ನೋಡಿರಿ
ಒಂದೇ ದಿನದಲ್ಲೇ ಕಣ್ಣೀರಿಟ್ಟ ಹನುಮಂತ – ಮುಗ್ಧನ ಮೇಲೆ ಮೃಗಗಳ ದಾಳಿ
ಹಳ್ಳಿ ಹೈದನಿಗೆ ಫ್ಯಾನ್ಸ್ ಸಪೋರ್ಟ್
ಬಿಗ್ ಬಾಸ್ ಕನ್ನಡ ಸೀಸನ್‌ 11ನಲ್ಲಿ ಮನರಂಜನೆಗಿಂತ ಜಾಸ್ತಿ ಕಿತ್ತಾಟವೇ ಜಾಸ್ತಿಯಾಗಿದೆ. ಲಾಯರ್‌ ಜಗದೀಶ್, ರಂಜಿತ್‌ ಮನೆಯಿಂದ ಹೊರ ಹೋಗ್ತಿದ್ದಂತೆ ದೊಡ್ಮನೆಗೆ ವೈಲ್ಡ್‌ ಕಾರ್ಡ್‌ ಎಂಟ್ರಿಯಾಗಿದೆ. ಸರಿಗಮಪ ಖ್ಯಾತಿಯ ಹನುಮಂತ ಲಮಾಣಿ ವೈಲ್ಡ್‌ ಕಾರ್ಡ್‌ ಮೂಲಕ ಎಂಟ್ರಿಯಾಗಿದೆ.. ಇದೀಗ ಹನುಮಂತನಿಗೆ ಯಾಕಾದ್ರೂ ಬಿಗ್ ಬಾಸ್ ಗೆ ಬಂದೆ ಅಂತಾ ಅನಿಸಲು ಶುರುವಾಗಿದೆ.. ಮೊದಲು ದಿನವೇ ಮುಗ್ದ ಹನುಮಂತನ ಮೇಲೆ ಸಹ ಸ್ಪರ್ಧಿಗಳು ಕಿಡಿಕಾರಿದ್ದಾರೆ.. ಒಂದೇ ದಿನಕ್ಕೆ ನನ್ಗೆ ಇದೆಲ್ಲ ಬೇಡ.. ಅಂತಾ ಅತ್ತೇ ಬಿಟ್ಟಿದ್ದಾರೆ ಹನುಮಂತು.. ಅಷ್ಟಕ್ಕೂ ದೊಡ್ಮನೆಯಲ್ಲಿ ಆಗಿದ್ದೇನು? ಹನುಮಂತು ಅತ್ತಿದ್ಯಾಕೆ? ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಅಂದು ಅಮ್ಮನ ಸಂದೇಶ ಬರಲೇ ಇಲ್ಲ.. 24 ಗಂಟೆಗಳಲ್ಲಿ ಎಲ್ಲವೂ ಬದಲಾಗಿ ಹೋಯಿತು – ಭಾವುಕ ಪೋಸ್ಟ್ ಹಂಚಿಕೊಂಡ ಸುದೀಪ್
ಬಿಗ್ ಬಾಸ್ ಮನೆಗೆ ಲಾಯರ್‌ ಜಗದೀಶ್ ರೀ ಎಂಟ್ರಿ ಆಗ್ತಾರೆ ಅಂತಾ ಫ್ಯಾನ್ಸ್ ಮಾತಾಡ್ಕೊಂಡಿದ್ರು.. ಆದ್ರೆ ದೊಡ್ಮನೆಗೆ ಸರಿಗಮಪ ಖ್ಯಾತಿಯ ಹನುಮಂತ ಲಮಾಣಿ ವೈಲ್ಡ್‌ ಕಾರ್ಡ್‌ ಮೂಲಕ ಎಂಟ್ರಿ ಪಡ್ಕೊಂಡಿದ್ದಾರೆ.. ಇದ್ರಿಂದಾಗಿ ವೀಕ್ಷಕರು ಕೂಡ ಖಷಿಯಾಗಿದ್ರು.. ಜಗಳದ ಗೂಡಾಗಿದ್ದ ದೊಡ್ಮೆನೆಯಲ್ಲಿ ಸಂಗೀತದ ಅಲೆ ಶುರುವಾಗುತ್ತೆ.. ಇವರ ಬಾಯಿಂದ ಸುಂದರ ಹಾಡುಗಳನ್ನು ಕೇಳುವ ಅವಕಾಶ ಸಿಗುತ್ತೆ ಅಂದ್ಕೊಂಡಿದ್ದರು. ಆದ್ರೆ ಹನುಮಂತ ದೊಡ್ಮನೆಗೆ ಎಂಟ್ರಿ ಕೊಡ್ತಿದ್ದಂತೆ ಬಿಗ್ ಬಾಸ್ ದೊಡ್ಡ ಜವಬ್ದಾರಿಯನ್ನೇ ಕೊಟ್ಟಿದ್ದಾರೆ.. ಇದೀಗ ದೊಡ್ಮನೆಗೆ ಯಾಕಾದ್ರೂ ಬಂದ್ನೋ ಅಂತಾ ಹನುಮಂತ ಅವರಿಗೆ ಅನ್ನಿಸೋಕೆ ಶುರುವಾಗಿದೆ..
ಹನುಮಂತ ಹಳ್ಳಿ ಹುಡುಗ.. ಸಿಟಿ ಲೈಫ್‌ ಗೆ ಬೇಗ ಅಡ್ಜೆಸ್ಟ್‌ ಆಗೋದು ತುಂಬಾ ಕಷ್ಟ.. ಹನುಮಂತನಿಗೆ ಅಲ್ಲಿನ ಐಷಾರಾಮಿ ವ್ಯವಸ್ಥೆಗೆ ಹೊಂದಿಕೊಳ್ಳಲು ಕೆಲ ದಿನ ಬೇಕು. ಆದ್ರೆ ಬಿಗ್ ಬಾಸ್ ಬರ್ತಿದ್ದಂತೆ ಕ್ಯಾಪ್ಟನ್ ಪಟ್ಟ ನೀಡಿ ಅವರನ್ನು ಇಕ್ಕಟ್ಟಿಗೆ ಸಿಲುಕಿಸಿದ್ದಾರೆ. ಹನುಮಂತ ಗೆ ಬಂದ ದಿನವೇ ಕ್ಯಾಪ್ಟನ್ ಪಟ್ಟ ನೀಡಿದ್ದಾರೆ.. ಬಿಗ್ ಬಾಸ್ ಮನೆಯ ನಾಯಕರಾದ ಹನುಮಂತ, ಮನೆ ಸದಸ್ಯರಿಗೆ ಜವಾಬ್ದಾರಿ ಹಂಚಲು ಸ್ವಲ್ಪ ಹೆಣಗಾಡಿದ್ದರು. ಆ ನಂತ್ರ ತಮ್ಮ ಸುಂದರ ಕಂಠದಿಂದ ಒಂದು ಹಾಡನ್ನು ಹಾಡಿ ಮನೆಯವರನ್ನು ರಂಜಿಸಿದ್ದರು. ಆದ್ರೆ ಇಂದು ಬಿಗ್ ಬಾಸ್ ಮನೆಯಲ್ಲಿ ಸ್ಥಾನಕ್ಕಾಗಿ ಪೈಪೋಟಿ ನಡೆಯಲಿದೆ. ಹನುಮಂತ ನೀಡಿದ ಸ್ಥಾನವನ್ನು ಬಿಗ್ ಬಾಸ್ ಸ್ಪರ್ಧಿಗಳು ಒಪ್ಪಿಕೊಳ್ತಿಲ್ಲ. ಅವರ ಜಗಳ ನೋಡಿ ಹನುಮಂತ ಕಂಗಾಲಾಗ್ತಾರೆ.
ಹನುಮಂತ ಕೊಟ್ಟ ಸ್ಥಾನ, ಬುಗಿಲೆದ್ದ ಅಸಮಾಧಾನ ಎನ್ನುವ ಶೀರ್ಷಿಕೆಯಲ್ಲಿ ಕಲರ್ಸ್ ಕನ್ನಡ, ಬಿಗ್ ಬಾಸ್ ಪ್ರೋಮೋ ಪೋಸ್ಟ್ ಮಾಡಿದೆ. ಹನುಮಂತ ಚೈತ್ರಾರವರಿಗೆ 13ನೇ ಸ್ಥಾನ ನೀಡಿದ್ರೆ, ಭವ್ಯ ಗೌಡಗೆ 7ನೇ ಸ್ಥಾನ ನೀಡ್ತಾರೆ. ಇನ್ನು ಧರ್ಮ 9ನೇ ಸ್ಥಾನದಲ್ಲಿದ್ರೆ ಅನುಷಾಗೆ 8ನೇ ಸ್ಥಾನ ನೀಡಿದ್ದಾರೆ. ತ್ರಿವಿಕ್ರಮ್ ಗೆ 12ನೇ ಸ್ಥಾನ ನೀಡಿದ್ದು, ಮೊದಲನೇ ಸ್ಥಾನವನ್ನು ಶಿಶಿರ್ ಗೆ ನೀಡಿದ್ದಾರೆ. ಈ ಸ್ಥಾನ ಬಿಗ್ ಬಾಸ್ ಮನೆಯವರನ್ನು ಅಸಮಾಧಾನಗೊಳಿಸಿದೆ. ನನಗೆ ಯಾಕೆ ಈ ಸ್ಥಾನ ನೀಡಿದ್ರಿ ಎಂದು ಒಬ್ಬರಾದ್ಮೇಲೆ ಒಬ್ಬರಂತೆ ಪ್ರಶ್ನೆ ಮಾಡ್ತಿದ್ದರೆ, ಹನುಮಂತ ಗೊಂದಲಕ್ಕೆ ಒಳಗಾಗ್ತಾರೆ. ಯಾರಿಗೆ ಉತ್ತರ ನೀಡಬೇಕು ಎಂಬುದು ಅವರಿಗೆ ತಿಳಿಯೋದಿಲ್ಲ.
ಬಿಗ್ ಬಾಸ್ ಮನೆಯಲ್ಲಿ ಗಲಾಟೆ ಹೆಚ್ಚಾಗ್ತಿದ್ದಂತೆ ತಲೆಮೇಲೆ ಕೈಹೊತ್ತು ಕುಳಿತುಕೊಳ್ಳುವ ಹನುಮಂತ, ಇಷ್ಟೆಲ್ಲ ಗಲಾಟೆ ಆಗುತ್ತೆ ಅಂತ ತಿಳಿದಿದ್ದರೆ ನಾನು ಬರ್ತಾನೆ ಇರ್ಲಿಲ್ಲ.. ಅಷ್ಟೇ ಅಲ್ಲ, ನನ್ನ ಕ್ಯಾಪ್ಟನ್ಸಿ ಕ್ಯಾನ್ಸಲ್ ಮಾಡಿ ಅಂತಾ ಹೇಳಿದ್ದಾರೆ.. ಇದೀಗ ವೀಕ್ಷಕರು ಮುಗ್ದ ಹನುಮಂತನ ಪರ ಬ್ಯಾಟ್‌ ಬೀಸಿದ್ದಾರೆ..
ಈ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಕಾಮೆಂಟ್‌ ಗಳ ಸುರಿಮಳೆಯೇ ಬರ್ತಾ ಇದೆ.. ಹನುಮಂತ ಮುಗ್ದ. ಬಿಗ್ ಬಾಸ್ ಮನೆಗೆ ಕರೆಯಿಸಿ ಅವರ ಮುಗ್ದತೆ ಹಾಳು ಮಾಡ್ಬೇಡಿ ಎಂದು ಕೆಲವರು ಮನವಿ ಮಾಡಿದ್ದಾರೆ. ಇನ್ನೂ ಕೆಲವರು ಹನುಮಂತ ನೀಡಿದ ಸ್ಥಾನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅವರ ಯೋಗ್ಯತೆಗೆ ತಕ್ಕಂತೆ ಹನುಮಂತ ಸ್ಥಾನ ನೀಡಿದ್ದಾರೆ.. ಬಣ್ಣ ಹಚ್ಚಿಕೊಂಡು ನಾಟಕ ಮಾಡುವ ಜನರ ಮಧ್ಯೆ ಹಳ್ಳಿ ಹುಡುಗ, ಮುಗ್ಧ ಹನುಮಂತನಿಗೆ ಬೆಲೆ ಇಲ್ಲದಂತಾಗಿದೆ ಎಂದು ಮತ್ತೊಬ್ಬರು ಕಮೆಂಟ್ ಮಾಡಿದ್ದಾರೆ. ಜಗದೀಶ್ ಅವರನ್ನೇ ಬಿಡದ ಸ್ಪರ್ಧಿಗಳು, ಹನುಮಂತನನ್ನು ಬಿಡ್ತಾರಾ, ಪಾಪದ ಹನುಮಂತನನ್ನು ಬಲಿಪಶು ಮಾಡೋ ಪ್ಲಾನ್.. ಹನುಮಂತ ಅವರಿಗೆ ಇನ್ನೂ ಮನೆ ಬಗ್ಗೆ ತಿಳಿದಿಲ್ಲ. ಈಗ ನಿಮ್ಮ ಬಿಲ್ಡಪ್ ಅವಶ್ಯಕತೆ ಇಲ್ಲ ಎಂದು ಬಹುತೇಕ ವೀಕ್ಷಕರು ಸ್ಪರ್ಧಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಮುಗ್ಧ ಜೀವಿ ಕರೆದುಕೊಂಡು ಹೋಗಿ ಮೃಗಗಳ ಮಧ್ಯೆ ಬಿಟ್ಟ ಹಾಗಾಗಿದೆ.. ಕುರಿಕಾಯುವ ಹುಡುಗನನ್ನೇ ಕುರಿಮಾಡಿ ಕಟುಕರ ಕೈಗೆ ಬಿಟ್ಟಿದ್ದಾರೆ ವಾಹಿನಿಯವರು.. ಇದು ಎಷ್ಟು ಸರಿ.. ನಿಮ್ಮ ಬೇಳೆ ಬೇಯಿಸಿಕೊಳ್ಳಲು, ಟಿಆರ್‌ ಪಿ ಜಾಸ್ತಿ ಮಾಡಿಕೊಳ್ಳಲು ಮುಗ್ದರ ಲೈಫ್‌ ಹಾಳು ಮಾಡ್ಬೇಡಿ ಅಂತಾ ಕೆಲವರು ಕಾಮೆಂಟ್‌ ಮಾಡಿದ್ದಾರೆ.. ಮತ್ತೆ ಕೆಲವರು ಚೈತ್ರ, ಮಾನಸ ಗೆ ನಮ್ಮ ಸುದೀಪ್ ಸರ್ ಮೇಲೆ ಗೌರವ ಇಲ್ಲ ಇನ್ನೂ ಹನುಮಂತ ನ ಬಿಡತ್ತಾರಾ ಪಾಪದ ಹುಡುಗ ನ ಕಳಸಿದೇ ತಪ್ಪು ಆ ಮನೆಗೆ.. ತೋಳಗಳ ಮಧ್ಯೆ ಕುರಿ ಬಿಟ್ಟ ಆಗಿದೆ ಹನುಮಂತನ ಪಾಡು.. ಅಂತ ಹೇಳಿದ್ದಾರೆ.
