ನೋಡಿರಿ
ಪದೇ ಪದೆ ತಲೆನೋವು ಬರುತ್ತಾ? – ಎಚ್ಚರ.. ಇದು ಈ ಕಾಯಿಲೆಯ ಲಕ್ಷಣ!
ನಮ್ಮಲ್ಲಿ ಬಹುತೇಕರಿಗೆ ಬಿಸಿಲಿನಲ್ಲಿ ಹೋಗೋದಂದ್ರೆ ಆಗೋದಿಲ್ಲ. ಬಿಸಿಲಿಗೆ ಹೋದಾಗ ತಲೆನೋವು, ತಲೆಸುತ್ತು ಕಾಡಲಾರಂಭಿಸುತ್ತದೆ. ಕೆಲವರು ನಿದ್ದೆ ಮಾಡಿಲ್ಲ, ಇದು ಕಾಮನ್ ಅಂತ ಬಿಟ್ಟು ಬಿಡ್ತಾರೆ. ಆದ್ರೆ ಪದೇ ಪದೆ ತಲೆನೋವು ಕಾಣಿಸಿಕೊಂಡ್ರೆ ಎಚ್ಚರ.
ಇದನ್ನೂ ಓದಿ: ಮಹಿಳೆಯರಿಗೆ ಮತ್ತೆ ಬಂಪರ್ – 1.31 ಕೋಟಿ ಮಹಿಳೆಯರ ಖಾತೆಗೆ 5000 ರೂ ಹಣ
ಈ ತಲೆನೋವು ಸಾಮಾನ್ಯವಾಗಿ ಮೈಗ್ರೇನ್, ನಿದ್ರೆಯ ಕೊರತೆ, ಹಳೆಯ ಗಾಯ ಅಥವಾ ಮಾನಸಿಕ ಒತ್ತಡದಂತಹ ಹಲವು ಕಾರಣಗಳಿಂದ ಕಂಡುಬರಬಹುದು. ಆದರೆ ಅಂತಹ ಯಾವುದೇ ಸಮಸ್ಯೆ ಇಲ್ಲದಿದ್ದರೂ ಕೂಡ ತಲೆಯ ಹಿಂಭಾಗದಲ್ಲಿ ಇನ್ನೂ ಕಂಡುಬರುತ್ತಿದ್ದರೆ ಅದಕ್ಕೆ ಅಧಿಕ ರಕ್ತದೊತ್ತಡವೂ ಕಾರಣವಾಗಿರಬಹುದು.
ತಜ್ಞರ ಪ್ರಕಾರ, ಯಾವುದೇ ವ್ಯಕ್ತಿಗಾಗಲಿ ಒಂದು ಅಥವಾ ಎರಡು ಬಾರಿ ಅಧಿಕ ರಕ್ತದೊತ್ತಡ ಕಂಡುಬಂದರೆ ಅದು ತಲೆಯ ಹಿಂಭಾಗದಲ್ಲಿ ನೋವು ಉಂಟುಮಾಡುವುದಿಲ್ಲ. ಆದರೆ ಈ ರಕ್ತದೊತ್ತಡವು 180/120 mmHg ಕ್ಕಿಂತ ಹೆಚ್ಚಾದರೆ, ಅದು ತಲೆನೋವಿಗೆ ಕಾರಣವಾಗಬಹುದು. ಈ ಸ್ಥಿತಿಯನ್ನು ವೈದ್ಯಕೀಯ ತುರ್ತುಸ್ಥಿತಿ ಎಂದು ಪರಿಗಣಿಸಲಾಗುತ್ತದೆ. ಆಗ ರೋಗಿಯನ್ನು ತಕ್ಷಣವೇ ಆಸ್ಪತ್ರೆಗೆ ಸೇರಿಸಬೇಕಾಗಬಹುದು. ಆದರೆ ಕೆಲವು ಸಂದರ್ಭಗಳಲ್ಲಿ, ರಕ್ತದೊತ್ತಡದಲ್ಲಿ ಸ್ವಲ್ಪ ಹೆಚ್ಚಳ ಕಂಡುಬಂದರೂ ಕೂಡ ತಲೆಯ ಹಿಂಭಾಗದಲ್ಲಿ ನೋವನ್ನು ಉಂಟುಮಾಡಬಹುದು.
ಅಧಿಕ ರಕ್ತದೊತ್ತಡದಿಂದ ಉಂಟಾಗುವ ತಲೆನೋವು ಹೇಗಿರುತ್ತದೆ?
- ತಲೆಯ ಹಿಂಭಾಗದಲ್ಲಿ ನೋವಿನ ಜೊತೆಗೆ ಭಾರವೂ ಇರುತ್ತದೆ.
- ತಲೆನೋವಿನೊಂದಿಗೆ ದೃಷ್ಟಿ ಮಸುಕಾಗುವುದು.
- ತಲೆತಿರುಗುವಿಕೆ
- ವಾಂತಿ
ತಲೆಯ ಹಿಂಭಾಗದಲ್ಲಿ ನೋವು ಕಂಡುಬರುವುದಕ್ಕೆ ಕಾರಣವೇನು?
ವ್ಯಕ್ತಿಯ ರಕ್ತದೊತ್ತಡ ಹೆಚ್ಚಾದಾಗ, ಅದು ಮೆದುಳಿನಲ್ಲಿರುವ ರಕ್ತನಾಳಗಳ ಮೇಲೆ ಒತ್ತಡವನ್ನು ಬೀರುತ್ತದೆ. ಇದು ತಲೆನೋವಿಗೆ ಕಾರಣವಾಗುತ್ತದೆ. ಹೆಚ್ಚಿನವರಲ್ಲಿ, ನೋವು ತಲೆಯ ಹಿಂಭಾಗದಲ್ಲಿ ಕಂಡುಬರುತ್ತದೆ, ಆದರೆ ಅನೇಕರಲ್ಲಿ ಈ ನೋವು ಪೂರ್ತಿ ತಲೆಯನ್ನು ಆವರಿಸಿಕೊಳ್ಳಬಹುದು. ಅಧಿಕ ರಕ್ತದೊತ್ತಡದ ಲಕ್ಷಣಗಳನ್ನು ಸುಲಭವಾಗಿ ಗುರುತಿಸಲಾಗದ ಕಾರಣ, ಈ ರೋಗಲಕ್ಷಣವನ್ನು ನಿರ್ಲಕ್ಷಿಸುತ್ತಾರೆ, ಆದರೆ ಈ ರೀತಿ ಮಾಡುವುದು ಒಳ್ಳೆಯದಲ್ಲ. ಇಂತಹ ಸಂದರ್ಭಗಳಲ್ಲಿ, ನೀವು ವೈದ್ಯರನ್ನು ಸಂಪರ್ಕಿಸುವುದು ಬಹಳ ಮುಖ್ಯ.
