ನೋಡಿರಿ
ಇಂಡಿಯಾ VS ಸೌತ್ ಆಫ್ರಿಕಾ – ಶತಕ ಹೊಡೆಯುತ್ತಾರಾ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ?
ಇಂಡಿಯಾ VS ಸೌತ್ ಆಫ್ರಿಕಾ.. ಪಾಯಿಂಟ್ಸ್ ಟೇಬಲ್ನಲ್ಲಿ ನಂ.1 ಮತ್ತು ನಂ.2 ಟೀಂಗಳ ಮಧ್ಯೆ ಜಿದ್ದಾಜಿದ್ದಿನ ಫೈಟ್ ಭಾನುವಾರ ನಡೆಯಲಿದೆ. ರಾಬಿನ್ ರೌಂಡ್ ಸ್ಟೇಜ್ನಲ್ಲಿ ಟೀಂ ಇಂಡಿಯಾ ಎದುರಿಸೋಕೆ ಬಾಕಿ ಇದ್ದ ಏಕೈಕ ಬಲಿಷ್ಠ ಎದುರಾಳಿ ಅಂದ್ರೆ ದಕ್ಷಿಣ ಆಫ್ರಿಕಾ ಮಾತ್ರ. ಆದ್ರೆ ಈ ಮ್ಯಾಚ್ ಆಲ್ಮೋಸ್ಟ್ ಭಾರತದ ಭವಿಷ್ಯವನ್ನೇ ನಿರ್ಧರಿಸಬಹುದು.
ಇದನ್ನೂ ಓದಿ: ಸೆಮಿಫೈನಲ್ ರೇಸ್‌ನಲ್ಲಿ ಅಫ್ಘಾನಿಸ್ತಾನ – ಬಾಕಿಯಿರುವ ಎರಡು ಪಂದ್ಯಗಳಲ್ಲಿ ಗೆದ್ದರೆ ಅಫ್ಘಾನಿಸ್ತಾನಕ್ಕೆ ಚಾನ್ಸ್
ಟೀಂ ಇಂಡಿಯಾ ಕ್ಯಾಪ್ಟನ್ ರೋಹಿತ್ ಶರ್ಮಾ ವಂಡೇ ಕ್ರಿಕೆಟ್ ಒಟ್ಟು ಮೂರು ಬಾರಿ ಡಬಲ್ ಸೆಂಚೂರಿ ಹೊಡೆದಿರೋದು ನಿಮಗೆ ಗೊತ್ತೇ ಇರುತ್ತೆ. ಇಲ್ಲಿ ಇಂಟ್ರೆಸ್ಟಿಂಗ್ ಸಂಗತಿ ಏನಂದ್ರೆ ಈ ಮೂರು ಡಬಲ್ ಸೆಂಚೂರಿ ಪೈಕಿ ಹೈಯೆಸ್ಟ್ 264 ರನ್ಗಳನ್ನ ರೋಹಿತ್ ಹೊಡೆದಿದ್ದು ಇದೇ ಈಡನ್ ಗಾರ್ಡನ್ಸ್ ಗ್ರೌಂಡ್ನಲ್ಲೇ. ಶ್ರೀಲಂಕಾ ವಿರುದ್ಧ ರೋಹಿತ್ 173 ಬಾಲ್ಗಳಲ್ಲಿ 264 ರನ್ ಬಾರಿಸಿದ್ರು. 33 ಬೌಂಡ್ರಿ 9 ಸಿಕ್ಸರ್ಗಳನ್ನ ಹೊಡೆದಿದ್ರು. ಇದುವರೆಗೂ ರೋಹಿತ್ ಶರ್ಮಾರ ರೆಕಾರ್ಡ್ನ್ನ ಬೀಟ್ ಮಾಡೋಕೆ ಯಾರಿಂದಲೂ ಸಾಧ್ಯವಾಗಿಲ್ಲ. ಹೀಗಾಗಿ ಕೊಲ್ಕತ್ತಾದಲ್ಲಿ ಸಹಜವಾಗಿಯೇ ರೋಹಿತ್ ಶರ್ಮಾರಿಂದ ಮತ್ತೊಂದು ಬಿಗ್ ಸೆಂಚೂರಿ ನಿರೀಕ್ಷಿಸಲಾಗ್ತಿದೆ.
ಕೇವಲ ರೋಹಿತ್ ಅಷ್ಟೇ ಅಲ್ಲ, ವಿರಾಟ್ ಕೊಹ್ಲಿಯ 49ನೇ ಶತಕಕ್ಕಾಗಿಯೂ ಎಲ್ರೂ ಕಾಯ್ತಾ ಇದ್ದಾರೆ. ಈ ವರ್ಲ್ಡ್ಕಪ್ನಲ್ಲಿ ಮೂರು ಬಾರಿ ವಿರಾಟ್ ಸೆಂಚೂರಿ ಮಿಸ್ ಮಾಡಿಕೊಂಡಿದ್ದಾರೆ. ಹೀಗಾಗಿ ಕೊಲ್ಕತ್ತಾದಲ್ಲಾದ್ರೂ ಕೊಹ್ಲಿ ರೆಕಾರ್ಡ್ ಸೆಂಚೂರಿ ಮಾಡ್ತಾರಾ ಅನ್ನೋ ಕುತೂಹಲ ಕೂಡ ಇದೆ.
ಇನ್ನು ಈ ಮ್ಯಾಚ್ನಲ್ಲಿ ಕೆಲ ಕೀ ಕಾಂಟೆಸ್ಟ್ಗಳು ಕೂಡ ನಡೆಯಲಿವೆ. ಟೀಂ ಇಂಡಿಯಾ ಓಪನರ್ ರೋಹಿತ್ ಶರ್ಮಾ ಮತ್ತು ಸೌತ್ ಆಫ್ರಿಕಾ ಓಪನಿಂಗ್ ಬೌಲರ್ ಕಗಿಸೊ ರಬಾಡ ನಡುವೆ ಬ್ಯಾಟಲ್ ತುಂಬಾನೆ ಇಂಟ್ರೆಸ್ಟಿಂಗ್ ಆಗಿರುತ್ತೆ. ರೋಹಿತ್ ಶರ್ಮಾ ಈ ವರ್ಲ್ಡ್ಕಪ್ನಲ್ಲಿ ಇದುವರೆಗೆ 7 ಮ್ಯಾಚ್ಗಳಲ್ಲಿ 402 ರನ್ ಮಾಡಿದ್ದಾರೆ. ಅತ್ತ ರಬಾಡ 11 ವಿಕೆಟ್ಗಳನ್ನ ಪಡೆದಿದ್ದಾರೆ. ಇನ್ನು ಈಡನ್ ಗಾರ್ಡನ್ಸ್ನದ್ದು ಬೌನ್ಸಿ ಪಿಚ್ ಬೇರೆ. ಹೀಗಾಗಿ ರಬಾಡ ಬೌಲಿಂಗ್ಗೆ ರೋಹಿತ್ ಶರ್ಮಾ ಪುಲ್ ಶಾಟ್ ಮೂಲಕ ಎಷ್ಟು ಸಿಕ್ಸರ್ ಹೊಡೀತಾರೊ ನೋಡ್ಬೇಕು. ವೇಯ್ಟ್ & ಸೀ.. ರೋಹಿತ್ VS ರಬಾಡ ಬ್ಯಾಟಲ್.
ವಿರಾಟ್ ಕೊಹ್ಲಿ VS ಮಾರ್ಕೊ ಜೇನ್ಸನ್. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಇಬ್ಬರೂ ಇದೇ ಮೊದಲ ಬಾರಿಗೆ ಮುಖಾಮುಖಿಯಾಗ್ತಿದ್ದಾರೆ. ಸೌತ್ ಆಫ್ರಿಕಾ ಆಲ್ರೌಂಡರ್ ಮಾರ್ಕೊ ಜೇನ್ಸನ್ ಈ ವರ್ಲ್ಡ್ಕಪ್ನಲ್ಲಿ ಇದುವರೆಗೆ 16 ವಿಕೆಟ್ಗಳನ್ನ ಪಡೆದಿದ್ದಾರೆ. ಹೀಗಾಗಿ ಕೊಹ್ಲಿ ಮತ್ತು ಮಾರ್ಕೊ ಜೇನ್ಸನ್ ಹಣಾಹಣಿ ತುಂಬಾನೆ ಇಂಟ್ರೆಸ್ಟಿಂಗ್ ಆಗಿರುತ್ತೆ.
ಇದಿಷ್ಟೇ ಅಲ್ಲ, ಟೀಂ ಇಂಡಿಯಾ ವೇಗಿ ಜಸ್ಪ್ರಿತ್ ಬುಮ್ರಾ ಮತ್ತು ಸೌತ್ ಆಫ್ರಿಕಾ ಓಪನರ್ ಕ್ವಿಂಟನ್ ಡಿಕಾಕ್ ಮಧ್ಯೆಯೂ ದೊಡ್ಡ ಮಟ್ಟದ ಕ್ಲ್ಯಾಶ್ ನಡೆಯಬಹುದು. ಇಬ್ಬರೂ ಕೂಡ ಬೆಸ್ಟ್ ಫಾರ್ಮ್ನಲ್ಲಿರುವ ಪ್ಲೇಯರ್ಸ್ಗಳು. ಕ್ವಿಂಟನ್ ಡಿಕಾಕ್ ಅಂತೂ ಈ ವರ್ಲ್ಡ್ಕಪ್ನಲ್ಲೇ 4 ಸೆಂಚೂರಿ ಹೊಡೆದಿದ್ದಾರೆ. ಬುಮ್ರಾ 15 ವಿಕೆಟ್ಗಳನ್ನ ಪಡೆದಿದ್ದಾರೆ. ಇವರಿಬ್ಬರ ಜೊತೆಗೆ ಮತ್ತೊಂದು ಕಾಂಟೆಸ್ಟ್ ಕೂಡ ಇದೆ. ನಮ್ಮ ಸ್ಪಿನ್ನರ್ ಕುಲ್ದೀಪ್ ಯಾದವ್ ಮತ್ತು ಸೌತ್ ಆಫ್ರಿಕಾ ಮಿಡ್ಲ್ ಆರ್ಡರ್ ಬ್ಯಾಟ್ಸ್ಮನ್ ಹೆನ್ರಿಚ್ ಕ್ಲಾಸೆನ್ ಮಧ್ಯೆ, ಕ್ಲಾಸೆನ್ ನಿಜಕ್ಕೂ ಭಯಾನಕ ಬ್ಯಾಟ್ಸ್ಮನ್. ಬರೀ ಸಿಕ್ಸರ್ಗಳಲ್ಲೇ ಸ್ಕೋರ್ ಮಾಡ್ತಾರೆ. ಹೀಗಾಗಿ ನಮ್ಮಲ್ಲಿ ಮಿಡ್ಲ್ ಆರ್ಡರ್ನಲ್ಲಿ ಬೌಲಿಂಗ್ಗೆ ಇಳಿಯುವ ಕುಲ್ದೀಪ್ ಯಾದವ್ರ ಮೇನ್ ಟಾರ್ಗೆಟ್ ಹೆನ್ರಿಚ್ ಕ್ಲಾಸೆನ್ ಆಗಿರ್ತಾರೆ. ಈ ಟಾಸ್ಕ್ನ್ನ ರೋಹಿತ್ ಕುಲ್ದೀಪ್ ಯಾದವ್ಗೆ ನಿಡಬಹುದು.
ಹಾಗಿದ್ರೆ ದಕ್ಷಿಣ ಆಫ್ರಿಕಾ ವಿರುದ್ಧದ ಮ್ಯಾಚ್ಗೆ ಟೀಂ ಇಂಡಿಯಾದ ಪ್ಲೇಯಿಂಗ್-11 ಹೀಗಿದೆ.
ಟೀಂ ಇಂಡಿಯಾ PLAYING-11
ರೋಹಿತ್ ಶರ್ಮಾ
ಶುಬ್ಮನ್ ಗಿಲ್
ವಿರಾಟ್ ಕೊಹ್ಲಿ
ಶ್ರೇಯಸ್ ಅಯ್ಯರ್
ಕೆ.ಎಲ್.ರಾಹುಲ್
ಸೂರ್ಯಕುಮಾರ್ ಯಾದವ್
ರವೀಂದ್ರ ಜಡೇಜ
ಕುಲ್ದೀಪ್ ಯಾದವ್
ಮೊಹಮ್ಮದ್ ಶಮಿ
ಮೊಹಮ್ಮದ್ ಸಿರಾಜ್
ಜಸ್ಪ್ರಿತ್ ಬುಮ್ರಾ
