ವ್ಯರ್ಥವಾಯ್ತು RO-KO ಹೋರಾಟ – ಬುಮ್ರಾಗೆ ಪದೇಪದೆ ರೆಸ್ಟ್ ಬೇಕಾ?
ODIನಲ್ಲೂ ಗೆದ್ದು ಬೀಗಿದ ಆಂಗ್ಲರು!

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಏಕದಿನ ಸರಣಿಯನ್ನೂ ಭಾರತ ಸೋತಿದೆ. ಗೆಲ್ಲಲೇಬೇಕಿದ್ದ ಸರಣಿಯನ್ನ ಟೀಂ ಇಂಡಿಯಾ ಪ್ಲೇಯರ್ಸ್ ತಮ್ಮದೇ ಕೈಯಿಂದ ಕೈಚೆಲ್ಲಿಕೊಂಡಿದ್ದಾರೆ. ಬೌಲಿಂಗ್ ನಲ್ಲಿ ದುಬಾರಿಯಾಗಿ ಬ್ಯಾಟಿಂಗ್ ನಲ್ಲಿ ಸ್ಟಾರ್ಟ್ ಚೆನ್ನಾಗಿ ಸಿಕ್ರೂ ಅದನ್ನ ಫಿನಿಷ್ ಮಾಡೋಕೆ ಆಗದೆ ಸೋಲೋಪ್ಪಿಕೊಂಡಿದ್ದಾರೆ. ರೋಕೋ ಹೋಗಾಟ ಕೂಡ ವ್ಯರ್ಥವಾಗಿದೆ.

ಇದನ್ನೂ ಓದಿ : RCB ಬಿಟ್ಟು ENGಗೆ ಸೆರ್ತಾರಾ ಕೋಚ್?- ಆ್ಯಂಡಿ ಮೇಲೆ ಇಂಗ್ಲೆಂಡ್‌ಗೆ ಯಾಕೆ ಕಣ್ಣು

ಲಾರ್ಡ್ಸ್‌ ಕ್ರೀಡಾಂಗಣದಲ್ಲಿ ನಡೆದ ಏಕದಿನ ಸರಣಿಯ ನಿರ್ಣಾಯಕ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಗೆದ್ದು ಸರಣಿಯನ್ನೂ ಕೈವಶ ಮಾಡಿಕೊಂಡಿದೆ. ಟಿ20 ಸರಣಿ ಜೊತೆಗೆ ಏಕದಿನ ಸರಣಿಯೂ ಇಂಗ್ಲೆಂಡ್ ಪಾಲಾಗಿದೆ. ಟಾಸ್ ಗೆದ್ದು ಫಸ್ಟ್ ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ ಪರ ಓಪನರ್ಗಳಲ್ಲಿ ಭರ್ಜರಿ ಪಾಟ್ನರ್ಶಿಪ್ ನೀಡಿದ್ರು. ಬೆನ್ ಡಕೆಟ್ ಶತಕ, ಜೇಕಬ್ ಬೆಥೆಲ್, ಜೋರೂಟ್ ಅರ್ಧಶತಕ ಹಾಗೇ ಬಟ್ಲರ್ ಹೊಡಿಬಡಿ ಆಟದಿಂದ 387 ರನ್ಗಳನ್ನ ದಾಖಲು ಮಾಡಿದ್ರು. ಈ ಗುರಿ ಬೆನ್ನಟ್ಟಿದ ಭಾರತ ಗೆಲ್ಲೋ ಥರನೇ ಪ್ರದರ್ಶನ ನೀಡಿತ್ತು. ಆದ್ರೆ ಎಂಡ್ ಮೂಮೆಂಟ್ನಲ್ಲಿ ಮ್ಯಾಚ್ ಕೈಜಾರಿತ್ತು. 7 ವಿಕೆಟ್ ನಷ್ಟಕ್ಕೆ 360 ರನ್ಗಳಷ್ಟೇ ಕಲೆ ಹಾಕಿ 27 ರನ್ಗಳಿಂದ ಸೋಲೊಪ್ಪಿಕೊಳ್ತು. 2018 ರ ನಂತರ ಮೊದಲ ಬಾರಿಗೆ ಇಂಗ್ಲೆಂಡ್, ಭಾರತದ ವಿರುದ್ಧದ ಏಕದಿನ ಸರಣಿಯನ್ನು 2-1 ಅಂತರದಿಂದ ಗೆದ್ದುಕೊಂಡಿತು.