ನೋಡಿರಿ
ಭಾರತ-ಪಾಕಿಸ್ತಾನ ಮ್ಯಾಚ್ ಕ್ಯಾನ್ಸಲ್‌? – ಕ್ರಿಕೆಟ್ ಅಭಿಮಾನಿಗಳಿಗೆ ಬೇಸರ
ಇಡೀ ಕ್ರಿಕೆಟ್ ಜಗತ್ತು ಸೆಪ್ಟೆಂಬರ್ 2ರಂದು ನಡೆಯಬೇಕಿರುವ ಭಾರತ-ಪಾಕಿಸ್ತಾನ ಮ್ಯಾಚ್ಗಾಗಿ ಕಾಯ್ತಾ ಇದೆ. ಆದ್ರೀಗ ಕ್ರಿಕೆಟ್ ಅಭಿಮಾನಿಗಳಿಗೆ ಭಾರಿ ನಿರಾಸೆಯಾಗುವಂಥಾ ಸುದ್ದಿ ಹೊರಬಿದ್ದಿದೆ. ಏಷ್ಯಾಕಪ್ನಲ್ಲಿ ಭಾರತ-ಪಾಕಿಸ್ತಾನ ನಡುವೆ ಮೊದಲ ಪಂದ್ಯ ನಡೆಯೋದೆ ಅನುಮಾನವಾಗಿದೆ.
ನಿಗದಿ ಪ್ರಕಾರ ಶನಿವಾರದಂದು ಶ್ರೀಲಂಕಾದ ಪಲ್ಲೆಕೆಲೆ ಸ್ಟೇಡಿಯಂನಲ್ಲಿ ಇಂಡಿಯಾ-ಪಾಕ್ ಮ್ಯಾಚ್ ನಡೆಯಬೇಕು. ಆದರೆ ಆ ದಿನವಿಡೀ ಮಳೆ ಬರುವ ಸಾಧ್ಯತೆ ದಟ್ಟವಾಗಿದೆ. ಕಳೆದ ಎರಡು ದಿನಗಳಿಂದಲೂ ಪಲ್ಲೆಕೆಲೆಯಲ್ಲಿ ನಿರಂತರ ಮಳೆಯಾಗುತ್ತಲೇ ಇದೆ. ಹವಾಮಾನ ವರದಿಯ ಪ್ರಕಾರ ಮ್ಯಾಚ್ ನಡೆಯುವ ದಿನದಂದು ಕೂಡ ಮಳೆಯಾಗುವ ಸಾಧ್ಯತೆ ದಟ್ಟವಾಗಿದೆ. ಶ್ರೀಲಂಕಾ ಹವಾಮಾನ ಇಲಾಖೆ ಹೇಳಿರುವ ಪ್ರಕಾರ ಶನಿವಾರದಂದು ಮಳೆ ಬರುವ ಸಾಧ್ಯತೆ ಶೇಕಡಾ 90ರಷ್ಟಿದೆ. ವೆದರ್ ರಿಪೋರ್ಟ್ ನೋಡಿದರೆ ಮ್ಯಾಚ್ ದಿನದಂದು ಭಾರತ ಮತ್ತು ಪಾಕಿಸ್ತಾನದ ಆಟಗಾರರು ಹೋಟೆಲ್ನಿಂದ ಹೊರ ಬರೋದೆ ಅನುಮಾನ.
ಇದನ್ನೂ ಓದಿ: ರೋಚಕ ಪಂದ್ಯವೊಂದಕ್ಕೆ ಸಜ್ಜಾಗಿ! – ಕೆ.ಎಲ್‌ ರಾಹುಲ್‌ ಜೀವನಾಧಾರಿತ ಚಿತ್ರ ನಿರ್ಮಾಣ?
ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಯಾವಾಗಲೂ ಆಗಸ್ಟ್ ಮತ್ತು ಸೆಪ್ಟೆಂಬರ್ ತಿಂಗಳ ಹೊತ್ತಲ್ಲಿ ಯಾವುದೇ ಪಂದ್ಯಗಳನ್ನ ಆಯೋಜಿಸೋದೆ ಇಲ್ಲ. ಈ ಸಮಯದಲ್ಲಿ ಪಲ್ಲೆಕೆಲೆಯಲ್ಲಿ ಭಾರಿ ಮಳೆಯಾಗೋದ್ರಿಂದ ಕಳೆದ ಹಲವು ದಶಕಗಳಿಂದಲೂ ಎರಡು ತಿಂಗಳುಗಳ ಕಾಲ ಕ್ರಿಕೆಟ್ ಮ್ಯಾಚ್ ಆಯೋಜಿಸುತ್ತಿಲ್ಲ. ಪಲ್ಲೆಕೆಲೆಯಲ್ಲಿ ಇದುವರೆಗೆ 33 ಅಂತಾರಾಷ್ಟ್ರೀಯ ಮ್ಯಾಚ್ಗಳಾಗಿದ್ದು, ಈ ಪೈಕಿ 3 ಪಂದ್ಯಗಳು ಮಾತ್ರ ಮಳೆಗಾಲದ ಸಮಯದಲ್ಲಿ ನಡೆದಿದೆ. ಆದರೀಗ ಮಳೆ ಬರುತ್ತೆ ಅನ್ನೋದು ಗೊತ್ತಿದ್ದೂ ಗೊತ್ತಿದ್ದು ಅದೇ ಮೈದಾನದಲ್ಲಿ ಭಾರತ-ಪಾಕಿಸ್ತಾನದಂಥಾ ಹೈವೋಲ್ಟೇಜ್ ಪಂದ್ಯವನ್ನ ಆಯೋಜಿಸಲಾಗಿದೆ. ಇದು ಕ್ರಿಕೆಟ್ ಅಭಿಮಾನಿಗಳಲ್ಲಿ ತೀವ್ರ ಅಸಮಾಧಾನಕ್ಕೆ ಕಾರಣವಾಗಿದೆ.
