೀಸನ್‌ನಲ್ಲಿ ದಿವಂಗತ ಶೇನ್ ವಾರ್ನ್ ನಾಯಕತ್ವದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡವು ವಿಜಯಶಾಲಿಯಾಗಿತ್ತು. ಅದರ ನಂತರ ಅವರು ಮತ್ತೆ ಕಪ್‌ಗೆ ಮುತ್ತಿಡಲಾಗಲಿಲ್ಲ. ಕಳೆದ ಬಾರಿ ರಾಯಲ್ಸ್ ತಂಡವನ್ನ ಉತ್ತಮವಾಗಿ ಸಂಜು ಮುನ್ನಡೆಸಿದ್ದರು.

2024ರ ಐಪಿಎಲ್ ನ ರನ್ನರ್ ಅಪ್ ಆಗಿರುವ ಸನ್ ರೈಸರ್ಸ್ ಹೈದ್ರಾಬಾದ್ ತಂಡವನ್ನ ಈ ಬಾರಿಯೂ ಪ್ಯಾಟ್ ಕಮಿನ್ಸ್ ಲೀಡ್ ಮಾಡಲಿದ್ದಾರೆ. ಈ ಸಲ ಹೈದ್ರಾಬಾದ್ ತಂಡದಲ್ಲಿ ಸ್ಟಾರ್ ಆಟಗಾರರ ದಂಡೇ ಇದೆ. ಮೊಹಮ್ಮದ್ ಶಮಿ, ಇಶಾನ್ ಕಿಶನ್, ಹೆನ್ರಿಕ್ ಕ್ಲಾಸೆನ್, ಹರ್ಷಲ್ ಪಟೇಲ್ ಹೀಗೆ ಬಲಿಷ್ಠ ತಂಡವನ್ನೇ ಕಟ್ಟಿದೆ. ಈ ಸಲ ಕಪ್ ಗೆಲ್ಲೋಕೆ ಟಾರ್ಗೆಟ್ ಇಟ್ಕೊಂಡಿದೆ.

ಇನ್ನು ಪಂಬಾಬ್ ಕಿಂಗ್ಸ್ ಐಪಿಎಲ್ ಮೆಗಾ ಹರಾಜಿನಲ್ಲಿ ಶ್ರೇಯಸ್ ಅಯ್ಯರ್ 26 ಕೋಟಿ ರೂಪಾಯಿ ನೀಡಿ ಖರೀದಿ ಮಾಡಿತ್ತು. ಸೋ ಕ್ಯಾಪ್ಟನ್ ಎಂದೇ ಖರೀದಿ ಮಾಡಿದ ಶ್ರೇಯಸ್ಗೆ ಪಟ್ಟ ಕಟ್ಟಿಯಾಗಿದೆ.

ಕಳೆದ ಮೂರು ಆವೃತ್ತಿಗಳಿಂದ ಲಕ್ನೋ ತಂಡವನ್ನ ಕನ್ನಡಿಗ ಕೆಎಲ್ ರಾಹುಲ್ ಮುನ್ನಡೆಸಿದ್ರು. ಆದ್ರೆ ಓನರ್ ಜೊತೆ ಆದ ಕೆಲ ಮನಸ್ತಾಪಗಳಿಂದ ತಂಡವನ್ನ ತೊರೆದಿದ್ರು. ಐಪಿಎಲ್ ಹರಾಜಿನಲ್ಲಿ ಲಕ್ನೋ ತಂಡ ಬರೋಬ್ಬರಿ 27 ಕೋಟಿ ರೂಪಾಯಿಗೆ ರಿಷಭ್ ಪಂತ್ ಅವ್ರನ್ನ ಖರೀದಿ ಮಾಡಿತ್ತು. ಅಂತೆಯೇ ಪಂತ್ಗೆ ನಾಯಕತ್ವ ನೀಡಿ ಘೋಷಣೆ ಮಾಡಿದೆ.

ಇನ್ನು ಈವರೆಗೂ ಟ್ರೋಫಿಯನ್ನೇ ಗೆಲ್ಲದ ಲಕ್ನೋ ಸೂಪರ್ ಜೇಂಟ್ಸ್ ಕೂಡ ಈ ಸಲ ಕಪ್ ಗೆಲ್ಲೋ ನಿರೀಕ್ಷೆಯಲ್ಲಿದೆ. ಪಂತ್ ತಂಡ ಬಿಟ್ಟಮೇಲೆ ಈ ಸಲ ಯಾರು ಕ್ಯಾಪ್ಟನ್ ಅನ್ನೋ ಚರ್ಚೆ ನಡೀತಿದೆ. ಕೆಎಲ್ ರಾಹುಲ್ ಮತ್ತು ಅಕ್ಷರ್ ಪಟೇಲ್ ನಡುವೆ ಫೈಟ್ ಇದೆ. ಅಂತಿಮವಾಗಿ ಯಾರಿಗೆ ನಾಯಕತ್ವ ಸಿಗುತ್ತೋ ಕಾದು ನೋಡ್ಬೇಕು.

ಹಾಲಿ ಚಾಂಪಿಯನ್ ತಂಡದ ಕ್ಯಾಪ್ಟನ್ ಆಗಿದ್ದ ಶ್ರೇಯಸ್ ಅಯ್ಯರ್ ಸದ್ಯ ಪಂಜಾಬ್ ಸೇರಿದ್ದಾರೆ. ಸೋ ಈ ಸಲ ವೆಂಕಟೇಶ್ ಅಯ್ಯರ್ ಗೆ ಕೆಕೆಆರ್ ನಾಯಕತ್ವ ನೀಡೋ ಮಾತುಗಳು ಕೇಳಿ ಬರ್ತಿವೆ. ಬಟ್ ಯಾರು ಅನ್ನೋದು ಫೈನಲ್ ಆಗಿಲ್ಲ.