ʼಸಮಸ್ಯೆ ಬಗೆಹರಿಸಿದ್ರೆ ನನ್ನೊಂದಿಗೆ ಡೇಟಿಂಗ್ ಮಾಡಬಹುದುʼ! – ಯುವತಿ ಸಮಸ್ಯೆ ನೋಡಿ ಯುವಕರು ತಬ್ಬಿಬ್ಬು!
ಇದು ಡಿಜಿಟಲ್ ಯುಗ. ಪ್ರತಿಯೊಂದು ಕೆಲಸಗಳು ನಾವು ಕುಳಿತಲ್ಲಿಂದಲೇ ಮಾಡಬಹುದು. ಆಫೀಸ್ಗೆ ಹೋಗಲು ಬೋರ್ ಆದ್ರೆ ಮನೆಯಲ್ಲೇ ಕುಳಿತು ಕೆಲಸ ಮಾಡಬಹುದು. ಇನ್ನು ಮದುವೆಯಾಗಲು ಬಯಸುತ್ತಿರುವವರಿಗೂ ಕೂಡ ಸಾಕಷ್ಟು ಡೇಟಿಂಗ್ ಆ್ಯಪ್ ಲಭ್ಯವಿವೆ. ಈ ಆ್ಯಪ್ ಮೂಲಕ ಅನೇಕರು ಮದುವೆ ನಿಶ್ಚಯ ಮಾಡಿಕೊಳ್ಳುತ್ತಾರೆ. ಇನ್ನು ಡೇಟಿಂಗ್ ಆ್ಯಪ್ನಲ್ಲಿ ಪರಿಚಯವಾದವರು ಮತ್ತೊಬ್ಬರು ಹೆಸರು, ಕೆಲಸ, ವಿಳಾಸ ಅನ್ನೋದರ ಕುರಿತು ಮಾತನಾಡಿಕೊಳ್ಳುತ್ತಾರೆ. ಆದ್ರೆ ಈ ಮಹಿಳೆ, ಸಮಸ್ಯೆಯನ್ನು ಭೇದಿಸಲು ಯಾರಾದರೂ ಸಹಾಯ ಮಾಡಿದರೆ ಡೇಟಿಂಗ್ ಮಾಡುವುದಾಗಿ ಹೇಳಿದ್ದಾಳೆ.
ಏನಿದು ಘಟನೆ?
ಬೆಂಗಳೂರಿನಲ್ಲಿ ಟೆಕ್ಕಿಯಾಗಿರುವ ಯುವತಿಯೊಬ್ಬಳು ತಮ್ಮ ಕೆಲಸದಲ್ಲಿ ಅನುಭವಿಸುತ್ತಿರುವ ಕೋಡಿಂಗ್ ಸಮಸ್ಯೆ ಬಗ್ಗೆ ಟಿಂಡರ್ ಎಂಬ ಡೇಟಿಂಗ್ ಅಪ್ಲಿಕೇಶನ್ನಲ್ಲಿ ಸಹಾಯ ಪಡೆಯಲು ಯೋಚಿಸಿದ್ದಾರೆ. ಹೀಗಾಗಿ ಆಕೆ ಡೇಟಿಂಗ್ ಆ್ಯಪ್ ನಲ್ಲಿ ತನ್ನ ಪ್ರೊಫೈಲ್ ಅನ್ನು ಕ್ರಿಯೆಟ್ ಮಾಡಿ, ತನ್ನ ಸಮಸ್ಯೆಯನ್ನು ತೋಡಿಕೊಂಡಿದ್ದಾಳೆ. ಮಹಿಳೆಯ ಟಿಂಡರ್ ಪ್ರೊಫೈಲ್ ಅನ್ನು ರೆಡ್ಡಿಟ್ಟ್ನಲ್ಲಿ ಹಂಚಿಕೊಳ್ಳಲಾಗಿದ್ದು, ಸದ್ಯ ಈ ವಿಷಯ ಎಲ್ಲೆಡೆ ವೈರಲ್ ಆಗುತ್ತಿದೆ.
ಯುವತಿಯ ಸಮಸ್ಯೆ ಏನು?
27 ವರ್ಷ ವಯಸ್ಸಿನ ವಂದನಾ ಎಂಬ ಹುಡುಗಿ, ನಾನು ನನ್ನ ಕೆಲಸದಲ್ಲಿ ಕೋಡಿಂಗ್ ಮಾಡಲು ಆಗುತ್ತಿಲ್ಲ. ನಾನು ಟೆಕ್ ಸಮಸ್ಯೆಯನ್ನ ಎದುರಿಸುತ್ತಿದ್ದೇನೆ. ಪೈಥಾನ್ ಎಂಬ ಪ್ರೋಗ್ರಾಮಿಂಗ್ಗೆ ಸಂಬಂಧಿಸಿದ ಟೆಕ್ ಸಮಸ್ಯೆಯನ್ನು ಕಳೆದ ಮೂರು ದಿನಗಳಿಂದ ಅನುಭವಿಸುತ್ತಿದ್ದೇನೆ. ನಾನು ಕೆಲಸ ಮಾಡುತ್ತಿರುವ ಕೋಡ್ ವಿಂಡೋಸ್ ಮತ್ತು ಲಿನಕ್ಸ್ ಕಂಪ್ಯೂಟರ್ಗಳಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಆದರೆ ಅದು ಮ್ಯಾಕ್ಗೆ ಬಂದಾಗ ತೊಂದರೆ ಉಂಟು ಮಾಡುತ್ತಿದೆ. ಈ ಕೋಡಿಂಗ್ ಸಮಸ್ಯೆಯನ್ನು ಯಾರಾದರೂ ಪರಿಹರಿಸಿ ಎಂದು ಸಮಸ್ಯೆ ಹೇಳಿಕೊಂಡಿದ್ದಾಳೆ.
ಸಮಸ್ಯೆ ಬಗೆಹರಿಸಿದವರೊಂದಿಗೆ ಡೇಟಿಂಗ್!
ಕೋಡಿಂಗ್ ಸಮಸ್ಯೆಯನ್ನು ಬಗೆಹರಿಸಿ ತನಗೆ ಯಾರು ಸಹಾಯ ಮಾಡುತ್ತಾರೋ ಅವಯೊಂದಿಗೆ ನಾನು ಡೇಟ್ ಮಾಡುತ್ತೇನೆ. ಈ ಸಮಸ್ಯೆಯೊಂದಿಗೆ ನಿಮಗೆ ಸಹಾಯ ಮಾಡಲು ಸಾಧ್ಯವಾಗದಿದ್ದರೆ ಡೇಟ್ ಮಾಡುವಂತಿಲ್ಲ ಎಂದು ತನ್ನ ಪ್ರೊಪೈಲ್ನಲ್ಲಿ ಬರೆದುಕೊಂಡಿದ್ದಾಳೆ. ಸದ್ಯ ಯುವತಿಯ ವಿಚಿತ್ರ ಪ್ರೊಪೈಲ್ ಎಲ್ಲೆಡೆ ಭಾರಿ ವೈರಲ್ ಆಗಿದೆ.