ನೋಡಿರಿ
ಪಂಜಾಬ್ ಕಿಂಗ್ಸ್ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ ಹೈದರಾಬಾದ್..! – ಪಾಯಿಂಟ್ಸ್ ಟೇಬಲ್ನಲ್ಲಿ 2ನೇ ಸ್ಥಾನಕ್ಕೆ ಜಿಗಿತ
ಪಂಜಾಬ್ ಕಿಂಗ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ನಡುವೆ ನಡೆದ ಹೈವೋಲ್ಟೇಜ್‌ ಪಂದ್ಯದಲ್ಲಿ ಹೈದರಾಬಾದ್ ಗೆದ್ದು ಬೀಗಿದೆ. ಈ ಮೂಲಕ ಪಾಯಿಂಟ್ಸ್ ಟೇಬಲ್ನಲ್ಲಿ 2ನೇ ಸ್ಥಾನಕ್ಕೆ ತಲುಪಿದೆ.
ಇದನ್ನೂ ಓದಿ: ಮದುವೆಗೆ ಮೊದಲೇ ತಂದೆಯಾದ ಹೆಡ್! – ಟ್ರಾವಿಸ್ – ಜೆಸ್ಸಿಕಾ ಜೋಡಿಯಾಗಿದ್ದೆಲ್ಲಿ?
ರಾಜೀವ್ ಗಾಂಧಿ ಇಂಟರ್ ನ್ಯಾಷನಲ್ ಸ್ಟೇಡಿಯಮ್ನಲ್ಲಿ ನಡೆದ ರೋಚಕ ಪಂದ್ಯದಲ್ಲಿ ಟಾಸ್ ಗೆದ್ದು ಫಸ್ಟ್ ಬ್ಯಾಟಿಂಗ್ ಮಾಡಿದ ಪಂಜಾಬ್ 20 ಓವರ್ನಲ್ಲಿ 5 ವಿಕೆಟ್ ನಷ್ಟಕ್ಕೆ 210 ರನ್ ಕಲೆ ಹಾಕಿತ್ತು. ಈ ಮೂಲಕ ಹೈದರಾಬಾದ್ಗೆ ಬೃಹತ್ ಗುರಿ ನೀಡಿತ್ತು. ಪಂಜಾಬ್ ಪರ ಅಥರ್ವ 46, ಪ್ರಭುಸಿಮ್ರಾನ್ 71, ರೋಸೋ 49, ಜಿತೇಶ್ ಶರ್ಮಾ 32 ರನ್ ಗಳಿಸಿದ್ದರು.
ಪಂಜಾಬ್ ನೀಡಿದ ಬೃಹತ್ ಗುರಿ ಬೆನ್ನತ್ತಿದ ಹೈದರಾಬಾದ್ ಪರ ಓಪನರ್ ಆಗಿ ಬಂದ ಅಭಿಶೇಕ್ ಶರ್ಮಾ ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ಕೇವಲ 28 ಬಾಲ್ನಲ್ಲಿ 6 ಸಿಕ್ಸರ್, 5 ಫೋರ್ ಸಮೇತ 66 ರನ್ ಚಚ್ಚಿದ್ರು. ರಾಹುಲ್ ತ್ರಿಪಾಠಿ 33, ನಿತೀಶ್ ರೆಡ್ಡಿ 37 ರನ್ ಸಿಡಿಸಿದ್ರು. ಕೊನೆವರೆಗೂ ಕ್ರೀಸ್ನಲ್ಲಿ ನಿಂತು ಹೈದರಾಬಾದ್ ತಂಡವನ್ನು ಗೆಲ್ಲಿಸಿದ ಕ್ಲಾಸೆನ್ 42 ರನ್ ಬಾರಿಸಿದ್ರು. ಹೈದರಾಬಾದ್ ಇನ್ನೂ ಒಂದು ಓವರ್ ಇರುವಂತೆ ಗೆಲುವು ಸಾಧಿಸಿದೆ.
