ಪುರುಷರು ಗರ್ಭಧಾರಣೆ  ಮಾಡಬಹುದೇ? – ಮಹಾಭಾರತದಲ್ಲಿ ರಾಜನೊಬ್ಬ ಮಗುವಿಗೆ ಜನ್ಮ ನೀಡಿದ್ದು ಹೇೆಗೆ ಗೊತ್ತಾ

ಮಹಾಭಾರತದಲ್ಲಿ ಬರುತ್ತದೆ ಮತ್ತು ನಾರದ ಪುರಾಣದ ಪ್ರಕಾರ, ಯುವನಾಶ್ವನ ಪತ್ನಿಯ ಹೆಸರು ಗೌರಿ. ಆ ದಂಪತಿಗೆ ಮದುವೆಯಾದ ಹಲವು ವರ್ಷಗಳ ನಂತರವೂ ಮಕ್ಕಳು ಆಗಲಿಲ್ಲ. ಇದರಿಂದ ಚಿಂತೆಗೀಡಾದ ರಾಜನು ಸಂತಾನ ಪ್ರಾಪ್ತಿಗಾಗಿ ಒಂದು ಯಾಗವನ್ನು ನಡೆಸಿದನು. ರಾಜಾ ದಶರಥನಂತೆಯೇ, ಯುವನಾಶ್ವನು ಸಂತಾನಕ್ಕಾಗಿ ಪ್ರಯತ್ನಿಸಿದನು. ಹಾಗಾಗಿ, ಮಹರ್ಷಿ ಚ್ಯವನರು ಈ ರಾಜನಿಗಾಗಿ ‘ಇಷ್ಟಿ ಯಾಗ’ವನ್ನು ಆಯೋಜಿಸಿದರು. ಈ ಯಾಗವು ಸಂತಾನ ಪ್ರಾಪ್ತಿಯನ್ನು ನೀಡುವಂತಹದು ಎಂದು ನಂಬಲಾಗಿದೆ. ಅದರಂತೆ, ಈ ಯಾಗವು ಸುಮಾರು ಒಂದು ವರ್ಷಗಳ ಕಾಲ ನಡೆದಿದೆ ಎನ್ನಲಾಗಿದೆ. ಇನ್ನು, ಈ ಯಾಗ ಸಮಾಪ್ತಿಯ ನಂತರ ಮಹರ್ಷಿ ಚ್ಯವನರು ಒಂದು ಮಡಕೆಯಲ್ಲಿ ಅಭಿಮಂತ್ರಿತ ಜಲವನ್ನು ಇಟ್ಟು, ಅದನ್ನು ರಾಣಿ ಗೌರಿ ಸೇವಿಸಿದರೆ ಗರ್ಭಧಾರಣೆ ಆಗುತ್ತದೆ ಎಂದು ಸೂಚಿಸಿದರು.

ಇನ್ನು, ಯಾಗ ಮುಗಿದ ನಂತರ, ಆಯಾಸದಿಂದಾಗಿ ಎಲ್ಲರೂ ಗಾಢ ನಿದ್ರೆಗೆ ಜಾರಿದರು. ಈ ಸಂದರ್ಭ ರಾತ್ರಿಯಲ್ಲಿ, ಮಹಾರಾಜ ಯುವನಾಶ್ವನಿಗೆ ತುಂಬಾ ಬಾಯಾರಿಕೆಯಾಗಿ, ಯಾಗ ಮೈದಾನದ ಬಳಿಯ ಪಾತ್ರೆಯಲ್ಲಿ ಇರಿಸಲಾಗಿದ್ದ ನೀರನ್ನು ಕುಡಿದನು. ಆದರೆ, ಅದು, ತನ್ನ ಹೆಂಡತಿ ಕುಡಿಯಬೇಕಾದ ಮಂತ್ರಿಸಿದ ನೀರು ಎಂದು ಅವನಿಗೆ ತಿಳಿದಿರಲಿಲ್ಲ. ಹಾಗಾಗಿ, ಈ ಅಜ್ಞಾನದಿಂದ ಆತ ಮುಂದೆ ಗರ್ಭಧರಿಸಬೇಕಾಗಿ ಬಂತು ಎನ್ನಲಾಗಿದೆ.