ನೋಡಿರಿ
ಇಂಡಿಯಾ VS ನ್ಯೂಜಿಲ್ಯಾಂಡ್ – ಮೆಗಾ ಸೆಮಿಫೈನಲ್ ಮ್ಯಾಚ್ಗೆ ಅಖಾಡ ರೆಡಿ
ಇಂಡಿಯಾ VS ನ್ಯೂಜಿಲ್ಯಾಂಡ್.. ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಮೆಗಾ ಸೆಮಿಫೈನಲ್ ಮ್ಯಾಚ್.. ಗೆದ್ದವರು ನೇರವಾಗಿ ಫೈನಲ್ಗೆ ಎಂಟ್ರಿಯಾಗ್ತಾರೆ. ಸೋತವರು ಸೀದಾ ಮನೆ ದಾರಿ ಹಿಡೀತಾರೆ. 2019ರ ವರ್ಲ್ಡ್ಕಪ್ನ ಸೆಮಿಫೈನಲ್ನಲ್ಲಿ ಇದೇ ನ್ಯೂಜಿಲ್ಯಾಂಡ್ ವಿರುದ್ಧ ಸೆಮಿಫೈನಲ್ನಲ್ಲಿ ಭಾರತ ಸೋತಿತ್ತು. ಹೀಗಾಗಿ ಇದು ನಿಜವಾಗಿಯೂ ಟೀಂ ಇಂಡಿಯಾದ ಪಾಲಿಗೆ ಸೇಡಿನ ಪಂದ್ಯ. ಭಾರತ-ನ್ಯೂಜಿಲ್ಯಾಂಡ್ ಸೆಮಿಫೈನಲ್ ಮ್ಯಾಚ್ ಬಗ್ಗೆ. ಟೀಂ ಇಂಡಿಯಾ ಪ್ಲೇಯಿಂಗ್-11 ಹೇಗಿರಬಹುದು ಎಂಬ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ವರ್ಲ್ಡ್ ಕ್ರಿಕೆಟ್ಗೆ ರಿಷಬ್ ಪಂತ್ ಕಮ್ಬ್ಯಾಕ್ ಯಾವಾಗ? -2024ರಲ್ಲಿ ಟಿ-20 ವರ್ಲ್ಡ್ ಕಪ್ ನಲ್ಲಿ ಆಡ್ತಾರಾ ಪಂತ್?
ರಾಬಿನ್ ರೌಂಡ್ಸ್ ಸ್ಟೇಜ್ನಲ್ಲಿ ಟೀಂ ಇಂಡಿಯಾ ಒಂದೇ ಒಂದು ಮ್ಯಾಚ್ನ್ನ ಕೂಡ ಸೋತಿಲ್ಲ. ಆಡಿದ ಎಲ್ಲಾ 9 ಪಂದ್ಯಗಳನ್ನ ಕೂಡ ಗೆದ್ದುಕೊಂಡಿದೆ. ಪಾಯಿಂಟ್ಸ್ ಟೇಬಲ್ನಲ್ಲಿ ನಂಬರ್-1 ಪೊಸೀಷನ್ನಲ್ಲಿದ್ದುಕೊಂಡು ಸೆಮಿಫೈನಲ್ಗೆ ಎಂಟ್ರಿಯಾಗಿದೆ. ಈ ಬಾರಿಯ ವರ್ಲ್ಡ್ಕಪ್ ಗೆಲ್ಲೋಕೆ ಭಾರತೀಯ ತಂಡಕ್ಕಿಂತ ಫೇವರೇಟ್ ಟೀಂ ಮತ್ತೊಂದಿಲ್ಲ. ಆದ್ರೂ ಕ್ರಿಕೆಟ್ನಲ್ಲಿ ಏನನ್ನೂ ಹೇಳೋಕೆ ಸಾಧ್ಯವಿಲ್ಲ. ಇದು ಅನಿಶ್ಚಿತತೆಯ ಆಟ. ಯಾರು ಬೇಕಾದ್ರೂ ಗೆಲ್ಲಬಹುದು. ಏನು ಬೇಕಾದ್ರೂ ಆಗಬಹುದು. ಹೀಗಾಗಿ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯೋದು ನಿಜಕ್ಕೂ ರಣರೋಚಕ ಸೆಮಿಫೈನಲ್ ಅನ್ನೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ.
ಸೆಮಿಫೈನಲ್ ನಲ್ಲಿ ಆರ್. ಅಶ್ವಿನ್ ಆಡ್ತಾರಾ?
ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಇಂಜ್ಯೂರಿಗೊಳಗಾಗಿ ವರ್ಲ್ಡ್ಕಪ್ನಿಂದ ಔಟ್ ಆದ ಬಳಿಕ ಟೀಂ ಇಂಡಿಯಾ 6ನೇ ಬೌಲರ್ ಕೊರತೆ ಎದುರಿಸ್ತಾ ಇದೆ. ಲೀಗ್ ಸ್ಟೇಜ್ನಲ್ಲಿ ಕಳೆದ ಕೆಲ ಪಂದ್ಯಗಳನ್ನ 5 ಬೌಲರ್ಸ್ಗಳನ್ನಿಟ್ಟುಕೊಂಡೇ ಭಾರತ ಗೆದ್ದಿತ್ತು. ಆದ್ರೀಗ ಸೆಮಿಫೈನಲ್ನಲ್ಲಿ 6ನೇ ಬೌಲರ್ನ ಅವಶ್ಯಕತೆ ಎದುರಾದ್ರೂ ಆಗಬಹುದು. ಇನ್ನು ವಾಂಖೆಡೆ ಪಿಚ್ ಸ್ಪಿನ್ನರ್ಸ್ಗಳಿಗೆ ಒಂದಷ್ಟು ಅಡ್ವಾಂಟೇಜ್ ಆಗಿದ್ದು, ಹೀಗಾಗಿ ಆರ್.ಅಶ್ವಿನ್ರನ್ನ ಆಡಿಸುವ ಆಪ್ಷನ್ ಕೂಡ ಇದೆ. ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಮ್ಯಾಚ್ ಬಿಟ್ರೆ ಮತ್ತಿನ್ಯಾವ ಪಂದ್ಯಗಳಲ್ಲೂ ಅಶ್ವಿನ್ ಆಡಿಲ್ಲ. ಆದ್ರೆ ಈಗ 6ನೇ ಬೌಲರ್ ಆಗಿ ಅಶ್ವಿನ್ರನ್ನ ಪಿಕ್ ಮಾಡಿದ್ರೆ ಸೂರ್ಯಕುಮಾರ್ ಯಾದವ್ರನ್ನ ಡ್ರಾಪ್ ಮಾಡಬೇಕಾಗಬಹುದು. ಆದ್ರೆ, ಸೂರ್ಯಕುಮಾರ್ ಮುಂಬೈನವರೇ ಆಗಿದ್ದು, ಕಳೆದ ಕೆಲ ಮ್ಯಾಚ್ಗಳಲ್ಲಿ ಚೆನ್ನಾಗಿ ಪರ್ಫಾಮ್ ಮಾಡಿದ್ದಾರೆ. ಹೀಗಾಗಿ ಸೆಮಿಫೈನಲ್ನಲ್ಲಿ ಸೂರ್ಯಕುಮಾರ್ರನ್ನ ಡ್ರಾಪ್ ಮಾಡೋದು ಕೂಡ ಅಷ್ಟೊಂದು ಸುಲಭ ಅಲ್ಲ. ಹಾಗಿದ್ರೆ ನ್ಯೂಜಿಲ್ಯಾಂಡ್ ವಿರುದ್ಧದ ಸೆಮಿಫೈನಲ್ಗೆ ಟೀಂ ಇಂಡಿಯಾದ ಪ್ಲೇಯಿಂಗ್-11 ಹೇಗಿರಬಹುದು? ಸಂಭಾವ್ಯ ಲಿಸ್ಟ್ನಲ್ಲಿ ಯಾರೆಲ್ಲಾ ಇದ್ದಾರೆ ಅನ್ನೋದನ್ನ ನೋಡೋಣ.
ಟೀಂ ಇಂಡಿಯಾ PLAYING-11 (ಹೆಡ್)
ರೋಹಿತ್ ಶರ್ಮಾ
ಶುಬ್ಮನ್ ಗಿಲ್
ವಿರಾಟ್ ಕೊಹ್ಲಿ
ಶ್ರೇಯಸ್ ಅಯ್ಯರ್
ಕೆ.ಎಲ್.ರಾಹುಲ್
ಸೂರ್ಯಕುಮಾರ್
ರವೀಂದ್ರ ಜಡೇಜ
ಕುಲ್ ದೀಪ್ ಯಾದವ್
ಮೊಹಮ್ಮದ್ ಶಮಿ
ಮೊಹಮ್ಮದ್ ಸಿರಾಜ್
ಜಸ್ಪ್ರಿತ್ ಬುಮ್ರಾ
ಇದು ಸೆಮಿಫೈನಲ್ ಮ್ಯಾಚ್ಗೆ ಟೀಂ ಇಂಡಿಯಾದ ಸಂಭಾವ್ಯ ತಂಡ. ಇವೆಲ್ಲದ್ರ ಜೊತೆ ಈ ಮ್ಯಾಚ್ ಬಗ್ಗೆ ಇನ್ನೊಂದು ಕುತೂಹಲ ಕೂಡ ಇದೆ. ವಿರಾಟ್ ಕೊಹ್ಲಿ ದಾಖಲೆಯ 50ನೇ ಸೆಂಚೂರಿ ಬಾರಿಸ್ತಾರಾ ಅನ್ನೋದು. ಈಗಾಗ್ಲೇ ಸಚಿನ್ ತೆಂಡೂಲ್ಕರ್ 49 ಶತಕಗಳಿಗೆ ವಿರಾಟ್ ಸರಿಸಮಾನವಾಗಿ ನಿಂತಿದ್ದಾರೆ. ವಿಶ್ವದಾಖಲೆ ಬರಿಯೋಕೆ ಇನ್ನೊಂದು ಸೆಂಚೂರಿ ಮಾತ್ರ ಬೇಕಿರೋದು. ಹೀಗಾಗಿ ಸಚಿನ್ ಹೋಮ್ ಗ್ರೌಂಡ್ನಲ್ಲೇ ಕೊಹ್ಲಿ ದಾಖಲೆ ಬರೀತಾರೆ ಅನ್ನೋ ಕುತೂಹಲ ಇದೆ. ಇನ್ನು ಈ ಮ್ಯಾಚ್ನ್ನ ನೋಡೋಕೆ ಸಚಿನ ತೆಂಡೂಲ್ಕರ್ ಕೂಡ ಸ್ಟೇಡಿಯಂಗೆ ಬರ್ತಾರೆ. ಸೆಮಿಫೈನಲ್ನಲ್ಲಿ, ಸಚಿನ್ ಸಮ್ಮುಖದಲ್ಲೇ ಕೊಹ್ಲಿ ತಮ್ಮ ರೋಲ್ಮಾಡೆಲ್ ದಾಖಲೆ ಮುರಿದ್ರೆ Nothing better than this.. ಖುದ್ದು ಸಚಿನ್ ವರು ಕೊಹ್ಲಿಯನ್ನ ಭೇಟಿಯಾಗಿ ಅಭಿನಂದನೆ ಸಲ್ಲಿಸ್ತಾರೆ.
ಜೊತೆಗೆ ಸೆಮಿಫೈನಲ್ನಲ್ಲಿ ಕೊಹ್ಲಿ ಶತಕ ಹೊಡೆದು ಟೀಂ ಇಂಡಿಯಾ ಕೂಡ ಗೆದ್ದು ಮತ್ತೊಮ್ಮೆ ವರ್ಲ್ಡ್ಕಪ್ ಫೈನಲ್ಗೆ ಎಂಟ್ರಿಯಾದ್ರೆ ದಾಖಲೆಯ ಸೆಂಚೂರಿಗೆ ಇರುವ ವ್ಯಾಲ್ಯೂನೇ ಬೇರೆಯಾಗಿರುತ್ತೆ.
ಮಳೆಗೆ ಮ್ಯಾಚ್ ವಾಶ್ ಔಟ್ ಆದ್ರೆ ಮುಂದೇನು?
ಇವೆಲ್ಲದ್ರ ಮಧ್ಯೆ ಇಲ್ಲಿ ಇನ್ನೊಂದು ಪ್ರಶ್ನೆ ಕೂಡ ಇದೆ. ಒಂದು ವೇಳೆ ಇಂಡಿಯಾ-ನ್ಯೂಜಿಲ್ಯಾಂಡ್ ಸೆಮಿಫೈನಲ್ ಮ್ಯಾಚ್ಗೆ ಮಳೆ ಅಡ್ಡಿಯಾಯ್ತು ಅಂತಾ ಇಟ್ಕೊಳ್ಳಿ. ಆಗ ಮ್ಯಾಚ್ನ ರಿಸಲ್ಟ್ ಕಥೆಯೇನು ಅನ್ನೋದು. ಸೆಮಿಫೈನಲ್ಗೆ ರಿಸರ್ವ್ ಡೇಯನ್ನ ನಿಗದಿಪಡಿಸಲಾಗಿದೆ. ನವೆಂಬರ್ 15ರಂದು ಮಳೆ ಬಂದು ಮ್ಯಾಚ್ ಕ್ಯಾನ್ಸಲ್ ಆಯ್ತು ಅಂದ್ರೆ ಮರುದಿನ ಮತ್ತೆ ಪುನ: ಎರಡೂ ಟೀಂಗಳ ಮಧ್ಯೆ ಮ್ಯಾಚ್ ನಡೆಯುತ್ತೆ. ಅವಾಗ್ಲೂ ಮಳೆ ಬಂದು ಪಂದ್ಯ ರಾದ್ದಾದ್ರೆ ಪಾಯಿಂಟ್ಸ್ ಟೇಬಲ್ನಲ್ಲಿ ಟಾಪ್ ಪೊಸೀಷನ್ನಲ್ಲಿರುವ ಟೀಂ ಫೈನಲ್ಗೆ ಎಂಟ್ರಿಯಾಗುತ್ತೆ. ಒಂದು ವೇಳೆ ರಿಸರ್ವ್ ಡೇನಂದು ಮುಂಬೈನಲ್ಲಿ ಮಳೆ ಬಂದು ಭಾರತ-ನ್ಯೂಜಿಲ್ಯಾಂಡ್ ಮ್ಯಾಚ್ ವಾಶ್ಔಟ್ ಆದ್ರೆ, ಪಾಯಿಂಟ್ಸ್ ಟೇಬಲ್ನಲ್ಲಿ ನಂಬರ್-1 ಪೊಸೀಷನ್ನಲ್ಲಿರುವ ಟೀಂ ಇಂಡಿಯಾ ನೇರವಾಗಿ ಫೈನಲ್ಗೆ ಎಂಟ್ರಿಯಾಗುತ್ತೆ. ಒಂದು ವೇಳೆ ಸೆಕೆಂಡ್ ಸೆಮಿಫೈನಲ್ ಅಂದ್ರೆ ಆಸ್ಟ್ರೇಲಿಯಾ VS ಸೌತ್ ಆಫ್ರಿಕಾ ಮ್ಯಾಚ್ ಕೂಡ ಮಳೆಗೆ ವಾಶ್ಔಟ್ ಆಯ್ತು ಅಂದ್ರೆ ರಿಸರ್ವ್ ಡೇನಲ್ಲಿ ಪಂದ್ಯ ನಡೆಯುತ್ತೆ. ಅದು ಕೂಡ ವಾಶ್ಔಟ್ ಆದ್ರೆ, ಪಾಯಿಂಟ್ಸ್ ಟೇಬಲ್ನಲ್ಲಿ ಸೆಕೆಂಡ್ ಪೊಸೀಷನ್ನಲ್ಲಿರುವ ದಕ್ಷಿಣ ಆಫ್ರಿಕಾ ಫೈನಲ್ಗೆ ಬರುತ್ತೆ. ಹೀಗಾಗಿ ಎರಡೂ ಸೆಮಿಫೈನಲ್ಗಳು ಮಳೆಯಿಂದಾಗಿ ಕ್ಯಾನ್ಸಲ್ ಆದ್ರೆ ಭಾರತ ಮತ್ತು ದಕ್ಷಿಣ ಆಫ್ರಿಕಾ ಮಧ್ಯೆ ಫೈನಲ್ ಮ್ಯಾಚ್ ನಡೆಯುತ್ತೆ.
