ಭಾರತದ ಸೆಮೀಸ್ ಹಾದಿ ಸಿಂಪಲ್ – ಗೆದ್ರೆ ಟಿಕೆಟ್.. ಬಿದ್ರೆ ಗೇಟ್ ಪಾಸ್!
ಸುಲಭಕ್ಕೆ ಸೋಲುತ್ತಾ ವಿಂಡೀಸ್?

ಅತ್ತ ಸೌತ್ ಆಫ್ರಿಕಾ ಗೆಲ್ತು.. ಇತ್ತ ಭಾರತ ಗೆಲ್ತು.. ಟೀಂ ಇಂಡಿಯಾ ಫ್ಯಾನ್ಸ್​​ಗೆ ಏನಾಗ್ಬೇಕಿತ್ತೋ ಅದೇ ಆಗಿದೆ. ಈಗ ಟೀಂ ಇಂಡಿಯಾದ ಸೆಮಿಫೈನಲ್ ಸಿನಾರಿಯೋ ಸಿಂಪಲ್ ಆಗಿದೆ. ಇನ್ಮುಂದೆ ಯಾವ ನೆಟ್​ ರನ್ ರೇಟ್ ಕೂಡ ಮ್ಯಾಟ್ರ್ ಆಗಲ್ಲ. ಜಿಂಬಾಬ್ವೆ ವಿರುದ್ಧ ಗೆದ್ದಿರೋ ಭಾರತಕ್ಕೆ ಈಗ ಒಂದು ವಿಕ್ಟರಿಯಷ್ಟೇ ಬೇಕಾಗಿದೆ. ಆದ್ರೆ ಅದು ಸುಲಭ ಇಲ್ಲ. ಸೂಪರ್ ಸಂಡೇಯಲ್ಲಿ ನಡೆಯಲಿರೋ ವೆಸ್ಟ್ ಇಂಡೀಸ್ ವರ್ಸಸ್ ಭಾರತದ ನಡುವಿನ ಪಂದ್ಯ ಈ ಟೂರ್ನಿಯ ಮತ್ತೊಬ್ಬ ಸೆಮಿಫೈನಲಿಸ್ಟ್​​ನ ಡಿಸೈಡ್ ಮಾಡುತ್ತೆ.

ಇದನ್ನೂ ಓದಿ : ಪಾಕ್‌ಗೆ ಅಫ್ಘಾನ್ ಶಾಕ್ – ಅಮೆರಿಕ ನಿರ್ಮಿತ F-16 ವಿಮಾನ ಹೊಡೆದುರುಳಿಸಿದ ತಾಲಿಬಾನ್

ಟಿ-20 ವಿಶ್ವಕಪ್​ನ ಸೂಪರ್ 8 ಹಂತದ ಪಂದ್ಯಗಳು ಇನ್ನೇನು ಕ್ಲೈಮ್ಯಾಕ್ಸ್ ಸ್ಟೇಜ್​ನಲ್ಲಿವೆ. ಗ್ರೂಪ್ ಸ್ಟೇಜ್​ನಲ್ಲಿ ಸೋಲನ್ನೇ ಕಾಣದೆ ಟೇಬಲ್ ಟಾಪರ್​ಗಳೇ ಆಗಿದ್ದ ಗ್ರೂಪ್​ 1 ಪಂದ್ಯಗಳಂತೂ ಸಿಕ್ಕಾಪಟ್ಟೆ ಎಂಟರ್​ಟೈನಿಂಗ್ ಆಗಿವೆ. ಸದ್ಯಕ್ಕೆ ಟೂರ್ನಿಯಲ್ಲಿ ಎಲ್ಲಾ ಪಂದ್ಯಗಳನ್ನ ಗೆದ್ದಿರೋ ಸೌತ್ ಆಫ್ರಿಕಾ 4 ಅಂಕಗಳೊಂದಿಗೆ ಸೆಮಿಫೈನಲ್ ಟಿಕೆಟ್ ಬುಕ್ ಮಾಡ್ಕೊಂಡಿದೆ. ಬಟ್ ಈಗ 2ನೇ ಸ್ಥಾನಕ್ಕಾಗಿ ವೆಸ್ಟ್ ಇಂಡೀಸ್ ಮತ್ತು ಭಾರತ ಭಾನುವಾರ ಅಖಾಡಕ್ಕಿಳಿಯಲಿವೆ.

ಇಂಗ್ಲೆಂಡ್ ಮತ್ತು ಸೌತ್ ಆಫ್ರಿಕಾ ಸೆಮಿಫೈನಲ್ ಗೆ ಕ್ವಾಲಿಫೈ!

ಸೂಪರ್ 8 ಆಟ ಇನ್ನೇನು ಅಂತಿಮಘಟ್ಟದಲ್ಲಿದ್ದು ಇಂಗ್ಲೆಂಡ್ ಮತ್ತು ಸೌತ್ ಆಫ್ರಿಕಾ ತಂಡಗಳು ಸೆಮಿಫೈನಲ್​ಗೆ ಸೆಲೆಕ್ಟ್ ಆಗಿವೆ. ಗ್ರೂಪ್ 1ನಲ್ಲಿ ಮೊದಲ ಎರಡೂ ಪಂದ್ಯಗಳನ್ನ ಗೆದ್ದಿರೋ ಹರಿಣಪಡೆ 4 ಅಂಕಗಳೊಂದಿಗೆ ಪ್ಲಸ್ 2.890 ನೆಟ್​ ರನ್​ರೇಟ್​ನೊಂದಿಗೆ ಫಸ್ಟ್ ಪ್ಲೇಸ್​ನಲ್ಲಿ ಸೆಲೆಕ್ಟ್ ಆಗಿದೆ. ಇನ್ನು ಗ್ರೂಪ್ 2ನಲ್ಲಿ 2 ಪಂದ್ಯ ಗೆದ್ದಿರೋ ಇಂಗ್ಲೆಂಡ್ ಕೂಡ ಸೆಮೀಸ್ ಟಿಕೆಟ್ ಗಿಟ್ಟಿಸಿಕೊಂಡಿದೆ. ನ್ಯೂಜಿಲೆಂಡ್ ಮತ್ತು ಪಾಕ್ ನಡುವೆ 2ನೇ ಟಿಕೆಟ್​ಗೆ ಫೈಟ್ ಇದೆ. ಆಲ್ಮೋಸ್ಟ್ ನ್ಯೂಜಿಲೆಂಡ್ ಟಿಕೆಟ್ ಪಡ್ಕೊಳ್ಳಬಹುದು. ಇನ್ನು ಗ್ರೂಪ್ 1ನಲ್ಲಿ ಭಾರತ ಮತ್ತು ವೆಸ್ಟ್ ಇಂಡೀಸ್ ತಂಡಗಳು ಈಗ ಡು ಆರ್ ಡೈ ಸ್ಟೇಜ್​ನಲ್ಲಿದ್ದಾರೆ. ನೆಟ್​ ರನ್ ರೇಟ್ ಅವಶ್ಯಕತೆನೇ ಇಲ್ಲ.

ಭಾರತ-ವಿಂಡೀಸ್ ಮಾಡು ಇಲ್ಲವೇ ಮಡಿ!

2 ಪಂದ್ಯಗಳನ್ನ ಗೆದ್ದಿರೋ ಸೌತ್ ಆಫ್ರಿಕಾಗೆ ಟಿಕೆಟ್ ಫಿಕ್ಸ್

2 ಪಂದ್ಯಗಳನ್ನ ಸೋತಿರೋ ಜಿಂಬಾಬ್ವೆಗಿಲ್ಲ ಸೆಮೀಸ್ ಟಿಕೆಟ್

ಭಾರತ ಮತ್ತು ವೆಸ್ಟ್ ಇಂಡೀಸ್ ಗೆ ಈಗ ಸಮಾನ ಅವಕಾಶ

ಇಬ್ಬರೂ ಒಂದು ಪಂದ್ಯ ಗೆದ್ದು ಒಂದು ಸೋತು 2 ಅಂಕ

ಭಾನುವಾರದ ಪಂದ್ಯದಲ್ಲಿ ಗೆದ್ದವರಿಗೆ ಸೆಮಿಫೈನಲ್ ಟಿಕೆಟ್

ಅಂಕಗಳ ಆಧಾರದ ಮೇಲೆ ಮುಂದಿನ ಸುತ್ತಿಗೆ ಆಯ್ಕೆ

ಸೋ ಈಗ ಯಾವ ನೆಟ್​ರನ್​ ರೇಟ್ ಬ್ಯಾಟಿಂಗ್ ಚೇಸಿಂಗ್ ಮಾರ್ಜಿನ್ ಏನೂ ಪ್ರಶ್ನೆನೇ ಬರಲ್ಲ. ಗೆದ್ರಾ ಸೀದಾ ಸೆಮೀಸ್​ಗೆ ಎಂಟರ್ ಆಗ್ತಾರೆ. ಸೋತ್ರೆ ಟೂರ್ನಿಗೆ ಟಾಟಾ ಬೈ ಬೈ ಅಂತಾ ಗುಡ್ ಬೈ ಹೇಳಿ ನೆಕ್ಸ್​ಟ್ ವಿಶ್ವಕಪ್​ಗೆ ರೆಡಿ ಆಗ್ಬೇಕು. ಌಂಡ್ ಒನ್ ಮೋರ್ ಥಿಂಗ್ ಮಳೆ ಬಂದ್ರೆ ಅಥವಾ ಪಂದ್ಯ ಇನ್ಯಾವುದೋ ಕಾರಣಕ್ಕೆ ರದ್ದಾದ್ರೂ ವೆಸ್ಟ್ ಇಂಡೀಸ್​ಗೆ ಸೆಮೀಸ್ ಟಿಕೆಟ್ ಸಿಗುತ್ತೆ. ಯಾಕಂದ್ರೆ ಭಾರತಕ್ಕಿಂತ ಅವ್ರ ನೆಟ್ ರನ್ ರೇಟ್ ಚೆನ್ನಾಗಿದೆ. ಹೀಗಾಗಿ ಭಾರತ ಮಸ್ಟ್ ಌಂಡ್ ಶುಡ್ ಗೆಲ್ಲಲೇಬೇಕು. ಹಾಗಂತ ವಿಂಡೀಸ್ ಪಡೆಯನ್ನ ಸೋಲಿಸೋದು ಕೂಡ ಸುಲಭ ಏನಿಲ್ಲ. ಯಾಕಂದ್ರೆ ಟಿ-20 ವಿಶ್ವಕಪ್ ಅಂತಾ ಬಂದಾಗ ಅವ್ರು ಭಾರತದ ಎದುರು ಕಂಪ್ಲೀಟ್ ಡಾಮಿನೇಟ್ ಮಾಡಿದ್ದಾರೆ. ವಿಶ್ವಕಪ್​ನ 4 ಸಲ ಮುಖಾಮುಖಿ ಆಗಿದ್ದು ಮೂರು ಸಲ ಕೆರೆಬಿಯನ್ ಕಲಿಗಳೇ ಗೆದ್ದಿದ್ದಾರೆ. ಭಾರತ 1 ಸಲ ಅಷ್ಟೇ ವಿನ್ ಆಗಿದೆ. ದೈತ್ಯ ಆಟಗಾರರನ್ನೇ ಹೊಂದಿರೋ ವಿಂಡೀಸ್​ ಪಡೆಯನ್ನ ಮೆಟ್ಟಿ ನಿಲ್ಲಲೇಬೇಕಿದೆ ಭಾರತ.