ನೋಡಿರಿ
ಐಸಿಸಿ ಏಕದಿನ Ranking ಪಟ್ಟಿ ರಿಲೀಸ್ -ನಂಬರ್ 1 ರೇಸ್‌ನಿಂದ ಗಿಲ್ ಜಸ್ಟ್ ಮಿಸ್
ವರ್ಲ್ಡ್ಕಪ್ ಟೂರ್ನಿ ಮಧ್ಯೆ ಐಸಿಸಿಯ ಲೇಟೆಸ್ಟ್ ಱಂಕಿಂಗ್ ಪಟ್ಟಿ ರಿಲೀಸ್ ಆಗಿದೆ. ಟೀಂ ಇಂಡಿಯಾದ ಸ್ಟಾರ್ ಆಟಗಾರ ಶುಭ್‌ಮನ್ ಗಿಲ್ ಈಗ ವರ್ಲ್ಡ್ ನಂಬರ್-1 ಆಗುವತ್ತ ದಾಪುಗಾಲಿಡುತ್ತಿದ್ದಾರೆ. ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಪ್ರಕಟಿಸಿದ ಇತ್ತೀಚಿನ ಬ್ಯಾಟರ್ಗಳ ಶ್ರೇಯಾಂಕದಲ್ಲಿ ಗಿಲ್ 823 ರೇಟಿಂಗ್ ಅಂಕಗಳನ್ನು ಸಂಪಾದಿಸಿದ್ದು, ಸದ್ಯ ವಿಶ್ವದ ನಂ.1 ಬ್ಯಾಟ್ಸ್ಮನ್ ಆಗಿರುವ ಪಾಕಿಸ್ತಾನ ತಂಡದ ನಾಯಕ ಬಾಬರ್ ಆಝಂ ಅವರಿಗಿಂತ ಕೇವಲ ಆರು ಅಂಕಗಳನ್ನು ಕಡಿಮೆ ಹೊಂದಿದ್ದಾರೆ.
ಇದನ್ನೂ ಓದಿ: ಸತತ ಗೆಲುವು ಕಂಡಿರುವ ಟೀಂ ಇಂಡಿಯಾ ಸೀಕ್ರೆಟ್ ಏನು? – ಭಾರತ ತಂಡದ ಪ್ಲಸ್ ಮತ್ತು ಮೈನಸ್ ಯಾವುದು ಗೊತ್ತಾ?
ವರ್ಲ್ಡ್ಕಪ್ ಟೂರ್ನಿಯಲ್ಲಿ ಮಿಂಚುತ್ತಿರುವ ಟೀಮ್ ಇಂಡಿಯಾ, ಈಗ ಐಸಿಸಿ ಱಂಕಿಂಗ್ ಲಿಸ್ಟ್ನಲ್ಲೂ ಪ್ರಾಬಲ್ಯ ಮೆರೆಯುತ್ತಿರುವಂತೆ ಕಾಣ್ತಿದೆ. ಸದ್ಯ ಐಸಿಸಿ ಪ್ರಕಾರ ವರ್ಲ್ಡ್ ಕ್ರಿಕೆಟ್ನಲ್ಲಿ ನಂಬರ್-1 ಬ್ಯಾಟ್ಸ್ಮನ್ ಅಂದ್ರೆ ಅದು ಪಾಕಿಸ್ತಾನದ ಕ್ಯಾಪ್ಟನ್ ಬಾಬರ್ ಆಜಂ. ಸದ್ಯ ಬಾಬರ್ ಆಜಂ ಐಸಿಸಿ ಬ್ಯಾಟಿಂಗ್ ರೇಟಿಂಗ್ನಲ್ಲಿ 829 ಪಾಯಿಂಟ್ಸ್ ಹೊಂದಿದ್ದಾರೆ. 2ನೇ ಸ್ಥಾನದಲ್ಲಿರುವ ಶುಬ್ಮನ್ ಗಿಲ್ 823 ಪಾಯಿಂಟ್ಸ್ ಗಳಿಸಿದ್ದಾರೆ. ಬಾಬರ್ ಮತ್ತು ಶುಬ್ಮನ್ ಗಿಲ್ ಮಧ್ಯೆ ಇರೋದು ಕೇವಲ 6 ಪಾಯಿಂಟ್ಸ್ಗಳ ಡಿಫರೆನ್ಸ್. ಒಂದು ವೇಳೆ ಶುಬ್ಮನ್ ಗಿಲ್ ಆಸ್ಟ್ರೇಲಿಯಾ ಮತ್ತು ಅಫ್ಘಾನಿಸ್ತಾನ ವಿರುದ್ಧದ ಮ್ಯಾಚ್ಗಳನ್ನ ಆಡಿರ್ತಿದ್ರೆ ಇಷ್ಟೊತ್ತಿಗಾಗಲೇ ಬಾಬರ್ ಆಜಂರನ್ನ ಹಿಂದಿಕ್ಕಿ ನಂಬರ್-1 ಬ್ಯಾಟ್ಸ್ಮನ್ ಆಗಿರ್ತಿದ್ರು, ಆದ್ರೆ ಡೆಂಗ್ಯೂನಿಂದಾಗಿ ವರ್ಲ್ಡ್ಕಪ್ ಟೂರ್ನಿಯ ಮೊದಲ ಎರಡು ಮ್ಯಾಚ್ಗಳನ್ನ ಆಡದೇ ಇದ್ದಿದ್ರಿಂದ ಗಿಲ್ ಹೊಸ ಅಚೀವ್ಮೆಂಟ್ ಜಸ್ಟ್ ಮಿಸ್ ಆಗಿದೆ.
ಪಾಕ್ ಕ್ಯಾಪ್ಟನ್ ನಂಬರ್ 1 ಬ್ಯಾಟ್ಸ್ಮನ್ ಆಗಿರೋ ಬಗ್ಗೆ ಈ ಹಿಂದಿನಿಂದಲೇ ಸಾಕಷ್ಟು ಚರ್ಚೆಯಾಗ್ತಾನೆ ಇದೆ. ಈ ವರ್ಲ್ಡ್ಕಪ್ನಲ್ಲಂತೂ ಬಾಬರ್ ಆಜಂ ಹೇಳಿಕೊಳ್ಳುವಂತಾ ಬ್ಯಾಟಿಂಗ್ ಏನು ಮಾಡಿಲ್ಲ. ಟೂರ್ನಿಯಲ್ಲಿ ಟಾಪ್ ಸ್ಕೋರರ್ ಪೊಸೀಶನ್ನಲ್ಲಿ ಕೂಡ ಬಾಬರ್ ಆಜಂ ಇಲ್ಲ. ಹೀಗಾಗಿ ಶೀಘ್ರವೇ ಪಾಕ್ ಕ್ಯಾಪ್ಟನ್ ಐಸಿಸಿ ನಂಬರ್-1 ಬ್ಯಾಟ್ಸ್ಮನ್ ಪಟ್ಟವನ್ನ ಕಳೆದುಕೊಳ್ಳುವ ಎಲ್ಲಾ ಸಾಧ್ಯತೆಗಳೂ ಇದೆ. ಇಷ್ಟೊತ್ತಿಗಾಗಲೇ ಬಾಬರ್ ಆಜಂ ನಂಬರ್-1 ಸ್ಥಾನದಿಂದ ಕೆಳಕ್ಕೆ ಬೀಳಬೇಕಿತ್ತು. ಆದ್ರೆ, ಟೀಂ ಇಂಡಿಯಾ ಓಪನರ್ ಶುಬ್ಮನ್ ಗಿಲ್ ವಿಶ್ವಕಪ್ನ ಮೊದಲ ಎರಡು ಪಂದ್ಯಗಳನ್ನ ಆಡದೇ ಇದ್ದಿದ್ರಿಂದ ಬಾಬಾರ್ ಆಜಂ ನಂಬರ್-1 ಪೊಸೀಷನ್ ಸದ್ಯಕ್ಕೆ ಸೇಫ್ ಆಗಿದೆ. ಹಾಗಂತಾ ಹೆಚ್ಚು ದಿನವೇನು ಬಾಬರ್ ಆಜಂ ನಂಬರ್-1 ಪೊಸೀಶನ್ನಲ್ಲಿ ಇರೋದಿಲ್ಲ.
ಆದ್ರೆ ಐಸಿಸಿ ಬ್ಯಾಟಿಂಗ್ ಱಂಕಿಂಗ್ನಲ್ಲಿ ನಂಬರ್-1 ಪೊಸೀಶನ್ಗೆ ಈಗ ಇಬ್ಬರ ನಡುವೆ ಕಾಂಪಿಟೀಶನ್ ಇದೆ. ಶುಬ್ಮನ್ ಗಿಲ್ ಮತ್ತು ದಕ್ಷಿಣ ಆಫ್ರಿಕಾದ ಕ್ವಿಂಟನ್ ಡಿ ಕಾಕ್ ಮಧ್ಯೆ ನಂಬರ್-1 ಬ್ಯಾಟ್ಸ್ಮನ್ ಪ್ಲೇಸ್ಗೆ ಪೈಪೋಟಿ ಏರ್ಪಟ್ಟಿದೆ. ಕ್ವಿಂಟನ್ ಡಿ ಕಾಕ್ ಐಸಿಸಿ ಬ್ಯಾಟಿಂಗ್ ಱಂಕಿಂಗ್ನಲ್ಲಿ 3ನೇ ಪ್ಲೇಸ್ನಲ್ಲಿದ್ದಾರೆ. ಸಾಲದ್ದಕ್ಕೆ ಫುಲ್ ಫಾರ್ಮ್ನಲ್ಲಿದ್ದಾರೆ. ಈಗಾಗ್ಲೇ 3 ಸೆಂಚೂರಿ ಕೂಡ ಬಾರಿಸಿದ್ದಾರೆ. ಹೀಗಾಗಿ ಶುಬ್ಮನ್ ಗಿಲ್ ಮತ್ತು ಕ್ವಿಂಟನ್ ಡಿ ಕಾಕ್ ಪೈಕಿ ಯಾರು ಬೇಕಾದ್ರೂ ನಂಬರ್-1 ಪೊಸೀಶನ್ಗೆ ಬರಬಹುದು.
ಇನ್ನು ಟೀಂ ಇಂಡಿಯಾದ ಬ್ಯಾಟಿಂಗ್ ಬೆನ್ನೆಲುಬಾಗಿರುವ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಕೂಡ ವರ್ಲ್ಡ್ಕಪ್ನಲ್ಲಿ ಚೆನ್ನಾಗಿಯೇ ಆಡ್ತಿದ್ದಾರೆ. ಅದ್ರಲ್ಲೂ ಐಸಿಸಿ ಬ್ಯಾಟಿಂಗ್ ಱಂಕಿಂಗ್ನಲ್ಲಿ 8ನೇ ಸ್ಥಾನದಲ್ಲಿದ್ದ ವಿರಾಟ್ ಕೊಹ್ಲಿ ಈಹ 5ನೇ ಪ್ಲೇಸ್ಗೆ ಜಂಪ್ ಆಗಿದ್ದಾರೆ. ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ ಮತ್ತು ವಿರಾಟ್ ಕೊಹ್ಲಿ ಇಬ್ಬರೂ 5ನೇ ಪೊಸೀಷನ್ನಲ್ಲಿದ್ದಾರೆ. ಇನ್ನು ಕ್ಯಾಪ್ಟನ್ ರೋಹಿತ್ ಶರ್ಮಾ ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಭಾರತದ ಪರ ಸೆಕೆಂಡ್ ಹೈಯೆಸ್ಟ್ ರನ್ ಗಳಿಸಿದ್ದು, ಐಸಿಸಿ ಱಂಕಿಂಗ್ನಲ್ಲಿ 8ನೇ ಸ್ಥಾನಕ್ಕೆ ಏರಿದ್ದಾರೆ.
ಇವಿಷ್ಟು ಬ್ಯಾಟ್ಸ್ಮನ್ಗಳ ಱಂಕಿಂಗ್ ಕಥೆಯಾಯ್ತು.. ಇನ್ನು ಬೌಲರ್ಸ್ಗಳ ವಿಚಾರಕ್ಕೆ ಬರೋದಾದ್ರೆ, ಆಸ್ಟ್ರೇಲಿಯಾದ ಪೇಸ್ ಬೌಲರ್ ಜೋಶ್ ಹೇಜಲ್ವುಡ್ ಐಸಿಸಿ ವಂಡೇ ಱಂಕಿಂಗ್ನಲ್ಲಿ ನಂಬರ್-1 ಬೌಲರ್ ಆಗಿದ್ದಾರೆ. ವರ್ಲ್ಡ್ಕಪ್ ಆರಂಭಕ್ಕೂ ಮೊದಲು ಟೀಂ ಇಂಡಿಯಾದ ಮೊಹಮ್ಮದ್ ಸಿರಾಜ್ ಫಸ್ಟ್ ಱಂಕಿಂಗ್ನಲ್ಲಿದ್ರು. ಆದ್ರೀಗ ಸಿರಾಜ್ ನಂಬರ್-2 ಬೌಲರ್ ಆಗಿದ್ದಾರೆ. ಹೀಗಾಗಿ ಮುಂದಿನ ಮ್ಯಾಚ್ಗಳಲ್ಲಿ ಸಿರಾಜ್ ಮತ್ತಷ್ಟು ವಿಕೆಟ್ಗಳನ್ನ ಪಡೆದ್ರೆ, ಒಂದೇ ಮ್ಯಾಚ್ನಲ್ಲಿ 5 ವಿಕೆಟ್ಗಳನ್ನ ಗಳಿಸಿದ್ರೆ ಮೊಹಮ್ಮದ್ ಸಿರಾಜ್ ಮತ್ತೆ ನಂಬರ್-1 ಪೊಸೀಶನ್ಗೆ ಏರುವ ಸಾಧ್ಯತೆ ಇದೆ.
ಇನ್ನು ಆಲ್ರೌಂಡರ್ಸ್ ಲಿಸ್ಟ್ನಲ್ಲಿ ಬಾಂಗ್ಲಾದೇಶದ ಶಕೀಬಲ್ ಹಸನ್ ನಂಬರ್-1 ಸ್ಥಾನದಲ್ಲೇ ಕಂಟಿನ್ಯೂ ಆಗಿದ್ದಾರೆ. ಶಕೀಬಲ್ಗೆ ಇದು ಕೊನೆಯ ವರ್ಲ್ಡ್ಕಪ್ ಆಗಿದ್ದು, ಈ ಟೂರ್ನಿ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿಯಾದ್ರೂ ಆಶ್ಚರ್ಯ ಇಲ್ಲ. ಹೀಗಾಗಿ ವರ್ಲ್ಡ್ ನಂಬರ್-1 ಆಲ್ರೌಂಡರ್ ಆಗಿ ತಮ್ಮ ಕೆರಿಯರ್ ಟಾಪ್ ಪೊಸೀಶನ್ನಲ್ಲಿರೋವಾಗಲೇ ಶಕೀಬಲ್ ಹಸನ್ ನಿವೃತ್ತಿ ಘೋಷಿಸುವ ಸಾಧ್ಯತೆ ಕೂಡ ಇದೆ.
ಇನ್ನು ಐಸಿಸಿ ವಂಡೇ ಟೀಂ ಱಂಕಿಂಗ್ ಲಿಸ್ಟ್ನಲ್ಲಿ ಭಾರತ ನಂಬರ್-1 ಪೊಸೀಷನ್ನಲ್ಲೇ ಮುಂದುವರಿದಿದೆ. ವರ್ಲ್ಡ್ಕಪ್ ಪಾಯಿಂಟ್ಸ್ ಟೇಬಲ್ ಮತ್ತು ಐಸಿಸಿ ಱಂಕಿಂಗ್ನಲ್ಲಿ ಟೀಂ ಇಂಡಿಯಾ ಟಾಪ್ ಪೊಸೀಷನ್ನಲ್ಲಿದೆ. ಟೀಂ ಇಂಡಿಯಾ ಒಟ್ಟು 5,542 ಪಾಯಿಂಟ್ಸ್ ಪಡೆದುಕೊಂಡಿದ್ದು, 2ನೇ ಸ್ಥಾನದಲ್ಲಿರುವ ಪಾಕಿಸ್ತಾನ 3,435 ಪಾಯಿಂಟ್ಸ್ ಪಡೆದಿದೆ. ವರ್ಲ್ಡ್ಕಪ್ ಮುಗಿಯೋ ವೇಳೆಗೆ ಪಾಕಿಸ್ತಾನ ಱಂಕಿಂಗ್ನಲ್ಲಿ ಇನ್ನಷ್ಟು ಕೆಳಗೆ ಇಳಿಯೋದು ಗ್ಯಾರಂಟಿ. ಹೀಗಾಗಿ ಸದ್ಯಕ್ಕಂತೂ ನಂಬರ್-1 ಪೊಸೀಷನ್ನಿಂದ ಟೀಂ ಇಂಡಿಯಾವನ್ನ ಅಲುಗಾಡಿಸೋಕೆ ಯಾರಿಂದಲೂ ಸಾಧ್ಯವಿಲ್ಲ.
