ನೋಡಿರಿ
ಡೆಲ್ಲಿ ವಿರುದ್ಧ ಗೆದ್ದು ಬೀಗಿದ ಕೆಕೆಆರ್ – ನೈಟ್‌ರೈಡರ್ಸ್‌ಗೆ 106 ರನ್‌ಗಳ ಭರ್ಜರಿ ಜಯ
ಇಂಡಿಯನ್ ಪ್ರೀಮಿಯರ್ ಲೀಗ್ ಹೈವೋಲ್ಟೇಜ್ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಹೀನಾಯ ಸೋಲು ಕಂಡಿದೆ. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕೆಕೆಆರ್ 106 ರನ್ಗಳಿಂದ ಗೆದ್ದು ಬೀಗಿದೆ.
ವೈ.ಎಸ್ ರಾಜಶೇಖರ್ ರೆಡ್ಡಿ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ, ಕೆಕೆಆರ್ ನೀಡಿದ ಬಿಗ್ ಟಾರ್ಗೆಟ್ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್ ಪರ ಕ್ಯಾಪ್ಟನ್ ರಿಷಬ್ ಪಂತ್ ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ವೆಂಕಟೇಶ್ ಅಯ್ಯರ್ ಒಂದೇ ಓವರ್ನಲ್ಲಿ 2 ಸಿಕ್ಸರ್, 4 ಫೋರ್ ಸೇರಿ 28 ರನ್ ಚಚ್ಚಿದ್ರು.
ಇದನ್ನೂ ಓದಿ: ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ ತಾಪಮಾನ – ಬೆಂಗಳೂರಿನಲ್ಲಿ ಇನ್ನಷ್ಟು ಬಿಸಿಗಾಳಿ ಹೆಚ್ಚಳ ಸಾಧ್ಯತೆ!
ರಿಷಬ್ ಪಂತ್ ತಾನು ಎದುರಿಸಿದ 24 ಬಾಲ್ನಲ್ಲಿ 55 ರನ್ ಸಿಡಿಸಿದ್ರು. ಈ ಪೈಕಿ 5 ಸಿಕ್ಸರ್, 4 ಫೋರ್ ಚಚ್ಚಿದ್ರು. ಹಲವು ದಿನಗಳ ಬಳಿಕ ಭರ್ಜರಿ ಕಮ್ಬ್ಯಾಕ್ ಮಾಡಿದ ಪಂತ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ರು. ಇವರಿಗೆ ಸಾಥ್ ಕೊಟ್ಟ ಸ್ಟಬ್ಸ್ 32 ಬಾಲ್ನಲ್ಲಿ 4 ಸಿಕ್ಸರ್, 4 ಫೋರ್ ಸಮೇತ 54 ರನ್ ಸಿಡಿಸಿದ್ರು. ವಾರ್ನರ್ 18, ಪೃಥ್ವಿ ಶಾ 10 ರನ್ ಗಳಿಸಿದ್ರು. ಡೆಲ್ಲಿ ಕೇವಲ 17.2 ಓವರ್ನಲ್ಲಿ 166 ರನ್ಗೆ ಆಲೌಟ್ ಆಗಿದೆ.
ಇನ್ನು, ಟಾಸ್ ಗೆದ್ದ ಕೆಕೆಆರ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದೆ. ಕೆಕೆಆರ್ ಪರ ಓಪನರ್ ಆಗಿ ಬಂದ ಸುನೀಲ್ ನರೈನ್ ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ಇನ್ನಿಂಗ್ಸ್ ಉದ್ಧಕ್ಕೂ ಡೆಲ್ಲಿ ಬೌಲರ್ಗಳ ಬೆಂಡೆತ್ತಿದ್ರು. ಸುನೀಲ್ ನರೈನ್ ಕೇವಲ 39 ಬಾಲ್ನಲ್ಲಿ 7 ಭರ್ಜರಿ ಸಿಕ್ಸರ್, 7 ಫೋರ್ ಸಮೇತ 85 ರನ್ ಸಿಡಿಸಿದ್ರು. ಇವರ ಬ್ಯಾಟಿಂಗ್ ಸ್ಟ್ರೈಕ್ ರೇಟ್ ಬರೋಬ್ಬರಿ 220 ಇತ್ತು.
ಬಳಿಕ ಬಂದ ರಘುವಂಶಿ ಕೂಡ ಬಿರುಸಿನ ಬ್ಯಾಟಿಂಗ್ ಮಾಡಿದ್ರು. ಕೇವಲ 27 ಬಾಲ್ನಲ್ಲಿ 3 ಸಿಕ್ಸರ್, 5 ಫೋರ್ ಸಮೇತ 54 ರನ್ ಚಚ್ಚಿದ್ರು. ಆಂಡ್ರೋ ರಸೆಲ್ ಕೇವಲ 19 ಬಾಲ್ನಲ್ಲಿ 3 ಸಿಕ್ಸರ್, 4 ಫೋರ್ ಸಮೇತ 41 ರನ್ ಬಾರಿಸಿದ್ರು. ಶ್ರೇಯಸ್ ಅಯ್ಯರ್ 2 ಸಿಕ್ಸರ್ ಸಮೇತ 18 ರನ್, ರಿಂಕು ಸಿಂಗ್ 3 ಸಿಕ್ಸರ್, 1 ಫೋರ್ನೊಂದಿಗೆ 26 ರನ್ ಗಳಿಸಿದ್ರು. ಈ ಮೂಲಕ ಕೆಕೆಆರ್ ನಿಗದಿತ 20 ಓವರ್ನಲ್ಲಿ 7 ವಿಕೆಟ್ ನಷ್ಟಕ್ಕೆ 272 ರನ್ ಪೇರಿಸಿ ಆರ್ಸಿಬಿ ದಾಖಲೆ ಮುರಿದಿದೆ. ಡೆಲ್ಲಿಗೆ 273 ರನ್ ಬಿಗ್ ಟಾರ್ಗೆಟ್ ಕೊಟ್ಟಿತ್ತು.
