ನೋಡಿರಿ
ಸಂಜು ಸ್ಯಾಮ್ಸನ್ಗೆ ಮತ್ತೆ ಅನ್ಯಾಯ – ಮಾತಾಡದೇ ಮನದಲ್ಲಿರುವ ನೋವನ್ನು ಮೆಸೇಜ್ ಮೂಲಕ ಹೊರಹಾಕಿದ ಸಂಜು
ವಿಶ್ವಕಪ್ಗೂ ಮುನ್ನ ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಮೂರು ಪಂದ್ಯಗಳ ಸರಣಿಗೆ ಈಗಾಗ್ಲೇ ಟೀಂ ಇಂಡಿಯಾ ಆಟಗಾರರ ಹೆಸರು ಅನೌನ್ಸ್ ಆಗಿದೆ. ಮೊದಲ ಎರಡು ಮ್ಯಾಚ್ಗಳಿಗೆ ಒಂದು ಟೀಂ, 3ನೇ ಮ್ಯಾಚ್ಗೆ ಮತ್ತೊಂದು ಟೀಂ ಮಾಡಲಾಗಿದೆ. ಆದರೆ, ಎರಡೂ ತಂಡಗಳಲ್ಲೂ ಸಂಜು ಸ್ಯಾಮ್ಸನ್ಗೆ ಮಾತ್ರ ಅವಕಾಶ ಸಿಕ್ಕಿಲ್ಲ. ಆದ್ರೆ ತಂಡದ ಅನೌನ್ಸ್ಮೆಂಟ್ ಆಗುತ್ತಲೇ, ತಮ್ಮ ಹೆಸರು ಲಿಸ್ಟ್ನಲ್ಲಿ ಇಲ್ಲ ಅನ್ನೋದು ಖಚಿತವಾಗುತ್ತಲೇ ಸಂಜು ಸೋಷಿಯಲ್ ಮೀಡಿಯಾದಲ್ಲಿ ಮಾರ್ಮಿಕವಾದ ಪೋಸ್ಟ್ ಒಂದನ್ನ ಮಾಡಿದ್ದಾರೆ.
ಇದನ್ನೂ ಓದಿ: ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಗೆ ಟೀಮ್ ಇಂಡಿಯಾ ಪ್ರಕಟ – ಮೊದಲೆರೆಡು ಪಂದ್ಯಕ್ಕೆ ಕೆ.ಎಲ್ ರಾಹುಲ್ ನಾಯಕ
ಸಂಜು ಒಂದು ಸ್ಮೈಲಿ ಇಮೋಜಿಯನ್ನ ಪೋಸ್ಟ್ ಮಾಡಿದ್ದು, ಅದರಲ್ಲಿಯೇ ತಮ್ಮ ಮನಸ್ಸಲ್ಲಿರುವ ಮೆಸೇಜ್ನ್ನ ಪಾಸ್ ಮಾಡಿದ್ದಾರೆ. ನೀವು ತಂಡಕ್ಕೆ ಸೆಲೆಕ್ಟ್ ಮಾಡಿದರೂ , ಮಾಡದಿದ್ದರೂ ನಾನು ಅದನ್ನು ಒಂದೇ ರೀತಿ ಸ್ವೀಕರಿಸುತ್ತೇನೆ. ಯಾರ ಮೇಲೂ ಸಿಟ್ಟಿಲ್ಲ.. ನಿಮ್ಮ ನಿರ್ಧಾರಕ್ಕೆ ಬೇಸರವೂ ಇಲ್ಲ.. ಹೆಚ್ಚೇನೂ ಹೇಳೋಕೆ ಹೋಗಲ್ಲ ಎಂಬಂತಿತ್ತು ಸಂಜು ಪೋಸ್ಟ್. ಆದರೆ, ಇಲ್ಲಿ ಸಂಜು ಏನೂ ಹೇಳದಿದ್ದರೂ, ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಮಾತ್ರ ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ. ಒಂದು ವೇಳೆ ನಾನು ಸಂಜು ಸ್ಯಾಮ್ಸನ್ ಸ್ಥಾನದಲ್ಲಿರುತ್ತಿದ್ದರೆ ಆಸ್ಟ್ರೇಲಿಯಾ ವಿರುದ್ಧದ ಸೀರಿಸ್ಗೂ ಡ್ರಾಪ್ ಮಾಡಿದ್ದಕ್ಕೆ ತೀವ್ರ ಬೇಸರಗೊಳ್ಳುತ್ತಿದ್ದೆ ಎಂದಿದ್ದಾರೆ. ಆಶ್ಚರ್ಯ ಏನಂದರೆ, ಸಂಜುರನ್ನ ಕೈಬಿಟ್ಟು ಒಂದೇ ಒಂದು ಒನ್ ಡೇ ಮ್ಯಾಚ್ ಆಡಿರುವ ಮುಂಬೈ ಮೂಲದ ಆಟಗಾರ ತಿಲಕ್ ವರ್ಮಾರನ್ನ ಆಸ್ಟ್ರೇಲಿಯಾ ಸೀರಿಸ್ಗೆ ಸೆಲೆಕ್ಟ್ ಮಾಡಲಾಗಿದೆ.
