ನೋಡಿರಿ
ಬೌಲ್ಡ್.. ಕ್ಯಾಚ್.. ರನ್ ಔಟ್.. ಕ್ರಿಕೆಟ್ ನಲ್ಲಿವೆ 11 ರೀತಿಯ OUT – ಬ್ಯಾಟರ್ ಹೀಗೂ ವಿಕೆಟ್ ಒಪ್ಪಿಸ್ತಾರಾ?
ಶತಮಾನಗಳ ಇತಿಹಾಸ ಹೊಂದಿರೋ ಕ್ರಿಕೆಟ್ ಈಗ ಜಗದಗಲವೂ ಜನಪ್ರಿಯತೆ ಗಳಿಸಿದೆ. ವರ್ಷದಿಂದ ವರ್ಷಕ್ಕೆ ಕ್ರಿಕೆಟ್ನ ಪಾಪ್ಯುಲಾರಿಟಿ ಹೆಚ್ಚುತ್ತಲೇ ಇದೆ. ಭಾರತದಲ್ಲಂತೂ ಅಸಂಖ್ಯಾತ ಅಭಿಮಾನಿ ಬಳಗವನ್ನೇ ಹೊಂದಿದೆ. ಇಂಥ ಕ್ರಿಕೆಟ್ನಲ್ಲಿ ಬ್ಯಾಟ್ಸ್ಮನ್ಗಳನ್ನ ಹೇಗೆಲ್ಲಾ ಔಟ್ ಮಾಡಬಹುದು ಅನ್ನೋ ಕುತೂಹಲಕಾರಿ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಅಹಮದಾಬಾದ್ ವಿಮಾನ ದುರಂತ – ಕೇಂದ್ರ ಸರ್ಕಾರದಿಂದ ಉನ್ನತ ಮಟ್ಟದ ತನಿಖಾ ಸಮಿತಿ ರಚನೆ
16ನೇ ಶತಮಾನದಲ್ಲಿ ಆರಂಭವಾದ ಕ್ರಿಕೆಟ್ ಇಂದು ವಿಶ್ವದಲ್ಲೇ ಅತ್ಯಂತ ವೇಗವಾಗಿ ಬೆಳೆಯುತ್ತಿರೋ ಕ್ರೀಡೆಗಳಲ್ಲಿ ಒಂದು. ಪುಟ್ಟ ಮಕ್ಕಳಿಂದ ಹಿಡಿದು ವಯಸ್ಕರವರೆಗೂ ಇಷ್ಟ ಪಟ್ಟು ನೋಡೋ ಈ ಗೇಮ್ನಲ್ಲಿ ಸಾಕಷ್ಟು ಇಂಟ್ರೆಸ್ಟಿಂಗ್ ವಿಚಾರಗಳಿವೆ. ಅದ್ರಲ್ಲೂ ಔಟ್ ಮಾಡುವ ವಿಧಾನಗಳೇ ಸಾಕಷ್ಟಿವೆ.
ನಂಬರ್ 1 – ಬೌಲ್ಡ್!
ಬೌಲರ್ ಎಸೆದ ಚೆಂಡು ನೇರವಾಗಿ ಬ್ಯಾಟರ್ ಹಿಂದಿರುವ ಸ್ಟಂಪ್ಗಳಿಗೆ ತಾಗಿದರೆ ಅದನ್ನು ಕ್ಲೀನ್ ಬೌಲ್ಡ್ ಎಂದು ಪರಿಗಣಿಸಲಾಗುತ್ತದೆ. ಒಂದು ವೇಳೆ ಚೆಂಡು ಕೈ ಅಥವಾ ಹೆಲ್ಮೆಟ್ ಮತ್ತಿತರ ವಸ್ತುಗಳಿಗೆ ತಾಕಿದ ಬಳಿಕ ವಿಕೆಟ್ಗೆ ತಾಗಿದರೆ ಅದನ್ನು ಬೌಲ್ಡ್ ಎಂದು ಕರೆಯಲಾಗುತ್ತದೆ. ನೋ ಬಾಲ್ ಮತ್ತು ಡೆಡ್ಬಾಲ್‌ನಿಂದ ಬ್ಯಾಟರ್ ಅನ್ನು ಬೌಲ್ಡ್ ಮಾಡಲಾಗುವುದಿಲ್ಲ.
ನಂಬರ್ 2 – ಕ್ಯಾಚ್ ಔಟ್!
ಕ್ರಿಕೆಟ್ನಲ್ಲಿ ಔಟಾಗುವ ವೆರಿ ಕಾಮನ್ ಗಳಲ್ಲಿ ಕ್ಯಾಚ್ ಔಟ್ ಕೂಡ ಒಂದು. ಆಟಗಾರನು ಬ್ಯಾಟ್‌ನಿಂದ ಹೊಡೆದ ಚೆಂಡು ನೆಲ ಮುಟ್ಟುವ ಮೊದಲು ಫೀಲ್ಡರ್ ಅಥವಾ ವಿಕೆಟ್‌ಕೀಪರ್‌ ಹಿಡಿದರೆ ಅದನ್ನು ಕ್ಯಾಚ್ ಔಟ್ ಎಂದು ಪರಿಗಣಿಸಲಾಗುತ್ತದೆ. ಕ್ಯಾಚ್ ಔಟ್ನಲ್ಲಿ ವಿಭಿನ್ನ ರೂಪಾಂತರಗಳಿವೆ. ಉದಾಹರಣೆಗೆ, ಬೌಲರ್ ಸ್ವತಃ ಕ್ಯಾಚ್ ತೆಗೆದುಕೊಂಡರೆ, ಅದನ್ನು ಕ್ಯಾಚ್ ಮತ್ತು ಬೌಲ್ಡ್ ಎಂದು ಪರಿಗಣಿಸಲಾಗುತ್ತದೆ. ವಿಕೆಟ್ ಕೀಪರ್ ಅಥವಾ ಸ್ಲಿಪ್ ಕಾರ್ಡನ್‌ನಿಂದ ಕ್ಯಾಚ್ ಪಡೆದರೆ ಅದನ್ನು ಕೀಪರ್ ಅಥವಾ ಸ್ಲಿಪ್ ಕ್ಯಾಚ್ ಎಂದು ಹೇಳಲಾಗುತ್ತದೆ.
ನಂಬರ್ 3 – ಹಿಟ್ ವಿಕೆಟ್!
ಚೆಂಡನ್ನು ಹೊಡೆಯಲು ಯತ್ನಿಸಿದ ವೇಳೆ ಬ್ಯಾಟರ್ ತನ್ನ ಬ್ಯಾಟ್ ಅಥವಾ ಇತರ ಯಾವುದೇ ದೇಹದ ಭಾಗ ಮತ್ತು ಪ್ಯಾಡ್ನಿಂದ ಅಜಾಗರೂಕತೆಯಿಂದ ಹಿಂಬದಿಯ ಸ್ಟಂಪ್‌ಗಳನ್ನು ಉರುಳಿಸಿದರೆ ಹಿಟ್ ವಿಕೆಟ್ ನೀಡಿ ಬ್ಯಾಟರ್ನನ್ನು ಪೆವಿಲಿಯನ್ಗೆ ಕಳುಹಿಸಲಾಗುತ್ತದೆ. ಒಂದು ವೇಳೆ ಬ್ಯಾಟರ್ನ ಹೆಲ್ಮೆಟ್‌ಗೆ ಮತ್ತು ಬ್ಯಾಟ್ಗೆ ಚೆಂಡು ಬಡಿದು ಸ್ಟಂಪ್‌ನ ಮೇಲೆ ಬಿದ್ದರು. ಅದನ್ನು ಹಿಟ್ ವಿಕೆಟ್ ಎಂದೇ ಪರಿಗಣಿಸಲಾಗುತ್ತದೆ.
ನಂಬರ್ 4 – ಬಾಲ್ ಹಿಟ್ ದಿ ಟ್ವೈಸ್
ಬ್ಯಾಟರ್ ಚೆಂಡನ್ನು ಎರಡು ಬಾರಿ ಅಚಾತುರ್ಯದಿಂದ ಅಥವಾ ಅಜಾಗರೂಕತೆಯಿಂದ ಹೊಡೆದರೆ ಈ ರೀತಿಯ ಔಟ್ ಸಂಭವಿಸುತ್ತದೆ. ಚೆಂಡನ್ನು ಬ್ಯಾಟ್ ನಿಂದ ಎರಡು ಬಾರಿ ಹೊಡೆಯುವುದು ಕೂಡ ಅಪರೂಪದ ವಜಾ ವಿಧಾನ.
ನಂಬರ್ 5 – ಎಲ್ ಬಿಡಬ್ಲ್ಯೂ
ಬ್ಯಾಟರ್ಗಳು ಔಟಾಗುವ ಸಾಮಾನ್ಯ ವಿಧಾನಗಳಲ್ಲಿ LBW ಕೂಡ ಒಂದು. ಬ್ಯಾಟರ್ ಸ್ಟಂಪ್ಗಳಿಗೆ ಅಡ್ಡಲಾಗಿ ನಿಂತು ಚೆಂಡನ್ನು ಹೊಡೆಯಲು ಯತ್ನಿಸಿದಾಗ ಚೆಂಡು ಬ್ಯಾಟ್ಗೆ ತಾಗದೇ ಬ್ಯಾಟರ್ನ ಕಾಲಿಗೆ ತಾಗಿದರೆ ಅದನ್ನು ಲೆಗ್ ಬಿಫೋರ್ ವಿಕೆಟ್ ಅಥವಾ ಎಲ್‌ಬಿಡಬ್ಲ್ಯೂ ಎಂದು ಪರಿಗಣಿಸಲಾಗುತ್ತದೆ. ಆದಾಗ್ಯೂ, ಚೆಂಡು ಬ್ಯಾಟರ್ನ ಪ್ಯಾಡ್ ಅಥವಾ ಗ್ಲೌಸ್‌ಗೆ ತಾಗದಿದ್ದರೂ ಸ್ಟಂಪ್‌ಗೆ ತಾಗುತ್ತದೆಯೋ ಇಲ್ಲವೋ ಎಂದು ಅಂಪೈರ್ಗಳು ನಿರ್ಣಯಿಸುತ್ತಾರೆ. ಒಂದು ವೇಳೆ ಅಂಪೈರ್ ನಿರ್ಧಾರದಿಂದ ಬ್ಯಾಟರ್ಗೆ ಅಸಮಾಧಾನವಿದ್ದಲ್ಲಿ ತಮ್ಮ ಬಳಿಯಿರುವ ರಿವ್ಯೂ ಆಯ್ಕೆ ಮೂಲಕ ಮತ್ತೊಮ್ಮೆ ಪರಿಶೀಲಿಸಲು ಮೂರನೇ ಅಂಪೈರ್ ಬಳಿಗೆ ಕೊಂಡೊಯ್ಯಬಹುದು.
ನಂಬರ್ 6 – ಫೀಲ್ಡರ್ ಗೆ ಅಡ್ಡಿ ಪಡಿಸುವುದು
ಒಬ್ಬ ಬ್ಯಾಟರ್ ರನ್ ಕದಿಯುವ ವೇಳೆ ಕ್ರೀಸ್ಗೂ ತಲುಪುವ ಮುನ್ನವೇ ಫೀಲ್ಡಿಂಗ್ ತಂಡವು ಚೆಂಡನ್ನು ಸ್ಟಂಪ್‌ಗೆ ಹೊಡೆದರೆ ಅದನ್ನು ರನ್ ಔಟ್ ಎಂದು ಪರಿಗಣಿಸಲಾಗುತ್ತದೆ. ಇದಷ್ಟೇ ಅಲ್ಲದೇ ಬ್ಯಾಟರ್ ಸ್ಟಂಪ್‌ಗೆ ಚೆಂಡು ತಾಕದಂತೆ ಉದ್ದೇಶಪೂರ್ವಕವಾಗಿ ಚೆಂಡನ್ನು ದೇಹಕ್ಕೆ ತಾಗಿಸಿಕೊಂಡರೆ ಅದನ್ನು ರನ್ಔಟ್ ಎಂದೇ ನಿರ್ಧರಿಸಲಾಗುತ್ತದೆ.
ನಂಬರ್ 8 – ರಿಟೈರ್ಡ್ ಹರ್ಟ್ & ಔಟ್!
ಬ್ಯಾಟರ್ ಕಾರಣಾಂತರಗಳಿಂದ ಆಟದ ಮಧ್ಯದಲ್ಲೇ ಕ್ರೀಸ್ನಿಂದ ಪೆವಿಲಿಯನ್ಗೆ ಹಿಂತಿರುಗಲು ನಿರ್ಧರಿಸಿದಾಗ ರಿಟೈರ್ಡ್ ಹರ್ಟ್ ಎಂದು ಪರಿಗಣಿಸಲಾಗುತ್ತದೆ. ಇದು ಹೆಚ್ಚಾಗಿ ಬ್ಯಾಟರ್ ಗಾಯಕ್ಕೆ ತುತ್ತಾದಾಗ ಅಥವಾ ದೇಹದ ನೋವಿನಿಂದ ಬಳಲುತ್ತಿರುವಾಗ ಈ ನಿರ್ಧಾರವನ್ನು ತೆಗೆದುಕೊಳ್ಳುತ್ತಾನೆ. ಈ ನಿಯಮದಲ್ಲಿ ಬ್ಯಾಟರ್ ಮಧ್ಯದಲ್ಲಿ ಪಂದ್ಯಕ್ಕೆ ಪುನರಾಗಮನ ಮಾಡಬಹುದು. ಇದ್ರಲ್ಲಿ ರಿಟೈರ್ಡ್ ಔಟ್ ಕೂಡ ಇದೆ. ಇಲ್ಲಿ ಬ್ಯಾಟರ್ನ ತಂಡ ವಾಪಸ್ ಕರೆಸಿಕೊಂಡ್ರೆ ಇದು ರಿಟೈರ್ಡ್ಸ್ ಔಟ್ ಆಗುತ್ತೆ. ವಾಪಸ್ ಬ್ಯಾಟಿಂಗ್ಗೆ ಬರೋಕೆ ಅವಕಾಶ ಇರಲ್ಲ.
ನಂಬರ್ 9 – ಸ್ಟಂಪ್ಡ್ ಔಟ್
ಸ್ಟಂಪ್ಡ್ ಔಟ್ ವಿಧಾನವು ಕ್ರಿಕೆಟ್ನಲ್ಲಿ ಸಾಮಾನ್ಯವಾಗಿದೆ. ಬ್ಯಾಟರ್ ಕ್ರೀಸ್ನಿಂದ ಹೊರಬಂದು ಚೆಂಡನ್ನು ಹೊಡೆಯಲು ಯತ್ನಿಸಿದ ವೇಳೆ ಮಿಸ್ ಆಗಿ ಚೆಂಡು ವಿಕೆಟ್‌ಕೀಪರ್‌ನ ಕೈಗೆ ಸೇರಿದರೆ ಬ್ಯಾಟರ್ ಕ್ರೀಸ್‌ನೊಳಗೆ ಸೇರುವ ಮೊದಲು ಕೀಪರ್ ಚೆಂಡನ್ನು ವಿಕೆಟ್‌ಗಳಿಗೆ ಹಚ್ಚಿದರೆ ಅದನ್ನು ಸ್ಟಂಪ್ ಔಟ್ ಎಂದು ಪರಿಗಣಿಸಲಾಗುತ್ತದೆ.
ನಂಬರ್ 10 – ಟೈಮ್ ಔಟ್
ಟೈಮ್ ಔಟ್ ಎಂದರೆ ಬ್ಯಾಟರ್ ಒಬ್ಬ ಕ್ರೀಸ್ನಿಂದ ನಿರ್ಗಮಿಸಿದ ಬಳಿಕ ಮತ್ತೊಬ್ಬ ಬ್ಯಾಟರ್ 3 ನಿಮಿಷಗಳಲ್ಲಿ ಕ್ರೀಸ್ಗೆ ಆಗಮಿಸಬೇಕು. ಒಂದು ವೇಳೆ ಬ್ಯಾಟರ್ ಕ್ರೀಸ್ಗೆ ಬರಲು 3 ನಿಮಿಷಕ್ಕಿಂತ ಹೆಚ್ಚಿನ ಸಮಯ ತೆಗೆದುಕೊಂಡರೆ ಎದುರಾಳಿ ತಂಡ ಅಂಪೈರ್ಗೆ ಅಪೀಲ್ ಮಾಡಬಹುದು. ಬಳಿಕ ಔಟ್ ನೀಡಲಾಗುತ್ತದೆ. ಇದು ಪ್ರಥಮ ದರ್ಜೆ ಮಟ್ಟದ ಕ್ರಿಕೆಟ್ನಲ್ಲಿ ಹೆಚ್ಚಾಗಿ ಸಂಭವಿಸುತ್ತದೆ.
ನಂಬರ್ 11 – ಮಾಂಕಡ್ ಔಟ್
ಇದೊಂಥರ ಕಾಂಟ್ರವರ್ಸಿ ಔಟ್. ನಾನ್-ಸ್ಟ್ರೈಕರ್‌ನಲ್ಲಿರುವ ಬ್ಯಾಟ್ಸ್ ಮನ್ ಬೌಲರ್ ಚೆಂಡನ್ನು ಎಸೆಯುವ ಮುನ್ನವೇ ಕ್ರೀಸ್ನಿಂದ ಹೊರಗೆ ಹೆಜ್ಜೆ ಇಟ್ಟರೆ ಈ ವೇಳೆ ಬೌಲರ್ ಬೇಲ್ಸ್ ಎಗರಿಸಿ ಔಟ್ ಅಪೀಲ್ ಮಾಡಬಹುದು. ಲಕ್ನೋ ಮತ್ತು ಆರ್ಸಿಬಿ ನಡುವಿನ ಮ್ಯಾಚಲ್ಲಿ ದಿಗ್ವೇಶ್ ರಾಥಿ ಕೂಡ ಜಿತೇಶ್ ಶರ್ಮಾ ವಿಕೆಟ್ಗೆ ಹೀಗೆ ಅಪೀಲ್ ಮಾಡಿದ್ರು. ಬಟ್ ಅದು ಔಟ್ ಕೊಟ್ಟಿರಲಿಲ್ಲ. ಹೀಗೆ ಕ್ರಿಕೆಟ್ನಲ್ಲಿ 11 ರೀತಿಯ ಔಟ್ಗಳಿವೆ.
