ನೋಡಿರಿ
ಸಿರಾಜ್, ಆಕಾಶ್ ದೀಪ್ ಬೆಂಕಿ ಬೌಲಿಂಗ್ – 244 ರನ್ ಮುನ್ನಡೆಯಲ್ಲಿ ಭಾರತ
ಬರ್ಮಿಂಗ್ಹ್ಯಾಮ್ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ತಂಡ ಭರ್ಜರಿ ಪ್ರದರ್ಶನ ನೀಡಿದೆ. ಮೊಹಮ್ಮದ್ ಸಿರಾಜ್ ಮತ್ತು ಆಕಾಶ್ ದೀಪ್ ಅವರ ಉತ್ತಮ ಬೌಲಿಂಗ್ ದಾಳಿಯಿಂದ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರವ ಎರಡನೇ ಟೆಸ್ಟ್ ಪಂದ್ಯಲ್ಲಿ ಭಾರತ 244 ರನ್ಗಳ ಮುನ್ನಡೆಯಲ್ಲಿದೆ.
ಇದನ್ನೂ ಓದಿ:ಹಣದುಬ್ಬರ.. ಸರ್ಕಾರದ ಅಸ್ಥಿರತೆ – ಪಾಕಿಸ್ತಾನ ಜೊತೆಗಿನ 25 ವರ್ಷಗಳ ನಂಟಿಗೆ ಮೈಕ್ರೋಸಾಫ್ಟ್ ಗುಡ್ ಬೈ
ಎರಡನೇ ದಿನ 3 ವಿಕೆಟ್ ನಷ್ಟಕ್ಕೆ 77 ರನ್ ಗಳಿಸಿದ್ದ ಇಂಗ್ಲೆಂಡ್ ಇಂದು 89.3 ಓವರ್ಗಳಲ್ಲಿ 407 ರನ್ ಗಳಿಸಿ ಆಲೌಟ್ ಆಯ್ತು. ಹ್ಯಾರಿ ಬ್ರೂಕ್ ಮತ್ತು ಜೇಮಿ ಸ್ಮಿತ್ ಅವರು 6ನೇ ವಿಕೆಟಿಗೆ 368 ಎಸೆತಗಳಲ್ಲಿ 303 ರನ್ ಜೊತೆಯಾಟವಾಡಿದ್ದರಿಂದ ತಂಡದ ಮೊತ್ತ 400 ರನ್ಗಳ ಗಡಿ ದಾಟಿತು. ಹ್ಯಾರಿ ಬ್ರೂಕ್ 158 ರನ್ (234 ಎಸೆತ, 17 ಬೌಂಡರಿ, 1 ಸಿಕ್ಸರ್) ಹೊಡೆದು ಔಟಾದರೆ ಜೇಮಿ ಸ್ಮಿತ್ ಔಟಾಗದೇ 184 ರನ್ (207 ಎಸೆತ, 21 ಬೌಂಡರಿ, 4 ಸಿಕ್ಸ್) ಹೊಡೆದರು.
387 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡಿದ್ದ ಇಂಗ್ಲೆಂಡ್ 20 ರನ್ಗಳಿಸುವಷ್ಟರಲ್ಲೇ 5 ವಿಕೆಟ್ ಪತನಗೊಳ್ಳುವ ಮೂಲಕ ಹಿನ್ನಡೆ ಅನುಭವಿಸಿತು. ಸಿರಾಜ್ 70 ರನ್ ನೀಡಿ 6 ವಿಕೆಟ್ ಪಡೆದರೆ ಆಕಾಶ್ ದೀಪ್ 4 ವಿಕೆಟ್ ಪಡೆದು ಇಂಗ್ಲೆಂಡ್ ರನ್ಗೆ ನಿಯಂತ್ರಣ ಹೇರಿದರು.
ನಂತರ ಬ್ಯಾಟಿಂಗ್ ಮಾಡಿದ ಭಾರತ 1 ವಿಕೆಟ್ ನಷ್ಟಕ್ಕೆ 64 ರನ್ ಗಳಿಸಿದೆ. ಯಶಸ್ವಿ ಜೈಸ್ವಾಲ್ 28 ರನ್ ಹೊಡೆದು ಔಟಾದರೆ ಕೆಎಲ್ ರಾಹುಲ್ ಔಟಾಗದೇ 28 ರನ್, ಕರುಣ್ ನಾಯರ್ ಔಟಾಗದೇ 7 ರನ್ ಹೊಡೆದು ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
