ನೋಡಿರಿ
ಗುಜರಾತ್ ಟೈಟಾನ್ಸ್ ಮಣಿಸಿದ ಡೆಲ್ಲಿ ಕ್ಯಾಪಿಟಲ್ಸ್ – ಗುಜರಾತ್ ಗೆ ಹೀನಾಯ ಸೋಲು!
ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಗುಜರಾತ್ ಟೈಟನ್ಸ್ ನಡುವೆ ನಡೆದ ಹೈವೋಲ್ಟೇಜ್‌ ಪಂದ್ಯದಲ್ಲಿ ಡೆಸಿ ಗೆದ್ದು ಬೀಗಿದೆ. ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಗುಜರಾತ್ ಟೈಟಾನ್ಸ್ ವಿರುದ್ಧ 4 ರನ್‌ಗಳ ರೋಚಕ ಗೆಲುವು ಸಾಧಿಸಿದೆ.
ನ್ಯೂಡೆಲ್ಲಿ ಅರುಣ್ ಜೇಟ್ಲಿ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ ಪಂದ್ಯದಲ್ಲಿ ಡೆಲ್ಲಿ ನೀಡಿದ ಬಿಗ್ ಟಾರ್ಗೆಟ್ ಬೆನ್ನತ್ತಿದ ಗುಜರಾತ್ ಟೈಟನ್ಸ್ ಆರಂಭದಲ್ಲೇ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಕ್ಯಾಪ್ಟನ್ ಶುಭ್ಮನ್ ಗಿಲ್ ಕೇವಲ 6 ರನ್ಗೆ ವಿಕೆಟ್ ಒಪ್ಪಿಸಿದ್ರು. ವೃದ್ಧಿಮಾನ್ ಸಾಹ 1 ಸಿಕ್ಸರ್, 5 ಫೋರ್ ಸಮೇತ 39 ರನ್ ಸಿಡಿಸಿದ್ರು.
ಇದನ್ನೂ ಓದಿ: CSK ಸೋಲಿಗೆ ಧೋನಿ ಕಾರಣನಾ? – ಚಹಾರ್ ಗೆ ಬೌಲಿಂಗ್ ಕೊಟ್ಟಿಲ್ಲ ಯಾಕೆ? -ತಲೈವಾ ಫ್ಯಾನ್ಸ್ ರೊಚ್ಚಿಗೆದ್ದಿದ್ದೇಕೆ?
ಬಳಿಕ ಬಂದ ಸಾಯಿಸುದರ್ಶನ್ ಅದ್ಭುತ ಬ್ಯಾಟಿಂಗ್ ಮಾಡಿದ್ರು. ಕೇವಲ 39 ಬಾಲ್ನಲ್ಲಿ 2 ಸಿಕ್ಸರ್, 7 ಫೋರ್ ಸಮೇತ 65 ರನ್ ಚಚ್ಚಿದ್ರು. ಇವರಿಗೆ ಸಾಥ್ ಕೊಟ್ಟ ಡೇವಿಡ್ ಮಿಲ್ಲರ್ 23 ಬಾಲ್ನಲ್ಲಿ 3 ಸಿಕ್ಸರ್, 6 ಫೋರ್ನೊಂದಿಗೆ 55 ರನ್ ಬಾರಿಸಿದ್ರು. ಶಾರುಖ್ ಖಾನ್ 8, ಸಾಯ್ ಕಿಶೋರ್ 13, ರಶೀದ್ ಖಾನ್ 21 ರನ್ ಗಳಿಸಿದ್ರೂ ಸೋತರು. ಗುಜರಾತ್ 20 ಓವರ್ಗಳಲ್ಲಿ 220 ರನ್ ಗಳಿಸಿ ಫೈಟ್ ನೀಡಿತ್ತು.
ಟಾಸ್ ಸೋತರೂ ಫಸ್ಟ್ ಬ್ಯಾಟಿಂಗ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ಪರ ಓಪನರ್ ಆಗಿ ಬಂದ ಪೃಥ್ವಿ ಶಾ ಕೇವಲ 11 ರನ್ಗೆ ವಿಕೆಟ್ ಒಪ್ಪಿಸಿದ್ರು. ಬಳಿಕ ಮತ್ತೋರ್ವ ಓಪನರ್ ಜೇಕ್ ಫ್ರೇಸರ್ ಅವರು 14 ಬಾಲ್ನಲ್ಲಿ 2 ಸಿಕ್ಸರ್, 2 ಫೋರ್ ಸಮೇತ 23 ರನ್ ಸಿಡಿಸಿದ್ರು.
ಬಳಿಕ ಬಂದ ಅಕ್ಷರ್ ಪಟೇಲ್ ಕೇವಲ 43 ಬಾಲ್ನಲ್ಲಿ 4 ಸಿಕ್ಸರ್, 5 ಫೋರ್ನೊಂದಿಗೆ 66 ರನ್ ಚಚ್ಚಿದ್ರು. ಇವರಿಗೆ ಸಾಥ್ ಕೊಟ್ಟ ರಿಷಭ್ ಪಂತ್ ಕೇವಲ 43 ಬಾಲ್ನಲ್ಲಿ 8 ಸಿಕ್ಸರ್, 5 ಫೋರ್ನೊದಿಗೆ 88 ರನ್ ಸಿಡಿಸಿದ್ರು. ಕೊನೆಗೆ ಬಂದ ಸ್ಟಬ್ಸ್ 7 ಬಾಲ್ನಲ್ಲಿ 2 ಸಿಕ್ಸರ್, 3 ಫೋರ್ ಸಮೇತ 26 ರನ್ ಬಾರಿಸಿದ್ರು. ಡೆಲ್ಲಿ ಕ್ಯಾಪಿಟಲ್ಸ್ ನಿಗದಿತ 20 ಓವರ್ನಲ್ಲಿ 4 ವಿಕೆಟ್ ನಷ್ಟಕ್ಕೆ 224 ರನ್ ಕಲೆ ಹಾಕಿತ್ತು.
