ನೋಡಿರಿ
ರಾಹುಲ್, ನಿಸ್ಸಾಂಕ ರಣಾರ್ಭಟ – ರಾಜಸ್ಥಾನ್ ವಿರುದ್ಧ 7 ವಿಕೆಟ್ಗಳಿಂದ ಗೆದ್ದ ಡೆಲ್ಲಿ
ರಾಜಸ್ಥಾನ್ ರಾಯಲ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಹೈವೋಲ್ಟೇಜ್ ಪಂದ್ಯದಲ್ಲಿ ಡೆಲ್ಲಿ ಗೆದ್ದು ಬೀಗಿದೆ. ಕನ್ನಡಿಗ ಕೆ.ಎಲ್.ರಾಹುಲ್, ಪಾತುಮ್ ನಿಸ್ಸಾಂಕಾ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ.
ಇದನ್ನೂ ಓದಿ: ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಮಹತ್ವದ ಸುದ್ದಿ! – ಇನ್ಮುಂದೆ ಕ್ರೆಡಿಟ್ ಕಾರ್ಡ್ ಬಿಲ್ ತಡವಾದ್ರೂ ಟೆನ್ಷನ್ ಬೇಡ!
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ರಾಜಸ್ಥಾನ್ ರಾಯಲ್ಸ್ ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 225 ರನ್ ಗಳಿಸಿತು. ಗೆಲುವಿನ ಗುರಿ ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ಸ್ 5 ಎಸೆತಗಳಿರುವಾಗಲೇ 3 ವಿಕೆಟ್ ನಷ್ಟಕ್ಕೆ 226 ರನ್ ಗಳಿಸಿ ಭರ್ಜರಿ ಜಯ ಗಳಿಸಿದೆ.
ಚೇಸಿಂಗ್ ಶುರು ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ಉತ್ತಮ ಆರಂಭವನ್ನೇ ನೀಡಿತು. ನಿಸ್ಸಾಂಕಾ, ರಾಹುಲ್ ಸೇರಿಕೊಂಡು ಭರ್ಜರಿ ಸಿಕ್ಸ್, ಬೌಂಡರಿಗಳ ಸುರಿಮಳೆ ಸುರಿಸಿದರು. 57 ಎಸೆತಕ್ಕೆ ಬರೋಬ್ಬರಿ 110 ರನ್ಗಳ ಜೊತೆಯಾಟವಾಡಿ ತಂಡವನ್ನು ಮುನ್ನಡೆಸಿದರು. 9.3 ಓವರ್ನಲ್ಲಿ ಶತಕದ ಗಡಿದಾಟಿದ್ದ ಡೆಲ್ಲಿ ಮೊದಲ ವಿಕೆಟ್ ಕಳೆದುಕೊಂಡಿತು. ಬಳಿಕ ನಿತೀಶ್ ರಾಣಾ, ಆಶುತೋಶ್ ವಿಕ್ಟರಿಗೆ ಸಾಥ್ ನೀಡಿದರು.
ಪಾತುಮ್ ನಿಸ್ಸಾಂಕಾ 33 ಎಸೆತಗಳಲ್ಲಿ 62 ರನ್, ಕೆಎಲ್ ರಾಹುಲ್ 40 ಎಸೆತಗಳಲ್ಲಿ 5 ಸಿಕ್ಸ್, 6 ಬೌಂಡರಿ ಬಾರಿಸಿ 75 ರನ್ ಗಳಿಸಿದರು. ನಿತೀಶ್ ರಾಣಾ 17 ಎಸೆತಗಳಲ್ಲಿ 33 ರನ್, ಸ್ಟಬ್ಸ್ 11 ಎಸೆತಗಳಲ್ಲಿ 18 ರನ್, ಆಶುತೋಶ್ 15 ಎಸೆತಗಳಲ್ಲಿ 25 ರನ್ ಗಳಿಸಿದರು. ರಾಜಸ್ಥಾನ್ ಪರ ಬೌಲಿಂಗ್ ಮಾಡಿದ ರವೀಂದ್ರ ಜಡೇಜಾ, ಆರ್ಚರ್, ತುಷಾರ್ ದೇಶಪಾಂಡೆ ತಲಾ ಒಂದೊಂದು ವಿಕೆಟ್ ಪಡೆದರು.
ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್ ರಾಯಲ್ಸ್ ಆರಂಭದಲ್ಲೇ ಉತ್ತಮ ಬ್ಯಾಟಿಂಗ್ ಮಾಡುವಲ್ಲಿ ವಿಫಲವಾಯಿತು. 6 ರನ್ ಇರುವಾಗಲೇ ಮೊದಲ ವಿಕೆಟ್ ಕಳೆದುಕೊಂಡ ರಾಜಸ್ಥಾನ್ 12 ರನ್ ಇರುವಾಗ ಎರಡನೇ ವಿಕೆಟ್ ಕಳೆದುಕೊಂಡಿತು. ಬಳಿಕ ಕ್ರೀಸ್ಗೆ ಬಂದ ಜುರೆಲ್ ಹಾಗೂ ರಿಯಾನ್ ಪರಾಗ್ ಬೌಲರ್ಗಳನ್ನು ದಂಡಿಸಿ, ಹಿಡಿತ ಸಾಧಿಸಿದರು. ಶತಕದ ಗಡಿಯಲ್ಲಿದ್ದ ರಿಯಾನ್ ಪರಾಗ್ ಸ್ಟಾರ್ಕ್ ಬೌಲಿಂಗ್ಗೆ ಬ್ಯಾಟ್ ಬೀಸಿ ಅಕ್ಷರ್ ಪಟೇಲ್ಗೆ ಕ್ಯಾಚ್ ನೀಡಿದರು. ಬಳಿಕ ಫೆರೀರಾ ದ್ವಿಶತಕದ ಗುರಿ ನೀಡಲು ನೆರವಾದರು.
ಧ್ರುವ್ ಜುರೆಲ್ 30 ಎಸೆತಗಳಲ್ಲಿ 42 ರನ್, ರಿಯಾನ್ ಪರಾಗ್ 50 ಎಸೆತಗಳಲ್ಲಿ 90 ರನ್, ಫೆರೀರಾ 14 ಎಸೆತಗಳಲ್ಲಿ 47 ರನ್, ರವೀಂದ್ರ ಜಡೇಜಾ 14 ಎಸೆತಗಳಲ್ಲಿ 20 ರನ್ ಗಳಿಸಿದರು. ಡೆಲ್ಲಿ ಪರ ಬೌಲಿಂಗ್ ಮಾಡಿದ ಮಿಚೆಲ್ ಸ್ಟಾರ್ಕ್ 3 ವಿಕೆಟ್ ಕಿತ್ತರು. ಜೇಮಿಸನ್, ಅಕ್ಷರ್ ಪಟೇಲ್, ನಟರಾಜನ್ ತಲಾ 1 ವಿಕೆಟ್ ಪಡೆದುಕೊಂಡರು.
