ನೋಡಿರಿ
ENG ಚೆಂಡಾಡಿದ ಸಿರಾಜ್ & ಪ್ರಸಿದ್ಧ್ – T20I ಬ್ಯಾಟಿಂಗ್ ನಂಬಿ ಕೆಟ್ಟ ಆಂಗ್ಲರು!
ಒಂದೇ ದಿನ 15 ವಿಕೆಟ್.. ಗೆಲ್ಲೋದ್ಯಾರು?
ಓವಲ್ ಮೈದಾನದಲ್ಲಿ ನಡೆದ ಐದನೇ ಪಂದ್ಯದ ಎರಡನೇ ದಿನದಾಟದಲ್ಲಿ ಕೆಲ ಇಂಟ್ರೆಸ್ಟಿಂಗ್ ವಿಚಾರಗಳು ನಡೆದ್ವು. ಪಂದ್ಯ ಆರಂಭವಾದ ಅರ್ಧಗಂಟೆಯೊಳಗೆ ನಾಲ್ಕು ವಿಕೆಟ್ಗಳನ್ನ ಕಳ್ಕೊಂಡು ಟೀಂ ಇಂಡಿಯಾ ಆಲೌಟ್ ಆಗಿತ್ತು. ಟೋಟಲ್ಲಾಗಿ ಫಸ್ಟ್ ಇನ್ನಿಂಗ್ಸ್ ನಲ್ಲಿ 224 ರನ್ಸ್ ಕಲೆ ಹಾಕಿತ್ತು. ಈ ಟಾರ್ಗೆಟ್ ಬೀಟ್ ಮಾಡಿ ಲೀಡ್ ಪಡೆಯಬೇಕು ಅಂತಾ ಫೀಲ್ಡಿಗಿಳಿದ ಇಂಗ್ಲೆಂಡ್ ಬ್ಯಾಟರ್ಸ್ ಆರಂಭದಲ್ಲಿ ಸಿಕ್ಸ್, ಫೋರ್ ಟಿ20ಐ ಸ್ಟೈಟಲ್ಲಿ ಬ್ಯಾಟಿಂಗ್ ಶುರು ಮಾಡಿದ್ರು. ಬಟ್ ಈ ಆಟ ಹೆಚ್ಚು ಹೊತ್ತು ನಡೀಲೇ ಇಲ್ಲ.
ಇದನ್ನೂ ಓದಿ : 28 ನಿಮಿಷ.. 34 ಬಾಲ್.. 4 ವಿಕೆಟ್ – 224 ರನ್ ಗಳಿಗೆ ಇಂಡಿಯಾ ಆಲೌಟ್
ಭಾರತದ ಪರ ವೇಗಿಗಳ ಕಂಪ್ಲೀಟ್ ಡಾಮಿನೇಟ್ ಮಾಡಿದ್ರು. ಪರಿಣಾಮ 5ನೇ ಟೆಸ್ಟ್ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ 247 ರನ್ಗಳಿಗೆ ಆಲೌಟ್ ಆಯ್ತು. ಮೊದಲ ವಿಕೆಟ್ಗೆ ಜ್ಯಾಕ್ ಕ್ರಾಲಿ ಹಾಗೂ ಬೆನ್ ಡಕೆಟ್ 92 ರನ್ಗಳ ಸ್ಫೋಟಕ ಇನ್ನಿಂಗ್ಸ್ ಆಡಿದ್ರು. ಅದೂ ಕೂಡ ಕೇವಲ 78 ಎಸೆತಗಳಲ್ಲಿ 92 ರನ್ ಸೇರಿಸಿದರು. ತುಂಬಾನೇ ಡೇಂಜರಸ್ ಆಗಿದ್ದ ಈ ಜೋಡಿಯನ್ನ ಆಕಾಶ್ ದೀಪ್ ಬ್ರೇಕ್ ಮಾಡಿದರು. 38 ಎಸೆತಗಳಲ್ಲಿ 8 ಬೌಂಡರಿ, 2 ಸಿಕ್ಸರ್ ಸಹಿತ 43 ರನ್ಗಳಿಸಿದ್ದ ಡಕೆಟ್ ಕ್ಯಾಚ್ ನೀಡಿ ಔಟ್ ಆದರು. ಜ್ಯಾಕ್ ಕ್ರಾಲಿ 64, ಹ್ಯಾರಿ ಬ್ರೂಕ್ 53 ಹಾಗೂ ಬೆನ್ ಡಕೆಟ್ 43 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಮೊದಲ ವಿಕೆಟ್ಗೆ 92 ರನ್ಗಳಿಸಿ ಉತ್ತಮ ಸ್ಟಾರ್ಟ್ ಪಡೆದ್ರೂ ಮಿಡಲ್ ಆರ್ಡರ್ ಬ್ಯಾಟರ್ಗಳ ಕ್ರೀಸ್ ಕಚ್ಚಿ ನಿಲ್ಲಲಿಲ್ಲ. ಹೀಗಿದ್ರೂ ಅಂತಿಮವಾಗಿ 23 ರನ್ಗಳ ಮುನ್ನಡೆ ಪಡೆಯುವಲ್ಲಿ ಯಶಸ್ವಿಯಾದ್ರು.
ಮೊದಲ 12 ಓವರ್ಗಳಲ್ಲಿ 92ರನ್ಗಳಿಸಿದ್ದ ಇಂಗ್ಲೆಂಡ್ ಮೊದಲ ವಿಕೆಟ್ ಪತನದ ನಂತರ ಒಂದೇ ಒಂದು ಅರ್ಧಶತಕದ ಜೊತೆಯಾಟ ಕಾಣಲು ಸಾಧ್ಯವಾಗಲಿಲ್ಲ. ಟೆಸ್ಟ್ ಪಂದ್ಯವನ್ನ ಟಿ20 ಮಾದರಿಯಲ್ಲಿ ಆಡಲು ಹೋಗಿ ಇಂಗ್ಲೆಂಡ್ ಕೈ ಸುಟ್ಟುಕೊಂಡ್ರು. ಬ್ಯಾಟಿಂಗ್ ನಲ್ಲಿ ಫ್ಲ್ಯಾಪ್ ಆಗಿದ್ದ ಭಾರತ ತಂಡದ ಪರ ಬೌಲರ್ಗಳು ಅದ್ಭುತ ಪ್ರದರ್ಶನ ನೀಡಿದ್ರು. ಅದ್ರಲ್ಲೂ ಮೊಹಮ್ಮದ್ ಸಿರಾಜ್ ಮತ್ತು ಪ್ರಸಿದ್ಧ್ ಕೃಷ್ಣ ಕಂಪ್ಲೀಟ್ ಅಟ್ಯಾಕಿಂಗ್ ಮೋಡ್ನಲ್ಲೇ ಬೌಲಿಂಗ್ ಮಾಡಿದ್ರು. ಮೊಹಮ್ಮದ್ ಸಿರಾಜ್ 86 ರನ್ಗಳನ್ನ ನೀಡಿ 4 ವಿಕೆಟ್ ಪಡೆದರೆ, ಪ್ರಸಿಧ್ ಕೃಷ್ಣ 62 ರನ್ಗಳನ್ನ ನೀಡಿ 4 ವಿಕೆಟ್ ಪಡೆದು ಇಂಗ್ಲೆಂಡ್ ಪತನಕ್ಕೆ ಕಾರಣರಾದರು. ಇನ್ನು ಆಕಾಶ್ ದೀಪ್ 1 ವಿಕೆಟ್ ಪಡೆದರು. ಇನ್ನು ಭಾರತದ ಬ್ಯಾಟಿಂಗ್ ವೇಳೆ ಫೀಲ್ಡಿಂಗ್ನಲ್ಲಿದ್ದ ಕ್ರಿಸ್ ವೋಕ್ಸ್ ಗಾಯಗೊಂಡಿದ್ದಾರೆ. ಪರಿಣಾಮ ಇಡೀ ಪಂದ್ಯದಿಂದ ರೂಲ್ಡ್ ಔಟ್ ಆಗಿದ್ದಾರೆ. ಹೀಗಾಗಿ ಇಂಗ್ಲೆಂಡ್ ತಂಡದ ಪರ ಒಟ್ಟಾರೆಯಾಗಿ 10 ಆಟಗಾರರು ಮಾತ್ರ ಬ್ಯಾಟ್ ಬೀಸಿದ್ರು.
ಶುಕ್ರವಾರ ಎರಡನೇ ದಿನದ ಟೆಸ್ಟ್ ಪಂದ್ಯದಲ್ಲಿ ಒಟ್ಟಾರೆಯಾಗಿ 15 ವಿಕೆಟ್ಗಳು ಉರುಳಿವೆ. ಪಂದ್ಯ ಆರಂಭವಾದಾಗ ಭಾರತ ಮೊದಲ ಸೆಷನ್ನಲ್ಲಿ 4 ವಿಕೆಟ್ಗಳನ್ನ ಕಳ್ಕೊಳ್ತು. ಬಳಿಕ ಬ್ಯಾಟಿಂಗ್ ಆರಂಭಿಸಿದ ಇಂಗ್ಲೆಂಡ್ ಮೊದಲ ಇನಿಂಗ್ಸ್ನಲ್ಲಿ 9 ವಿಕೆಟ್ಗಳನ್ನ ಕಳ್ಕೊಳ್ತು. ಕ್ರಿಸ್ ವೋಕ್ಸ್ ಆಡದ ಕಾರಣ ಆಂಗ್ಲರ ಟೀಮ್ನಲ್ಲಿ 10 ಪ್ಲೇಯರ್ಸ್ ಅಷ್ಟೇ ಇದ್ರು. ಇನ್ನು ಎರಡನೇ ಇನಿಂಗ್ಸ್ ಆರಂಭಿಸಿದ ಭಾರತ 2 ವಿಕೆಟ್ ಗಳನ್ನ ಕಳೆದುಕೊಂಡಿತು. ಈ ಮೂಲಕ ಉಭಯ ತಂಡಗಳು ಎರಡನೇ ದಿನದಾಟದಲ್ಲಿ ಒಟ್ಟಾರೆಯಾಗಿ 15 ವಿಕೆಟ್ಗಳನ್ನ ಕಳೆದುಕೊಂಡವು. ಸದ್ಯ ಭಾರತ 52 ರನ್ಗಳ ಮುನ್ನಡೆ ಸಾಧಿಸಿದೆ. ದಿನದಾಟದ ಅಂತ್ಯಕ್ಕೆ ಯಶಸ್ವಿ ಜೈಸ್ವಾಲ್ ಅಜೇಯ 51 ರನ್ ಬಾರಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಆಕಾಶ್ ದೀಪ್ ನಾಲ್ಕು ರನ್ ಗಳಿಸಿದ್ದು ಮೂರನೇ ದಿನ ಬ್ಯಾಟಿಂಗ್ ಕಂಟಿನ್ಯೂ ಮಾಡ್ತಾರೆ. ಒಟ್ಟಾರೆ ಮೊದಲ ಇನ್ನಿಂಗ್ಸ್ನಲ್ಲಿ ಉಭಯ ತಂಡಗಳ ನಡುವೆ ಒಂದೇ ರೀತಿಯ ಪ್ರದರ್ಶನ ಬಂದಿದೆ. ಈಗ ಎರಡನೇ ಇನ್ನಿಂಗ್ಸ್ನಲ್ಲಿ ಯಾರು ಅದ್ಭುತ ಪ್ರದರ್ಶನ ನೀಡ್ತಾರೋ ಅವ್ರ ಗೆಲುವು ಫಿಕ್ಸ್ ಆಗಲಿದೆ.
