ಆಂಗ್ಲರ ಬೆನ್ನೆಲುಬು ಮುರಿದ ಜಸ್ಪ್ರೀತ್ ಬುಮ್ರಾ – ಭಾರತದ ಬ್ಯಾಟಿಂಗ್ ವೀಕ್ ಆಯ್ತಾ?
ENG ‘ಆಲ್ ರೌಂಡ್’ ಪ್ಲ್ಯಾನ್ ಹೇಗಿದೆ?  

ಲೀಡ್ಸ್​​ನಲ್ಲಿ ನಡೆಯುತ್ತಿರೋ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತದ ಪರ ಮೂವರು ಸೆಂಚುರಿ ಸಿಡಿಸಿದ್ರು. ಬಟ್ ಉಳಿದವ್ರಿಂದ ನಿರೀಕ್ಷಿತ ಸಪೋರ್ಟ್ ಸಿಗ್ಲಿಲ್ಲ. ಇದ್ರಿಂದಾಗಿ ಭಾರತ 471 ರನ್​ಗಳಿಗೆ ಆಲೌಟ್ ಆಗಿತ್ತು. ಈ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ ಪಡೆ 465 ರನ್​ಗಳಿಸಿ ಕೇವಲ 6 ರನ್​ಗಳಿಂದ ಹಿನ್ನಡೆ ಅನುಭವಿಸಿತು. ಸೋ ಸೆಕೆಂಡ್ ಇನ್ನಿಂಗ್ಸ್ ಆರಂಭ ಮಾಡಿರೋ ಭಾರತಕ್ಕೆ ಆರಂಭದಲ್ಲೇ ಶಾಕ್ ಎದುರಾಯ್ತು.

ಇದನ್ನೂ ಓದಿ : ಫಸ್ಟ್ ಮ್ಯಾಚ್ ಗಳಲ್ಲೇ ಪಾಕ್ ಬೆಂಡೆತ್ತಿದ ಭಾರತ – ಟೆಸ್ಟ್, ಏಕದಿನ, ಟಿ-20ಯಲ್ಲೂ ಭಾರತವೇ ಬಾಸ್!

6 ರನ್‌ಗಳ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ಭಾರತಕ್ಕೆ ಆರಂಭಿಕ ಆಘಾತ ಎದುರಾಯಿತು. ಮೊದಲ ಇನ್ನಿಂಗ್ಸ್‌ನಲ್ಲಿ ಶತಕ ಬಾರಿಸಿದ್ದ ಯಶಸ್ವಿ ಜೈಸ್ವಾಲ್ ಕೇವಲ 4 ರನ್‌ಗಳನ್ನು ಗಳಿಸಿ ಬ್ರೈಡನ್ ಕಾರ್ಸೆಗೆ ಬಲಿಯಾದರು. ಇದಾದ ನಂತರ ಕೆಎಲ್ ರಾಹುಲ್ ಮತ್ತು ಸಾಯಿ ಸುದರ್ಶನ್ ತಂಡದ ಇನ್ನಿಂಗ್ಸ್ ಮುಂದುವರಿಸಿದ್ದು ಒಳ್ಳೆ ಪಾರ್ಟ್ನರ್​ಶಿಪ್ ಬಿಲ್ಡ್ ಆಗ್ತಿತ್ತು. 66 ರನ್​ಗಳ ಜೊತೆಯಾಟವಾಡಿದ್ರು. ಆದ್ರೆ ಈ ಜೋಡಿ ಕಂಪ್ಲೀಟ್ ಸೆಟ್ ಆಗೋಕೆ ಬಿಡದ ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್, ಸಾಯಿ ಸುದರ್ಶನ್ ಅವರನ್ನು 30 ರನ್​ಗಳಿಗೆ ಔಟ್ ಮಾಡಿದ್ರು.

ಎರಡೂ ಇನ್ನಿಂಗ್ಸ್​ಗಳಲ್ಲಿ ಜವಾಬ್ದಾರಿಯುತ ಬ್ಯಾಟಿಂಗ್ ಮಾಡ್ತಿರೋ  ಕನ್ನಡಿಗ ಕೆಎಲ್ ರಾಹುಲ್ ವಿಶೇಷ ಮೈಲುಗಲ್ಲು ದಾಟಿದ್ದಾರೆ. ಸಾವಿರ ರನ್​ ಸರದಾರರ ಪಟ್ಟಿಗೆ ಸೇರಿಕೊಂಡಿದ್ದಾರೆ. ಈ ಪಂದ್ಯದಲ್ಲಿ ಆರಂಭಿಕನಾಗಿ ಕಣಕ್ಕಿಳಿದ ರಾಹುಲ್ ಪ್ರಥಮ ಇನಿಂಗ್ಸ್​ನಲ್ಲಿ 42 ರನ್ ಬಾರಿಸಿದರು. ಹಾಗೇ ಎರಡನೇ ಇನ್ನಿಂಗ್ಸ್​ನಲ್ಲಿ ಮೂರನೇ ದಿನದಾಟದ ಅಂತ್ಯದ ವೇಳೆಗೆ ಅಜೇಯ 47 ರನ್ ಬಾರಿಸಿದ್ದಾರೆ. ಇಂಗ್ಲೆಂಡ್ ವಿರುದ್ಧ ಈವರೆಗೆ 14 ಟೆಸ್ಟ್ ಪಂದ್ಯಗಳಲ್ಲಿ ಕಣಕ್ಕಿಳಿದಿರುವ ಕೆಎಲ್ ರಾಹುಲ್ 26 ಇನಿಂಗ್ಸ್​ಗಳಲ್ಲಿ ಬ್ಯಾಟ್ ಬೀಸಿದ್ದಾರೆ. 3 ಶತಕ ಹಾಗೂ 2 ಅರ್ಧಶತಕಗಳ ಜೊತೆ 1,044 ರನ್​ಗಳನ್ನ ಕಲೆ ಹಾಕಿದ್ದಾರೆ. ಈ ಸಾಧನೆ ಮಾಡಿದ ಭಾರತದ 14ನೇ ಬ್ಯಾಟ್ಸ್‌ಮನ್ ಎಂಬ ಹಿರಿಮೆಗೂ‌ ಪಾತ್ರರಾಗಿದ್ದಾರೆ. ಸೋ ಪ್ರಸ್ತುತ ಶುಭ್​ಮನ್ ಗಿಲ್ ಮತ್ತು ರಾಹುಲ್ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಭಾರತ ತಂಡ 96 ರನ್​ಗಳಿಂದ ಮುನ್ನಡೆ ಸಾಧಿಸಿದೆ. ಌಕ್ಚುಲಿ ಭಾರತದ ಪರ ಫಸ್ಟ್ ಇನ್ನಿಂಗ್ಸ್​ನಲ್ಲಿ ಮತ್ತಷ್ಟು ರನ್ಸ್ ಬರ್ಬೇಕಿತ್ತು. ಬಟ್ ಎಲ್ಲರಿಂದಲೂ ನಿರೀಕ್ಷಿತ ಪ್ರದರ್ಶನ ಬರ್ಲಿಲ್ಲ. ಬಟ್ ಇಂಗ್ಲೆಂಡ್​ ಆಟಗಾರರು ಈ ತಪ್ಪನ್ನ ಮಾಡ್ಲಿಲ್ಲ.

ಫಸ್ಟ್ ಇನ್ನಿಂಗ್ಸ್​ನಲ್ಲಿ ಭಾರತ 471 ರನ್​ಗಳನ್ನ ಕಲೆ ಹಾಕಿತ್ತು. ಇಂಟ್ರೆಸ್ಟಿಂಗ್ ಅಂದ್ರೆ ಆ ಮ್ಯಾಚಲ್ಲಿ ಜೈಸ್ವಾಲ್, ಗಿಲ್ ಮತ್ತು ಪಂತ್ ಸೆಂಚುರಿ ಹೊಡೆದಿದ್ದರಿಂದಾಗಿ ಬಿಗ್ ಸ್ಕೋರ್ ಬಂತು. ಸಾಯಿ ಸುದರ್ಶನ್, ಕರುಣ್ ನಾಯರ್ ಡಕ್ ಔಟ್ ಆಗಿದ್ರು. ಅಲ್ದೇ ಆಲ್​ರೌಂಡರ್ಸ್ ಕೋಟಾ ಪ್ಲೇಯರ್​ಗಳಿಂದಲೂ ಬಿಗ್ ಸ್ಕೋರ್ ಬರ್ಲಿಲ್ಲ. ಬಟ್ ಇಂಗ್ಲೆಂಡ್ ಪರ ಹಾಗಲ್ಲ ಮೊದಲ ಇನ್ನಿಂಗ್ಸ್​ನಲ್ಲಿ ಜಾಕ್ ಕ್ರಾವ್ಲಿ 4 ರನ್​ಗಳಿಗೆ ಔಟಾಗಿದ್ದು ಬಿಟ್ರೆ ಉಳಿದವ್ರೆಲ್ಲಾ ಚೆನ್ನಾಗೇ ಬ್ಯಾಟ್ ಮಾಡಿದ್ದಾರೆ. ಡಬಲ್ ಡಿಜಿಟ್ ರನ್ಸ್ ಕಲೆ ಹಾಕಿದ್ದಾರೆ. ಓಲಿ ಪೋಪ್ ಸೆಂಚುರಿ ಬಾರಿಸಿದ್ದು ಒಬ್ರೇ ಆದ್ರೂ ಎಲ್ಲರಿಂದಲೂ ಸಪೋರ್ಟ್ ಬಂದಿದ್ದಕ್ಕಾಗಿಯೇ ಮೊದಲ ಇನ್ನಿಂಗ್ಸ್​ನಲ್ಲಿ ಕೇವಲ 6 ರನ್​ಗಳ ಹಿನ್ನಡೆ ಸಾಧಿಸಿದ್ರು. ಇಲ್ಲಿ ಇನ್ನೊಂದು ವಿಚಾರ ಮೆನ್ಶನ್ ಮಾಡ್ಲೇಬೇಕು. ಬೌಲಿಂಗ್​ನಲ್ಲಿ ಬುಮ್ರಾ ಒಬ್ಬರೇ ಕಂಪ್ಲೀಟ್ ಇನಿಶಿಯೇಟ್ ತಗೊಂಡು ಬೌಲಿಂಗ್ ಮಾಡಿದಂತಿತ್ತು.

ಅಷ್ಟಕ್ಕೂ ಇಂಗ್ಲೆಂಡ್ ತಂಡ ನಮ್ಮ ಸ್ಕೋರ್​ಗೆ ಹತ್ತಿರ ಬರೋಕೆ ಕಾರಣವೇ ಭಾರತದ ಫೀಲ್ಡಿಂಗ್ ಫೇಲ್ಯೂರ್. ಬೌಲಿಂಗ್​ನಲ್ಲಿ ಪ್ರಸಿದ್ಧ್ ಕೃಷ್ಣ ಮತ್ತು ಮೊಹಮ್ಮದ್ ಸಿರಾಜ್ ಸಿಕ್ಕಾಪಟ್ಟೆ ದುಬಾರಿಯಾದ್ರು. ಪ್ರಸಿದ್ಧ್ ಕೃಷ್ಣ  ಅಂತೂ 120 ಎಸೆತಗಳಲ್ಲಿ ಬರೋಬ್ಬರಿ 128 ರನ್​ಗಳನ್ನ ಬಿಟ್ಟು ಕೊಟ್ಟಿದ್ರು. ಆದ್ರೂ 3 ವಿಕೆಟ್ ಪಡೆದ್ರಲ್ಲ ಅನ್ನೋದೇ ಸಮಾಧಾನ. ಹಾಗೇ ಮೊಹಮ್ಮದ್ ಸಿರಾಜ್ ಕೂಡ ರನ್​ಗಳನ್ನ ಬಿಟ್ಟುಕೊಟ್ರು. 27 ಓವರ್​​ಗಳಲ್ಲಿ ಇಂಗ್ಲೆಂಡ್ ಬ್ಯಾಟರ್ಸ್ 122 ರನ್ ಕಲೆಹಾಕಿದರು. ಸಿರಾಜ್ 2 ವಿಕೆಟ್ ತೆಗೆದ್ರು. ಬಟ್ ಏಕಾಂಗಿಯಾಗಿ ಇಂಗ್ಲೆಂಡ್ ಬ್ಯಾಟರ್ಸ್​​ನ ಕಾಡಿದ ಜಸ್​ಪ್ರೀತ್ ಬುಮ್ರಾ 24.4 ಕೇವಲ 83 ರನ್ ನೀಡಿ 5 ವಿಕೆಟ್ ಕಬಳಿಸಿದರು. ಈ ಮೂಲಕ ಇಂಗ್ಲೆಂಡ್ ತಂಡವನ್ನು ಮೊದಲ ಇನಿಂಗ್ಸ್​​​ನಲ್ಲಿ 465 ರನ್​​ಗಳಿಗೆ ಆಲೌಟ್ ಮಾಡುವಲ್ಲಿ ಯಶಸ್ವಿಯಾದರು.